paulleung1026's Profile

慕名而來明興整碗牛腩麵，雖然大排長龍，但係總算不枉此行，呢度冇分坑腩或崩沙，(利申：老闆娘盡量靚少少，太子會識做😚每次都冇失望😋)崩沙筋膜油脂適中，肥瘦恰到好處，每件都相當淋滑，唔柴唔痴牙，推介牛腩，絕對高質之餘對得住個價錢超晒班，至於牛雜普普通通，絕對唔係難食，略嫌鮮味不足，始終都係雪藏貨，但以$25/碗黎計經已合格有餘。湯頭之前試過太鹹太淡，今次剛剛好恰到好處，多蔥連金蒜，可算最佳拍檔。價錢就更加唔使講，價錢超乎質素，冠絕全港九。👍🏻…Read More

食過咁多間牛雜麵，大多數都係食完之後不停要喝水，但係依間就恰到好處，唔係太多味精，而且牛雜好多時都用草肚來代替金錢肚，而且牛蒡相當厚肉，牛肺都相當鮮甜，仲食到鮮甜味，牛腸內裏還充滿粉，十分邪惡，生麵嘅麵質相當爽口，沒有太大嘅鹼水味，題外話，不得不讚佢杯咖啡，諗住都係茶餐廳式嘅酸味咖啡，估唔到佢哋係用咖啡機炮製嘅即磨咖啡，雖然談不上第一級嘅咖啡豆，最基本沒有帶酸味；食過咁多間牛雜，中興算係不過不失，牛雜控可以一戰。…Read More

不愧為全柴谷最好食嘅打邊爐的確當之無愧，初見真章，可算小弟不敢恭維，深海大蝦色澤比較罕見肉質比較淋滑，入口溶化，海水味濃郁，墨魚滑口感十分堅硬，入口充滿澱粉質，媲美民間生菜魚肉有過之而無不及，另外其他必食丸類大多都有喜出望外嘅味道，相映成趣，重點安格斯肥牛肉刀工精湛，每碟上枱鮮肉都會緊緊包圍着白色油脂，務求呈現出最美嘅一刻給每位食家，以$163全包任食任飲打邊爐來計可算是冠絕全港九能夠食盡特別珍饈百味，絕無曲線地帶。👍🏼…Read More

天寒地凍，懷着＄138全包任食幫襯，理應本着冇要求嘅心態來，首先入內完全唔駛等即時入座，座位尚算OK，但係火鍋枱擺得比較逼夾；首先叫咗個胡椒鹹菜豬肚鍋底，豬肚都有好多件，但看似花奶充骨湯，是但啦最終都係溝水打，鍋底選擇多；醬料款式唔多，豉油好似溝過水，幾淡囗，說好的大檔小食亦不翼而飛⋯⋯，算！打邊爐不是求小食，拎咗order紙黎過一過目，款式唔多一張紙三格睇晒，Order所有生料都係以一鑊熟型式上枱，生料方面最回本位手砌肥牛，油花分布相當平均，入口肉味油香濃郁，完全唔似出面啲極品肥牛一淥就散，毫冇肉味，完全冇諗過劈場會出現，但order嘅時候，次次都係6-7成上枱；新鮮海蝦，隻隻都爆滿蝦膏，肉質實淨鮮甜有咬口；手打墨丸幾彈牙，但係每粒份量細粒過粒麥提沙，重質不重量；其他嘅料可以瞇埋眼，飲品方面有提供樂天嘅酸乳同錫蘭檸檬茶，啤酒方面有藍冰嘅尼姑尿，可以慳返quota，樂天錫蘭檸檬茶清淡唔太甜去油膩唔錯；整體上用＄138全包呢個價錢來計，走混各大小村落之打邊爐劈埸都已經做唔到，一句到尾有會本位係抵嘅…Read More

居住在柴灣區20多年，真係冇乜有水準同價錢合理嘅良心西餐，跟着佢張傳單入咗黎試，散叫每道菜已經包捨埋自助沙律吧，$48任食自助沙律吧的確係健康又驚喜，新鮮沙律菜嘅種類配料繁多，紅葉生菜，羽衣甘藍，火箭菜，芥茉水菜⋯等等都不定時提供，鴨胸肉涼拌長通粉，十分醒胃，餐湯蘑菇湯非常濃郁，粒粒蘑菇，口感十足，主菜方面薄餅有點油膩一件起兩件止，卡邦尼意粉份量好足，而燒安格斯西冷order 4成感覺好似over，西冷嘅份量比較少，意式蕃茄汁青口意大利麵，配搭唔錯，美國安格斯芝士漢堡，肉質鮮嫩多汁，心機之作，最後記得食返啲水果balance返，同埋希望主菜可以小油一啲，就更加健康，環境座位方面算係舒適，但唯一美中不足就係冷氣不足，一路食一路冒汗，服務方面稱心，服務員收碟幾有效率，不小心倒瀉飲品，迅速連忙清理，和主動詢問枱上嘅剩餘食物有冇需要幫你包起佢，相當貼心，還有定時增添沙津吧食材和清潔，值得一讚👍🏻…Read More

由之前中醫館食到而家擴張至甜品店，老闆人情味十分濃厚切心，由派飛，安排入座，到order，對單，甚至送甜品，都不遺餘力👍🏻，不時更會奉送糖不甩俾客人試食；甜品水準依然保持不變，必食特色仙草白配芋圓，地瓜圓，小丸子，仙草濃郁嘅中藥味道，芋圓煙韌而重番薯同埋芋頭香，甜度恰到好處，新店地方相對乾淨，寬躺同埋舒服左，店舖嘅格局有老香港情懷寫照，驚喜嘅一樣野價格不變依然係＄25，的確少有良心高品質甜品店。…Read More

