T.LAU914's Profile

沙嗲牛肉炒蛋麵落咗爽麵嚟到都係腍麵，牛肉梳打粉乸到腍曬🙅‍♂️👎🏻芝腿熱香餅配薯條，芝士冇味熱香餅勁dry配糖漿超難食，薯條明顯油溫唔夠高，叉入薯條即飆油，食兩條就放棄，成個餐都唔掂垃圾😠🤬👎🏻奶醬多，條邊勁硬超dry非常刮口🙅‍♂️👎🏻西多士冇應有嘅西多士味道，花生醬亦冇花生醬味👎🏻凍檸茶檸檬冇檸檬香味亦唔新鮮，茶底偏淡冇茶味，用粗飲管飲到成口冰🤬👎🏻凍鴛鴦只有咖啡味沒有奶茶味，飲了半杯放棄😠🙅‍♂️👎🏻座位超窄，餐具污糟，職員態度惡劣😠👎🏻…Read More

*之前經過睇到下午茶餐都幾啱食，所以專程去試下，去到個亞嬋女侍應比個QR Code我自己落單，要加一仲要自己落單，咁佢有咩服務呀？上飲品時個女侍應倒瀉曬杯熱奶茶落枝飲管度，搞到張包裝紙全部都係熱奶茶，好難撕開攞枝飲管出嚟都算，仲要好大力咁將枝奶茶羹掉落個刀叉Tray度，真係比佢嚇親，其實食物質素一般，個女侍應服務超級差，要加一又冇服務仲要自己落單，加埋態度極度惡劣， 簡直貼錢買難，冇下次😡🤬😠🤷🏼‍♂️👎🏻👎🏻…Read More

之前經過幾次元朗廣場見到有間大勝軒拉麵，因為之前喺新宿同池袋食過兩次都唔錯，所以香港同日本比較點都應該唔太差，於是專程約了拉麵控朋友去試下。間舖係L型，一邊有吧枱同埋後面有兩張好細嘅二人枱和一張四人枱，而另一邊有幾張四人枱，但有一個客人坐四人枱，我要求坐這邊，但位西口西面女店員，堅持唔比我哋坐，要我哋坐張超細二人枱，但當時店中只有六位客人，於是照坐低見到張枱咁細根本擺唔落兩碗麵加個小食😠，所以只叫兩碗麵唔叫小食。(但後來見到另一個客人入嚟, 個西口西面女店員又比個一位客人坐四人枱，唔知咩玩法)🤷🏼‍♂️我叫了大勝軒拉麵，而我朋友叫了魚介豚骨拉麵，我首先試啖湯(本人已是重口味嗰批)，發覺豚骨湯底爆咸，不可能再飲第二啖，再試埋拉麵偏硬味道唔錯加番少少分，然後食啖叉燒感覺有陣膠味，脂肪唔溶化仲要韌，因為如果整得好應該脂肪咬落去會融化，所以又減番分，而另一碗魚介豚骨拉麵，個湯底未去到爆咸，但都係偏咸，叉燒當然一樣咁差，算吧已冇希望。於是試啖水，水都𡃤嘢臭腥味，最後搵到最得就係枝牙籤。經過今次嘅經驗梗係冇下次啦，女店員服務極差，仲要加一，其實我覺得香港食拉麵有某些店要加一，覺得好荒謬因為佢根本冇服務，等如食雲吞麵要加一一樣。湯底和叉燒唔掂，所有二人坐二人枱(好老正)，但一人就坐四人枱(唔知咩玩法)🙅🏽總結堅失望，如果邊個乞你憎記住介紹佢去食 ^ ^😏…Read More

