sumsumom2346's Profile

平時lunch經過呢間餐廳成日都見到人排隊，起碼超過10個人。今日特登早少少放飯，12點正到唔使等直入。個佈置格局都似日式嘅居酒屋，新裝修整潔。午餐牌都好多選擇。如果唔食生嘢嘅朋友可以揀佢啲熟食. 今日試咗個壽司定食。壽司定食包10件壽司🍣，基本有鰻魚，三文魚，甜蝦，赤貝，蛋。壽司魚都新鮮，啲米飯係用壽司醋，所以啲米飯會黃黃哋，不過又唔太酸。仲有個類似鰹魚湯嘅烏冬，入邊仲有幾隻蜆。講烏冬都彈牙，個麵湯底唔會太鹹。…Read More

自從佢轉咗手之後，第一次嚟堂食，今晚食咗個二人餐水準三大兩細，食到飽飽。最抵讚佢有得優惠價追加，追加咗個烏冬份量同一個正常烏冬咁大😌。前菜試咗個蟹籽沙律，份量足，沙律入邊有青瓜，冇出水，似係新鮮整。加州手卷有三件，正常嘢。但叫做有心思擺下盤。主菜叫咗個海鮮鐵板，如果鍾意食牛可以另加錢轉牛。個海鮮鐵板都幾足料有一大嚿銀鱈魚，半隻大蝦，兩個大帆立貝，仲有薯菜做配菜。舊魚煎得幾滑，隻蝦略嫌太乾身。但總括嚟講，價錢算性價比高 ，份量足料。…Read More

約咗同事去觀塘食晚飯，由於有啲感冒又唔想食太熱氣嘢。就搵附近有咩中餐食。誤打誤撞嚟咗呢間，食潮州嘢。 諗唔到叫咩食，佢有個二人餐，就試吓。頭盤炭色豆腐，口感都幾得意。佢個皮脆脆地入邊啲豆腐都幾嫩口。凍鮑魚海蜇，個鮑魚都腍厚身。不過個味道比較淡口啲。 ，海蜇就爽口，同埋粗身。杏汁豬肺湯，佢用過小茶壺裝住啲湯。有儀式感😂。湯料都幾重，但湯份量比較少。呢個撈麵好似平平無奇，但出奇地有驚喜。認真好爽彈口。佢上面耍曬好多櫻花蝦，配埋啲面一齊食口感特別。…Read More

今日同同事嚟呢度farewell , 感覺訂位冇以前咁緊張。早一個禮拜預訂都仲有位，去到當天位置都冇坐滿。環境氣氛悠閒，服務保持到大酒店水準。今日冇選擇食set lunch ，反而散叫。今次試咗Pizza，意大利粉同埋頭盤大蝦沙律🥗。蝦肉新鮮大隻，佢用咗啲西芹做配菜個醬汁溝埋估唔到都幾好食😜叫咗呢個火腿芝士pizza ,個芝士出色。好軟熟同埋好奶味，火腿味道可以，稍為比較淡味。個Pizza餅底，焗得幾脆。另外叫咗個朱古力mousse cake . 朱古力好濃，味道食落似金莎🤣。…Read More

因為同事帶嚟呢度飲食lunch，估唔到係住宅區有一間酒店級別中餐。入到嚟餐廳，先同你開茶, 今日揀咗特色養生花茶🌸，用菊花紅棗沖，唔錯，唔錯👍佢d 點心好有特色，擺盤好靚。叫咗佢哋嘅王牌厚切叉燒，啖啖肉，不過略嫌比較肥，食多兩嚿有啲油膩但個叉燒汁好味🤤另外佢個鹹水角都好出色，成個啤梨咁，打卡一流。佢個生煎包都幾靚，個包皮有兩隻顏色😂，餡料多。腸粉皮薄，用料足，但一碟得六件。人多可能要嗌多碟😂…Read More

中秋節正日，同事黎呢度食西餐慶祝中秋節🥮環境氣氛好有小店feel, 坐位唔多，最好預先訂位。冷氣稍為唔夠凍。午餐包埋前菜可以揀湯或沙律菜。今日個西蘭花餐湯唔錯，唔會太杰撻撻。同事話呢度出名食pizza 🍕，果然有驚喜👍.新鮮出爐嘅pizza係唔同啲，叫咗個辣肉腸pizza，辣肉腸稍為辣咗啲，但係Pizza皮脆，芝士濃味。 個Pizza仲要好大個，份量十足。另外試咗個手工pasta 🍝，麵條彈口，不過醬汁不過不失。最後加埋個甜品Tiramisu，完美😂…Read More

過開嚟附近上堂，試一試搬咗嚟室內嘅陳根記。以前佢未搬入鋪之前，食過幾次，地道大排檔。而家搬出嚟冷氣地方，坐得舒服咗。驟眼睇都似以前的佈局，保留大排檔裝修。 位置坐得鬆動，自助茶水🙂午市套餐，多選擇。小炒粉麵，碟頭飯，蒸魚，都有得揀。叫咗個豉油雞飯，隻雞好滑。豉油汁甜甜的，易送飯。 朋友叫咗個星洲炒米，辣到唔算太勁。米粉炒得乾爽，夠熱。另外叫多咗個乾炒牛河，牛肉都爽口，唔韌。唔算太油，炒得OK，有鑊氣👍…Read More

