rainnjoe's Profile

之前成日都會去紅磡店到食，而家裕民坊都有真係好方便，呢度嘅刺身同壽司都好新鮮，價錢仲好相宜，係觀塘食日本菜嘅好選擇今次食嘅係知內蠔，蠔肉飽滿，食落冇乜海水味同礦物味，但係好鮮甜，咩醬都唔使落，就咁食已經好好食粟米天婦羅用嘅係日本白粟，日本白粟出名香甜，炸起熱辣辣，外面夠晒脆，但粟米肉仲係好清甜 juicy，好味日式海膽蒸蛋，茶碗蒸配新鮮海膽加晒分原條池魚刺身，雖然唔係好大條，但肉都幾多，除咗魚片，師傅仲將部份魚肉撈咗味，可以用紫菜包住食，又另一翻風味。食完刺身，師傅仲將魚頭同魚身攞去炸，炸出嚟嘅骨又香口，真係食到連骨都冇得剩嚟呢度當然要食埋呢度嘅丼飯，海膽魚生飯除咗海膽，仲有七樣海鮮，好滿足鰻魚朴葉飯，鰻魚夠肥美，份量都唔少，兩個人都夠食…Read More

新蒲崗出名多少店，呢間 cafe 都係推介之一，雖然舖仔細細，但食物同飲品質素好好，尤其係pasta，份量足，價錢唔貴，CP 值高，好值得去試下蟹膏龍蝦汁虎蝦蟹肉意大利飯蟹膏龍蝦汁好濃，估唔到加咗蟹膏嘅龍蝦汁都幾夾，意大利飯都入晒味，食落啖啖都有蟹肉，虎蝦好好味，口感彈牙又有鮮味櫻花蝦明太子奶油汁扁意粉明太子同奶油汁不嬲都夾，加咗櫻花蝦再多咗一陣香味開心果 latte 都幾好飲，開心果味好香，飲落仲有開心果碎，下次再嚟可以試下呢度嘅咖啡…Read More

又一間日本嚟嘅餐廳，第一次嚟 airside 就決定要嚟試下，假日去到唔算好多人，只係等咗幾分鐘就有位高菜豚肉味噌泡菜烏冬湯底好味，少少辣辣地柚子胡椒豚肉烏冬柚子味清新，如果再重啲胡椒味就好喇牛肉壽喜燒丼份量唔算好多，不過味道幾好海老蕃茄豆乳意大利飯好好味嘅意大利飯，醬汁夠濃，蝦味同蕃茄味好夾嚟到呢度又點可以唔食甜品，抹茶白玉芭菲同期間限定嘅櫻花草莓白玉芭菲，兩款都好味，尤其係個 cream，又滑又 light，口感一流紅豆牛奶忌廉朱古力醬紅豆牛奶加忌廉已經好好飲，再加埋朱古力醬成件事好豐富…Read More

觀塘呢間日系食堂唔單止裝修有日本校園風，地方都好大，地面 cafe 嚟講都算坐得好舒服。平時午時見到都幾多人，晚市就唔使等位，晚市定食仲有唔少選擇燉薩摩雞腿配日式奶油蘑菇定食日式奶油都幾香，但整體個味好淡，雞腿肉都好似煮咗好耐咁，好一般招牌咖喱安格斯牛肉旋風蛋定食呢個反而幾好味，日式咖喱夠香，蛋都夠滑，比起燉雞腿好味好多茶碗蒸套餐加錢，一般，蛋唔算特別滑，不過配料都幾多特濃朱古力蛋糕朱古力味夠濃，好味…Read More

呢間都算係觀塘嘅人氣 cafe，次次去都幾多人，不過啲嘢都真係幾好食，坐得都幾舒服，晚市用餐時間兩個鐘，都很可以呢度嘅 pasta 係幾好食，之前有試過白味噌豚肉意粉好好味，今次試咗呢個蒜香蟹肉意粉蒜香味濃，蟹肉勁多，唔油膩，好味蕃茄辣肉丸唔係好覺得有辣味，不過肉丸質感幾好，夠 juicy，蕃茄醬汁配麵包都幾好，麵包係脆地，唔會好飽肚蜜糖芥末雞翼雞翼炸到好脆口，但略嫌醬汁太多，甜膩過頭，如果醬汁可以 light 啲就好意大利芝士熔岩呢款唔係疏乎厘，而係 pancake 質地，意大利芝士夠滑，但真係要兩個人先食得晒拿破崙呢款畫板造型好特別，之前好似冇見過，拿破崙餅身非常脆，中間有士多啤梨同忌廉，都幾好食…Read More

