leotong's Profile

炎炎夏日總令人嚐吃透心涼的食物，日本菜自然是一個好選擇。此餐廳的招牌菜是雙層丼飯，上層選不同配料的丼飯，下層配上海膽汁蒟蒻沾麵，一個丼飯，兩種吃法，具創意又為賞心悅目，適合三心兩意之人（即是我）。這次一行數人，在十多款的丼飯中點了(1)龍蝦刺身雙層爆丼、(2)松葉蟹肉甲羅燒爆丼、(3)北海道海膽三色爆丼及(4)築地壽司杯。龍蝦刺身雙層爆丼(相機先吃！)龍蝦原隻呈上，端上來的時候大家無不驚嘆！不僅賣相討好，爆丼之名當之無愧，整個丼飯用料豐盛，龍蝦肉口感彈牙，多汁鮮甜，值得讚賞是餐廳的細心位，龍蝦端上來時已起肉，讓人可以大口大口的吃，爽！還配上刺身三文魚、吞拿魚、北寄貝、鯛魚、墨魚等等，新鮮甜美。丼飯下面的一層是海膽汁沾麵，口感清爽彈牙，配上幼細的青瓜絲，口感清新。雖然海膽汁中有原塊海膽，但整體味道較淡，有點像芝士汁沾麵。松葉蟹肉甲羅燒爆丼(偷飯賊之選！)蟹肉絲和烤過的蟹膏已堆滿大半個蟹殼，此外還配有生蟹膏、蟹籽及蟹肉，作為蟹粉的我，看到鋪滿蟹肉蟹膏的丼飯已經心心眼。烤過的蟹膏香味濃郁，而生蟹膏味道鮮甜，與白飯更是絕配，絕對是偷飯賊。北海道海膽三色爆丼餐廳以原板北海道海膽、三文魚子發蔥花吞拿魚蓉端上，份量十足。雖然海膽味道一般，但碎吞拿魚鮮嫩味美、入口細滑，配上蔥碎更能帶出吞拿魚魚油的香味。築地壽司杯一共有五個小丼飯，分別為黑魚子海膽、牡丹蝦、墨魚、吞拿魚蓉、三文魚親子，每一小丼飯約為兩三口的份量，讓人一次過滿足食多款丼飯的願望。另外配上冰鎮醬油鮑魚及加州卷壽司，即使一人食份量也足夠。 …Read More

週末通常都會搵一d未去過既cafe試下，今次既目標係位於佐敦恒豐酒店後面街既Cafe Revol很有特色既門柄因為食客眾多既關係所以唯有坐係吧台了。共點了南瓜大蝦露筍意粉，牛油果蟹肉車厘茄多士，一杯Americano同一杯凍既紫羅蘭咖啡梳打呢杯紫羅蘭咖啡梳打意念很新鮮味道都好新奇，酸酸地不過咖啡味唔係好出，所以都係試一次就算喇😅呢個牛油果蟹肉車厘茄多士配搭清新，最適合作為下午茶的小食。多士面鋪滿蟹肉同牛油果配合醒胃既沙律菜，食落一d都唔會覺得膩而南瓜大蝦露筍意粉份量都算幾大，我覺得用南瓜去做底醬汁比起一般白汁意粉無咁"漏"，大蝦有五隻share黎食都夠總結: 值得一試:)…Read More

