ShunkitChan5380's Profile

係灣仔做野嘅，相信都一定食過薔紅。每逢下午繁忙時段，基本上都要係門口排15-20分鐘先入到去食。（入面空間好大，好多位，粗略估計至少坐到200人，連埋房）今次我同朋友夜晚去到食。薔紅晚市小菜價格合理，味道不錯。不過我地今次得3個人黎，所以散叫餐。佢嘅晚市扒餐真係好抵食，雜扒飯48蚊，仲有其他扒類、燒排骨都係介乎$4x-$6x之間。我叫左個燒春雞配薯菜，燒春雞皮超香超脆，雞肉好嫩，又保留到肉汁，再點埋佢嘅甜酸醬或者椒鹽，味道一流。不過食完個餐會好口渴，同feel到超級熱氣，間唔中食一次半次就真係好滋味！…Read More

朋友話想食片皮鴨，上網睇左人地嘅推介，就揾左一晚黎到呢間試佢嘅片皮鴨同其他小菜。我地3個人叫左5樣餸（包括醉雞、海鮮炒飯、荔枝肉、餃子，當然唔少得重頭戲 片皮鴨啦）一樣一樣講：醉雞唔太合我地口味，雞肉太老，同埋酒味太重，只係食到酒味撈老雞肉）。海鮮炒飯味道有點咸，不過飯粒幾軟，正常水準。餃子就一般，無特別。荔枝肉有驚喜，肉好冧，酸酸甜甜適中，高水準！至於重頭戲片皮鴨，店員話傳統係先將肉點醬，再連埋大蔥，青瓜放係薄皮上，包埋一齊食。咬落去好清新 爽口，然後有好大陣香醬味，鴨肉好冧，皮好香，味道一流！5樣餸有2樣有驚喜，食完好滿足！去到絕對要試片皮鴨同荔枝肉！…Read More

上星期係銅鑼灣行，又熱又焗，即刻諗起去食一間好出名嘅甜品店-聰嫂甜品。下午4點幾，聰嫂門口竟然有6-8個人排緊隊，超誇張。（但係入面有幾張吉枱未有人汁）排左10min終於入到去，我叫左個哈蜜瓜冰，朋友叫左個榴槤冰，一碗依家竟然要39！（我第1次食果陣係26蚊），不過水準依家依然都係高質。今次埋單total:榴槤冰+哈蜜瓜冰=$78。價錢貴左好多，不過加價都好過食物水準變差，依家仲keep到做到好味嘅甜品都唔係咁易！…Read More

晏就1點係新蒲崗揾野食都唔易。咁岩經過見到有間地舖日本野，有幾個人排隊，等唔算太耐，就入去試下。午市有好多學生係入面食，環境乾淨企理。睇到meua,主要價錢都係40-60蚊，學生仲會平小小。叫左個吉列豬扒飯再加玉子，朋友就叫左牛肉滑蛋飯加章魚小丸子。吉列豬扒有d乾，但味道唔會話太差。滑蛋牛肉就有小小頽。最出色係小食類（章魚小丸子同埋玉子）Total埋單唔洗120蚊，日本野黎講價錢好平民，食物質素唔會太差，性價比高。…Read More

又到下午茶時間！今日係公司附近既瑞士咖啡室食左個芝士火腿西多士（34蚊+3蚊凍飲）個西多士好厚，切開入面夾住流心芝士同埋火腿，勁香勁邪惡！叫一個西士多加凍令完全夠飽，唔怕熱氣同埋肥既朋友可以一試！…Read More

經過葵涌廣場，上到3樓見到又有一間日本野，主要賣章魚燒，炸物薯餅，拓餅同埋大阪燒。我今次就叫左個大阪燒黎試（22蚊），等5分鐘左右就出爐。個大阪燒比我想像中大塊，加埋醬汁，味道同平時係餐廳食果d大阪燒味道差唔多。但係大阪燒個底佢整到有小小硬，食到後尾我都放棄左咬個底，只係食面果層。結論：味道合理（其實大阪燒都係加醬汁，間間都唔會難食得去邊）但係佢整到個底太硬身，難咬，就算咬到都唔想食落去。不過個份量係足夠飽的。…Read More

難得經過葵芳，又聽講葵涌廣場2樓重新裝修完變左小食掃街場，咁緊係要去試下啦。今次黎到呢間大滿足，一邊係賣手卷，壽司，刺身之類。呢d周圍都有得食，唔太感興趣。但另一邊係玉子燒我忍唔住即刻揀左一份鰻魚玉子燒黎食。等5分鐘左右，玉子燒黎到，好香醬料味，咬落去啖啖鰻魚肉（佢用玉子燒包住幾舊鰻魚）個玉子蛋都好滑。食完覺得間舖頭真係無改錯名，真係令人「大滿足」！Ps:鰻魚玉子燒都係28蚊炸（仲有其他口味，都係大約30蚊左右），極力推介！…Read More

工作關係經過觀塘呢頭，順便揾一揾餐廳食lunch。觀塘好多工廠飯堂同埋樓上餐廳，今次就揀左一間出名「巨人雞脾」既飯堂。一入去呢間餐廳，環境裝修新淨 有d80年代茶記feel。1點半入到去都坐滿人。出名巨人雞脾，咁我緊係叫黎試下啦。我叫左個燒汁炸雞脾加凍檸茶。一黎到，隻巨人雞脾真係好大隻，大隻過我個拳頭食落去啖啖肉，個外皮超脆，一定要試！個餐連凍飲45+3=48蚊。lunch黎講算偏貴，但係值得一試！…Read More

忙到4點幾先食第1餐，唔知算lunch定tea叫左一個「新口味」咖哩薯仔雞飯加杯芋香珍珠奶茶（total36蚊）D薯仔佢炆得好冧，又入到味。不過d雞就麻麻地，無乜味之餘仲要有小小冰鮮味。最差係d飯，勁硬，直頭可以用叉吉住舊飯黎食，fail。至於杯珍珠奶茶幾好飲，甜左d，但d珍珠細粒易咬。環境幾好，4點幾落到黎唔多人，感覺幾乾淨。不過我個位對正廁所門口，d人出出入入，望到個廁所個胃口大減。下午茶黎講，36蚊算係咁，ok抵食。…Read More