妲妮雅's Profile

是晚2人晚餐，懶得去市中心同人逼就上OpenRice睇吓屋企附近有咩好食距離屋企路程20分鐘的日式餐廳，睇評語都幾吸引，決定去試一試一坐下便有店員向我們推介只有星期六日才有的刺身、壽司店員解說這都是從日本運送過來的飛機貨，而且提供圖片詳細介紹，很用心的態度我揀選左池魚王壽司入口已經feel到佢塊魚肉有幾厚身，濃郁既魚味，非常好食（完全無魚腥味）飛魚籽軍艦飛魚籽粒粒分明，啱哂我呢d蟹籽飛魚籽狂迷最後忍唔住要叫多一舊池魚王天婦羅烏冬隻蝦就炸得剛好，肉質爽口紫薯、冬菇及南瓜各1片值得一讚係粉漿不會過厚牛肉烏冬相對上牛肉烏冬湯底較為油膩，普通水準另外一提烏冬配料有白蘿蔔及海帶白蘿蔔煮就煮到好淋，可惜無經過上湯泡浸食落去同白烚無分別希望餐廳可以用上湯浸泡一下，相信可以令烏冬加分不少…Read More

入得百勝廳一定要一早預訂，先可以坐到落地玻璃前的座位天氣好好曬到high high，幸好訂座了這裏有舒適的冷氣而且位置都相當不錯以上是套餐的餐牌另外有下午茶餐提供，可惜食完正餐已經好飽叫唔到下午茶蔥油牛腩片拼茶燻蛋呢一味餸絕對係不建議點選的，蛋雖然有流心效果，但絕對沒有任何甜酸苦辣咸的味道，真的只有蛋味牛腩片好韌又鞋，絕對建議點選燒味拼盤明爐老火湯 - 合掌瓜蘿蔔豬展湯味道不錯， 確實似自家煲的老火湯肘子片津菜雲吞這個味道相當不錯，雲吞餡料都相當十足，我個人認為裏面應該係有小小金華火腿片包左入去，金華火腿片入口都不會過咸，而且上湯的味道也十分好飲（應該係味精湯）柚子脆蝦球望落去好厚粉，但食落就知道不算是太厚粉而且配上柚子酸甜的味道令到整個菜式都非常清新而且蝦的Size都相當有份量絕對推介點選此菜式凍椰汁紅豆清心丸味道似係椰汁溝水，完全唔夠味，我完全唔知道自己喺度食緊啲乜嘢乳酸凍糕非常推介味道十分似食緊益力多啫喱，非常有彈性整體每人平均消費為300多元，侍應的服務質素都相當不錯，但可以坐足一整天而且可以享盡馬場美景…Read More

看x-women前食的晚餐，見睇戲前還有時間好好坐下來吃一頓晚飯但7點多的新城市，許多食肆已經有很多人排隊等位，由於餐廳位置不是在大路中心，所以七點多去到的時候也可直入不用等候（但我入座15分鐘後已經開始要等位）是日二人晚餐點選了1. Fresh Mango Mojito (沒有酒精成份）2. 巴馬火腿片3. 海鮮牛油果沙律（半分）4. 和風蒜香白酒汁蜆肉意粉5. 明太子海鮮pizzaFresh Mango Mojito清新薄荷味加上啖啖芒果肉，糖漿份量適中巴馬火腿片配上橄欖油，鹹香味不算太突出（而且只有4塊）海鮮牛油果沙律醬汁味道似和風沙律醬，海鮮部份都處理得不錯，蝦🦐爽脆，煙三文魚都不是平價貨色還有帶子（切粒上）和風蒜香白酒汁蜆肉意粉聞落好香蒜蓉味，但入口味道相對上不會太濃烈，而且我覺得意粉有點乾，可能唔夠汁明太子海鮮pizza沒有想過明太子跟芝士是這麼配合的，配上的海鮮都是頗有份量的，味道是好吃的（個人建議店舖可以切薄餅的時候，可以𠝹深少少，因為自己好難𠝹開要出盡九牛二虎之力才分得開6份）整體來說食物質素跟價錢是相等的，下次都會再黎食…Read More

有一段日子沒有光顧的《阿佳拌麵》今天沒有人等候，所以午餐時間點選了一份拌麵今次點選了麻辣燙魷魚拌麵一攞上手已經聞到好香麻辣味，香到差d未影相就已經想食麵既份量依舊十足，分量方面女士就應該夠哂飽，但男士可能都要食多幾粒魚蛋先夠魷魚分量都非常多，爽口魷魚再配上麻辣醬汁，完全過足口癮…Read More