有幸獲得友人食神Ca既邀請與另一食神山姆一同到位於跑馬地既座銀一試期間限定既金目鯛拉面。(到五月底架咋🐟)拉麵店定期按時令嘅食材推出唔同嘅限定拉麵，而今次就推出左以夜櫻粉作點綴調果既金目鯛拉麵。本身我都會擔心用鯛魚湯作拉麵既湯底會唔會有腥味，但係原來我既擔心係多餘既！拉麵終於來了😋賣相果然係十分少女風， 望住碗麵就好似賞櫻一樣🍜🌸🌸無得去日本賞櫻食碗充滿日風既拉麵感受下都好過無啦先說湯底，鯛魚湯味道濃郁，亦沒有半點腥味。有時食豬骨湯底既時候會覺得太濃太油，而呢個魚湯係好鮮甜亦令你會好想將個湯飲哂佢拉麵麵身無得揀軟硬度，本身喜好食較硬身麵既我覺得硬度適中，幾有咬口同彈性。論到主角金目鯛，魚的肉身鮮紅同晚櫻主題好夾，而且亦無處理到好乾身，油脂比例剛好總結呢個拉麵雖然定價係有點高但我認為絕對值得一試亦唔會令你感到失望。不枉特意到跑馬地走一趟…Read More

以牛油果作咖啡杯有什麼特別？應該沒有 （笑），不過還是心癢難耐要試一試。店員很快便送上熱騰騰的Avolatte。正想捧著牛油果把咖啡往嘴裏送，怎料被挖空大半的牛油果很軟弱，拿不穩，只能用匙羹一小口一小口地喝。而挖岀來的果肉會攪拌為果蓉，用來托著站不穩的「咖啡杯」。嚐過咖啡後，果肉也可以吃掉。同行友人分享小貼士，灑少許砂糖在果蓉上，倍感美味。牛油果為近年備受推崇的超級食物，能保護心臟、降膽固醇、降血壓，不過含有大量脂肪，熱量亦較高，所以每日最好吃不多於1/3個，多吃還是會「壞肚皮」。至於咖啡，不過不失啦。…Read More

本身個人對烏冬一向無特別喜好，好間唔中先會食一次。而係呢好間唔中食烏冬既次數，十之有八九都會黎呢度食。因為呢度多年來都保持水準無跌Walt, 能係尖沙咀開左咁耐係有佢既原因既。今次叫左一個小辣果噌湯底既吉列豬排稻庭烏冬同埋魚介湯底厚切豚肉手打烏冬魚介湯底湯頭鮮甜而又唔會太咸，厚切豚肉幾入味但略嫌唔夠淋吉列豬扒稻庭烏冬: 叫左小辣但都食到尾都有d辣，稻庭烏冬面身較手打烏冬為幼身，食落兩者都很有彈性。吉列豬扒亦炸得金香，份量剛好會繼續支持:)…Read More

是日為小弟生日, 所以一早計劃好到海洋公園遊玩慶祝. 而入去玩之前當然係外面醫飽個肚先啦!今次選既餐廳係女朋友工作地點附近的中信大廈, 由於係假日既原故所以是日我地兩個人包場餐廳走黑白簡約既風格 今次獲安排靠窗卡位, 景觀十分開揚, 配合柔和既陽光, 坐得十分寫意我們點了兩個set lunch, 分別係Fish and Chips 同埋 ribeye steak. Set lunch有餐湯餐包, 主菜, 餐茶同雪糕. 是日餐湯係番茄湯. 個湯好濃身唔會水汪汪而且酸度亦適中, 很有水準亦令我對主菜更有著一份期待. 餐包是長身蒜蓉包, 包身哄得剛剛好, 脆身又不會過了火Fish & Chips: 魚柳炸得外脆內軟無油膩感, 用料很新鮮食唔到任何腥味. 伴碟薯條亦得很出色, 唔知點解我總覺得帶有一點點甘薯既甜味. Prime Ribeye Steak: 終於到我最期待既肉眼扒喇~ 呢度既牛排係採用美國進口牛肉, 肉嫩多汁, 肉同脂肪既比較適中, 食起上黎真係唔使點汁, 因為本身牛既肉味已經好出, 加少少salt調味已經好好食. 一個字: 正! (題外話: 唔知大家有無覺得塊牛排有點似一隻恐龍呢?)最後就以咖啡同haagen-Dazs既雪糕為這生日午餐劃上完美的句號…Read More

