cloud_cow's Profile

其實我有到，我比訂枱時間早咗半個鐘到，當時餐廳有好多位，職員話因為我早到咗，所以要取消OpenRice嘅Booking，當我係Walk in。其實對我就冇乜大影響嘅，只係喺OpenRice上面我有一個被取消嘅紀錄。不過我唔係好明點解餐廳要咁樣做，覺得有啲奇怪。🤷🏻‍♀️我食過旺角、觀塘同埋尖沙咀嗰幾間牛大人幾次，都覺得OK，唔知點解尖沙咀呢一間好似爭少少，尤其啲炸嘢，例如午餐肉、鹽酥雞，炸咗放低好耐咁。我下次未必會揀呢間食，可能去返其他分店食。…Read More

都幾好食嘅，壽喜燒嚟講真係幾抵。嗰幾塊牛都唔錯的。有職員幫手燒，基本服務有，不過不失咁啦。食個basic set 都ok夠飽，另外叫咗個黑松露薯條同燒雞腎，薯條都幾好，雞腎就普通。見其他枱有4個人以上嗰d都有叫一大堆串燒，有機會再食都可以再try try 。仲叫咗杯cocktail,唔記得個名，都唔錯的。好似有1間房，都坐到10個8個人，有需要可以訂房。地點都幾方便，如果想平平地食個壽喜燒，都會返嚟食嘅～…Read More

其實食過好多次架啦~一開張見佢咁多差評都唔敢食，之後行過親都見勁多人咪試下囉，又有啲驚喜喎，從此轉咗會喺呢間飲茶。一直都冇寫食評。前2日又嚟飲早茶，所以野都如常，ok架，除咗。。。。牛肉腸，好似食緊蒸齋腸咁，平時都唔係咁架，失手呱。我冇叫佢換呀，食咗就算~ 會再返嚟嘅，希望下次好返啦。…Read More

想食個快既晚餐，冇咩idea,諗起有街坊話呢間幾好食就去試下啦。幾十蚊一個餐，有主菜+南瓜湯, 凍飲要加$10一食個意粉，有驚喜喎！唔係好濃味，不過好香羅勒香味，一d都唔油，正！(有唔同意粉揀，天使面、扁意粉嗰d。如果唔食意粉，可以揀risotto)老公叫咗個漢堡包餐，真係Ok喎。配菜係薯角，不過不失啦。六十幾蚊嚟講真係抵到爛啦，CP值👍🏻👍🏻(圖：食咗幾啖先決定要影相post openrice 😅)…Read More

唔記得咗影相有驚喜！佢個沙爹汁堅好食，買左墨丸、燒賣同雞中翼，好好味呀！！d staff仲好好禮貌添～今日得串燒，冇其他嘢，睇餐牌應該有粉仔、腸粉嗰d，下次試下先~~ …Read More

一開始見佢個名係水上人咩咩咩，緊係食魚蛋魚片嗰啲啦，都ok嘅，不過冇令人留下深刻嘅印象。之後俾多次機會佢，食左個豬手面，都係普通，冇咩特別。有一排冇食佢lu~有次收工好夜下，得返佢開門，咪求其食。因為之前食嗰d都唔太特別，就脆脆地食左個牛腩面，嘩！好好食！啲腩比外面嗰啲肥，不過好濃牛味！一碗有成五六件牛腩，好抵食囉。不過其實一個人食晒有dd"漏",所以通常都係2個人去，開心share,總之次次去都係食牛腩魚片頭面另外，啲伙記都好好禮貌。…Read More