papayalovers的个人专页

話說早兩日難得想食炸雞.. 就去咗朗豪坊附近嗰間食啦，要薯格冇炸薯格，要蛋撻冇蛋撻，要辣椒醬冇辣椒醬, 我都唔知佢地點開門做生意 乜都冇，又唔比轉蘑菇飯! 叫咗辣雞，比咗唔辣 究竟d員工訓醒未架，叫咗杯咖啡，又苦到七彩 ... 我唔係要齋啡（仲要加$3）全部雞都係炸粉lo，D雞肉好似煲湯瘦肉咁... 人生食過最難食既KFC... 以後唔會再幫襯…查看更多

經朋友介紹去左呢間壽司鋪度食野... 一入到去門口個接待話我地未人齊唔比我地入 如果唔係就照計時 限時一個鐘 我地無所謂啦照入座先 一坐低已經睇到"繁忙時間只限加單一次" 所以就諗住等齊人先落單 然後因為我朋友既媽咪唔識路過黎 我朋友就出左去接佢 留番我一個係度等 期間已經有侍應問落得單未 咁佢寫到明只准加單一次就梗係等埋一次過落啦 所以我就話未得住 等左一陣 我朋友帶埋佢媽咪上黎 再望一望餐牌 決定冇野加啦 就直接落單 隔左冇耐 企係我側邊未帶好耳機線既扎辮侍應 耳機傳黎好大聲既聲音"佢地3個落左93蚊野喳" 我朋友媽咪即刻同我打眼識 我再啤一啤果個扎辮侍應 佢若無其視咁眼尾都冇望我 轉過頭張單送左黎 果然就係我地張單~93蚊~ 當時我已經嬲嬲地 而家咩事呀 你又冇寫明每人最低消費 而家要管我地嗌左幾多錢野😡 有本事叫公司加價加到我張單930蚊 或者叫公司改政策寫明最低消費囉 之後野食到左食左幾件已經覺得淡茂茂 魚冇鮮味 軟殼蟹手卷林pan pan 咁(見圖) 而家係咪因為怪我地只叫左93蚊野咁少 所以食物質素咁差 定還是原本都係咁差 (唔怪得至元朗人話最好食係爭鮮😑) 食完一轉 朋友媽咪又落左去想接人過黎 但佢始終唔熟路所以折返 又比樓下個接待冷言冷語對待"乜又係你呀?又番黎呀?" 哎喲..乜你鋪頭有告示寫明食食下唔可以走開一陣咩 個屁股一定要痴住張凳唔準行開既 洗唔洗咁既態度呀😖 跟住我地都有落第二次單 加左幾件壽司同沙律 (埋單果陣唔止93蚊架囉) 食食下我朋友想要d壽司薑 就問果個頭先未帶好耳機既扎辮侍應 佢好似新黎咁要問兩個同事比唔比得 第一個同事我就冇留意有冇應佢 再問第二個係後面踎低執緊野既同事 係我朋友坐既角度見到果個踎低同事 擰哂手 做哂口形 "唔好比佢地啦" (你都算樣衰啦 唔比咪唔比囉 仲要比人見到你係刻意唔比) 跟住果個扎辮侍應走返出黎話 "壽司薑要收番5蚊" 咁我地緊係唔要啦 食左咁多年日本餐 都未聽講過要壽司薑要收錢 仲要係咁刻意收我地錢 我朋友覺得"好啦壽司薑拎唔到 加d茶都得卦" 我都係度諗 呢間野態度咁差 唔會加比我地啦 結果居然好順灘咁拎左個壺入去加茶 一如我所料 壺茶送到過黎 熱到拎都拎唔起 等左陣我決定斟落我地茶杯度攤凍d先飲 結果到臨走時都係攤凍左少少 飲到一啖仔😤*總括黎講整個下午茶都食到背脊骨落.. 由一開始帶唔穩耳機既侍應開始.. 就全間餐廳既侍應都好注意我地張枱既一舉一動 因為堂食位置係閣樓 佢地送餐行上行落都昅實我地張枱 全程黑口黑面 講真我唔知我得罪左佢地d咩 同埋我地都係市區入黎元朗而且係下午茶時段 消費唔高係正常 亦難得入黎元朗唔會只食一餐咁少 但佢地咁既服務態度真係好趕客 不知所謂 唔會再去下一次😟😤😧…查看更多

星期六下午去... 明明銅鑼灣大街人來人往...上到去好似包左場咁... 冇乜人食... 而且場地開揚... 陣陣清風吹埋黎... 鬼死咁凍😶3個人去食個lunch 要600幾蚊menu 餐具 自己拎... 自己行去落單...好在唔洗自己捧餐返黎... 唔係真係連大家樂都不如食物方面... 意粉同飯色水好似好靚... 但冇乜味薯條炸到過左龍.. 唔係有黑松露點下都唔會食..😑亦都由於太開揚太凍既關係.. 野食好快吹到凍哂食完成餐飯... 我地起身走啦。。。仲好意思叫住我地 要我地執枱... "小姐... 小姐..."我地3個都冇理佢 600幾蚊完全冇服務可言又唔好食...仲要我地服侍返間餐廳轉頭...*我寫既食評唔多 次次寫完果間野冇幾耐就會結業 呢間唔知可以捱到幾時…查看更多

我跟朋友昨日去吃了一頓晚餐.. 其實一直都有幫襯開.. 服務態度都不錯的.. 可能近期是有半價優惠吧.. 太多食客光顧.. 所以請左幾個新人.. 我地點左石鍋松露鵝肝飯.. 同肉眼排薯菜.. 當我地飲完餐湯.. 食緊沙律前菜時.. 石鍋飯已經到了.. 後生男侍應放下後.. 我朋友已經刻意推遠一點.. 因為那個石鍋一上枱.. 滋滋滋的好明顯很熱的 然後過左一陣.. 果個後生男侍應又行過黎將個石鍋推近我朋友一點.. 還說了一句{小心睇熱}.. 當時沙律還未吃完.. 我同我朋友心諗 就係怕熱先推開 做咩佢又咁多事推返過黎😒 好..算數！因為兩個餐都係我同朋友share食既.. 所以塊肉眼排一上枱後我地已經切好左.. 分左係大家既小碟裡面.. 原先放肉眼排既大碟就剩下薯菜同翠肉瓜.. 呢個時候.. 有個中年女侍應問都冇問 就將個石鍋飯疊左去肉眼排大碟.. 我朋友即時話{我地未食完架}.. 當然.. 呢個時候翠肉瓜同薯菜已經比個石鍋飯木底托污染左啦.. 佢就話{唔好意思我以為你地食哂}.. 可能呢間餐廳鋸排餐配薯菜.. 薯菜是比較少的.. （附圖）我地一舊都未食過 你都可以誤會... 然後好啦.. 終於食完.. 飲緊餐飲.. 我朋友仲好努力繼續食埋之前個沙律前菜.. 然後又係果個中年女侍應走過黎 見我朋友一放下叉子.. 又係問都冇問就想收沙律前菜既碗.. 我朋友就話{未食完架.. 頭先又係咁而家又係咁}.. 中年女侍應就答{通常d人叫左野飲即係食哂.. 我唔知你地未食完}.. 其實{唔知}係咪應該要問下呢.. 其實我唔介意比全價食一餐有番咁上下服務態度.. 食物質素跟以前一樣既一餐.. 好明顯.. 佢地半價後 食物質素下降 服務態度差 希望以後若然有機會再食 可以改善下…查看更多