晚上約了友人食飯，決定到佢屋企附近食是次3人同行係日式餐廳《千之瀧日本料理》吃晚餐但店舖不大，而且枱與枱之間都好近，坐得相當親密點選了6個菜式1️⃣深海池魚刺身2️⃣季節魚生飯3️⃣活赤貝4️⃣雞皮餃子5️⃣土佐豆腐6️⃣鐵板燒廣島蠔 （沒有拍照）只有數隻蠔味道是好吃的，但略嫌定價太高深海池魚刺身厚切的一片片池魚，魚肉鮮甜而且一點魚腥味都沒有季節魚生飯有接近九款不同類型的刺身每款刺身味道鮮甜，還有海葡萄🍇真的很好吃，爽爽的活赤貝刺身赤貝新鮮爽脆，不會咬唔開或咬好耐既情況 （也有海葡萄🍇）土佐豆腐外皮全都有木魚絲包圍，我估係用百福豆腐滑滑豆腐沾上醬汁吃，非常滋味雞皮餃子別出心裁的菜式，用雞皮當作餃子皮🥟炸得非常香脆可口超級推薦整體而言菜式味道都在水準以上，唯一缺點係定價偏高如果平少少，就可以點多幾款不同類型的食物3人同行點了6款菜式就已吃了差不多7百多元，平均每款菜式接近1xx元…Read More

星期日又係出街食晚飯既日子由於上星期吃了荃灣的雲南小鍋米線分店，懷念其味道所以今日決定去屯門分店是晚三人同行點了三碗米線加一款小食1️⃣麻辣米線小辣配腩肉魚皮餃2️⃣麻辣米線小辣配墨魚頭雞絲3️⃣酸辣紅薯粉小辣配豬軟骨豬腸4️⃣炸春卷麻辣米線小辣配墨魚頭雞絲墨魚頭 - 爽脆可口而且有墨魚的鮮甜味雞絲 - 依舊分量十足，食極都有好抵食湯底 - 叫咗小辣都係好辣繼續食到噴火麻辣米線小辣配腩肉魚皮餃米線 - 煮得比較碎腩肉 - 較為碎濕，沒有完整的一片魚皮餃 - 都是屬於四海的品牌，知道好吃的，但只有兩粒不夠喉呢酸辣紅薯粉小辣配豬軟骨豬腸紅薯粉 - 相當煙韌，值得一試豬軟骨 - 入味而且相當淋豬腸 - 都洗得相當乾淨沒有任何異味，有咬口推薦試一試炸春卷香脆可口配上酸甜醬，真的很好吃春卷餡以蔬菜為主屯門分店座位雖然沒有荃灣的寬敞，但下次都再會去相比起連鎖式店舖經營的，這裡有更多配料選擇而且食完都唔會好口渴…Read More

終於不用等位也吃到秘其實都只是碰碰運氣，因為每次很想食的時候都很多人等候:(可能時間尚早，是日夜晚大概七點前就已到達餐廳二人同行，點了板燒吉列牛及秘·燒牛肉野菜鍋，還有飲品分別有青提味及水蜜桃味汽水青提&水蜜桃汽水兩支味道分別都好好味飲落不會太甜而且果汁跟汽水味非常配合板燒吉列牛 - 加配了晚市定食白飯配上飯素即使只吃飯也不會很單調昆布湯裡頭櫻花醃漬物，但我沒有嘗試櫻花是什麼味道的配上楓糖流心蛋 - 煮蛋時間過程掌控得好好蛋黃是流心啫喱狀的 （好愛吃這質感）如果自己燒就可以掌控到牛的成熟程度，還有一個好處是邊燒邊吃便可好好保存食物的溫度熱辣辣擺入口非常好吃由於牛肉油脂比例剛好，隨板跟上的油脂只需薄薄塗上一層，已經足夠燒幾塊牛肉牛肉沾上醬汁配飯吃就已經很美味秘·燒牛肉野菜鍋 - 加配了晚市定食湯底味道 - 濃濃的紅蘿蔔鮮甜味牛肉肉味鮮甜而且炆得夠林吸滿上湯的味道，是好好送飯的菜式，10分推薦吃…Read More

