siusongyee's Profile

朋友介紹太子有間新開既cafe幾好食，咁今日就同幾個朋友去試下，去到不用等位，我地叫左幾樣野，牛油果沙律、羊架、西冷牛扒、明太子櫻花蝦意粉……不得不說個羊架，一啲都唔羶仲好淋，個牛又係一啲都唔韌，好juicy ，第一次食西班牙凍湯蕎麥麵都幾得意，夏天食一流，其他小食沙律都唔錯，每樣野都有驚喜，仲有去之前係ig 見到有杯蝶豆花lemonade 好吸引，紫色好靚，打卡一流😂味道當然都唔錯啦！今日所食既野絕對可以有下次😬…Read More

疫情關係較少外出食飯，所以出得去食都想搵間好食既唔想中伏，經朋友介紹所以去試一試，一去到餐廳俾我感覺好舒服，唔會有壓迫感，雖然呢到有酒飲但唔會覺得好嘈好雜，我地4個人叫左3set晚餐再加其他野，豬牛羊各一，豬肋骨配bbq醬好惹味唔靭，羊架開頭都怕會好酥，所以平時都較少食，咁叫左都要試下，一食有驚喜唔會好酥又淋，慢煮牛見紅紅地以為好生，食落一啲都唔腥，配個藍芝士醬好食都不得了，本身我係特別鍾意食牛😆😆一定會再去幫襯，必定再食個慢煮牛，因為我覺得真係好好食！！…Read More

近排公司附近開左間新cafe，見到個裝修都好靚，成日經過都想試下，但lunch成日都爆場，又限聚唔可以一齊坐，唯有外賣，今日就同啲同事試下啦，我order左個下午茶（黑松露炒蛋牛角包配藍莓奶酪），啲料已經好多，但都俾個巨型牛角包遮晒😂😂藍莓奶酪我就好鍾意，因為飲落好清新同埋唔甜，同事就叫左個下午茶（牛油果沙律配Americano ），沙律望落個樣已經好吸精好新鮮（啱晒生酮中既同事），絕對可以再有下次**窩心小店幫我地寫埋名分好晒**…Read More