Isistella's Profile

好明顯公主係一個好容易受到誘惑嘅人，之前fb不停宣傳有間叫十三姨，食麵嘅舖頭(但呢個十三姨其實同佛山黃飛鴻一啲關係都無😅😅)再加上早兩日電視節目「搵食🍚🍙」又再次介紹，公主終於忍唔住，落雨都要去食呀經過一條橫街窄巷之後，就見到十三姨個招牌大大隻咁棟咗響度，一嘢就衝咗入去🏃🏻‍♀️🏃🏻‍♀️餐廳好有木味，唔止裝修，連放筷子牙籤嘅容器都係木嚟嘅🌳🌳🌳🌳🌳🌳🌳🌳點好餸之後等咗一陣就嚟喇，一上枱就嚇親，因為見到店員要用厚隔熱手套去拎個煲俾公主。原來為咗令到個湯keep住熱，所以就用咗呢個鐵煲話說公主係一個勁鍾意食牛肉🐮🐮嘅人，但見到電視節目同埋fb介紹嘅都係呢個雞叉燒🐔🐔，就試吓呢個啦🤤🤤湯係幾清甜，甚至可以話係淡，所以佢俾咗一角檸檬你，等你加啲檸檬汁🍋，帶出鮮味。但咁都仲未夠，要加埋佢個甜豉油先夠味公主揀嘅粉絲，感覺上份量唔係好多，不過飲埋個湯就剛剛好☺️☺️而雞叉燒的確唔錯，好有炭火香味🔥🔥唔肥之餘亦都唔會鞋或者靱，但係個半熟蛋就唔得囉，公主都係鍾意食拉麵店嘅半熟蛋多啲😕😕總括而言：環境幾好，枱與枱之間有足夠空間，唔會太迫。但味道就真係無節目講到咁好食，一試無妨，再試就免了。…Read More

早前唔知發生咩事，老細竟然挑起條筋話請大家食lunch，公主梗係立即把握機會舉手提議食咩好啦🤩🤩諗諗下年幾前旺角開咗間希爾頓花園酒店，到依家都未食過，咁一於試下呢間啦😏😏好少可lunch可以去酒店咁高級嘅中菜廳食飯🤤🤤不過今次可以放肆下喇，正所謂有大食大，所以多謝老細😈😈公主一早打嚟訂好位，所以一到就有得坐低餐廳嘅樓底好高，而且近窗嘅落地玻璃有成兩層樓高，景觀開揚之餘仲可採天然光全間餐廳都好光猛，環保得嚟仲可以望到對面嘅小公園，好舒服寫意😌😌茶壺上仲印咗鷹巢個logo，好似細細個時用嘅印台咁有古典風，靚靚~💮💮點點點，剔剔剔，老細請就梗係唔會客氣啦，叫勁多嘢然後等食😈😈等咗無耐就有得食喇，先嚟嘅係花雕醉雞公主一夾件雞埋碟就聞到好香嘅花雕酒味🌸🍾酒香撲鼻😍😍鮮雞味同酒味平衡得剛剛好，唔會互相搶味之餘，反而更顯得相得益彰👍🏻👍🏻而且雞肉好嫩滑，證明師傅實力深厚，煮到雞肉剛剛好熟，連雞皮都滑捋捋公主好少食不是炸雞嘅雞皮，但今次都忍唔住食埋，正🤤🤤之後再嚟兩款炸點，公主至愛嘅邪惡嘢😈😈帶子芋角好好味，坊間已經好少有得食呢款咁需要師傅手藝嘅點心，所以芋角本身已經無得輸🤩🤩要知一件芋角整得好唔好，其實一上枱就睇到，就好似鷹巢嘅芋角咁炸起型成蜂巢，先稱得上為一件正宗嘅芋角👍🏻👍🏻同埋芋頭味好香，加埋帶子同肉餡，正😋😋蝦子腐皮卷呢個腐皮卷好特別，入邊個餡居然撈埋蝦子，真係食勻佢一家大細😂😂腐皮卷炸得香脆可口，蝦籽咸咸香香，蝦肉爽滑彈牙鮮味，所以公主仲靜靜雞夾多件比自己🤭🤭🤣🤣呢個送酒一流，但食完飯係要返工㗎，所以無嚕😗😗金錢蟹盒蟹盒都炸得好香脆，外皮食落質感似錦滷雲吞，但仲更脆卜卜同薄身，嘩～😍😍入邊嘅蟹肉啖啖肉，拆殻拆得非常乾淨，唔使驚啃骨同要𠼱殻🦀🦀點算呀呢個又係好啱送酒，搞到公主唔想返工響度啤啤佢🍺🍺😆😆白玉藏珍呢個公主都未影得切相就俾老細夾散晒😣😣個擺設好靚㗎，就好似一個聚寶盆咁，放咗好多唔同嘅素菜響入面：有竹笙、黑木耳、蘑菇、粟米筍🎋🍄🌽就好似一個清淡版嘅羅漢齋咁，公主幾欣賞佢唔係加一大pat撈咗生粉水同蠔油嘅獻，咁先食得出本來素菜嘅原味🌱🌱依家夏天嚟喇🔥🔥真係唔想食得咁重口味，加上消暑嘅冬瓜，清清地個胃都舒服啲😌😌鴛鴦米海鮮泡飯夏天咁熱，其實公主真係唔多想食飯，但估唔到呢個泡飯又幾好味，尤其是個脆米，搞到公主最後encore多碗☺️☺️泡飯個湯好鮮甜，同埋好足料，有蝦又有帶子，而且全部都好鮮甜爽滑彈牙，真係食到公主一啖接一啖，三兩下就食清光😋😋加埋個脆米真係不得了脆米炸得好夠身，就算加埋落泡飯浸湯都唔變冧或者硬到咬唔到，依然脆口，食落咯咯聲好開心呀😆😆搞到公主忍唔到口又𢳂多碗，然後喪加脆米，最後吃光光🤣🤣如果個湯加埋芹菜粒，公主應該可以食到第三碗，哈哈哈哈哈😅😅鮑魚燒鵝粽行船爭解纜，靚粽我食先🐲🐲🤣🤣鷹巢嘅裹蒸粽大大隻，一上枱已經好震撼🤩🤩港式風味嘅燒鵝粽，加上高級嘅鮑魚，兩雄相遇，得益嘅係公主呢😋😋😆😆粽嘅肥豬肉真係煮得好香滑而不肥膩，依家好多餐廳都因為健康主義而放棄肥豬肉，所以真係好少餐廳有得食咁傳統嘅粽😭😭最正係跟埋糖同豉油一齊上，簡直係無得頂💯💯至於三高同減肥問題，還請暫時放埋一邊🤣🤣總括而言：環境唔錯，樓底夠高夠光猛，仲可以望到翠綠嘅小公園，感覺好舒服。食物質素不錯，同埋材料好新鮮😋😋。呢度可以食到坊間少有傳統嘅點心，有啲仲係好考師傅手工同心機，出面真係唔係咁多地方食到㗎。如果有機會，都想搵次嚟食晚飯，試下更多傳統與創新嘅美味🤤🤤…Read More

