YannieChow3701's Profile

太子分店成日幫襯，屯門分店就第一次去，後悔無睇吓openrice先，安排入座方面真係好差😦去到第一件事問咗有冇bb櫈先排隊，到職員（男）登記人數，再提佢需要bb櫈，亦見到佢mark低咗。隔咗一陣職員（男）問我哋係咪會照排隊等呢？因為前面有張6人枱啱啱入座，我哋前面仲有一張6人枱，我哋要等而家呢張枱食完，再到前面張6人枱食完，先至到我哋 （心諗：吓？咁大個場得一張6人枱咩？都唔係丫，左邊有3-4張大枱喎！右邊2人4人枱都一樣可以拍埋變6人丫，睇餐廳會唔會拍枱嘅姐！我哋決定唔緊要，照等一陣睇吓點啦，因為見右手邊啲2人4人枱都開始食甜品）（睇咗其他食評，其實佢哋係咪唔歡迎大枱？加上職員講到要等兩輪，好似唔想我哋等咁）不過再排左20分鐘左右，職員（男）話左邊有張大枱，但係比較熱，不過都有風機，如果唔介意就可以入座，仲比我睇吓張枱o唔ok先，（睇嘅時候，已經擺好位，bb櫈都已經放好咗），我哋睇過就話無問題！係排隊位置再等咗2-3分鐘左右，職員（男）就話可以入座啦，不過唔好意思，無bb櫈，我即刻問佢頭先都擺好係度，咁突然無咗？佢先承認係佢自己出錯，張bb櫈拎咗去比另一位客人，所以無bb櫈比到，叫我哋唔好介意bb坐sofa丫，我話介意呀，你睇佢得10個月，無bb櫈佢點坐到sofa？椅同枱之間仲咁大個窿！但係呢位安排入座嘅職員話有張枱埋緊單，十分鐘左右拎張bb櫈比我哋，咁我哋都接受，等一陣啦！結果十分鐘過去…二十分鐘過去…當然就係無比bb櫈我哋啦，到我問場內職員（女）有bb櫈未呢？職員當然都係話無bb櫈啦！我問佢又話有人埋單，十分鐘左右比張櫈我嘅？佢好愕然話bb櫈保證唔到時間幾時比我，同埋幫我睇過情況都要一個鐘左右先有bb櫈，因為全部都係啱啱開始食。（吓？咁頭先話埋緊單個張bb櫈呢？又拎咗去比咗第二位客人？錯完一次再錯第二次？）職員（女）全程都好好禮貌，亦好盡力去幫我哋睇吓個場有冇櫈，但都係無（有唔通唔比我用咩），同埋幫我排隊。我問佢：而家先排隊？（我相信佢唔知道入座時同事應承會比bb櫈我嘅事）結果我要開名同職員（女）講，係你個位同事「職員（男）」係入座時話人哋埋緊單比bb櫈我，而唔係我而家先排隊，我唔係打尖，亦唔係突然間話要bb櫈，或者麻煩你幫我問返佢啦！其他人可能唔知我入座前已經排緊。呢個時候見到職員（女）眼都瞪大埋繼續保持笑容同我哋道歉，我哋都明白哂，佢真係好盡力去為佢同事補鑊，而做錯野嘅職員（男）係一直都迴避我哋！老公話算數喇，無就由佢啦，無謂食餐飯都要爭櫈仔，反正當時bb已經搞到sofa成櫈都係粥仔 都係要抹㗎啦，唔好同人爭櫈仔啦！Ok咁就算啦！但係後來職員（女）拎咗bb櫈比我哋，多謝佢真係有心去幫客人處理同解決問題，我哋終於可以食埋半餐飯，而bb坐櫈櫈用咗20分鐘左右食埋啲粥仔就即刻比返張bb櫈餐廳成件事，所有職員都係好好禮貌嘅，只有安排入座個位職員做得唔好，做錯嘢又迴避唔承認，說好會安排返亦無做到！咁大間餐廳得2-3張bb櫈？未試過去一間餐廳想要張bb櫈都搞到咁，仲要bb一食完粥仔就要即刻還櫈，好似我哋欠咗佢咁…食物其實都係港式西餐，味道係合格嘅，羊架就無乜味同太un，甜品係最出色嘅，玫瑰咖啡好飲，性價比都係高嘅，不過如果要排太耐隊其實就唔值得啦！由於無bb櫈，我哋手忙腳亂去控制bb唔好跌落地下，食物相無影到，最後淨係影咗二人餐個甜品🧇…Read More

