man131's Profile

外賣平台 外賣8折計埋平台費$63.5，現場買外賣$64，諗住只爭5毫，唔好要人俾平台瓜分收入啦～ 行埋收銀機，淨係收現金同埋D大陸支付系統，唔收八達通，咁唯有都係 外賣平台啦……睇相都知，咖喱牛脷飯，D牛脷又乾又燶又鹹，咖喱汁裝得個兜仔6成滿，好似好貴咁…… 俾D餐具，嗰隻匙羹，點食咖喱飯？點食咖喱飯？點食咖喱飯？仲要俾人話。阿姐拎外賣出嚟嗌外賣83，咁我 外賣平台 冧巴383，咪埋去睇下係唔係，俾阿姐話爭咁遠都問…… 但明明出單就係出83，搞一輪先俾嘢我食，仲要無啦啦俾人話…… 😡…Read More

以前返工lunch 成日食，搬 office 幾個月後特登行遠D返嚟食，個湯仲係一樣味，不過好油，用匙羹撇咗幾次都仲有浸油係度。雞俾得少咗，不過而家生意難做都明白嘅。雞肉嘅厚肉位完全唔入味，亦無之前嘅嫩滑，而薄肉位置入唔入味我就唔知了，因為隻雞翼(如圖)啲雞毛咁樣樣，真係食唔落。 至於服務，原本外場最多見過三個人，到另外一枱嘅小姐埋單時，個外場可以完全冇人，小姐企咗喺度呆等俾錢。…Read More

$68牛丸粉：丸係自家製，既香且軟但不失口感，湯夠清甜唔油膩，有少許應有嘅牛羶味，平時食嘢口味唔太鹹嘅我覺得剛剛好。我出外食嘢係習慣落調味料嘅，但呢碗食落完全無加料意慾，好正！！$9小食紫菜雞卷：對特價小食從來無期望，但呢3卷絕對無hea整，雞肉香滑彈牙，外層略香脆，如果下次有機會再路過食，佢就算呢3卷賣$28我都會order。$18檸檬蜜糖蜜糖味香而不膩，甜度適中 (沒有嗌少甜)，檸檬亦俾得唔小氣，可以依自己喜歡酸度嚟篤，喜酸嘅朋友不會失望。入座時店員有講明8點交枱，因有其他人預訂，我認為無問題就照食，時間到，店員禮貌地提醒交枱，講咗好多句唔好意思，話如果想再坐不如轉坐室內，感覺良好。…Read More

遲咗半年先記得寫過嚟呢邊🤣☆☆環境超乾淨，連廁所都乾淨過人☆☆☆貓大約6隻。☆▲ 多士卅幾蚊一片係凍嘅，係凍嘅，係凍嘅！搽上去嘅牛油完全一D都唔溶。 ▶▶(此事有向舖頭反映，工作人員認真致歉稱下次會改善，感覺得到佢地有誠意)◀◀▲ 咖啡四十幾蚊杯，飲落去係幾十蚊一大樽果種即溶咖啡味，係好難飲。▲ ▲ 單邊枱張長木椅好高，好窄，好難坐，正常女仔一定坐到斜哂吊哂腳。▲ ▲ ▲ 疫情期間枱枱都食緊嘢但全場無任何隔板。…Read More

溫泉蛋偏鹹，但蛋黃香氣很飽滿，隻蛋好靚，唔係一味追求流心，有晶瑩剔透軟滑嘅口感，更得我心。沾醬有合適沾麵嘅喊度，仍留有足夠豚骨香和味道，特濃味道毫不油膩，清爽而各方平衡，沒選錯。麵質偏爽 (我選適中)，外層柔滑，粗細適宜。選冷麵配熱汁溫度剛好。叉燒肥瘦適中 (我本身鐘意偏瘦)，比例超漂亮！留有略煎的香氣，本身調味很輕，略薄，只有3塊覺得有點少。會想再食！！！！…Read More

嗌外賣腐皮雞肉，腐皮碎哂嘅，好似煲過嘅腐竹糖水果D咁碎。+$6嘅雞肉碎濕濕地只有3~4舊仔。感覺被呃錢。同埋比起其他譚仔嚟講，佢味精特別重，食咗條脷痺痺哋同埋特別頸渴。…Read More

中環中心附近燒味舖太多，行過見呢間新開，凍飲唔駛加錢，被吸引左黎試。下午5點只有我哋2個客，落錯單……講完臨落樓佢已記錯飲乜，要講返奶茶一凍一熱先記到。飯黎到，切雞油雞調轉左，都好小事，我地自己夾來夾去都OK，但嗌瘦燒肉無瘦…… 其實記唔掂可以撳機或寫低，唔駛夾硬記架囉！送餐妹妹話幫我換過嘅，係我話唔駛啫。至於野食，飯有少量生米骨咬唔開，叉燒似無熟透而太鹹，雞係無味，食正雞胸果舊係似咬膠嘅。但個燒肉係OK嘅，味適中，皮亦脆。凍奶茶奶太多但勝在無嗌少甜都唔太甜，又唔會太多冰。堂食果層冷氣直接吹頭。總括黎講，附近仲有成堆女子龍記華豐…… 上班族飯堂黎講真係要加油喇！…Read More

嗌左麻辣湯底(大辣)，粗麵，豬腸，鴨血，豬皮，想嗌嘅台灣炸豆皮無得嗌。碗野一黎到有好大球麻辣醬料，要自己拎匙羹「顏」開佢。個湯，認真唔麻唔辣，但係好鹹、好鬼鹹、好鬼死鹹！食到尾成口死鹹、成口辣椒皮。粗麵無哂佢應有嘅爽口彈牙，煮到似普通麵粉麵。豬腸得三片，豬皮好虛無咬口，只有鴨血算係有多幾舊又OK食得。問佢拎左杯水，但杯水有油味，都唔知係碗麵太油影響味覺，還是佢擺水壺嘅地方有油煙。2:15食完，而家3:30，條脷都仲係「鞋鞋地」…… 出街食野，味精唔多唔少點都有D，但唔算狂車水飲，得唔算重。成間野除左幾樣配料台灣入口，其實搵唔到咩野同台灣/養生有關。咪就係車仔麵囉！仲要係唔覺好食果隻。見Open rice無負皮，先同同事諗住平安夜試新野，慶祝聖誕，點知失望到底…… $44，過上環食X尊無咁嬲…… 再唔係行過兩步食筷X記都好過佢……又平過佢……總括黎講，so sad x'mas~…Read More