貪吃小豬嘜's Profile

可能本人喜愛魚..所以成日專登來食真係好好味..好鮮...無味精我好鐘意..但男友認為太淡最好味係魚餅...墨魚蝦卷魚湯既..我最鐘意係魚腩..豬潤...木瓜好鮮甜..又唔鯹...推介!!…Read More

我己經成為這店的fans了....最近經常來食..試過很多新食物呢...補番食評要推介以下食物:老水拼盆:抵食架..38蚊有豬頸肉..鴨腎..蛋..豆腐同雞翼...份量好多...個味亦好好..我好怕太咸呢..呢個唔會架..個味又香又唔太咸...正!!老肉乾麵:麵質幾好..老肉好味..大大碗..好好味呀..又唔會太油..!!雞絲粉皮:好開胃..唔係太多麻醬..唔太溜..好香口好creamy...總之就係好味百香果紅茶:本身我好buy百香果..其他地方好多都整得好甜..但呢到唔會..好好味呢…Read More

同男友來食..由六點食到十點..好滿足..要推介比大家食物:好多款..龍蝦又大隻又鮮..生蠔好味..帶子.蝦.螺都好大隻好味..刺身新鮮..熱盆款唔多..但質素好高..大大煲花膠海參任你食..蝦膠讓花膠..片皮鴨..羊架.黃金蝦..高級菜式..大酒店級味道..用料絕對上貨..好好味..甜品款多又好味..沙律..火..生果..湯..應有盡有..重點係refill好快..龍蝦及蠔等幾時都有得拿..大大隻新鮮等緊你..人流多..熱盆真係熱辣辣..我覺淨食海鮮同花膠都抵哂..服務:果然係酒店級水準..待應多又醒目..收碟快..勤加水..好主動serve你..值得一讚一分錢果然一分貨..398一位係唔同d..食得開心..錢..自然比得開心..我諗我唔會再幫襯百幾二百幾既所謂酒店自助餐啦…Read More

上食過後驚為天人..今日再來一趟..同樣叫套餐..個餐幾好..可以自己改任何菜式..補錢upgrade..自由度大..抵讚..金牌拼盆:酥炸糖醋雞..好好味..酸酸甜甜..炸粉唔太厚..五香排骨..夠味又淋..正..雞肉串燒..較為行貨..都ok..墨魚蝦沙律卷..呢個好味呀..墨魚包住青瓜同蝦..開胃又鮮味..鴨胸沙律..一般..但幾醒胃腐皮蚵仔卷:外面好脆好香..入面好多蚵仔同配菜..超好味..一客有八件..幾抵食牛根腩:呢個真係鎮店之寶..真係超好味..牛腩好淋好入味..牛根有咬口..蘿白好鮮甜..好好味..魯肉飯:唔多介紹..總之好味擔擔麵:係我食過最正既台式擔擔麵..湯又濃又杰..麵有咬口..一定要試呢飲品:唔太甜..又唔會似茶軒d有一舊舊粉..好好味豆沙香蕉酥:我叫套餐都係為左佢咋..呢款小食無得散叫..要跟餐送..上次食過真係好好味..所以今次為左再食而叫餐..果然無令我失望..超好味呀服務:待應幾醒目..小店來說算好有心serve你..落單快..一叫即到..真係抵讚..可能我本身鐘意食台灣野..所以個人很喜愛此店..一定會繼續幫襯呢…Read More

JENNY既曲奇．食極都咁好味．４ＭＩＸ食都不停口．今次試下新口味．轉買杏仁片．７０蚊一小盒．較曲奇貴．一盒份量絕不少．成盒滿滿的．每塊都好薄身．基本上全塊都由杏仁組成．只用好少好少既脆身曲奇連住杏仁片．食落咬咬杏仁．一點都唔會太甜．好香口好脆．好好味呢．比起曲奇既鬆軟入口即溶既感覺．完全另一種感覺．但同樣出色．同樣好味．同樣一塊接一塊．停唔到口原來除了曲奇出奇．杏仁片亦超級好味．下次去買有多個選擇呢．．…Read More

看見食評不錯..同男友來試..想試不同的咖哩味..叫左農夫包加牛腩..同香草咖喱羊肉套餐..農夫包成個頭咁大..外面勁脆..入面又勁軟熟..真係好好好好味..咖喱汁唔太辣..點包食真係一流..包中間夾住牛腩..好香好入味..又唔辣..未食過咁正既咖哩麵包..講真..個香草咖喱羊腩起初我以為同農夫包個咖喱汁無乜分別..點知一食的確有誠意..係完全兩樣味..呢款辣d..好濃香草味..同樣咁好味..一個套餐..有一大煲咖哩羊腩..我諗有十幾舊羊腩..有兩碗飯..一碟菜..一碗湯..同一杯汽水..居然只係三十四蚊...仲要全部都好好味..真係抵到爛..環境..good架..乾淨大排擋..有亞姐不停執..完全唔覺得好污糟..食物好得..肯定再幫襯…Read More

正店從未食過..旺角新世紀開左分店..一食己覺得驚為天人..瘋狂愛上..食完再食..睇食評卻話同正店差得多..既然分店都咁好味..當然要來總店試下門口舊式..無裝修可言..但人龍居然排到出街..買完一睇..好似比分店的淺色..味道:嘩..真係好味過分店好多..皮又脆D..蛋又香D..可能鋪頭舊D..FEEL又好D..旺角分店:好好味中環正店:勁勁好味…Read More

