艾麗嘉's Profile

工作忙碌下喺openrice睇仲有邊間可以平安夜book枱，就咁，誤打誤撞黎左呢度喇！懶到，照叫佢個聖誕餐，估唔到誤打誤撞下，都黎到一間CP值高嘅餐廳。閨蜜好鍾情麵包，佢個餐包係熱上，鬆軟嘅麵包展開序幕。佢個餐湯味道不過不失，但見到原隻蝦喺個湯上面，覺得幾精緻。前菜仲有個蟹餅，好香口，炸出黎啱啱好，連配菜嘅菜絲都輕輕炸過下。main course分別叫左龍蝦意粉同羊架。羊架叫左五成熟，肉質唔差，唔太羶。龍蝦意粉個汁好好味，龍蝦都好鮮味。甜品係肉桂蛋糕，比較甜，但都算唔錯。有機會會再黎食。…Read More

其實原本唔係諗住去呢間度食， 誤打誤撞竟然有驚喜。之前佢同一品牌嘅鋪頭食覺得好唔掂， 但今次去到呢度叫咗個慢烤肥雞， 同埋紅酒乳鴿， 係冇諗過咁好食。先講隻雞， 考完出嚟相信juicy， 冇乾爭爭嘅感覺。呢半隻雞都唔細， 我哋食完已經6成飽。之後再上紅酒乳鴿， 非常入味，肉質豐腴，令人非常滿足。我諗呢一間舖令我對呢個品牌有所改觀。改觀嘅唔只係食物質素， 連服務都好好。除咗食物之外嘅題外話， 用餐嗰日我隻耳仔其實好唔舒服， 所以對啲聲音好敏感， 西餐廳多數都會播住音樂。佢第一次畀我張枱因為音樂對我黎講太大聲， 佢哋有換位畀我。但因為我太敏感， 所以已經坐在一個冇咁大聲嘅方向，但都有啲炆， 有職員好貼心， 見到我有啲問嘅情況下，熄咗我頭頂嘅音樂。我都想講sorry，我只係耳患不適，並非你地排不周。但呢度嘅食物質素，真係值得推介。…Read More

放假懶出城，再去呢度tea。上一次放平日，呢度啱啱開，試過都覺得可返兜，男朋友怕熱，話再黎一次。今次叫左餃子烏冬同鰻魚炒飯，仲有冇上鏡小食吉列蠔。餃子炸得香口，皮脆，烏冬質感有咬口，湯底唔太鹹，唔錯唔錯。鰻魚炒飯炒得香，又夠大份，食左半已覺好飽。蠔，唔識對佢評價，因我超鍾意食蠔，只識話好食。今次送罐裝烏龍茶，但點解唔入日本嘢係韓文黎。但我同男朋友唔飲凍飲，問可唔可以換唔凍，職員即刻換，超快手，服務態度好好。呢間嘢食唔錯，真係要搵次食夜晚先。…Read More

今日去開尖咀，之前見佢裝修後推過下宣傳，都會想黎試下，但同期望相差好遠。Set dinner選擇4款，我唔食得牛，4款有2款牛，一款豬，同一款海鮮。同朋友各自點左餐，餐湯得紅湯，真心講句，普通茶餐廳都會有2款湯，呢間嘢咁揼本，竟然慳嗰啲白湯罐頭。佢仲要落得勁辣椒油，啲油令到反光，對唔食辣嘅我黎講真係擺埋一邊算。朋友係咖哩牛，佢話味道好普通，唔可以用好食黎形容，佢個意粉食兩啖已經唔想再食。我係蕃茄焗豬扒飯，第一次食個蕃茄焗豬扒可以冇乜蕃茄味，仲要個炒飯底都冇咩味，清淡到我以為去左出面標榜建康餐嗰啲餐廳。而個焗盤好淺，飯量不多，可能我大食啦～食完已經諗去邊食個甜品填番肚添呀！間嘢裝修超普通，冇咩客，連我坐嗰枱先得4枱人，total5個客。做開F&B back office嘅我職業病發數佢樓面3個人，1個收銀連1個水吧，但係竟然係冇服務，成班人圍喺水吧前。雖然我地有餐飲，但我地叫佢俾熱水杯水唔熱，我唔信水吧冇電熱水撐。真係不值一試。…Read More

今次已經係第2次黎食，第1次係食晚餐，已經好回味，今日試個下午茶先。我本來係要雞絲湯河，但侍應姐姐可能太唔專心，黎左粉絲（嗰片牛肉我朋友放落去）。每次食越南嘢都會食雞絲湯，呢間個湯幾鮮，唔太feel到有味精。朋友的牛肉湯，佢都話幾掂喎！追加小食，蒸粉包同牛油雞翼。蒸粉包味道唔錯，牛油雞翼，個皮炸得都薄，香口。後來自加蝦多士，配埋個醬食真prefect~…Read More

平日都去牛乜嗰啲多，但唔經過都唔知有間，行過見價錢都唔貴咪試下個平嘅先。如果係食肉獸係會OK~啲都幾靚，所以都幾好~我又衰，食晒先記得影相，但都算睇到掛~但出面嘅蔬菜種類唔多，但有青口都算佢啦~我要左豬骨嗰個湯底+蕃茄骨膠原，都唔錯，但係個蕃茄湯底真係打打下杰撻撻。飲品就真係太少選擇，但係見佢有雪糕機都拉番少少分，但如果多啲飲品揀就好。…Read More