原本諗住入嚟食魚蛋粉，點知呢度有頹飯食。價錢性價比非常高，豬扒或者雞扒可以再另外配多兩個餸(腸仔/ 蛋). 可以揀咖喱汁蔥油。上菜速度非常快，個飯仲要足料大大份。女士可以考慮叫佢小飯🤣…Read More

今日嚟呢一間新店探店， 食點心嘅專門店。門面乾淨企理新裝修。點心選擇都多，大多數都係傳統點心有蝦餃、鳳爪、燒賣、叉燒飽…….特別啲嘅有燉湯，甜品有雙皮奶😮今日試咗個龍仔蒜蓉蝦蒸飯，荷葉底蒸飯好香。啲飯有口感，蝦都算足料，勁多蒜頭。不過就比較薄身。總括嚟講味道唔錯。另外試咗個黑松露燒賣，口感彈牙。但個黑松露醬冇乜味。。。佢啲點心係即叫即蒸，上到台仲熱辣辣👍坐底開始食先知，午市有罐裝飲品送，有啲驚喜🤣…Read More

今日lunch嚟呢一間新店，呢到主要食雲吞，粉面類。價錢中等，叫咗個紫菜鮮肉小雲吞(15隻分量)。佢啲雲吞個皮係幾薄，不過啲豬肉麻麻哋，比較韌。 湯底冇乜特別，冇乜味道😅。不過份量方面還可以，15隻小雲吞，但係個份量都幾大，唔算太細粒。…Read More

今日同同事又嚟呢間lunch，睇個名以為淨係食酸菜魚，其實入邊有好多正嘅小炒。佢中午lunch Menu大眾化，包埋嘢飲，亦多選擇。佢啲炒粉麵飯有鑊氣👍今日食返酸菜魚，叫咗少辣。啲魚好滑，米線份量足。同事就叫咗魚香茄子飯，汁多味濃，送飯一流🤤. 仲有好多小炒想試，可惜每次只能要一兩款。如果多人嚟食佢可以訂位，大家可以試多啲唔同款。不過佢座位真係唔係好多，如果大枱都係得一張，其他都係二人/　四人枱。中午時段比較多人。…Read More

大角咀實在太多選擇，今日試一試呢間潮州野。大部份潮州嘢都有得食，午市有lunch menu , 除咗大路嘢滷水鵝片之外，仲有燉湯，陳川粉特色小小既送。你今日試左個燉湯套餐度，佢包一碗飯同埋一碟油菜。燉湯都算足了。但如果係男士食嘅話可能個份量會覺得少咗。另外叫咗個滷水三寶，有鵝腸,鵝肝,同鵝肉.份量大，夠哂飽🤤。 滷水都滷得幾入味👍。 餐廳裏面都算寬敞，類似茶餐廳格局。有卡位，有圓枱，QR code落單方便。…Read More

呢間小店回購過好多次，水準keep到，味道好道地既花甲粉。佢啲花甲粉可以俾你揀加唔同送，亦都有唔同辣度🌶️🌶️🌶️俾你選擇。當然可以唔辣.佢啲花甲粉係用一個砂鍋上，溫度keep得好好。但呢間真係名副其實嘅小店，座位得三四張枱，每張枱坐最多2個或者4個人。lunch 一定要早啲12點前或者準時拎位😊另外佢仲有啲串燒嘅小食，試過一次燒得比較乾身。佢有一個白灼牛柏葉配酸汁，係大推。牛柏葉好腍，酸汁酸酸甜甜好開胃🤤🤤…Read More

同屋企人慶祝生日，預先訂咗8位,生日個位免費。食物選擇多，一般刺身都有如蟹腳，三文魚，希靈魚，帶子，赤貝 ，北寄貝等等。🍣壽司種類都算多。最特別佢而家做緊榴槤放題，有烤榴槤，榴槤糯米糍，榴槤雪糕。飲品都有驚喜，竟然有珍珠奶茶🧋。飲咗一杯好似有啲飽😅建議去到尾段先飲。佢仲好貼心有啲唔凍嘅紙包嘢飲，啱返老人家同小朋友👍👍水果甜品都好多選擇，有芒果仔，西瓜，哈密瓜。雪糕就最正有Häagen-Dazs🤤🍨。一般口味例如朱古力士多啤梨都有。係入座安排座位比較亂，大堂嗰度比較細，好多人塞住。總體都算唔錯嘅放題。…Read More

今日lunch路過見到呢間新開小店，門面似潮州打冷鋪。入去見menu主要食牛腩粉麵加潮州嘢。 小店都乾淨企理，座位同普通粉麵店佈置差唔多。Menu 寫一般牛腩粉麵魚蛋嗰啲都有，本來餐牌唔覺佢有寫牛雜，問一問個侍應原來都有得食。牛雜清理得乾淨，味道都可以，略嫌過粉面湯底唔夠濃。 見其他人都係食粉面為主。 簡單lunch有多一個選擇。👍加5蚊有罐裝凍飲，汽水，豆漿。特別之處佢有罐裝桔仔水，味道都OK唔太甜.…Read More