韓國街咁多餐廳，但就唔係間間都好食，呢間正宗韓國料理就好好食，經常排長龍，仲有唔少韓國人專登嚟幫襯，真係好似喺韓國嘅小店食飯咁嚟呢度好多人都會叫韓式豬手，人唔多仲可以叫豬手同五花腩雙拼，一次過可以試晒兩樣豬手好淋好入味，半肥瘦嘅五花肉加埋泡菜用生菜包住食，油膩感冇晒，食多幾舊都冇問題大推呢度嘅海鮮煎餅，餡料豐富粉又唔多，仲煎到脆卜卜，配埋辣汁真係冇得輸好鍾意飲韓式嘅湯，純豆腐海鮮湯係首選，夠鮮味又辣辣地真係可以餸到一碗飯蛋卷入面有火腿、蔥花、仲有好邪惡嘅流心芝士添…Read More

唔係有朋友介紹，都唔知道呢度有間裝修咁精緻嘅西川麻辣火鍋！宮廷式裝修，門口仲有漢服俾客人著住嚟打卡，有趣成都口味鍋底真係好正宗，椒麻味好香，但又唔死辣，好似喺成都食緊麻辣火鍋咁火鍋料都有好多款式，一定要試菌菇拼盤，入面有黑皮雞樅菌、綉球菌、金耳同竹蓀，啲菌菇放落清甜高湯一流，拼盤入面綉球菌最好味，質感似淋身嘅雪耳，另外脆肉鯇都好好味，睇得出嘅新鮮，仲有食麻辣唔少得嘅午餐肉呢度仲有手搖飲品，百香果檸檬茶好好飲，打住邊爐飲係爽嘅不得不提呢度嘅服務好好，員工都好有禮貌，打完邊爐仲有紅豆沙送…Read More

又喺觀塘揾到個食好嘢嘅地方裝修簡約，坐得好舒服喎Set Lunch 都算幾多款式，試咗川味麻香豬頸肉意粉，之前都有喺其他地方食過呢種川味嘅意粉，一般都係辣但唔香，但呢度煮得好好味，椒麻味啱啱好，夠香又有啲辣，配扁意粉整體又唔突兀，意粉質感都好好，好食得嚟份量又夠多慢煎果園雞配薯菜，雞肉嫩滑 juicy，煎得香口又唔油膩，連個薯條都好好味，半隻雞嘅份量夠兩個人 share呢度除咗一般 cafe 會供應嘅西餐，仲有串燒同沙冰，揾日可以夜晚再嚟試下…Read More

好耐冇食過上海嘢喇，行過旺角見到呢間裝修唔錯，座位濶落，就入去試吓原來呢間餐廳除咗有上海菜，仲有川菜食，一次過滿足兩個願望。一睇 Menu 仲發現勁多選擇，川菜除咗水煮魚之類，仲有干鍋揀食上海菜一定唔少得小籠包，皮薄多汁，正！老闆娘仲推介回鍋肉炒年糕，一上枱已經聞到好香，年糕炒得好軟滑，微辣嘅醬汁加埋炒年糕真係好惹味，話咁快就死碟食晒沙窩雲吞雞湯好味，夠濃，雞肉仲係好嫩滑，雲吞係菜肉雲吞，份量都唔細，總括嚟講性價比好高…Read More

之前都有聽過坑口村有間西餐好好食，終於有機會去試下餐廳喺村屋地下，大大個白色招牌都好易揾，餐廳佈置溫馨，好似屋企一樣，雖然係平日夜晚，但係都有好多客，好多人都會開支酒坐低邊飲邊食傾吓偈，都幾 chill今日叫咗墨西哥玉米片配三色醬，nachos 加三色醬同芝士真係多多都食得落！吞拿魚他他配法式多士都好味，吞拿魚肉新鮮夠甜，加埋醬汁酸酸地好開胃炭燒黑毛豬梅頭配烤日本甜薯不愧係餐廳嘅招牌菜，黑毛豬烤得好香，但肉質又好嫩滑，勁 juicy，一碟兩個人食啱啱好…Read More

