ceciho818's Profile

又飲珍珠奶茶？Nonono！😵太悶喇台式茶飲店嘅選擇其實好多，唔淨只係黑糖鮮奶又或者係水果茶🙄對於鐘意不停追求新鮮感嘅我當然要成日發掘多d創新特色飲品😛今次竟然俾我係貢茶發現左佢～地瓜鮮奶茶🥛地瓜姐係我地香港人叫嘅番薯，本住試一試嘅心態，諗住可能只係加入左香精調味，點知發覺原來係原粒地瓜係底部，連奶茶都有加入地瓜一齊shake,所以成杯係勁香，但唔係人工嘅味道👍好surprise,成杯真材實料，飲到最尾會好飽肚，好抵飲😋…Read More

唔知有冇人同我一樣，都係鍾意飲羅宋湯多過鍾意飲白湯呢？而我就係非常之鍾意飲羅宋湯嘅代表人物，所以我一直以嚟都尋找緊一啲正宗羅宋湯粉麵。🙈今次終於畀我搵到喱間餐廳。有日之間經過嘅時候，見到佢有好多主打羅宋湯底嘅粉麵，於是毫不猶豫咁就入咗去坐低喇。😝羅宋湯魚餅大蝦通粉係我嘅最愛，話明羅宋湯，當然個湯底有好多配菜啦，西芹，薯仔，牛尾呢啲係必需嘅，但個人覺得最重要嘅當然就係香料，先至係提升羅宋湯嘅靈魂嘅精華。😇不過我個人嚟講覺得份量有啲少，如果可以大碗啲或者餸再多就好喇😯…Read More

住喺元朗嘅街坊，都一定知道一間好有歷史嘅過橋麵檔，最出名嘅一定係佢哋嘅霸王雞飯🤑呢個我梗係試過啦，所以今次想試下佢哋晚市先有嘅特色小炒，最後揀咗個花蜜薯仔炒牛肉配白飯，所有嘅出品都係由樓下廚房即叫即炒，所以都要等大約十分鐘。😛但係嚟到嘅時候果然係有啲驚喜，薯仔有先炸過，再加埋有啲半肥瘦嘅肉，連埋一啲青椒洋蔥，食落去真係好香口，簡直係停唔落嚟。😏由於配白飯嘅關係，所以佢嘅調味會偏重少少，但係食落完全唔會過鹹，非常之有水準。睇黎下次來一間食嘢嘅時候除咗霸王雞飯之外，又有另一個選擇啦。😘…Read More

有日喺元朗行街嘅時候，無意中收到張傳單，見到附近新開嘅西餐廳有做優惠，於是就本著試一試嘅心態去咗啦。😀lunch時間大約十二點幾一點，店入面除左兩個職員之外一個食客都冇🙈哈哈包場仲好😚店員殷勤推介咗幾款佢哋嘅固定特色午餐，仲有每日唔同嘅廚師推介。最後左諗右諗都係想食一個最signature嘅All Day breakfast🤗套餐可以揀餐湯或者沙律，店員貼心提示我呢個餐本身已經有一樣嘅沙律，所以就建議我揀湯。仲記得是日餐湯係忌廉甘筍西湯，仲配咗冷發熱辣辣餐包😜一路飲住湯一路飲住嘢飲嘅時候，我個全日早餐已經到咗喇。份量一啲都唔惹少，有英式豬肉腸，炒蛋，多士，沙律番茄同埋薯餅等等。一個女仔都差啲食唔曬。😈總括嚟講餐廳屬於小店形式經營，位置唔多而且午市嘅價格嚟講都唔平，但係從菜單可以睇得出佢哋都有花過心思去研究。等我下次有時間試埋佢哋晚餐嘅扒餐先💁…Read More

無論你鍾意食咩味嘅雞翼，喱一度都一定可以滿足你。佢就係最出名食雞翼嘅～雞翼山🐔呢間舖頭清一色淨係賣雞翼，同埋少量飲品。🍹主要做外賣生意，有少量嘅位置可以畀客人即時食用。食店會提供手套，同埋叉，因此無論你想有儀態咁食，定係滋味咁食都得啦。😝所有嘅味道價錢都係統一，唯一分別就係雞翼嘅數量🤑因為怕食唔曬關係，所以只係叫咗4隻芥末蟹籽味。即叫即整嘅關係，大概要等10至15分鐘。醬汁超多，配上激多蟹籽嘅爆脆口感，超滿足🤙…Read More

行過路過唔好錯過，見到成間鋪頭都係粉紅色， 仲有霓虹燈管 ❤，冇錯，你就到咗呢一個Waffle Club.😎呢一間食店嘅雞蛋仔，有好多種味道，例如流心奶黃，宇治抹茶，伯爵紅茶等等。。👅但最重點嘅係佢哋嘅雞蛋仔形狀係心心，真係獨一無二👏除左口味多元化，仲有好多獨特造型，例如棉花糖，雪糕，珍珠，等等。🍦最後乜嘢都想試下嘅我，就叫咗佢哋一個《黑珠誘惑》。即叫即做，大概等五分鐘左右。熱辣辣出嚟等唔切，差啲都唔記得咗要先影相。😪淨係見到一粒粒脹卜卜嘅心心💗都已經值得畀滿分😋…Read More