話說媽媽去咗旅行梳乎，公主同爸爸就梗係唔煮飯啦，天氣咁熱仲入廚房想自殺麼？🤒🤒於是就諗下屋企附近有咩好食，諗諗下呢間越南好似開咗好耐都未試過，就一於去試下龍與鳳🐉🐔諗多無謂，食多就滯，點菜😁😁首先嚟嘅係粉卷，個粉卷又薄又滑，香到不得了🤤🤤就咁食會淡口咗少少，但加埋越南萬用魚露，味道就剛剛好😋😋仲有炸蒜同蔥，香到不得了🤪🤪蝦餅炸得相當香口，但公主縑佢唔夠蝦味同彈牙，不過係食得出無乜落粉，係好足料🦐🦐爸爸亦都非常欣賞😳😳配埋酸甜醬，完全係神來之筆，Yummy😋😋呢個扎肉沙律一上枱，真係嚇親爸爸😱😱已經唔可以用碟嚟形容，完全係一兜囉🥗🥗但沙律嘅菜好新鮮，加上越南萬用魚露同其他調味料，真係好消滯😌😌另外個扎肉好好食，同公主上次響胡志明托番香港嘅胡椒豬耳扎肉一樣，好惹味又有咬口，一流😍😍其實呢個豬頸肉濱海，公主叫果時係完全唔知咩嚟，淨係見到美文寫住米粉嚟到一睇，原來係煎米粉配豬頸肉🐷🐷老闆娘仲驚公主同爸爸唔知點食，特登過嚟教我地點包首先拎片生菜，然後再按次序放米粉、豬頸肉、薄荷葉，最後加埋越南萬用魚露就可以包埋嚟食🥗🍜🐷🌱一咬，真係勁正呀，生菜嘅清脆、米粉嘅米香、豬頸肉嘅肥爽、薄荷葉嘅清新，全部合而為一響口中爆發出嚟，實在太美好了🤤🤤🤤🤤總括而言：雖則大圍最近越開越多食肆，但公主竟然miss咗呢間滄海遺珠😫😫呢個小店真係好有越南風味，話得係小店就一定係地方淺窄，同埋人多去就未必有位👫👫👭👭👬👬🙅🏻‍♀️🙅🏻‍♀️不過食物質素相當不錯，公主一定會再去試下其他例如生牛肉河🥩🍜…Read More