天氣凍，食飯就成日都想飲個湯，呢度嘅 set 真係啱晒不論係湯、前菜、主食同甜品都有好多款式選擇，就連白飯都可以揀唔同配料，可以配搭出你最想要嘅日式和風輕食。店面係木系簡約風，坐得好舒服，次次諗唔到食咩都會去呢度食。期間限定嘅款式仲成日轉，今次就試咗期間限定嘅居酒屋風雞鎚蒟蒻甜辛煮同西蘭花呑拿玉子沙律。平時好少食到西蘭花做嘅沙律，加埋呑拿魚同玉子配搭都幾新鮮。雞鎚同蒟蒻都煮得好入味，雖然叫甜辛煮但都唔係好食到辣味，甜甜地好好餸飯。喺呢度食嘢最緊要係個湯，之前試過幾款都好啱飲，今次呢個日本帆立貝大根豆乳濃湯都唔例外，豆味夠濃，又有少少帆立貝同蘿蔔嘅甜味。最後加埋個日本白桃意式奶凍做甜品，好滿足…Read More

呢間 cafe 出名好打卡，終於有機會嚟試下Cafe 雖然唔係好大，但天花吊滿乾花，好有 feel，日頭影相應該會仲靚，果然係好適合打卡忌廉龍蝦汁甲羅燒貓耳朵原先都擔心甲羅燒嘅蟹糕同龍蝦汁會唔夾，點知味道出奇地好！甲羅燒加咗芝士燒過，啲香味出晒嚟，將啲芝士同蟹糕同貓耳朵撈匀，成個 pasta upgrade 晒，海鮮味濃厚，一個人食晒一碟冇難度原條鰻魚意大利飯意大利飯用咗鰻魚嘅醬汁去煮，帶少少甜味，比普通鰻魚飯更加入味，原條鰻魚上碟，份量一啲都唔欺場，飽肚又好味主食仲可以加錢升級要埋餐湯、蒜蓉多士同飲品，好滿足…Read More

行過呢間新開嘅日本餐廳好幾次，木系裝修簡潔，坐得都好舒服，呢次行過唔使等位，終於有機會坐低試一試濃厚泡沫雞白湯拉麵雞白湯湯底夠濃夠滑，麵質掛湯，雞肉嫩滑，可以連湯都飲埋手作漢堡扒拼吉列蝦手作漢堡扒牛肉味濃，加埋和風汁配蘿蔔蓉完全冇油膩嘅感覺，吉利蝦上枱嘅時候仲係熱辣辣好脆口升級套餐仲可以加一款小食，今次試咗煎餃子同忌廉蟹肉薯餅，煎餃子表面香脆，入面 juicy，忌廉蟹肉薯餅仲砌到成個心型咁，好有 heart整體嚟講，食物質素幾好，坐得又舒服，值得一試…Read More

經過過呢間韓國餐廳好多次，成日都有好多人排隊，呢次見到唔算好多人就排隊試下，最終排咗 20 分鐘左右就有位餐廳裝修得好似韓國家庭餐廳咁，咁嘅環境食住韓國菜更加有 feel餐牌上面嘅主食都可以轉套餐，套餐有前菜同埋一支益力多，好得意～牛肉海鮮辣湯麵好足料，上台嘅時候已經勁香，小小辣嘅湯底海鮮味濃，加埋牛肉味道豐富，麵質有啲似幼身嘅烏冬，好掛湯，真係連湯都飲埋LA 牛肋骨用鐵板上，熱辣辣，肉質軟滑但又有肉味，好食！跟餐仲有海帶湯，好好飲，唔似一般韓國餐廳咁淡另外海鮮煎餅都有驚喜，煎餅厚身，但食落一啲都唔覺得粉多，咬落鬆化，配埋辣汁好惹味紫菜飯卷都係韓國餐廳必點，微微嘅麻油味係最愛…Read More

天氣凍，又係打邊爐嘅好時候之前見到呢間火鍋店好似好靚咁，終於約到朋友一齊去試下呢間火鍋店喺大廈二樓，店面唔係好大，不過裝修雅致，有半圓梳化位同卡位，坐得好舒服。除咗環境好，食物質素都好可以火鍋湯底都幾多款式，冬陰功、酸菜魚到椰子雞都有，我咁貪心就梗係揀特色四格鍋啦，可以試多幾種 🤭 四種湯底最出色係藥膳花雕花膠醉雞，淡淡嘅藥材味加埋花雕夠晒香，就算係四格鍋嘅其中一格，都一樣有雞件俾你放落去，正！佢嘅蕃茄濃湯海鮮都好有誠意，除咗見到好多海鮮湯料，仲飲到新鮮蕃茄嘅味道火鍋料入面大推手打丸拼盤，16 粒可以試均晒咁多隻味，蝦丸同墨魚丸都勁爽口彈牙新鮮豬頸肉好肥美，食肉質落鬆化好好味安格斯牛小排都高質，唔會過肥又有肉味花膠釀油炸鬼滾熟之後勁吸味，打邊爐必叫仲有涼拌魚皮，魚皮夠爽脆，配麻辣一流…Read More