phoebe288's Profile

之前曾經堂食試過幾次都好好味，最近發現可以用app預定同埋俾埋錢，非常方便，所以連續幾次book lunch，非常準時交收，態度友好，最緊要熱辣辣好好味，當然會再次幫襯喇。…Read More

好耐冇去台灣忽然好想食火鍋，記得呢間台北食過好坐又好味，即晚book位好順利，去到坐低，waiter溫馨提示叫定鍋底先慢慢揀其他，於是order鴛鴦鍋一邊紅泥小染一邊姬松茸茶樹菇清湯鍋底，滾起飲碗清湯先好甜，之後order牛小排，海鮮拼盤和菠菠糖，食材好新鮮擺得好靚，又影又食忙一輪飽嗮喇，大致算滿意，不過我記得台北每次上食材時會交代需要煮幾分鐘而且有沙漏⏳計時非常體貼，唔知點解呢邊冇左呢部份服務...…Read More

其實同家人已經來過好多次了，每次都係午餐或者下午茶時間，感覺啲嘢食真心唔錯加埋賣相都幾好，用料夠新鮮，平時經過都會忍不住幫襯下，咖啡很香，店員好有禮貌，環境算舒服加上有埋wifi提供，多數下午時間比較繁忙，基本都滿意啦，如果平時想約朋友gathering之類就啱嗮，我見多數都係後生會幫襯，一個人靜靜地食嘢又好，幾個friend吹水都啱，內有洗手間，如果咖啡可以提供埋decaf or skinny就更好啦…Read More

今晚兩個都懶唔想煮，於是試下潮州嘢，見近近哋行去星光行潮庭，好在唔使等位，即刻入座坐低，好快點咗四道餸，唔使等好耐第一味九肚魚嚟到，好新鮮啱啱炸起熱辣辣，好好味呀但是份量唔算多，跟住炸魚片到了，食落好脆仲啖啖蛋黃味，好香好中意，個人最愛呢味之後到條倉魚啦，原來好大條魚，影咗相就開始食啦。比較中意呢度道道餸上到嚟都夠熱，而唔係擺到凍咗先拎上嚟可能我哋細食啩最後條倉魚食唔嗮都要打包帶走下次要再嚟試下其他選擇推薦ps：因為多人所以環境比較嘈，呢樣唔多中意…Read More

經過走嚟試下，點知...相就幾靚，叫左兩個酥皮海鮮湯、黑松露寬麵、三重芝士飯、latte、忌廉曲奇沙冰，等左都幾耐下個湯終於嚟到，都夠熱，但是食落酥皮唔夠酥偏油，湯略咸，繼續滿懷希望等...之後飯和麵嚟到了，真係大失所望，芝士飯芝士味唔夠一重寬麵咸到食唔落黑松露完全唔係嗰陣味，latte味道都OK嘅，沙冰算係正常食物差已經失望，service更加不能忍受，唔係唔夠人手做而係根本唔想睬你，咩都要叫好耐先有人行過來應下你，even隔離根本冇人買麵包，唔會再嚟！…Read More

今日因為想食菜和煎堆所以嚟呢間，全因之前叫過腐竹浸菜苗都唔錯，但是今次叫個木耳好唔掂，嚟到好似被人食剩咁，上菜嗰個側側膊走左去，本身對呢間野已經冇好高期望，剛剛開張時個廚房超難食，之後應該轉左廚房叫做可以食得落，服務就真係，全港飲食業少人手，搞到d客要焗睇面色，諗諗下頭先張檯布都冇換到我都當環保忍左了，咁嘅態度咁嘅服務究竟要忍到幾時，唔通上左市就唔使好好做？…Read More

因為係附近，又見開左咁多年，諗住今晚唔知去邊度就試下啦，入來個環境好吵好迫，anyway叫左晚餐牛柳跟飯，7成熟(話一係5一係7冇6wo) 好期待。。。來到試一啖，超過9成熟唔算仲要係一d牛味都冇，頂唔順，d汁好古怪唔識形容，感覺食緊碟頭飯，好失望，絕對不會有下次…Read More

今晚諗起食齋，於是走來哩間，來到仲有位5使等:) 因為兩個人食又5肚餓，所以坐低叫左五柳仙斑、蜜瓜鮮奶拼沙律卷、上湯莧菜。上菜時間正常，仙斑賣相都5錯，好味，芋蓉幼細唔會好乾身，蜜瓜鮮奶就一般般，沙律卷幾好味，香口又唔咸，莧菜味道清淡少油，啱晒我啦。招呼都OK，會有問有答，買單兩個人食左二百蚊到，我諗之後都會再幫襯:)…Read More

之前系佐敦間唯一食過唔錯，中意葱油餅和炒年糕，但之後越食越咸且衛生麻麻，所以唔再幫襯。今晚見經過幾多人所以試下，環境ok唔會太迫，坐低點了葱油餅，豆沙餅，餡餅，水餃面，炒年糕。上得幾快，葱油餅都幾香，餡餅唔會太咸，我幾中意水餃皮夠厚，老公話水餃面淡左，但餡料啲肉味就麻麻，年糕好啉好好味，但油多得滯:(豆沙餅幾好味但皮硬，總結都唔錯：）…Read More

因為需要步行十幾分鐘，所以唔系日日去.今日去到唔使點等就有位，環境OK, 午市食物選擇仍然很多，價格合理。我個女次次都會食碗仔翅，煎堆仔:)碗仔翅都幾多料，落多啲醋好好味，煎堆裏邊系芋蓉，唔會好甜。我地就會食泰式酸辣鳳爪，辣得過癮，煎杏汁糕細細塊，有杏香味，少少甜，而黑椒魚雲就系老公至愛最欣賞系服務:)，個個有問有答，沖水亦很主動。很滿意，一定會常來:)…Read More

今日卒之食到哩碗魚蓉粥，次次來都沒晒，今次可能因為早左，果然好味，魚蓉都唔少，又幾傑身，另外叫左幾款點心，其中春風得意腸勁好味，裏邊有蝦，仲有好似系帶子，食落爽脆又鮮味，贊！仲有叉燒幾好，唔會硬身，飯就麻麻，其他就同出邊差唔多。總結系用料新鮮，味道幾好，招呼普通，環境麻麻，都幾迫下。…Read More

因為近近地，成日都去哩間飲茶，覺得味道OK, 唔會好咸，今日唔系父親節，但見平時午市有的特價粉麵飯牌收晒，於是叫左芝士海鮮焗飯，鍋貼，豉汁鳳爪，奶黃包，味道都OK，個飯芝士味偏淡，D蝦就唔夠新鮮，鍋貼同奶黃包就幾好味。明明記得餐牌寫住個飯系78，買單先話加左價要98，仲話餐牌仲未趕得及更新咁話，咁即系佢話幾多就幾多，離譜！D侍應唔夠人手，服務就越來越差，叫加水時個個側側膊，以後都唔去哩間，費事勞氣:(…Read More

今日父親節決定去試，見評語好好，跟推薦叫左吉列豬扒，牛肉飯，炸雞沙律，蔬菜咖喱飯，加15/set，女侍應好好招呼，試左幾款都好味，果然系豬扒好好味，同出邊比松脆好多，贊！：）仲有兩款雪糕勁好味，本來好飽的女女都食晒，再贊！一定會再來過：）…Read More

門口有試食，都幾多份量，於是試下，點知女女話好好味道，之後買左普通28蚊果款，加左朱古力粒粒Topping，正！女女好中意，因為剛剛食完嘢，所以食唔落其他款，相信下一次會再試多幾款，到時再匯報啦:)…Read More