話說中同結婚，公主一班姊妹同佢搞Bridal Shower👰🏻🛁因為揀咗講到金鐘嘅酒店玩，所以諗住近近地喺返金鐘食飯，一向為食嘅公主梗係趁機會上OpenRice睇下有咩餐廳好介紹於是就揀咗呢間望落價錢唔貴嘅Dim Sum Library食，裝修好Grand好高級咁，但結果估唔到係有啲失望，睇嚟應該係呃鬼佬嘅中菜🤣🤣🤣🤣黑毛豬腸粉無特別，同普通嘅叉燒腸一啲分別都無平時酒樓嘅叉燒腸都仲有啲芫荽釣味，呢間真係唔係好覺有咩味道好突出，得腸粉同叉燒咁🙂🙂蝦餃就係普通嘅蝦餃，同一般酒樓一樣🙂🙂黑椒和牛酥個樣成件蘿蔔絲酥餅咁，不過係用咗和牛粒做餡，個被係好酥脆，但完全唔食唔出用咗和牛，淨係食到好重黑椒味，咁係唔係和牛都關係啦😒😒黑松露蝦餃呢個都OK嘅，叫做有蝦肉又有黑松露味咁都叫做矜貴嘅，對於喜歡食黑松露味嘅公主，呢個黑松露變成唯一賣點🤣🤣擔擔湯包中同誤會咗，以為係好多啖湯嘅啖啖湯包所以唔食得辣嘅佢，呢個湯包係完全唔掂得🤣🤣呢個湯包啲湯汁得酸同辣，公主覺得佢個諗法係幾得意嘅，但係做唔出出色效果，無花生醬同麻醬味果下已經唔算係擔擔湯底熏蛋擔擔面普通擔擔麵，正常味道隻熏蛋真係無乜味，好多日本拉麵店嘅熏蛋都好食過佢😏😏黑松露蛋白炒飯呢個OK啦，炒飯叫做粒粒分明，同埋炒都幾乾身果然黑松露係點煮都好食嘅，所以公主覺得只有黑松露味嘅菜式係較為好食😂😂總括而言：呢間應該都係鬼佬食嘅點心🤣🤣只係食材貴，或者食貴租食裝修😩😩睇嚟要食正宗嘅點心，都係應該去返地踎茶樓，或者高級酒店中菜餐廳(好似好極端咁添🤣🤣)…Read More

今年真係喜事連連嘅好一年，又有舊同事要結婚喇於是就約埋一齊食餐飯，順便收帖，恭喜恭喜🎉🎉為咗滿足玻璃女皇奄尖腥悶嘅要求，新娘子決定揀呢間新潮新派中菜其實睇完電視飲食節目介紹之後，公主早就想去試下呢間餐廳，估佢唔到唔止午市， 連晚餐都有點心食😍😍靚靚嘅紙巾，同埋好似預你一定食乳鴿，俾定膠手套同濕紙巾你🤣🤣好搞笑嘅碟碟，有蚊滋同蟻蟻圖案🤣🤣話說大家叫到成枱食物，不過老實講真係唔係樣樣都好好食，所以就淨係介紹幾款公主覺得係好食嘅響呢一對涼菜入面，公主覺得最好食嘅係個酒糟鵝肝、雞絲粉皮、涼拌萵筍同埋蟲草花個酒糟鵝肝香到不得之了，酒香味濃鵝肝又滑🤤🤤美中不足之處係鵝肝好削，一夾就散而個雞絲粉皮個芝麻醬就非常之杰身，令公主覺得佢嘅味好厚實好濃郁🍯至於萵筍同蟲草花，兩者食落都好爽脆，應該係好新鮮嘅貨，仲有少少麻辣味咁，正！公主最喜歡麻辣😋😋黑金流沙💰的確佢黑色嘅外皮加上金色嘅粉飾，係幾吸睛嘅但其實公主唔係太喜歡食流沙包，所以都係覺得呢個咪又係普通嘅流沙包一個不過估你唔到，佢個包又真係幾鬆軟，輕輕一滅就滅開咗一半，同埋個奶黃又真係好流心最重要係唔太甜，咁就好對公主嘅胃口喇蟹粉麻球🦀話說公主係好鍾意食煎對堆同蟹粉做嘅食物，唐宮小聚嘅創意真係一流，竟然可以將呢兩樣大纜都扯唔埋嘅食材放埋一齊，出嚟嘅效果仲相當唔錯迷你煎堆細細件一口一件，外皮炸到脆卜卜，芝麻香口而惹味，肉餡又香蟹粉又多汁，搞到公主忍唔住encore咗一件😂😂白玉王鴿🐦炸得幾香口，同埋應該係招牌菜，公主見到每一台都有嗌。不過公主食完都係覺得麻麻地，乳鴿唔係太入味，同埋唔係好多肉汁 Not Juicy好彩唔係叫咗每人一隻，如果唔係實食唔晒(但如果係好味香口又Juicy嘅，公主係可以一個人食晒嘅一隻㗎😈😈)猛虎咬豬🐯🐷呢個猛虎咬住淨係睇個名都唔知係乜東東嚟都先知原來刈包入邊夾住豬腩肉好彩同事撳住公主，落單嘅時候唔係叫一人一件，如果唔係肯定飽死荷蘭豆😣😣嗯，佢個味道又唔係話好特別，但又同一般食到嘅有啲唔同，同埋入邊夾住啲咸酸菜唔知想點🙂🙂不過飛走啲咸酸菜個味係OK嘅😂😂脆蝦多士呢個蝦多士會推介，純粹係因為佢上面果pat黑松露醬，無咗pat醬佢什麼都不是公主都係鍾意傳統啲嘅蝦多士，係用蝦膠唔係原隻蝦， 佢咁搞法會令公主覺得個點心師傅想偷懶🤣🤣同埋都炸得還可以嘅，冇咁油會好啲囉，同埋都幾燶🌚🌚總括而言：唐宮小聚嘅點心同中菜，某啲係幾好食，某啲就唔得。環境OK嘅，裝修都幾新潮，食物都新潮嘅，係有啲潮到連睇佢英文都唔知佢係咩嚟。例如有個火焰菠蘿， 原來係挖空過菠蘿入邊放咕嚕肉，名就好威，食就唔實際，嚟都燒完一嘢之後幾乎冇人食過😅😅公主覺得佢嘅點心係好食過小菜，下次有機會可以淨係嚟飲中午茶，嘆點心就算…Read More