行過見新開越南嘢就試一次啦，入到舖內座位幾舒適，店員叫我哋自己掃QR CODE落單，當然自己落單慢過人手落單幾倍啦！蝦餅到了，一試感覺炸皮厚，肉質勁靭，從未食過咁難食嘅蝦餅 ><👎🏼再嚟生牛肉金邊粉，牛肉好嚡，金邊粉痴埋一球，食嘅時間仲要自己整番散佢，要自己QR CODE落單REMARK已打了走蔥同全走，但依然有蔥，直頭嘥客人時間落單因為佢哋唔睇嘢，唔太多客上枱已等了半粒鐘，生牛肉真係要整咁耐嗎?香茅豬扒金邊粉，豬扒勁油同埋用鬆肉粉𢲡到勁腍👎🏼綠豆冰係淡味奶水加勁硬綠豆，難飲十個差 ><🤦🏽‍♂️🤬😤👎🏼🤷🏼‍♂️滴漏咖啡一般係用煉奶底，而佢係用淡奶加糖水，咖啡又唔熱只係微暖，溝了落去味道唔夾，極難飲完全唔掂！><🤦🏽‍♂️😤🤬👎🏼一句到尾：難食冇下次 …Read More

一到餐廳門口感覺幾大，聲稱有意大利米芝蓮星級名廚坐鎮 ，再加埋有海港城coupon所以專程老遠來試一下。龍蝦湯一入口，爆咸同乸喉嚨感覺，一啲龍蝦嘅味道都feel 唔到，失望 ><🤷🏼‍♂️👎🏼再嚟龍蝦意大利飯一樣感覺唔到有龍蝦味，食落味道只係似普通蕃茄燴飯，又失望 ><跟住再哂卡邦尼意粉，明顯溫度唔太熱，因為汁太多所以少少偏咸，但冇網上寫到神級咁正，整體唔錯。😋👍🏻至於Espresso tonic啡底本身唔得，所以感覺很奇怪唔自然👎🏼Tiramisu由於冇落咖啡酒，所以味道就係欠缺咖啡酒嘅味道，感覺太普通🤷🏼‍♂️整體嚟講哩個價錢就唔值，CP值偏低，座位唔舒服比近廚房門口位，經常畀人撞或踢椅背，非常之騷擾， 還有請太多炒散侍應生，服務非常差掉碟上枱，收碟晦氣，唔會有下次，如正價食有好多選擇。🤷🏼‍♂️🤦🏽‍♂️👎🏼👎🏼…Read More

沙嗲牛三舊勁腍用鬆肉粉乸過一舊好韌似橡筋👎🏼 得4舊牛肉咁大把 爽麵唔爽 沙嗲味淡得一粒花生碎 咁嘅價錢完全冇CP值焗豬有色冇味最高境界 都係用鬆肉粉乸過豬扒勁腍👎🏼凍奶茶係奶水冇茶味勁多奶 凍檸茶冇茶味爆甜 杯有怪味水亦有怪味根本係水喉水原本諗住試新嘢，點知𡃤曬嘢😭…Read More

今次已經是第二次嚟幫襯，由於前兩日食過覺得唔錯所以再嚟試埋佢其他食物,本來我們打算叫88元有兩個漢堡包，店員話下午3點後才有，之後我們叫了兩個Set lunch由於張枱位置好近收銀處所以好多人出入，經常比其他人踢到我們櫈腳甚至撞到我的手，坐得非常之唔舒服好有壓迫感好騷擾，其實明明有好多吉枱冇人坐，店員見我們二人就要share4人枱(隔離有客人的)，我們眼見一位的客人就一個人坐晒四人枱，之後我們要求轉枱(店員話問完再覆)。員工圍埋傾偈，落單時沒有人理會(第一次來時已是這樣)，過了一段時間終於有人理會，我們話要落單，那位同事又叫另一位同事幫忙落單，證明這間餐廳員工處理事情不夠靈活欠缺彈性, 一個推一個根本就浪費客人時間，令客人更加憤怒沒有解決問題，員工互相嚴重缺乏溝通，店員又嚴重誤導客人。到我們食了午餐後大概兩點幾，眼見其他客人有88元兩個漢堡包已上枱，再問另一個店員，原來根本冇分時段可任何時候叫，這餐廳員工誤導我們，好明顯她們沒有溝通，其實這餐廳食物今次質素好一般，因為午餐上枱時食物不是熱的，係偏凍，所以以上種種跡象，我們以後都不會再幫襯，令我們非常之失望和不滿><🤬😡😰🙅‍♂️🙅‍♂️🙅‍♀️🙅‍♀️👎👎👎👎👎…Read More

