RonaldP's Profile

上星期來過一次，見到營業時間係07：30開始。同店員再三確認，星期日都開07：30，佢話係。今日帶一家人來，07：50到，見到個閘半開，入去問店員，佢話廚師仲沒返到，要再等15-30分鐘。同行有人09：00要開會，所以無辦法等。加上當時有另外一對客人，亦因為唔想唔知要等幾耐，選擇去對面MacDonald。個人覺得，如果員工無辦法咁早到，請更改營業時間。唔好等到客人，係餐廳提供營業時間範圍內抵達，因為員工遲到，而唔係無法預計營業問題，相信唔係一個好體驗，並影響餐廳品牌。…Read More

12點正坐底，請侍應幫忙落單，侍應叫等等先。其後，直接放底張QR code, 叫自己落單。12：01分落單成功，等到12：15，另一位侍應行過來話落單不成功，要人手再落過。但再掃QR code時候, 依然見到原本12：01分連加1的單，証明頭先帳單仲係個系統到。詢問原因，只係話個系統有問題，仲要問依家仲需唔需要落單。正如最近其他食評一樣，呢間鋪的員工服務態度非常有個性，目前營商環境，真心佩服。食物正常，不過不失。…Read More

午餐我哋一家四口去食午餐，原本要點蛋餅。一坐低待應話全部蛋餅冇得賣。原本想走但囡囡說可以吃滷肉飯，我哋叫咗四個套餐四杯飲品。食物差過以前。過了25分鐘我食完待應馬上收餐。之後老婆同囡囡三個食完都係立即收餐。有位侍應過嚟話要買單 ，飲品全部都未飲完 ！原來呢間舖只可以坐三十分鐘！呢啲係佢嘅服務態度 攞咗米其林又如何 從此以後絕對吾幫襯…Read More