終於同男友買左屋仔．來宜家睇傢俬．順路食LUNCH．喜歡宜家咖啡店既STYLE．自助式．方便迅速．價錢平．味道．但格調又一點都唔CHEAP肉丸：招牌菜．果然好味．肉質鮮味又多肉汁．正！蕃茄湯：偏酸．但好濃番茄味．杰杰地．好好味．可能我食得酸啦．男友話太酸了．香草燒春雞：燒春雞一點都唔”春”．好大隻．成隻大肥雞咁款．肉質好滑唔鞋口．好香香草味．味道偏淡但好香．好好味．真係好好味．不過呢隻春雞．．實在太大隻．好飽呀．…Read More

入得赤柱．一定要買曲奇啦．銅鑼灣只有訂貨．無工場．入赤柱試下其他食品．下午二點去到．問亞姐．佢話有杏仁片賣．諗住回程先買．點知六點去到．乜都賣清光．十萬個失望．亞姐好好人．同我講下笑又幫我訂貨．杏仁片可以係銅鑼灣取貨．都好過無啦．波羅汁：赤柱先有賣．銅鑼灣無架．五蚊杯．好味喎．淡淡波羅肉．唔太酸．好正呀無杏仁片都買盒4MIX頂住先：食過咁多次都仲係咁正．牛油味香濃．咖啡味超好味．入口即溶．一塊接一塊．兩個人．居然係兩個鐘之內食哂一盒４MIX大裝曲奇．真係回味無窮…Read More

泗益既西多同奶茶．真係無得頂呀．西多：外脆內軟．好香牛油味．第一次食西多唔使落糖醬．入面既架映己經甜甜地．真係好味到無得頂．咁大個人未食過咁好味既西多．可惜實在太肥美．滿口油淋淋既感覺．不過真係好味到唔記得要減肥．．奶茶：茶味好香又唔苦．超正又一古式大排擋．．好味道！…Read More

放假入赤柱同男友懷舊浪漫一番．做好功課．一心來試豬手同德國腸．非常滿意環境：露台位．無敵大海景．日落景色．靚到暈．室外裝修好簡單．木製品．加上海風同景色．好外國FEEL好RELAX．未食都比滿分．食物：例牌菜豬手．加肉腸拼盆．焦糖布丁．脾酒．豬手真係外脆內軟．好好味又唔會太咸．真係超好味．腸拼盆都幾好．隻隻都有特式．唔會差唔多味．值得一提個伴碟酸椰菜好好味．焦糖布丁好香滑好正呢當日我地坐露台享受靚景．食飽我行入餐廳室內去廁所時先驚覺室內裝修咁華麗咁靚．好歐陸風情．好多掛畫吊燈．維多尼亞FEEL..勁浪漫呀．一間餐廳．室內室外都咁正．真係抵讚本人熱烈推介各情侶到此慶祝節日浪漫一番．．…Read More

食完勝香園..過對面試下九記..要排隊..十分鐘到..OK啦入到去..由於飽飽地..兩個人只叫左一碗牛腩麵..一碗清湯..一支汽水..我都知咁多人排..兩個人食咁少野唔係咁好..所以諗住叫住先..睇下餐牌再叫..點知..一落完ORDER..個亞姐好惡咁鬧我"下?你唔食呀?兩個人叫咁少野?"我即時呆左..睇下先再叫過都得掛??況且態度實在好差..同場好多人望住哂....不知所謂..原本我都諗住再叫野食..你咁講..哼..我就唔叫..食物:可能心情唔好..食物都無咁好食..牛腩好有肉味..不過全都係瘦肉..好UN...湯底的確唔錯..但份量好少..牛腩又UN..亞姐態度差到不得了..唯有劣評兼無下次…Read More

聞名己久..同男友來試..番茄牛肉通:湯底夠味..番茄大大粒..好味..牛肉好鮮..正!檸蜜脆脆:蜜糖唔太多..甜甜地..加檸檬汁..酸酸甜甜..好好味..比傳統既多士多一份驚喜..個人非常喜愛檸茶:督得唔過火..味道適中..好味地方:絕無裝修可言..係一個古老傳統既大排擋..餐具好多都係爛既..但感覺好有FEEL..有一份情懷..係中環既大都會..有咁既舊式大排擋..好有FEEL呢...正!!…Read More

幾個月前食過後．．同男友都讚不絕口．．一值想再食．．但唔係無位就係想食其他野．．今晚一早BOOK定位再食過．．雞肉凱撒沙律：42蚊半份．份量十足．有十幾舊雞．肉質鞋口．但味道一流．菜好新鮮．芝士同麵包糠亦足料．唯一略彈唔夠沙律汁．．白汁磨菇雲吞：上次食過番尋味．．真係無得頂．皮厚厚有口感．餡料好香．汁好creamy．實在太好味了．．米蘭PIZZA：意大利薄餅．好脆好薄．餡好多．磨菇好大片．洋蔥甜甜地．．好特別．．好味．．不過個人喜好BBQ雞肉果款多Ｄ烤萍果：太甜．．但好味．．面頭Ｄ朱古力餅粒好正．．好好味．．值得一讚Ｄ待應反應快．態度好．主動．呢到絕對唔係高級餐廳．．但佢比到酒店級既服務態度同質素．．實在要加分．．ＧＯＯＤ．．一定會繼續幫襯．．…Read More

上次食過武大郎..今次試淑女餅..皮薄..好香好脆..面頭有豬肉..九菜..芝麻..好香口..有少少胡椒味..好惹味..good個人認為武大郎好似好味d..因為淑女餅較乾身..香口d..但武大郎就肉汁多d..鮮味d..個人喜好武大郎多d..不過淑女餅都好得..…Read More