erichoup's Profile

街坊介紹, 社企餐廳, 好似幾得意, 落黎試吓. 一入去量體溫, 環境闊落, 唔怕要1.5米距離.坐在近窗位置, 今日個天又好好, 坐好幾舒服.呢排食得肉多, 試個羅漢齊炒麵,呢個羅漢齊炒麵, 5-10分鐘內已上到菜, 非常大碟, 第一啖先試豆腐卜, 無雪藏味, 唔乾身, 軟硬適中, 裡面雪白, 證明新鮮! 其他材料非常足! 鮮菇、 筍、木耳、炸腐竹,  食得出材料係乾淨新鮮! 個炒麵亦脆度適中, 唔肥膩 感覺健康!呢柸黑白奶紅豆冰亦OK, 紅豆係一粒粒, 唔係沙, 絶對可以一粒粒"筆"黎食!性價比超高的社企餐廳, 值得做佢長期捧場客!埋單$66, 性價比超高!    …Read More

朋友告知駱駝漆第三期又開多間食店，據聞Ｄ肉好正，梗係要試吓啦～仲要係最愛既台式餐廳！lunch時間大約１：４５上到去，得幾枱人，一入去就有得座。枱面擺咗幾支試管外型設計既調味粉，好有趣！有芥末味、海苔味。。。。叫咗個鹽酥豬肉飯，跟豬耳，仲有八香果紅茶，等一陣已經有！朋友個麻辣豬肉又香又夠辣！正～！個鹽酥豬咬落去好正哦！裡面＂葉＂製既香料，我說不出是叫什麼，總之好好味吸引，真心想食多幾件！而個金鳳飯好好味呀！八香果紅茶唔會好似Ｄ街邊台式飲品舖咁齋得個甜字，呢度呢杯八香果紅茶堅有茶味！一間餐廳碗飯好味既，整體成個餸菜都唔會差！呢間都確係！由小食，至到雞，至到，都好好味喎！觀塘區少有的好味台式餐飯。個場都花個心思佈置，值得再加分！聽到隔離枱講刈包好好味，下次試埋先！…Read More

九龍城小舖, 睇住佢由舊年唔起眼, 唔知賣乜, 到而家成間好清晰, 好光鮮, 食物質素更加有大進步!今次係幫襯佢呢期新加既西式甜品, 見佢新餐牌有士多啤梨雪糕厚多士、慕士、焦糖燉蛋、班戟、河粉... 今次揀咗士多啤梨雪糕厚多士. 店員表示要等20分鐘, 都OK既. 同朋友傾吓計, 打下機先朋友叫咗個焦糖燉蛋. 上枱好快, OK喎! 好香, 好有蛋既香味, 唔杰唔希唔太濃, 成件事岩岩好! 到我個士多啤梨雪糕厚, 面個雪糕好食! 成3塊厚麵包, 士多啤梨亦好多好夠料! 麵包蜜糖味好香! 成件事等吓都抵既! 如果推介, 我覺得焦糖燉蛋係GOOD! 另外店員亦有禮貎既! 下次會再黎試其他! …Read More

11:30am打去book 3位, 本來book 12:00noon, 但朋友原來未訓醒, 要改1:00pm, 好彩接線既哥哥都好好肯幫我地改上到去原來都幾滿, 好彩book咗位. 好大張好厚既餐牌食物種類好多! 杯裝又有~ 爆丼都好幾款~  好有特色~ 唔係一般日式餐廳見到的~ 可見餐廳有花心設計食物~ 未正式叫嘢食就已送上沙律同麵豉湯, 好好哦~ 我叫咗個海鮮爆丼 , D料好齊! 有三文魚, 吞拿魚, 鮮蝦~劍魚腩~ 仲有兩片up唔出但都好鮮味既魚~ 仲有隻溫泉旦! 四眼哥仔待應上菜快手~ 筷子一掉即刻比對新既我~ 服務好細心喎! 午巿仲要75折~ 本來個丼$11X, 折咗只係$8X, 好抵食!!! 同區第二D日式餐廳一定唔係咁既價! 見到餐牌寫外賣既都只係$4X! 朋友唔介紹都唔知有間咁正既餐廳~ 加油哦~ 繼續支持您地!…Read More

同朋友聚吓, 食完晚飯就轉場食糖水, 搵咗兩三間都好爆, 又唔想食碗糖水都等咁耐, 再搵搵, 遠處望見"口甜舌滑"就行去試一試. 入去是一舖小舖, 無耐就有位哥哥招呼, 牆上看圖點菜~~  今日天氣凍, 試咗個滋潤既木瓜雪耳. 同糖不甩. 木瓜雪耳好清甜木瓜亦好新鮮! 雪耳亦大塊, 無偷工減料喎! 唔會過甜. 一碗先$24正丫!!! 糖不甩皮好煙韌, 都算大粒 $25好抵食! 臨走店員哥哥仲細心提我地拎走隨身物品!  唔洗等位, 服務又好, 價錢又抵, 下次黎開九龍城都可以繼續食呢間!…Read More

收到傳單, 貪得意去吓. 上到去, 兩個人咁高既士兵歡迎你, 有少少嚇咗一嚇. 1:30上去, 1/4滿, 仲有位, 無人第一時間迎接, 算啦, 新餐廳, 都可能人手唔夠. 叫咗個T骨扒, 侍應介紹半成熟. 到菜黎咗, 都OK, 有沙律就無湯... ok la, 都知好多廳廳都係咁., 朋友個青口扁意粉超辣,  我個扒少少燶, 少少UN, 不過都算juicy啦. 聽到隔離枱同侍應反映話D嘢好咸, 我同朋友相討後, 係覺得D味濃咗咁囉. 可能個裝修算幾企理, 所以對食物有D期望.見隔離8人枱有個雪糕加麵包既苞芙, 好似幾靚, 問個侍應係咪加錢定點, 但問咗個侍應兩次, 佢都唔係好理我咁, 覺得少少奇怪, 我朋友再追問佢, 佢答話因為老闆心情好, 所以送比個枱人喎.... 再望隔離二人枱, 又有另一個唔同形狀既苞芙,物體.... 呢個"老闆心情好而送甜品"既答案真係古怪咗囉... 令我覺得間餐廳服務係自己鍾意點就點, 無standard唔professional...  唔一致....算啦, 老闆心情差既時候, 想食嘢? 分分鐘比錢都唔煮比你~…Read More

年尾同朋友聚會, 一行8人, 見facebook有聖誕餐, 就去試吓. . 食物質素OK,   我地分開咗幾次嘢叫, 侍應都好有耐性, 亦友善, 有求必應. 起菜都算快, 唔洗點等,~除咗聖誕餐, 仲叫咗個見多人介紹既脆皮豬手:)  香又唔un, 又唔會太乾, 亦夠味. 食物與過往評價一致, 都係幾好~羊架並半隻焗龍蝦都唔錯, 羊架好香. 龍蝦入味. 做餐廳確實唔容易, 租金又貴, 食物又要維持質素, 又要keep住爆場, 確實唔易. 見佢地既facebook keep住post新料, 宣傳都花咗唔少心思. 聖誕餐出面油尖旺銅一係貴一係爆場無位.呢度聖誕餐$368有咁多嘢食都係誠意價~…Read More