啱啱農曆新年嘅時間，去完台中。但因為撞正新年，好多鋪頭都冇開。結果今日行行下旺角，竟然畀我發現呢一間呢黎至台中嘅飲品店～萬波紅茶🤑，係來自台中的台飲過江龍！聽聞佢出名用台灣本土種植的紅茶沖製飲品，因此注重茶底的人一定喜歡。😊香港分店嘅裝修幾有特色，店內放置咗好多個裝著茶葉嘅大樽做擺設，令人對佢哋嘅茶葉類飲品特別有興趣。🙈不過飲品嘅選擇唔多。但為咗怕夜晚瞓唔著，所以揀嚟揀去，最後都係叫咗我最鍾意嘅檸檬冬瓜，加咗波霸珍珠。店員會好貼心問你需唔需要更改甜度，或者冰量。👍整體嚟講唔算有好大嘅驚喜，但相信會係一間有潛力嘅台飲店✌…Read More

一直都係餃子愛好者嘅我，無意中俾我發現原來旺角有一間餃子專門店，平日夜晚唔需要等位，very good😚黑松露芝士豬肉餃跟麵，配重慶酸辣湯底。上菜時先發覺到有好大問題，又中又西，極度唔夾😣湯底黎講分開其實幾唔錯，唔算好濃嘅version.但有微微辣度餃子粒粒飽滿有料，只可惜自己配搭錯左搞到好奇怪。😓下次會想試埋煎餃，又香口又juicy😚…Read More

星期六做左成日嘢都未食lunch.行左好耐都諗唔到食咩好，最後行行下比我發現左喱間寶峰冰室。其實好奇怪嘅係點解所以餐廳都咁中意改名做冰室嘅🤔但明明食嘅係茶餐廳嘅食物🤐由於唔中意食飯嘅我，所以叫左常餐C，有生炸雞中翼米粉（蕃茄湯），餐肉同炒蛋多士😋簡單但滿足嘅一餐。…Read More

唔知係大家心目中，大快活對你嚟講係一個點樣嘅餐廳？🤔可能你會覺得佢只係一個大集團旗下一間餐廳，但坦白講，其實佢嘅出品喺幾穩定😛，加上定期會轉會款式，亦都有一啲素食餐單，同埋一啲少鹽少油嘅健康之選，所以我自己不定期我都會去食大快活。😏最鍾意嘅，就係佢哋嘅早餐，因為價錢非常之便宜。😝今次就叫左我最鐘意嘅內醬麵，加脆皮香腸同滑蛋厚多士。😋外賣返去慢慢嘆。…Read More

屋企附近又新開左新嘅茶餐廳，本身睇menu興趣不大，但本住試新嘅念頭，都係決定一日之計在於晨～睇下早餐做得如何。於是簡左芝士蘑菇雞翼公仔麵+餐肉炒蛋多士😋😮食肉獸之選。比起平時食嘅固定ABC常餐有驚喜😚加上份量好多，食完勁飽😂…Read More

搬鋪後第一次試八壹八，鋪頭位置細左，但人情味依舊💓Menu嘅選擇主要分為肉燥飯，拌麵，水餃等等。但一d台式小食如台式香腸，鹽酥雞，柯仔煎，又或者牛肉麵都....係冇嘅😅其實都幾奇怪。所以我會覺得八壹八會更似一間港式台記多d🤣BTW..下午茶時段黎坐得更舒服，價錢更優惠😎叫左一份鹵肉米線配朱古力吐司+凍珍珠奶茶，味道就正正常，但幾抵食嘅😁…Read More

有日經過，見到原本嘅鋪位又轉咗手，係一間以簡式粉麵為主嘅小店。🤔原本真係諗住望下menu有咩，結果店主非常之熱情招待，不斷推介我試下佢哋嘅雞球或者雞翼麵。而且我見到價錢一啲都唔貴，就決定叫正一個秘製雞球麵配雪菜。😀等嘅時間有啲囉耐，因為係一人廚房，😪外賣返到去之後，發現肉類嘅份量好多，仲配左一個酸味醬，而且炸完之後外脆內軟，一啲油份都冇，加上簡單嘅麵，再配上雪菜，好有香味。😍令到我原本對佢一啲期待都冇，竟然覺得有啲驚喜。😋…Read More

係元朗開左好多年嘅熱狗店J大大，一直以平價做招徠，加上即叫即制熱辣辣，令人無法抗拒😍試過好多次招牌J熱狗同埋炸雞熱狗，都係上準之上，但今日突然想轉下口味，試左佢地嘅日式冷烏冬☺配料有好多，包括炸雞，蟹柳同粟米等等，加上特調醬料，非常清爽。👍…Read More

聽聞由台灣綜藝主持納豆開設的茶飲專門店「良辰吉時」，主打自選三色珍珠，選自台灣本土的小農手工茶葉，不過為求保證珍珠有質素，係香港港設有自家工場，每日新鮮製造，一定冇添加色素，聽落好似好吸引。😚終於等到熱潮過左，鋪外完全唔洗排隊，叫左一杯主打招牌黑糖鮮奶珍珠🍼$28底部珍珠微溫，杯邊沾滿黑糖，70%的鮮奶同冰，面層佈滿可可粉，極度邪惡。不過係滿街都係台飲店嘅香港，你話佢非試不可嗎？非也，非也😐…Read More