下午茶時間不用等位，而且餐牌內容都頗吸引，便決定入去一試是日點選了2個下午茶餐 - 美人丼輕食1️⃣海老&枝豆粟米天婦羅丼2️⃣和風咖喱豚脊肉丼跟餐飲品選擇了薑味汽水薑味汽水竟然無氣，同埋唔夠凍如果走冰，後果難以想像海老&枝豆粟米天婦羅丼睇呢張相見唔到有海老，我認真啲睇餐牌先知海老等於櫻花蝦將丼飯分為四部分，上層分左中右介紹一下左 - 流心蛋 （炸粉未至出色，一夾起炸漿與蛋分離）中 - 貌似蝦的物體，原來是粟米仔，味道爽甜右 - 櫻花蝦加枝豆天婦羅，老實說吃不出是枝豆來的，我以為是普通野菜，至於櫻花蝦更加是吃不到任何蝦味下層為飯 - 沒有想像到飯竟然可以煮得如此飯粒分明，真的很難得飯是很出色的麵豉湯現料都頗多味道不會偏鹹而且海帶入口是嫩嫩的不是粗糙和風咖喱豚脊肉丼咖喱 - 一貫日式餐廳的咖喱風格，不會很辣豚脊肉 - 肉質厚薄適中，分為3小件上方便食用，有別於其他餐廳的炸豬扒長條風格但下午茶份量偏小，女士食用就應該剛剛好，相反男士享用就應該不夠，還要額外點其他菜式或小食才夠飽…Read More

星期日看完電影後決定落荃灣吃晚飯雖然經常到荃灣吃飯，但這間米線卻是第一次嘗試店舖座位數量都算頗多，座位與座位之間都不會太狹窄今次點了兩碗米線加飲品P.S. 兩碗米線都走了酸菜麻辣米線小辣 - 豬肚絲雲吞米線煮得剛好，不會出現過淋或部份沒有煮透 麻辣味道十足豬肚絲下次都有機會encore雲吞比較失望，內餡為椰菜絲配豬肉，味道一般麻辣米線 - 豬紅配雞絲想不到雞絲份量這麼多，但值得一讚的是真的手撕而不是切出來豬紅入口滑滑而且經過上湯浸泡如果下次再有機會可以嘗試其他餸菜…Read More

呢間鋪頭係一個橫巷裏面，完全不起眼既位置今次呢間鋪頭嘅食物與葵涌廣場已有嘅食肆有少許不同《餓霸》主打花甲，今次點選香辣花甲粉絲，額外加配加了金菇及肥牛由於點餐即叫即煮，所以等候了大約5分鐘分量比想像中還要多，當中不只是有花甲還有蠔仔加雞絲湯底充滿着花甲嘅鮮甜味，粉絲非常吸湯，主角花甲都頗有分量，食落都冇砂粒金菇分量都幾多，食極都有…Read More

平日上班已經很辛苦，星期六日就獎勵平日辛勞工作的家人到屋企附近日式餐廳《漁匡》吃晚飯一行三人點選了壽司、小食及兩碗拉麵由於北海道帶子壽司有推廣優惠$9件，每人限叫兩件帶子肉質厚實鮮甜，而且飯和壽司醋的比例調校得合適，不會偏酸及過黏黃金魷魚壽司 - 魷魚條配上黃色的蟹籽味道，再配上芥辣入口簡直美味到不能自拔甜蝦壽司 - 一般應有水準🦐蝦隻不會太小火炙芝士三文魚腩壽司 - 本人最愛火炙壽司的味道，經過火炙處理過的味道有別於一般燒烤或香煎的味道雖然三文魚魚腩未至於入口即溶，但在小店裏吃到這充滿魚油香的三文魚腩已經是另一驚喜另一優惠推廣《芝麻雞翼》$10 / 1隻雞翼色澤金黃，香脆可口選了九州叉燒拉麵及神戶牛肉拉麵（沒有拍照）2碗拉麵湯底完全不一樣，但配料都大同小異分別帶紫菜、粟米、紫菜、京蔥、鳴門卷、木耳絲，筍片九州叉燒拉麵 - 叉燒厚度適中半帶肥瘦神戶牛肉拉麵 - 牛肉不是最平最普通雪花肥牛，都係個句食牛肉有牛味但湯底就比九州叉燒拉麵肥膩環境方面有可以改善的地方，不知是否天氣太熱導致有蚊滋飛入店舖希望店舖可以注意一下…Read More

