KaManChan3400's Profile

今晚買左外賣回家,倒左少少湯落餃子度,食到最尾個隻餃子,見到餃子有隻黑色蚊滋係度,原本諗住整走佢,但係原來係蚊滋痴住塊皮,大佬吖,做飲食你見塊白色餃子皮有黑色蚊滋你掉左佢喇,又包好到烚好都完全見唔到隻黑色蚊滋？如果我見唔到甘未食埋落肚,救命牙,諗起都好核凸,成兜野即刻掉落垃圾桶,雖然餃子唔差,但真係唔該認真搞下堂食d衛生先,同埋包餃子時個d蚊滋先,另外堂食d菜莆放好係碟先後上比客人,上到枱d菜莆乾都牙媽都唔認得,食左一啖菜莆即刻吐出嚟,今晚食左兜蚊滋餃子,食完搞到我勁不安…Read More

平時都有過開嚟堂食都有少少臭味,但係今日堂食係彌漫著廁所嘅臭渠味一陣又一陣咁,同埋放到勁多紙皮箱亂咁放喺側邊,週圍好濕立立又黐立立嘅感覺,啲凳嘅邊邊又發曬毛有啲黑色,最不安嘅係我食食下嘅時候一路有蚊滋仔喺度飛嚟飛去,最後仲有烏蠅飛嚟飛去,正常餐廳見到都會搞下衛生啦,聽到老闆娘同埋職員係咁問啲人加唔加魚皮,叫唔叫菜食,餐廳衛生做好啲,自然會有人食,預期你咁落力咁叫人哋加魚皮加油菜加野飲咁,不如留返啲精力搞好你哋餐廳個衛生啦,外賣幫襯買魚皮,魚皮已經漏氣有少少淋,自此冇幫襯過魚皮,今次可能喺最後一次幫襯,因為餐廳個環境真係食到我好不安…Read More

最重要燒肉皮唔脆係淋,而個燒鵝係無香味,燒鵝皮唔脆肉係柴柴地,湯底係無乜味勁淡一陣胡椒味,而加錢嘅例湯亦都超級淡味似加水例湯甘,真係唔需要另外加錢叫,只係網上有人推介話例湯好好飲,所以加錢試下,但第一啖飲,心諗咩事,好似茶餐廳送嗰啲例湯咁嘅味道,例湯無限溝水甘嘅味,無需排隊食,坐係我隊面個男人食幾啖就走左,絕對稱唔上好食級別,有圖有真相,可能係灣仔附近街坊先落去食,講堅十分之普通嘅燒味同屋企樓下街市燒味嘅味道差不多…Read More

驚世！！！見一個救一個！！！兩個人食見有人排隊千祈唔好排隊等,排喺你後面四個人可以插你隊先入座,遲過你嚟多過四個人又可以插你隊,門口個位阿姨仲會昆你話有人就起身埋單等多兩三分鐘就入得,結果係流料吹水,絕對無人兩三分鐘埋單,等到天荒地老,等都唔係問題,唔好吹水,我再等後面再有四位嚟,你繼續畀佢插隊,咁我要等到幾時先有得食,絕對冇下一次…Read More

見人哋寫好評經過就試下佢個芝麻糊、大拿拿成30蚊一碗、唔係太甜、但係食落去係比較粗口感嘅芝麻糊、食落口係覺得好“確”喉,芝麻糊好似有啲煮燶咗嘅嗰啲𤓓味、唔好食、但唔係難食、芝麻糊試一次就夠絕對唔會有下次、買咗兩兜兩兜都係食唔曬、真係唔想強迫自己食啲唔好食嘅芝麻糊、唔信嘅各位即管買滿嚟試下、我見到有其他人食評講芝麻糊係唔好食、但話呢間芝麻布甸係好食、如果試嘅話可能試咗佢芝麻布甸先囉、如果想試芝麻糊你係想食粗粒口感嘅就食啦…Read More

下午茶叫咗四拼車仔麵、啲湯得勁少、王子麵好咸林曬發曬嘅、雞翼鹵水味完全唔特別、個味好似平時屋企醃咗嘅雞翼、只係得個大腸叫做夠淋可以食下、但個味道一啲都唔香呀、如果台灣啲嘢食係咁我真係食一次我唔會再食囉、織下午茶連埋加1 七十幾蚊、食完完全唔知道自己食咗啲咩、因為實在太難食我淨係夾硬食咗啲送個面係完全食唔到、所有嘢食都係各自各咁、烚咗啲冬菇通菜掉落去鹵水咗啲雞翼大腸放入去一個超淋嘅面擺入去然後勁少嘅湯、所有嘢個味道都係唔夾、可能佢其他嘢食好食、但呢個四拼車仔麵一定係劣食…Read More