見間間文華冰廳都要排隊以為好好食，即管專程去屯門碼頭試下，叫了個常餐和茶餐試試。常餐好快到(30秒已到)，沙爹牛肉麵，味道偏咸仲要係死咸嗰種，牛肉有筋完全不到，麵正常，還有雙腸炒蛋厚多士，雙腸(不可轉火煺)唔熱腸仔中心仲係凍而腸仔表面好油，炒蛋亦好多油，厚多士叫做正常，表面微脆。而茶餐榨菜肉絲雞翼米粉等了好耐，食晒個常餐先嚟， 榨菜肉絲冇特別，雞翼有驚喜，用了南乳醃製來炸，所以好入味。凍檸茶冇特別，還有茶走冇茶味，以上種種問題所以冇下次 ><😤😢😭😡😩🤬🙅‍♂️🙅‍♀️👎…Read More

總店事隔十年後第二次再嚟(九龍灣店也有去過)，我們叫了四餸一湯一甜品。例湯係粉葛赤小豆排骨湯，味道夠濃又清甜，好飲，唯一係湯可以再熱啲，排骨太碎，但已經好得。圍頭五味雞 ，雞非常入味夠晒嫩滑而很多汁，但係偏肥，皮下脂肪都幾多，而且毛仲拔唔乾淨，係好食但賣相要注意一下。化皮乳豬件，乳豬皮夠鬆化，都是偏肥，皮下脂肪很厚，但份量不算太多。馬拉盞通菜鮮魷，味道夠晒香濃，啱晒重口味朋友，即叫即炒上碟時非常熱，通菜份量算多，鮮魷又夠長，食到一半依然熱辣辣，值得一讚。順德欖角骨，哩個係等得耐少少，但上碟熱辣辣一定係即整，味道香脆軟滑，還有很多蜜糖，所以非常野味，配飯一絕，下次嚟可再encore, 推介王。豬油撈飯，豬油好香燒豬味，同出面啲豬油撈飯唔同，零捨香濃而唔覺肥膩，再配佢地自己出嘅頭抽，直頭係perfect match ^ ^ 😋😀👍奶黃馬拉糕，叫了半份，即叫即蒸，椰汁味非常香濃，馬拉糕亦很軟綿綿，必食推介。總捨嚟講比上一次嚟進步了，絕對有下次 ^ ^ 😋😀👍…Read More

原本打算幫襯隔離，點知行過又有位，於是即管入去試試，叫了一個午餐泰式沙爹牛肉炒河餐飲熱龍眼蜜，佢加了菠蘿炒，食落有種清新感覺，因為菠蘿有少少酸又清新，可以解咗沙爹牛肉嘅肥膩，而味道啱啱好亦不會太咸，由於係即叫即炒，所以上到枱係熱辣辣，值得一讚，唯一係份量不是太多，如大食嘅朋友感覺唔夠食，但係以這個價錢基本上係仲平過茶餐廳，已經係超值，重點係質素一定好食過茶餐飲，絕對可以一試，至於杯餐飲熱龍眼蜜冇乜特別，但都合格，整體嚟講抵食，可推介比朋友 ^ ^ 😋😀👍👍…Read More