話說以前響灣仔番工時，睇住個碼頭搬到無雷公咁遠，但築地未開時就已經無做了，於是直到今日之前都未食過😭😭由於位置響灣仔碼頭嘅關係，如果由尖沙咀搭船係非常方便，直達築地如果坐巴士叮叮都還好，搭地鐵就真係玩完😅😅同埋因爲沙中線嘅關係，啲路改到呀媽都唔認得，行到公主腳都抽晒筋😞😞(梗係，仲學人著高踭鞋👠)終於行到嚟，門口果然好有日本feel，和風味濃濃連入面嘅擺設都好似去咗日本嘅海鮮市場咁有得買手信🍶🎏一場嚟到，無理由唔食壽司嘛節儉嘅公主於是就揀咗個平價嘅手握壽司定食🍣跟餐仲可以揀食烏冬🍲定沙律同湯🥗為免飽到核爆🤯所以就揀食沙律啦呢個就係手握壽司定食🍣應該係為咗迎合香港人嘅口味，所以雜錦壽司中有兩件都係三文魚😅😅如果轉一件做另一款，公主會更開心，可以試多啲唔同嘅嘢嘛😗😗其實公主一嚟食咗沙律先，醋汁酸酸甜甜好開胃車厘茄好新鮮，又甜又多汁，皮又卜卜脆😍😍講真，魚生又唔係話特別好正不過以咁嘅價錢嚟計(公主仲要有九折)，係抵嘅基本上魚肉比較乾身，無乜油份都好嘅，起碼唔係出晒油水，擺咗響超市凍櫃一萬年嗰啲不過認真魚肉味係比出面嘅元X壽司、板X壽司濃嘅而且都較為有彈性，唔係咬落口梅咗一pat嘢咁款，證明係新鮮過連鎖式餐廳😏😏但個櫻花卷就有啲搞笑😂😂塊粉紅色皮食落好似食紙咁，係廁紙唔係💩🤣🤣所謂嘅櫻花皮🌸🌸好似唔係好大作用，都無櫻花味嘅😅😅同埋個卷嘅餡係望到有三文魚白身魚，但食落去都唔係好覺得有呢幾種魚嘅味道🙈🙈哈哈如果你係好鍾意食甜玉子，呢個玉子燒就真係幾啱同埋公主鍾意佢個玉子燒有汁汁，咸味甜味balance得剛剛好，拍得住日本築地市場嘅玉子燒😋😋最後，個麵豉湯係OK嘅又唔係話好鹹，味道剛好最緊要係咩？就係滑捋捋嘅豆腐嘛，但就唔係豆味重，差一點點呢～最可惜嘅係，今日天氣比較灰灰沉沉如果唔係望住維港呢個無敵大海景，就真係一流到時就真係食乜都唔重要，最緊要食咗個景先睇下，個天灰到連碟壽司啲顏色都變暗埋😣😣總括而言：位置相對偏遠，但望住成個維港個景真心靚。同埋佢真係佈置得好似日本🗾嘅海鮮市場咁，環境相當有feel至於壽司嚟講，已經比香港一般連鎖式壽司店好，但對公主嚟講，因為試過日本築地太好味嘅壽司，所以就真係唔覺得話超級好食不過因為價錢相宜，公主覺得可以一試嘅🤗🤗…Read More