聖誕節後的假期出去試吓新餐廳，見餐牌有假日午餐，有幾款意粉選擇，包括餐包、餐湯及餐飲，一個餐都是$200內便試一試。兩位用餐，因此點了兩份午餐，但只係比咗一個餐包及一碗餐湯，向服務員提出還欠一份餐包及餐湯，服務員說等下便會出…意粉來了，但另一份餐包及餐湯還未到，服務員依然叫我們等等…意粉的賣相不俗，味道也不錯，但用叉吉起原來只得兩啖，份量小得可憐，連細食的女生都覺得小得有點離譜。正當討論應否向服務員提出時，其餘有兩桌客人都向服務員反映意粉的份量，看來不只我們覺得份量小得過份。意粉吃完了，我們正思疑是否一份午餐跟一個餐包及一碗餐湯？還是兩份午餐才有一個餐包及一碗餐湯呢？但我們點的可不是情侶二人餐呢！第三次向服務員詢問消失的餐包及餐湯，終於都幫我們跟一跟了餐牌上指餐飲轉咖啡+$10，於是便加錢轉咖啡了，結帳時帳單卻是+$18，一問之下原來+$10是指定的一款，而非咖啡類別一欄呢，下單時服務員沒有提及，不過算了，捉字蝨的都是常事總結賣相及味道是不錯的，可惜太姑寒，意粉份量太少，連餐包及餐湯都慳，正常食量的建議要三思喔…Read More

中學時經常同同學一齊去食lunch，每次都叫2-3餸，腩肉雞翼豆卜是必點的！今天因為不餓，又想吃多一點腩肉，所以就點了小鍋米線+一餸，但竟然只有4小塊腩肉，比起以前縮水不少，有點姑寒，湯底已沒有以前濃郁…Read More

一行6人，先叫一客桶蠔，同三客2人前，可選配飯/烏冬，大家都喜歡烏冬就6份烏冬啦🤤上菜時，店員會擺好問需唔需要影相先📷有2隻蛋，3碗烏冬，1份野菜，1盒6片和牛，感覺份量好小，6個人真係夠食？跟住店員就會用綿花糖同壽喜燒汁開鍋煮肉，視乎客人喜好，控制生熟程度🥓「不過叫咗三客2人前都仲要三個人share一隻蛋就有啲唔衛生，牛肉亦每人只得一片，咁$899x3嚟講都幾貴！」煮哂和牛，店員就放好野菜同烏冬比大家慢慢享用。由於每人食得一片和牛，當然唔夠食，所以再追加咗串燒，而串燒會有爐慶住保持溫度🍢可以飲吓酒傾吓計到咗呢個時候，終於有人提出，三個2人餐先得6片肉，蛋又得2隻，野菜得1碗，只有烏冬符合6人份量喎！眼見隔離枱2位食客，都係一盒6片和牛，一碗野菜同一人一隻蛋，只有烏冬係一碗，咁相比之下我哋叫三客咪好唔抵，只係多2碗烏冬….追加飲品時，同行友人詢問店員，我哋都點咗6人份量嘅餐，如果下次光顧，其實可唔可以安排到每人一隻蛋嘅呢，而和牛亦得一盒，都想知道隔離枱叫嘅係咩餐，至少每人可以食到三片肉，會滿足一點喔！店員竟然指，2人前係有2隻蛋，如果我哋叫三客2人前係會有6隻蛋，和牛亦都會係三盒的喔！E…但我哋只有一盒和牛同2隻蛋，咁烏冬三碗是否6人份呢？是的！然後另一位店員幫忙翻查記錄，原來只係幫我哋落咗一客2人前😯真係奇怪，烏冬又識得跟返三客，唯有又再次上菜，呢轉食得好急趕，無得好好enjoy由於要重新上菜，原定90分鐘要還枱，食到超時，埋單亦收多咗錢要改單，令下一組booking的客人等咗我哋好耐🙏🏻最後，大家要記得check單喔！因為除咗套餐價錢，額外收多咗我哋4客烏冬同4隻雞蛋🥚另外，我哋遇上天花不停滴水，滴落枱再彈到友人同食物濕咗，店員指蒸氣導致，並無打算作任何處理，叫我地三人迫埋坐兩個位，食物唔好擺附近，比幾張紙巾鋪住擋吓（咁不如比件雨褸😂）…Read More

朋友懷孕中，行完街揀間餐廳舒舒服服坐低食飯傾下計，一入去坐低，店員見狀立刻提出幫朋友換杯暖水，後來加水亦有主動加暖水，服務非常之細心。因在我們沒有要求的情況下，店員都主動提供細心的服務，令我們十分滿意。點了一個套餐，包括兩個主菜，一個小食，及2杯飲品。主菜點了燒春雞意大利飯及西冷牛扒，小食點了黑松露薯條。意大利飯做得比較淋，雖然不正宗，但口感適合我們，春雞皮脆肉嫰。牛扒則較為一般。埋單都係$300左右，非常抵食！這價位來說味道及份量都十分滿意了。…Read More

原定打算星期六晚去試吓，於是打電話去訂座，第一次打去響咗十零秒有人拎起聽筒便立即cut線，可能是錯手便再打多一次，又係立即拎起聽筒再cut線。所以放棄了勞動節行經餐廳見不用等位就入去試試！點了一份沙律，不過不失，份量比較少。點了一份任食薯條牛扒餐，牛扒一般，薯條配黑松露醬幾好食，不錯，所以添加了一次，另外再點了啤酒來配薯條，用餐之後有點口渴，要喝大量水。雖然食物還可以，但服務態度差，所以不會再去了。…Read More