出開長沙灣順路試埋雪山冰廳，我們叫了一個常餐和一個特餐。首先嚟了個櫻花蝦炒蛋配牛角酥，櫻花蝦夠晒香，而炒蛋少少偏老，牛角酥幾鬆脆。再上碗檳城喇沙摻摻，哩個食落有驚喜，味道同星馬菜嘅食肆味道一樣，摻摻夾口，湯夠香，以這個價錢食到這個級數直頭抵食，好有驚喜，必要推介比朋友。火腿炒蛋配厚多士，火腿冇特別，炒蛋依然偏少少老，多士夠厚少脆又夠鬆軟麵包偏甜味，唔錯。沙爹牛肉麵，味道係舊時偏甜嗰種味道，感覺很好，值得推介。凍樽仔奶茶，茶味清香剛好，甜度校到啱啱好少甜 飲落很順喉舒服沒有張口和確喉嘅感覺，很好飲。茶走紅豆冰，沒有茶味沒有香味，紅豆偏硬，所以哩個唔係太好飲。其實整睇嚟講以哩個價錢算係唔錯，足料份量又唔算細，可以有下次 ^ ^ 😋😀👍…Read More

去開長沙灣所以搵定哩間試下，坐低後見到佢有自家製嘅烏冬機，夠晒誠意，我們叫了冷大麥烏冬， 鰹魚鍋燒烏冬， 流心蛋， 關東煮， 天婦羅。冷大麥烏冬，烏冬非常彈牙爽口，果然係自家製嘅威力。鰹魚鍋燒烏冬， 牛肉是肥牛，一隻雞蛋少少配菜等等，非常普通，冇特別。流心蛋， 賣相非常靚，但過於流，蛋黃好似水一樣，如果可以杰番啲就perfect池，蛋味香濃值得一讚。關東煮， 蘿蔔夠大舊好甜好多汁，棷菜卷亦非常香甜有驚喜，好食。天婦羅，有點失望因為用了萬年酒好重油益味，不值得推介。整體嚟講自家製烏冬有誠意，值得推介一試 ^ ^ 😋😀👍…Read More

開了幾個月終於撞啱時間可以試試，見佢set Lunch唔係好貴仲要有好多選擇，我們叫了個紅咖哩豬扒配油鬆餅，油鬆餅夠熱但冇香味冇味道仲偏少少油，紅咖哩豬扒味道唔錯夠香濃，我覺得配白飯仲好食，因為油鬆餅得一塊比較少，食晒後也淨好多咖哩汁。還有加了小食一份蝦餅，比較香脆味道剛剛好，如果再彈牙一啲就完美。泰式金邊粉上枱時夠晒熱辣辣，味道偏酸但還可接受，比起出面泰國人開嘅泰國菜還有一段距離。凍咖啡味道就唔掂，似三合一味道，直頭飲落似啡水 ，尚有很多進步空間 ^ ^ 😋😊…Read More

見佢新開張一星期價錢又唔算貴即管嚟試下，可揀沙律或餐湯，我叫了餐湯配蒜蓉包，餐湯係周打魚湯，湯比較稀和水，材料有薯仔有洋蔥和蜆，但味道唔錯，至於蒜蓉包香脆非常和味道濃郁，蒜蓉包質數勝過周打魚湯，蒜蓉包抵讚。主菜叫了小王子意粉，材料有紅椒 黃椒 青椒 青豆 蝦 煙肉 青瓜 蛋白 帶子仔，意粉係即叫即炒非常上枱時係熱辣辣，由於帶子仔和蝦是雪藏所以鮮味沒有，味道偏淡，反而最出色係三色椒，味道清甜和清香，其他所有配料也沒有特別。餐飲咖啡係用了美式咖啡，味道頗為帶酸，所以本人口味覺得一般，整體嚟講開喺大型商場收這個價錢算是便宜，但座位 服務 味道 速度，仍有進步空間 ^ ^ 😋😀☕…Read More

已經是嚟過N次幫襯，但可惜好多嘢已經縮咗水，好似象拔蚌刺身咁，每片份量已經細了一倍，以前一口而家得半口，真係好考師傅刀功，仲有本地手切牛肉，部位已經唔係以前咁脂肪分佈咁均勻咁靚，係似雜拼部位砌埋一碟， 因為好多片都有點un, 他食物雖然價錢咁上下，但份量和質數已少了和差了，其實明白租金上升這個問題，我寧願佢加價而質數不變，好過唔加價質數降低和份量減少，咁樣會比客人覺得 偷工減料，希望佢地會改善一下啦! ^ ^ …Read More