之前身體不好，公主一直要戒口食得超清淡最後終於稍為可以食濃味少少因為約咗車車去尖沙咀聽音樂會，所以就揀呢間看似不錯的拉麵店食一入到去，裝修好似日本，亦都好似日本餐廳咁，有冰水俾你斟圈圈圈，然後就揀咗個炙燒豚肉拉麵但因為仲未好返晒，所以被迫走筍，慘爺😫😫等左一陣拉麵就嚟啦公主習慣食個麵之前，呷一口濃湯嗯～豬骨味香濃，唔係嗰啲搵味精湯開水嘅味X拉麵😂😂得個咸字，完全冇黎特色😒😒不過如果佢可以比客人揀濃淡度就更好，因為公主覺得個味可以再濃啲，而車車就想再淡口啲果然各人有各人嘅口味要求不過公主喜歡佢係較幼身嘅拉麵，食落比較爽口，同時又可以黐住更多湯，正正子🤤🤤好喇係時候試吓佢嘅慢煮炙燒豚肉公主食到嗰舊比較多肥膏，係接受到嘅但公主相信唔係個個得🤣🤣🤣🤣慢煮的確令到豚肉好冧好滑，連肥膏都入口即溶之但係，炙燒嘅感覺又唔係好強烈🤔🤔係浸得響湯太耐？定係燒得唔夠呢？呢樣就真係不得而知，總之就係唔夠香口🙊🙊寶物沉歸底，味玉梗係留返最後食啦但好可惜，好似煮得唔夠身個蛋黃仲係有流質味道不錯的，如果再煮得熟返少少就最好總括而言：環境係有日本風情，湯底也不錯(當然濃少少會再好啲啦😅😅)。面嘅軟硬度適中，爽口彈牙。如果味玉可以再住得好少少就perfect池😋😋p.s.之後聽其他朋友講，原來佢個雞叉燒拉麵更加正，下次如果有時間一於再去試下💪🏻💪🏻…Read More

難得今天外出工作，梗係要同friend食好東西一於等響灣仔番工嘅月巴哥哥帶食飯，佢就提議咗食佢至愛嘅越南🇻🇳菜公主坐叮叮出發，呢間小餐廳位置相當便利，一落車行兩步就到了，好彩咁近，唔係真係熱到溶🤒🤒話明小餐廳，梗係唔係好大間啦不過就相當有越式風情，加上咁熱天氣，差啲以為去咗越南添😄😄同埋係自助式，買完就自己搵位等送餐，所以人多就比較難搵位喇落好單就先嚟杯檸檬特飲嘩～冰凍消暑又解渴，正正子越式無骨海南雞飯好香好濃郁雞味嘅海南雞，正所謂雞有雞味😂😂雞煮得剛剛好熟，鮮嫩多汁，連雞皮都超香滑滑捋捋之餘又有咬口，唔會梅公主直覺佢係用新鮮雞做(估㗎咋，戴番個頭盔先👷🏻‍♀️😏😏)同埋無骨真係啱晒公主呢挺懶人🤣🤣雖然飯並非雞油飯，只係一般嘅白飯但都好香飯味，同埋勁煙韌，完全係公主至愛😍😍其實連作為配角嘅酸菜青瓜都好好食酸菜好開胃，而青瓜則新鮮爽脆，消除咗雞皮嘅油膩感👍🏻👍🏻越式炸春卷同蒜蓉牛油雞翼其實都幾貴架，因為加兩件春卷加同兩隻雞翼，要比多＄40不過唔緊要啦，間唔時放縱一次都係好嘅炸雞翼勁好食，充滿牛油味同蒜蓉味外脆內滑，super juicy🤤🤤🤤🤤炸春卷都唔錯，脆卜卜，同埋餡入面有芋頭絲好香濃，正到爆月巴哥哥食嘅係越式法包，因為公主無食就唔評價喇，下次有機會食嘅就再品評啦😆😆總括而言：環境雖然稍為擠迫，但充滿越式風情。海南雞飯超香又juicy，小食香口惹味。如有機會一定會再去試埋個香茅豬扒法包🤪🤪…Read More