柴灣罕見良心快餐食店，事頭婆人情味濃，早餐份量可算謂大件夾抵食，政府熟食中心平租，回饋食客，濃香沙嗲牛肉麵同雪菜肉絲米都相當入味，而主角魚柳飽，可算係重量級同埋味道配搭得啱啱好，即叫即炸，保證新鮮製作，但咖啡及奶茶就只屬一般，比較淡口，以食物出品味道，價格可算是同區之冠，注意快餐店只係開一至六，星期日及公眾假期休息。…Read More

第一次踏足隱世藝術+食堂，主要是售賣家居精品 X 西餐廳為主，環境感覺舒服，空間感寬躺，每件家居擺設別出心裁。食物出品方面，餐牌上的釐印十分別緻，炸薯角配黑松露醬配搭好夾，烤鹹豬手外皮十分香脆，包住鮮嫩嘅肉質，蜜糖芥末汁鮮蝦帶子意大利麵的鮮蝦好像不太新鮮，飲品方面soda好像開粉調配，人工味濃，咖啡類飲品應該比較靠得住，最驚喜嘅係最後奉送嘅紅豆白玉雲呢拿雪糕，非常香濃。…Read More

慕名而來，以為真係好正，但真係有驚喜，千祈唔好誤會係$198係任食，明碼實價，絕無搵丁，清水白烚海鮮打邊爐，食盡其食物本身嘅鮮味，慶幸免費提供蒜蓉，蔥花，辣椒及豉油點綴，還奉上汽水涼茶任飲（回本位），其後食完再落杰撻撻嘅米飯來倒進湯底，索盡海水味同血泡鮮味，略嫌唔夠食嘅朋友，請order以下嘅收費增值佳餚，喜歡重口味同食量細嘅朋友必食推介⋯⋯唯一一樣值得稱讚就係店員服務的確係唔錯，收搭食物殘渣幾有效率👍🏻…Read More

第一次品嚐Mr. Steak，buffet 食物種類繁多，食物也很新鮮，與酒店式buffet相比，有過之而無不及。長腳蟹肉質很鮮甜，即開無限量供應蘇格蘭石蠔十分新鮮，即灼一口佐賀和牛甘香嫩滑，雪糕甜品更是Haagen-Dazs & Movenpick 和北海道牛乳布甸值得推介，更奉上心太軟寫字甜品提供，廚師奉上食物時都很有禮貌。2小時實在很倉猝，花費了很多時間在輪候食物上，因此未能好好品嚐每道美食, 是美中不足及可惜之處。…Read More

萬水千山，book咗兩個星期終於可以見真章，冇期望亦都唔會有失望，自助餐玩法一開波店員講解得十分詳盡，有各樣增值食物提供，一開始奉上田園新鮮沙律，正路；雜菜牛尾湯出奇地足料同香濃，蒜蓉飽望落幾好睇；牛扒嘅生熟程度好睇廚師嘅心情，肉質鮮嫩ok，喜歡食牛筋嘅朋友會愛上，唔好過份奄尖，薯條配菜溫度比較冰極，不斷encore，牛扒份量會隨着個人食量而減少，結帳時位位實收$98，有service而零加一服務費，已經絕對沒投訴。(ps: 有位經理全晚遇到一些食神嘅難題時都一一耐心回應和處理，待客態度十分有禮)…Read More

自自己兩年前生日去開TST間分店後, 都好回味outback嘅安格斯肉眼扒.女友決定今日好生日特別都要返黎依度鋸扒! 賀一賀佢於是就決定Book去causeway bay呢間((一早book位註明生日 會有個dessert送!))首先要讚的是服務態度良好, 我book咗8點, 早咗大半個鐘到, 都能馬上安排我們入坐, 一坐低侍應就自我介紹, 服務殷勤。另外, 我們兩個人坐四人卡位, 十分寬闊舒適, 也有足夠的位置擺放食物。女友略嫌卡位燈光太強(可要求關掉), 侍應也溫馨提示是HAPPY HOUR時間, 飲品買一送一呢。抵讚~~我地叫左set 12oz安格斯肉眼扒7成熟配薯蓉+焗甜薯跟凱撒沙律&一客羊扒配飯同雜菜 先上ga係送ga黑糖飽!　個飽暖暖的, 加埋佢d滑滑牛油, 正呀!!好味!女友好like之後就上凱撒沙律生菜依然係咁新鮮, 味美, 飽粒好香脆, 味道有少胡椒辣味到主菜12oz安格斯肉眼扒到, 侍應不忘提我們: 請先切開扒, 如有問題我們會即時跟進~但食落去非常juicy同牛味濃. 肉質嫩滑, 無起渣嘅感覺[b]羊扒配雞飯同雜菜, 略嫌羊扒肉質較鞋同羊扒係有骨嘅 感覺麻麻最後送俾生日個位的dessert! 雲呢拿雪糕焗朱古力曲奇軟餅口味真係幾好! 凍凍的雪糕,係ga時候連埋底個層暖暖的cookie, 口味特別!但就覺得偏甜..overall今餐同女友依餐生日飯都好滿足…Read More

可能有人睇到會話""唔係呀嘛, 波仔喎??""但真係令我對波仔改觀, 一入到波仔門口亞姐就係度落力 sell 波仔菜仲有得試食, 結果兩人就入內光顧, 買了肉醬意粉, 焗蝴蝶粉, Total: $26, 味道尚算ok, (個人口味:好似個焗蝴蝶粉淡咗些少)咁便宜嘅價錢, 有一般茶記嘅水準, 我收貨架喇!亞姐仲送埋波仔菜同椰汁紫米露試食俾我地~真係好好人…Read More

從未食過用咁大隻蝦嚟包嘅雲吞…Read More