eatallthetime's Profile

賣相唔錯 但食落好普通 唔可以話唔好食 但食完覺得唔係網絡上講到咁出色先講d雞先 都唔鞋口既 正常發揮但只有塊雞皮係有味 皮下面既雞肉就無咩特別 而且雞皮比想像中肥 原本以為似海南雞果種薄皮 但呢種係有一大舊肥膏痴住 有啲影響食慾😅😅 而於個飯 無咩汁 略為遜色 飯既口感亦偏爛 個人不太欣賞食到最底 發現飯盒底部都幾多油 變左油飯咁…結論是 試一次就夠 無咩想回頭既衝動可以話普通燒味飯既水準 但呢個價錢會期望有更高既質素 希望會有改善啦 …Read More

東大街太多好野食 一直無留意呢間賣韓國小食既鋪頭初頭經過覺得係水準麻麻 無咩意欲想試佢但新年後好多鋪無開 唯有比次機會佢啦😂😂點知係有驚喜 ！！落單即叫即做 熱辣辣最值得讚係炸皮夠脆 唔厚粉 岩岩好 而韓式醬汁既調味亦恰到好處 一向好怕太甜太辣既韓式辣醬味 或者係太黏口果款醬🤢 但呢款正正調得好啱香港人口味 我好欣賞😋😋👍👍重點雞肉好嫰滑唔會柴 似係用雞髀嘅部位大家經過真係值得一試 唔會失望 下次要買全份食🤣🤣半份炸雞 $23…Read More

網上見人讚呢間既叉燒出色 果然無失望係巷仔入面 細細間 係平時都唔會留意到既小店😂😂今日買外賣返去試 呀姐好快手 落單比完錢唔洗3分鐘就有得拎👏🏻👏🏻燶邊叉燒食落脆口 我無叫半肥瘦 但瘦既部份肉質都好軟淋 而且調味夠 蜜汁好出 整體係夠晒惹味但食到中途就覺得咸同口渴 要係咁飲水😂😂如果淡返d就完美 飯量就比一般既燒味飯少 大食既可能要叫多飯 而且飯偏淋身 唔係粒粒分明同乾爽果種口感 外賣仲送左枝冰糖雪梨茶 唔太甜 岩岩好解到渴 👍🏻👍🏻…Read More

唔係同層同樓下間大排檔無晒位 都唔會特登入呢間試伏大時大節唔想等 同班朋友入左去食邊爐放顯 揀左M5M8 和牛set $368加一價錢已經偏高 但質素離奇地差 和牛好薄食落口好乾同鞋 同快餐店邊爐d牛肉無咩分別 食左幾片就放棄 全餐飯最正常只有杯雪糕 (有朱古力/咖啡揀）本身都唔期望有幾高質 但收成4舊水一位 咁差劣既肉質真係好無誠意 出面自取既菜同丸 得2-3款 仲要食到中途 得返金菇同豬肉丸 唔refill成餐飯唔知自己食緊乜 食物質素已經差 款式又好少 2個鐘好似食空氣咁 明顯係無心做 只求賺錢當客人水魚離晒譜 無下次！…Read More

身為麻糬控 一直想試呢間既麻糬 但等成個鐘好令人卻步依家熱潮過後唔使排隊 突登過黎試下買左4款味原來所謂嘅味 只係面頭嗰菠蘿皮有味道下面嘅麻糬全部都係一樣😵 失望 菠蘿皮 （1/5） 最無味既一款 伯爵茶 （2/5）面頭既菠蘿皮有少少伯爵茶味下面嘅麻糬係無味😅😅 $10粒黎講真係好無誠意抹茶 （2.5/5）同樣得面頭有抹茶味 稍為比伯爵茶濃少少但食晒成舊麻糬都係無味朱古力 （1.5/5） 同樣朱古力味薄弱總括嚟講唔會再食 貴 質素唔得去買連鎖麵包舖嘅麻糬仲好食….香港最好食嘅麻糬個人推薦梅xxx王 真係好食太多 唔明點解呢間咁多人吹奏 以後真係唔信網上啲食評🤮🤮…Read More

一直係雞蛋仔Fans 原本鍾意食北角xxx /低調xx ，呢兩間蛋香夠，但略嫌太脆口 兼雞蛋仔入面既蛋糕體比例過少，食落感覺好似得個雞蛋仔外殼咁 今次去試蛋香烘焙，原本以為地點會好隔涉 但一落天橋就見到，店舖細細地，離遠都聞到陣蛋香味 叫左一底原味($22)趁熱即場試食 完全好滿意！聞落好香，同食落既蛋香一樣好夠脆度恰到好處，唔會界口加埋一半空心既內餡，絕對係一底95分以上既出色雞蛋仔唯一可能係甜度方面 再減甜多少少會更完美會咁無膩 下次會想試埋黑芝麻同抹茶味 …Read More

一共叫左4樣野1）咖映多士2分 係薄身既方包，多士烘得夠脆， 唯班蘭咖映醬同牛油太少，而咖映醬味道亦較淡口，食不到班蘭味2）馬拉盞通菜3分偏淡，同出面既泰國餐廳比口味較清淡3）喇沙掺掺3.5分 湯底唔算好濃，但都夠椰香味，整體正常發揮4）燒豬頸肉4.5分呢個落單都等左一陣先到，可能係即燒？ 一上到枱聞到好香，燒得夠脆重點係厚切豬頸肉 正呀 估唔到呢樣最出色👍🏻👍🏻唯一要改善係個醬汁，配左個似豆XO既辣醬，感覺同豬頸肉唔太match, 酸辣醬汁會較好…Read More

做野經過，見到openrice 有成20幾個推介菠蘿油 ，就買左個返公司做下午茶 一打開望到個菠蘿包形狀已經奇奇怪怪，好似長方形餐包鋪左層菠蘿皮 唔緊要！ 呢d傳統野最緊要有內涵，又唔係用黎野卡既，好食就得咬落去口感似食緊饅頭，好「漿」口，而且好大陣廉價麵包既味道，街邊2蚊個加左好多添加劑果種🤮🤮 菠蘿皮都完全唔脆，食落得個甜字成個包得塊牛油叫正常，好驚嚇 其實都無預期會係有好高質素，但無諗過係難食到咁，可謂係我食過最難食既菠蘿油…..咬左兩啖直接送入垃圾筒 …Read More

仰大名的629雞蛋仔 由於地點唔太就腳 一直都冇機會黎食 今日咁岩經過新蒲崗 一於試吓期待咗好耐嘅雞蛋仔 分別叫左原味同烏龍茶雞蛋仔 雞蛋仔脆度適中 唔會過淋但食落口麵粉味好重 真係食唔到蛋香味….呢點係非常之失望 🙁烏龍茶雞蛋仔甜度比原味更低 食落口近乎冇甜味加上欠缺蛋香味 只食到陣陣麵粉嘅味道感覺自己似食緊茶味嘅麵包… 本人都唔係好鍾意太甜 但呢個甜度個人認為會令整底雞蛋仔失色總括嚟講原味好過烏龍茶味少少 起碼食到丁點既甜 但蛋香就兩底都食唔出 特登過嚟試 就覺得好失望 比起香港其他出名嘅雞蛋仔 老實說真係差幾條街 😔😔希望只係當日質素差咗 唯有有機會經過再試多次 睇吓係咪真係好似其他人咁講咁好食…Read More