話說今日公主俾人放飛機✈️✈️咁唯有獨食毒食於是上嚟openrice覓食先今日天氣又凍凍地，最啱食熱辣辣嘅拉麵🍜🍜😋😋旺角附近有咩高質拉麵呢？麥花臣球場附近果間就食過喇已經再睇睇，行遠少少去快富街，似乎有間和風味滿滿嘅拉麵店，就食呢間啦！好彩公主行快兩步，唔係就要等位喇一拉開門，播住J-Pop嘅木頭裝潢，聽住店員大叫「いらっしゃいませ」，簡直好似番咗家鄉日本一樣😍😍其實公主以為日沾夜拉只係prefer，點知坐底先知午市係無拉麵😫😫公主想食熱到辣咀仔嘅拉麵呀不過算啦，山長水遠行過嚟無理由走㗎嘛，於是秒速落單。之後聽到店員哥哥同師傅講日文落order，wowwwww😍😍😍😍魚介豚骨焙煎黑芝麻沾麵等咗一陣，公主嘅魚介豚骨焙煎黑芝麻沾麵嚟喇😍😍就咁睇，麵嘅份量好似好少，因為公主揀少麵，但最後係飽到反艇😂😂麵係粗身而偏硬，係傳統嘅沾麵，正！豚骨湯好香濃，但唔會過份重豬味，高！叉燒唔係紙咁薄嘅片裝，而係厚切巨粒叉燒。好滑又冧，油脂分佈均勻，香濃惹味，一流！初時公主飲個沾麵湯時，淨係飲到好香豚骨味，仲有陣陣黑椒味。不過，無黑芝麻味囉😒😒點知食到最後先知原來黑芝麻沉晒底😂😂而且係非常香濃焙煎味嘅黑芝麻🤤🤤🤤🤤蝕鬼晒😫😫總括而言：環境一流和風味濃，日本師傅煮出傳統口味，期待下次再臨夜拉🤪🤪…Read More

媽媽告訴公主，最近偉華中心新開咗間中式茶樓，點心好有趣。仲響到諗，有咩趣？原來呢間係主打Fusion點心，所以都幾特別。依家新開張，仲要有幾款點心同食物係做特價。然後坐低就係剔剔剔，然後就等上菜，上菜速度都算幾快下。環境不錯，中西合璧既感覺先黎既係炸乳鴿呢個炸乳鴿做得相當出色。皮脆肉滑，但又唔會乾爭爭，香口之餘仍然充滿肉汁，好Juicy呀~翡翠白玉餃呢個無乜特別，同一般食開嘅蝦餃差不多，可以不試。黑松露燒賣燒賣做得不錯，豬肉肥肉比例恰到好處，上面嘅蝦爽口彈牙，正！唯獨係呢隻黑松露醬唔夠香，完全無黑松露獨特嘅電油味，失色咗啲。洛神花米金沙腸洛神花汁加入腸粉衣，令雪白嘅腸粉變成粉紅色，望落好少女feel好吸引入面包住米網紙春卷，香脆可口配上酸酸甜甜嘅腸衣，好食。最重要係，洛神花有美顔功效，令公主覺得食完咁多邪惡嘅嘢後，無咁大罪惡感櫻花蝦海鮮炒飯個shape好似金字塔好搞鬼，海鮮算足料有帶子，不過應該係櫻花蝦乾不是櫻花蝦，同埋好細粒。但炒得好乾身，粒粒分明又有鑊氣，好食總括而言，呢間新開嘅搞鬼茶樓幾好，食物好味，環境算寬敞，希望之後可以keep到水準。p.s.下次要再去喪食乳鴿…Read More