為迎接四天的悠長假期，興奮得上星期四下班後立刻要慶祝。僅以一頓晚餐慶祝當然未能滿足，沒有食過甜品總讓人覺得若有所失，所以即時搜索附近的甜品店。剛好巧經每次蠢蠢欲試但又被其進取的售價嚇呆的百味堂，這次終於鼓起勇氣買了一個原味牛奶雪糕、一個新鮮朱古力雪糕試試。原味牛奶雪糕一放到口中已感受到濃郁的牛奶香，甜度適中，質地細軟幼滑。幸好這雪糕雖幼滑，但不會太快溶化，而甜筒特別呈花形的設計可以盛著溶化了的雪糕，讓人有充裕的時間慢慢品嚐，伴著鬆脆的甜筒更是可口。新鮮朱古力雪糕是在牛奶雪糕灑上厚厚的朱古力碎粉，朱古力又香又濃，僅是個人略嫌有些掩蓋了牛奶雪糕的奶香。令人回味的甜品，期待下一次再訪。…Read More

店舖位於朗豪坊MOS Burger舊址, 買完野食可以選擇坐係室內或者室外進食, 不過室外鄰近吸煙區, 所以今次還是選擇了安坐室內用餐. 看著餐牌一直心大心細, 因為有好多野都想試想食, 最後係每樣都想試D既情況下都係叫多左了…鹹豆花豆花上滿佈紫菜, 榨菜, 蝦乾仔仲有D炸油條粒tim. 豆花食落幾滑但係略嫌咸左D, 同埋配菜既味道太濃亦掩蓋左豆花既香味.香腸蔥蛋飯團呢個我自己較為失望既一款,因為我認為一個好既飯團,配料一定要頭到尾都覆蓋到口感先會夠滿足,如果只得中間有而頭尾都無的話總係會差少少吧.所以香腸長d蛋多d咁就good喇豬排蛋燒餅是次最喜歡的食物.燒餅夠脆,豬扒搭配蔥花蛋本身也是無得輸的組合, 再加上生菜感覺上無咁油膩. 記得趁熱食呀油條炸得脆身, 份量夠. 值得推介紅茶豆漿味道夾埋幾新鮮, 紅茶同豆花大家都搶唔到大家風頭咸豆漿幾大碗同足料, 飲完都幾飽…Read More

隨心走到赫德道發現之前的瑞士餐廳已轉成以食牛扒加薯條出名的La Vache! 身為薯條愛好者既我當然不放過呢個機會啦😎呢間餐廳特別之處就係無野揀！食品除甜品外只得一款牛扒餐🐂能夠咁做當然係對自家牛扒出品好有信心啦，而事實都無令我感到失望牛扒餐$298包沙律，任食薯條同一塊十安士肉眼扒首先係沙律，份量不算多，但相信大家都志不在此吧😅 旨在開胃為接下來既牛扒薯條盛會作準備接住就係期待已久既主角牛扒同薯條出場喇！每塊肉眼扒都用小洋燭保持住肉既溫度，唔怕食到尾會凍冰冰。薯條好新鮮無限refill, 好正😋最岩一邊食一邊吹下水。相比牛扒我更喜歡佢既薯條(最後食左三大碟🙈 大滿足) …Read More

小弟第一次寫食評，寫得唔好勿見怪😃某日晚上下班，一個人在荃灣街頭尋找美食去好好獎勵一下辛勞工作既自己😋走着走着來到呢間位於小巷的漢堡甜品店，本身是買旁邊店的手抓餅但見到呢間漢堡店都好吸引就試下了。今次試的係安格斯牛堡安格斯牛配合芝士同醬汁出奇地match👍包身夠軟熟，成件事配合得好好。食落好juicy,回味無窮！總括黎講，食品水準令人驚喜。令我有動力寫第一篇食評既原因都係因為想推廣下呢d有心經營既小店，大學有機會經過就支持下啦😃…Read More