咀尖Kiwi's Profile

朋友推介，所以今天跟外國來港旅遊的朋友早上10：45左右到餐廳吃早餐試一試。由於不是假日也未到放飯時間，店內客人不多，到埗時店主剛完成了外賣單。餐廳面積不大，坐位不多，佈置簡約舒服。跟朋友二人點了一杯咖啡，一杯mocha，一個牛角包及一份沙律+牛油果+蛋多士。食物及飲品很快送上。飲品質素比食品好，咖啡香濃，拉花部分精美。牛油果蛋多士沙律：沙律菜，牛油果蓉，半熟蛋新鮮，多士部份則較普通，有點硬，而且沒有烘底。而當看到店員端上牛角包時，我跟朋友互相對望了一下，真的無言。。。。朋友要用餐刀將焦黑部份逐一削去後才吃。慕名而來的，失望而回。…Read More

2024年7月13日晚上，約7時半左右，我跟家人到黃大仙中心北館的上海婆婆用膳，用app點了兩碗蘭州牛肉麵，一碟蘿蔔絲酥餅，半隻醉雞。由於用app點菜時沒有留意蘭州牛肉麵是辣的口味，當見到牛肉麵上滿佈辣椒時，不吃辣的我們唯有用匙𢳂起紅辣椒及油，放在餐廳提供的小碗內。後來我們禮貌地跟女侍應說希望可以要多一點清湯，因為麵的辣湯大部分已被我們用另一小碗盛起，剩下的麵的湯並不夠。該女侍應聽完我們的要求後，一臉惘然，其後她跟站在我們檯旁的一位男經理（中老年年紀）轉述我們的要求。該男經理隨即走過來，非常不耐煩的問我們要什麼？後來我非常有禮貌地如上述的提出要求，他看到我檯上的一小碗辣湯後，轉身就走了，後來端上一小碗清湯。我隨即將清湯倒進大碗（湯麵）中，跟他說其實我的家人也需要一碗清湯的，其間我及家人也有連聲跟他道謝（唔該晒）。料不到，該男經理的臉竟比剛才更黑，而且還大大聲地埋怨我們：又唔一早講清楚，要我行幾十次！之後他非常‘’悔氣地‘’將我家人的那碗麵直接拿走，原來他到廚房加上湯，將加了湯的麵送回時，他的樣子非常兇惡，我們連聲跟他說‘’唔好意思，唔該晒‘’，但他卻非常沒禮貌，沒有回應，黑著臉兒怒視我們。其實，作為一位經理，當我提出要求多要一點清湯時，他應該看到我及家人當時仍正在努力地不停地將辣湯料𢳂出來到小碗中，但他完全無視顧客的實際需要，只是敷衍的給一小碗清湯。而我們入座時，並不是晚飯最繁忙時段，大部份食客已經用餐中或差不多完成，亦已有四分之一顧客用餐完畢離開。而該男經理當時只是站在一旁沒事做，不明白我們的卑微要求竟然可以觸怒他，並豪不顧忌地向著我們（顧客）抱怨及動火。本來一餐不錯的晚餐最後被經理的臭臉及抱怨指罵完完全全地毀了。P.S*特別評分： 服務 （一粒星都唔想俾）中老年男經理係負5星服務質素，完全趕客，難怪香港的飲食業生意慘淡， 就是多得這些只會給臭臉招呼顧客的餐飲服務業員工！其實他們的食物只是一般水準，只不過在黃大仙這美食沙漠一區來說是比較合格的一間而已。…Read More

疫情關係, 多了叫外賣回家吃。今日預早打電話到店叫外賣, 15分鐘後到埗, 在門口櫃檯付款後, 正想查問一下有外賣取未時, 被該店女職員大聲指罵"唔好阻住晒" , 未食野先受氣! 最後我被趕出門口暴曬地等外賣(當時店舖人客不多, 短暫停留在櫃檯前查問一下外賣情況並不會阻住佢哋出入及做生意)我禮貌地請該名惡死女職員好好注意一下自己的表達方式, 唔可以同客人講: 唔好阻住晒! 佢聽完之後情緒失控, 調高聲浪, 大大聲話"咩呀～我冇講錯!你係阻住晒 "。從未見過啲咁惡死咁冇禮貌嘅飲食業職員! 多謝筲箕灣新記令我大開眼界! 惡死女職員仲要擺出一副你鍾意咪去投訴我囉的樣! 講真食過幾次, 食物其實好普通, 價錢偏貴, 而家仲要咁嘅趕客態度, 坊間大把選擇, 唔一定要幫襯佢哋受氣搵自己笨! …Read More

已經不是第一次覺得服務差, 但估唔到會越來越差! 平日下午時段光顧, 侍應全厭世樣, 西面唔想做唔想招呼客人, 叫極都扮睇唔到, 最後要自己行出去搵人招呼。要求要兩杯熱水, 送來時倒瀉半杯冇善後走咗去。食物來到, 沒有提供餐具, 跟侍應提出要求, 之後又是冇影, 又係要自己行出去搵侍應幫忙。食物質素非常差, 食物是凍的! 要的熱茶也唔夠熱! 食到一肚子火! 幫襯過上水分店, 服務好好多, 樂富店員是否倒米想提早執笠? …Read More

幾年前同事介紹來好時吃飯，之前真的好好食，我也介紹了多過10個朋友來吃，也曾經遇到了老闆(伯伯)，伯伯還很自豪的給我看"兩本放滿他們與明星(周潤發,張國榮...)的合照的相簿"...不過...他們今時已經唔同往日了....我的朋友跟我說以後都不會再來, 而我估我以後也唔敢再來，也不敢再介紹俾朋友。之前平均兩個月吃一次，大半年前已發覺食物水準大跌，上星期抱住"希望今次唔會太差"的心情再來吃, 但...(1)椰青是已變壞了的...(2)炒通菜...凍的...勁細碟..好似俾人食了一半咁....(3)海南雞飯....飯是勁凍, 雞的份量比之前少了三分一....(4)沙嗲...好硬...超凍...一食就知已經整好了, 放埋一邊擺了好耐(5)咖哩雞...超過分...份量又是少了三分一, 而且全碗都是汁及幾件薯仔, 一件雞都冇, 於是開聲問侍應...侍應笑一笑再用另一隻碗仔端來兩件(粒)雞肉！(6)侍應已沒有之前的殷勤有禮，個個都唔想做咁。好失望，食了幾年，一次差過一次！唔好食就會覺唔抵食！三個字：冇下次！！！…Read More