公主成日覺得旺角要係近瓊華果邊先有好嘢食，唔係話朗豪坊無嘢食，但係貴嘛咁啱呢日約咗朋友仔去朗豪睇戲，於是就嚟openrice search下朗晴坊有咩好食，貪佢夠近呢~一上openrice，就彈咗Romanne出嚟，見cafe feel應該食物中上坐得舒服就揀佢啦點知最後竟然係totally unexpected咁好食，正正子Chocolate with Marshmallow & Orange本來公主唔太打算飲朱古力，因為驚甜，但侍應姐姐可以減甜，咁就即管試下啦又幾好味，如果喜歡棉花糖果種甜嘅朋友仔一定好鍾意，但公主都係嫌稍為甜咗啲原來係用橙乾唔係鮮橙，橙味都幾出，但公主估唔係個個鍾意果隻味朱古力味反而變咗陪襯，無乜特別炸墨西哥芝士棒棒公主叫呢個其實都係為咗玩拉絲啫芝士棒棒應該係mozzarella，但呢隻幾淡口下，如果連脆脆外皮一齊食就會被蓋過風頭反而旁邊dip嘅cream cheese好香好滑好好味，真係要搽太陽油咁搽勻成條嚟食先得呀風乾火腿水牛芝士蕃茄意大利飯因為有人生嘢唔食得，辣唔食得，海鮮唔食得所以最後得番呢個可以揀除咗個風乾火腿咸咗我一嘢之外，呢個risotto整體係好好食嘅呢~個蕃茄汁好新鮮，酸味重過甜味感覺好醒胃加上水牛芝士同蕃茄一向係好朋友，所以呢個組合無得輸風乾火腿唔係得面頭一塊仔，入面都有，好足料大方英式啤酒炸比目魚配香料薯條朋友車車話想食炸，公主梗係話好，簡直至愛Fish炸得好好，脆漿超薄好香口惹味，仲一啲都唔油膩，用手拎嚟食都唔會有多餘油整到一手係；魚柳肉汁豐富juicy又嫩滑，比目魚味好香濃完全無雪味，一流Chips唔係幼咪咪無肉嘅，又唔係飽死你肥薯條，粗幼適中，好滿足雪糕打卡送雪糕。唔好以為唔洗錢就hea你，完！全！唔！會！有脆餅墊底同窩夫裝飾，好睇有好食，真係好有heart總括而言：唔係去朗豪睇戲都唔會特登search朗晴坊有乜好食，偶然遇上咁正嘅驚喜。                          環境相當舒服，梳化位好好坐，裝潢設計好清新又有文青feel。                                        同埋侍應好貼心，公主隔離枱嘅客人叫咗燒雞但自己切到好呢hea，                          侍應見到即時主動提出話叫師傅幫忙切件，GOOD！                          最重要係好有heart，公主同朋友ss都叫咗新出品嘅飲品，                          到埋單時侍應都特登嚟問意見，真係好有心去做好食物。                          呢啲咁有心去做好食物嘅小店真係要多多支持。…Read More

早前中同們問公主想食乜慶祝生日，本身公主係想食新開嘅大阪燒，但大姐姐打去佢就話最快要6月先有位實在太得人驚喇！於是大姐姐問我想轉食乜，上openrice睇睇尖尖咀有咩好食，見到呢間Shine正評好多唔錯咁，仲要生日有85折，就揀咗呢間。可能係做埋酒吧嘅關係，環境幾幽暗下，氣氛都唔錯。我地一行四人，安排咗我地坐窗邊卡位望街景。因為大姐姐響度，公主決定翹埋雙手等大姐姐發板：鎮店漢堡、極上海膽意粉、燒美國西冷配蘑菇燒汁。但因為驚唔飽，所以叫多個蒜香意式薯條（然後發現傻仔咗）首先嚟嘅係蒜香意式薯條薯條炸得香口唔油膩，同埋唔係幼咪咪但又唔係粗到飽死人嘅肥薯條，正。而且仲有即磨嘅芝士碎灑響上面，誠意之作。公主同中同們一條接一條係咁無停口，其他餸都未到就食晒。不過唯一係食完都唔覺有蒜香味，呢度要扣少少分。接住就係漢堡漢堡嘅牛牛肉味不算濃，但尚算juicy。配埋脆脆嘅洋蔥，惹味嘅煙肉同埋香口嘅芝士，正！不過原來漢堡係包埋薯條，早知唔叫個蒜香薯條，傻仔咗不過味道唔同，就算啦。極上海膽意粉因為大家睇食評話呢個超正，同埋menu上都有打所以大姐姐話係必食。一嚟到，見到乜隻色咁橙紅嘅？於是公主立即出手試下先。海膽味道不錯，頗甘甜，無啲攻鼻嘅廁所味，幾好。不過個意粉汁出事，大家一食，係creamy嘅但朕味咁怪嘅？公主食多兩啖，乜同南乳粗齋煲啲味咁似嘅？笑鳥燒美國西冷配蘑菇燒汁唔記得影呢個呀，最衰大姐姐話要影合照然後就搞到唔記得影呢個超好食，初初公主打算叫七成熟，大姐姐「吓？」出嚟，我仲以為佢話我叫得生得滯，點知原來佢同大家都覺好似太熟喎。哈哈，公主都係茹毛飲血嘅野人，如果唔係考慮其他人，公主係要食五成的啱晒，就食五成吧！不過出到嚟，都係熟咗少少但還可以啦。肉汁夠，又香口，西冷真係夠晒肉味濃，正！配菜嘅沙律新鮮，醋汁醒胃，消除晒牛肉嘅油膩感。反而蘑菇燒汁作用不大，點唔點都無所謂。謎呢個甜品係大玩潮流興嘅熱朱古力溶波波。個構圖係幾靚嘅。不過唔知係我地唔識倒，定係佢個朱古力醬太稀，倒完個波波係溶咗，但就搞到成隻碟都係泥水咁，仲要不停咁蔓延開去真心味道係唔錯嘅，朱古力夠晒苦，仲有濃濃嘅咖啡味，正！總括：環境氣氛幾好，少人聚會傾計舒服，食物幾好味，有機會可再去，因為西冷超令人回味！不過因為三人請公主一個食生日飯，食得貴咗唔係幾好意思添…Read More

