通街食大叔's Profile

太耐冇去旅行，特別掛住日本同韓國嘢食！早兩日入屯門送貨，見到屯市有間烤雞店，就決定入去一試。店舖唔算大，座位只有四十多個！一入去，店員就主動介紹星期一到五有抵食lunch set，有飯、面，烤雞，任你選擇👍🏻所以服務態度正常！今日唔算肚餓，所以就叫咗一個Lunch set，會附送魚糕湯、沙律，仲會送汽水或熱茶！整體來講， lunch set份量都多，尚算扺食！決定下次再叫烤雞試試😆因為都幾多人叫，賣相唔錯！不過當日天氣太熱，就額外叫咗一杯藍橙沙冰，賣相吸眼，份量都多。…Read More

在觀塘區，很多食店都隱藏工廈內。要搵食，就要識啲門路。經朋友介紹，今日我同太座就去到駱駝漆大廈嘅呢間餐廳。餐廳裝修簡潔，木紋嘅廳枱加上天花垂掛嘅綠葉，人坐其內感到大自然氣息。我地隨意叫左幾個菜，包括比目魚黑松露天使麵 - 煎香左的比目魚混合黑松露獨有的香味，吃一口天使麵，你會感受到香氣從口内滲出， 是必吃之選 西班牙黑豚肉拚赤蝦 - 嘩！賣相吸引，厚切的黑豚肉肉質柔軟。而大大隻的赤蝦肉質稍為"削"少少，但整体不俗。另一道傳统的香煎法式鵝肝 - 惹味甘香，外脆內軟，入口即溶 再來一客甜品雜莓窩夫 - 軟绵煙韌的窩夫配上兩球芒果雪糕，一熱一凍，口感豐富，係餐後唔錯嘅甜品。最後一提係佢地嘅櫻桃果粒花茶 - 茶湯滲透着一股迷人果香，令太座愛不釋口 …Read More

平時各有各忙，今日终於夾到7点可以同太座一齊食晚飯。係文蔚街内左搵右問先来到聚滿坊，入面幾乎坐滿人。如果冇book位，真係只可以望門輕嘆 坐定後，就望吓隔離左右食咩，我地照樣order左個餐。套餐有鮑魚、瀨尿蝦、基圍蝦、花蟹、生蠔、鲮魚肉同黃立倉等等。睇落樣樣新鲜，蝦同蟹仲郁郁吓 除左食材新鲜，店員態度友善又熱心，係適當時候仲會過來提醒你邊樣熟可以食先。而當你食得八八九九時，店員又會來加粥膽，用之前既海鮮粥底加入花蟹，煮出来嘅粥是非常鮮甜 這個二人套餐看落份量不多，但吃埋碗粥後就岩岩好。外邊粥底火鍋有好多，但吃到有咁新鲜的食材確係唔多，加上價錢適中，不妨一試！…Read More

日前同太太行經開滿酒吧嘅赫德道，驟眼所見都係拎住酒杯談天說地嘅人。由於接近晚飯時間，我地就隨意入左一間！餐廳分上下兩層，下層門口放住一個啤酒桶，而且有個大螢幕電視播住足球比賽。可能時間尚早，就未見有客人就坐。沿住樓梯去到上層，馬上就有waiter上前招呼我地。環顧四周，近門口有一個典型酒吧枱，而另一邊就係一個放滿夾band樂器嘅小型舞台。舞台後面仲有一張桌球枱！睇睇餐牌，我地先叫左兩個龍蝦湯。我同太太一向愛食龍蝦，所以飲湯食肉係理所當然嘅！橙黃色嘅湯透著濃濃嘅龍蝦味，再夾雜住彈牙嘅龍蝦肉，每飲一啖，都令停唔到！之後就叫左一個帶子煙肉蘆筍扁意粉，賣相比較普通。幸好意粉煙韌有咬口，帶子亦尚算鮮嫩爽口，而且仲有三大粒。黑松露比薩一上枱，真係嘩左一聲！唔單止分量夠大，成分仲唔簡單，有野菌、莫薩里拉芝士、白松露油、洋蔥、火箭菜同俄勒岡。黑松露香撲鼻，又足料，兩個人食真係夠哂飽！最後，黎到酒吧無理由唔飲返杯紅酒，聽下live band。不過自問對酒唔熟悉，所以叫待應介紹一下，最後點左杯有果香嘅紅酒，甜甜地又容易入口，邊飲邊聽band，不愧為一個享受！…Read More

大閘蟹當做，所以收工就同老婆去左食呢個時令套餐"江蘇大閘蟹"。一開始先上帶子羹，帶子唔大而且只有一人只有2小隻，味道仲偏咸。燒肉尚算皮脆，肴肉香口，但略嫌份量太少！普通之作，味道亦過咸。主角終於黎喇！不過膏少唔新鮮，真係失望，不談也罷。好彩最後都有驚喜之作，臘味飯食落非常甘香，師傅將臘腸切到雞碎咁細粒，灑係飯面，同往常一般切片或者半條上唔同。就係呢個分量，令食得有伕欲罷不能嘅感覺，的確幾正！最後黎到甜品，紅棗糕甜度適中，而且口感煙韌充滿紅棗香，值得一讚。…Read More