公主有日為咗減肥（女人嘅終身事業，唉），特登兜路行，點知就俾我發現到大圍開咗間新甜品店。本來諗住係一般普通糖水舖，再望兩望，見到原來係「夏雪」。真係西環果間夏雪？之後上FB見到宣傳西環夏雪響大圍開分店。雖然好開心，但啫係話越來越多人響大圍食嘢，等食時間越來越長好！於是公主就約兩位姊妹去食食食。可能我地去到都就嚟10點所以都係等咗5分鐘就入得。其中一個姊妹係紫薯粉，咁一定要食紫薯窩夫啦，必叫呀！另外仲叫多兩樣，綠茶Affogato同綠茶Latte。揀好叫咗就等咗十零分鐘之後，先有甜品，不過公主唔意外，證明咁先係即叫即做嘛～不過最先竟然係紫薯窩夫到？呢下真係估你唔到呀～紫薯窩夫真係超好味，窩夫好有蛋香味，外脆內軟。中間夾住暖笠笠嘅紫薯，但唔會過甜，真係好窩心最驚喜係個豆腐雪糕，一放入口已充滿豆香味，係清香嘅豆腐味，呢個不得了～冰凍嘅豆腐雪糕配上熱暖嘅窩夫，堅係perfect match！旁邊嘅忌廉其實都好香，亦有牛油味，但風頭完全俾雪糕蓋過，大家都無乜搽嚟食，抱歉了另外，皺皮瓜味太濃，朋友仔唔係太喜歡佢獨特嘅味道，公主反而覺得不錯:):)綠茶Affogato 綠茶Latte食完都唔知咩係Affogato質地好似忌廉同軟雪糕咁，好搞笑。甜甜地再配上濃苦嘅綠茶醬，好好味，因為公主係個唔食得太甜嘅女人同埋仲有配少有唔係超甜嘅紅豆，仲有軟棉棉嘅丸子，正！不過綠茶Latte嘅綠茶味就過重，所以唔係好飲到奶味，淨係飲到超重綠茶甚至苦味整體而言，甜品水準出色，服務態度良好。天寒地凍，一定會再去向紫薯窩夫取暖…Read More

嚟得葵芳，食得卷X屋，點會唔嚟埋地下嚐新呢？ 其實公主我係有選擇困難症，有咁多款刺身揀都唔知點揀好，於是就揀咗四合一嘅問卷王——三文魚、海膽、虎蝦同蟹子。佢好聰明地整咗啲公仔牌，等你買完可以行埋一二邊企開等，唔洗好似樓上果間咁堆咗一大棚人，直頭迫唔到埋去買同落order。好喇，等咗一陣問卷王到手。第一時間食咗隻虎蝦先，好爽而且蝦味尚算濃。但可能太雜嘅關係，公主我唔係好食得出三文魚嘅肥美同味道，味道完全俾蟹子搶走晒。同埋海膽份量相對少，唔係好食得出香味。另外其實佢仲有好幾款沙律醬、紫菜沙律醬、蜜糖芥末醬⋯⋯今次無試因為覺得呢啲應該係for炸物或炸卷類，下次有機會要試試先。總括而言，$32有齊四款刺身算係相當親民，但係咪食得出每款味又係另一回事⋯⋯…Read More

因為睇到FB嘅介紹而被誘惑，因為去葵芳睇戲嘅關係，所以就決定去葵涌卷之屋食大大件夾抵食嘅手卷。去到真係超多人堆埋響度，不過其實佢包嘅速度好快，所以等咗唔洗5分鐘已經有得食嚕！ 嘩嘩嘩嘩嘩！ 朋友仔食嘅係超～肥美三文魚腩手卷。咁大塊都係$21，真係抵到爛！公主我食嘅係同價嘅帆立貝手卷，相對肥美三文腩，又真係細舊咗啲，差咁啲不過都算係咁，叫做都幾大舊同甜嘅。另外，佢個豉油有分普通豉油同芥末豉油。可能個三文魚腩同帆立貝太油同冼水，啲芥末豉油流晒落啲飯度，搞到刺身無豉油味，但食到尾就好辣好攻鼻。如果諗到計改善就perfect池！總括而言，肥美三文魚腩都真係大件夾抵食，下次一定要食番幾件先得。…Read More