一向對韓燒、串燒興趣不太，因為無幾多間燒到好食。但今日比個女拉左去旺角食宵夜，就發現左呢間串燒店。店內氣氛都幾熱鬧，而食客就以年青人為主。我地見到Meun有唔少必食推介，所以就隨便點左幾個。最值得推介係燒黃立倉魚雖然唔大，但可以做到皮脆肉嫩，而且味道岩岩好，好似有家嘅感覺而鰻魚味道濃郁，但燒得有啲燶同有少少腥味，認真嘥左！如果花多少少時間係醬汁上去解除腥味，應該會更加好。燒扇貝就不過不失，都幾鮮新，而且好多芝士，好足料，所以呢個價錢都抵食。而呢個招牌蒜蓉燒茄子就無太大驚喜，蒜蓉味的確好濃郁，但油左少少。大叔我平時我只係飲啤酒多，但原來飲Apple Cider同串燒都幾夾！…Read More

呢個雪糕店係Halloween又推出左夜間限定嘅螢光雪糕，不過我就真係唔會再試喇！之前係呢頭附近見完客，見到Poster啲雪糕賣相幾靚，就去買個試下。排到去order時，得反pool 排左成3.4個字，咪買杯試下！店員問我要唔要食得紙，要埋囉，即管睇下係咩家科！店舖好細，有個bar枱，但只夠4個人用，好好彩我拎完雪糕，咁岩有人走，我就有個位。上面有個大大粒嘅綿花糖，得糖味同燶味 而雪糕上面戈3個動物(企鵝、海獅、海豚)同杯出面嘅紙，就係食得架喇，但係一啲味都無，口感好似食左啲麵包底紙咁  Blue Moon Icecream就有好淡波子汽水嘅味，無咩特別！最後要講係曲奇杯略為厚同硬，難咬之如食完仲好口渴。對我呢啲大叔黎講真係食一次就夠哂！…Read More

今日同老婆出旺角睇戲，就醒起佢話想去食茶木個麵包雪糕。因為個女講到好好食，又話好多人排隊，所以就去潮下聖去到門口就見到真係好多人等緊，拎左飛仲要大約要等40分鐘先入得等戈到比較熱同迫，所以都去行左一陣先上去。今次揀左"脆皮草莓心太軟磚塊"。賣相好似一個箱，厚多士成個表層都有烤過，到左中間部分既麵包就切粒加蜜糖再烤，食落好香脆、甜甜地，再配埋雪糕一齊食，又凍又熱真係幾得意。難怪咁多年青人都咁中意食。不過我自己就覺得個多士表層比較硬同乾，唔點雪糕一齊食，就無咩味！而且入面切粒烤嘅麵包份量得6粒，可以多幾粒會比較好！…Read More

近年旺角黑布街開得愈來愈多甜品店，大部份嘅賣相都非常精緻。而呢間係門口排隊嘅人特別多，多數以年青人為主。我相信一定過人之處，反正見完客有時間，就去食下甜品，放鬆下！拿破崙份量比相像中大，而且賣相吸引，色彩繽紛，有熟而香甜嘅芒果，再有紅色薄糖同入口即溶嘅餅點綴。味道雖然普通，但值得一讚係酥餅非常鬆脆，富有牛油香！要Share比親朋好友時就要小心，唔係一砌就會有好多碎碎彈出黎反而吉士醬太多，令整體味道比較甜，會有少少膩。本來都想試下人氣高嘅Test Tube，但味道實在較為新奇，唯有留返下次同親友一齊黎先開心share試下！…Read More

今日心血來潮想去食中菜，問問朋友，就介紹左銅鑼灣嘅盈福小廚比我。收工之後過去，大約7:30入面已經好多人，由於無預先留位，唯有係出面等等。因為只係兩個人食，好在都只係等20分鐘左右就入得。不過入面唔係話好大，無預先留位就要等得比較耐喇！周圍望下睇下啲人叫咩食喇，見到差唔多每一枱都有叫雞， 而店員都又極力推介，所以都叫左半隻試下。當初以為半隻份量會好少，但原來都足夠兩個人食。雞嘅肉質鮮甜嫩滑，瑤柱足料，砌碎鋪面，的確係好吸引可惜係瑤柱味未能滲入雞肉之中，唔夠濃郁。店員就拎到黎時，已經聞到黑松露氣味，實左令人流哂口水而帶子同蝦球各有四大隻，底部就放滿西蘭花。帶子蝦球新鮮爽口，每食一口，都可以都充滿黑松露味，呢個值得一讚但份量的確較為少！最可惜係豬肺湯杏汁燉白肺一早售罄，原來係需要預訂，希望下一次黎有機會試到。…Read More

聽人講黑鐵屋嘅麵唔錯，話佢係老牌麵佬嘅後人開。今日同個客路過呢到，就抱住踩場心態入去試試。雖然地方唔算太大，但裝修尚算雅致！入座坐定就叫左碗店員推薦嘅"赤兵衛"，碗麵上枱之後，賣相不俗，而且配料豐富，果然如Meun的相一樣。拉麵食落煙韌，而叉燒肥瘦中，咬落去肉汁滿口，配住濃湯一齊食，簡正一流而我喜愛嘅流心蛋，亦無令我失望。唯一美中不足嘅係湯唔夠熱，但都值得再去捧場。…Read More