近呢一年樓下商場進駐了不少連鎖式既餐廳而且都係同一集團旗下經營，只係款式不一樣今晚食既係東南亞風味餐廳🍴漁樂由於數日前食完泰式爐邊青檸烏頭念念不忘，剛好餐牌上有一套餐《爐魚套餐》條魚上枱就已經幾吸晴今次揀左冬蔭公湯味，冬蔭公味調教得剛好，不會偏酸或偏辣，還有其他配菜例如豆卜就吸了冬蔭公既味道雲耳爽脆魚肉表皮經過炸的處理，食落都有少少脆皮感 ，魚肉都頗嫩滑可惜打魚鱗方面要再下點功夫 ，因為食落有幾塊魚鱗不得不提呢個粉絲湯第一啖飲已經好味精，雖然出街食飯都一定知係用味精調味我相信我完全沒有想到廚房無試過味就攞出黎，因為咸到個點係你唔會想再飲另一樣係佢個名叫泰式紫菜肉碎粉絲湯紫菜同肉碎都有，但粉絲一條都唔記得放到底係咩一回事？飛天通菜味道就夠哂，用黎送飯一流可能通菜不是時令蔬菜，所以食落有渣只要唔食莖就無問題，但通菜唔食莖有意思嗎跟餐加$12點選青檸紅茶飲品茶味濃郁但略嫌青檸味不夠…Read More

每次慶祝母親節飯局都一大班人一齊食晚飯，以往都會選擇中菜酒樓為主，因為較易訂位以及用餐時間都較長但今年選擇食泰國野，當晚預約了19:30眼見晚市生意都好好，而且不少人預約晚飯雖然母親節前後，但餐廳沒有加價，值得一讚生蝦刺身個人認為係泰菜必備既菜式而且近年部分泰國餐廳已經無出售但此菜式最特別既地方係醬汁，每間餐廳味道都不太一樣，泰迎既蝦入口爽脆鮮甜，醬汁味道調教得恰到好，不會入口即辣，只有微微辣味不會蓋過蝦既鮮味（個人認為數量太少一碟只有6隻，如果比多2隻影相效果會更好）由於分枱坐，我呢枱只有6人點了3杯飲品，分別有士多啤梨沙冰，三色冰及青檸梳打（沒有拍照）士多啤梨沙冰味道偏甜，但如果配搭食物就剛好蠔仔蛋都係一般泰式餐廳應有水準蛋不會過熟，配搭埋辣醬就更惹味咖哩一定係蒜蓉包既好朋友蒜蓉包前後加了兩次單，實在太美味整個包都塗上牛油，蒜味不會太濃烈而且烤到香脆可口即使沒有點咖哩菜式都不用擔心因為隨蒜蓉包有一小碟咖哩沾吃一次可試2種口味，有青咖哩同黃咖哩而咖哩炒蟹味道更加不用多說，咖哩微辣香濃，鮮甜蟹肉配上香濃咖哩令人念念不忘烏頭嫩滑配上清新青檸，上湯咸中帶酸，令人食了一口後，就停不下來超級開胃的開胃菜式另外一個枱有點串燒及豬手但個人不太愛吃串燒醃料味道，我估計應該用了香草去醃製，而且肉質很韌豬手食落竟然係好難咬開覺得難以接受最後甜品部分，椰青大菜糕，微甜椰子水、帶點椰青肉，大菜分量吃落爽脆不是硬的個人大大推薦芒果糯米飯芒果數量非常足夠，就算食哂d飯還有好多芒果淨下而且椰漿調教得非常出色，甜甜椰漿配上黑白糯米飯，味道與泰國吃到的不相不仲這是很大的驚喜，因為在香港很少可以吃到好好食的芒果糯米飯…Read More

最近天氣開始變熱，午飯時間想食d凍既野食降降溫想起了無辣不歡既手撕雞麵但天氣不似預期，人總會有中伏既時間我指不是食物味道中伏，而是自己點錯食物款式中伏本來想食凍既食物，最後店員竟然呈上一碗熱辣辣既拉麵🍜😂個下當場知道中伏了😵但拉麵既味道我覺得比起凍蕎麥麵更出色我點既辣度為小辣，但入口都幾麻幾辣，手撕雞分量都頗多，食極都有🐔，有少量雲耳為配菜拉麵分量都適中 ， 因為我叫細size 如果個人口味我比較喜歡拉麵多於蕎麥麵…Read More

今日天氣風和日麗，約了友人出去吃過午飯然後看電影🎬同為戲院售票層，這間日式料理之前都嘗試過一次晚餐但午餐有套餐可供點選，價格會比較晚餐便宜好多😂餐廳整體燈光都比較昏暗，不太容易拍攝清晰既照片是次點了兩客午餐 ，均有前菜+麵豉湯 🥗沙律配上日式芝麻醬麵豉湯味道👍🏻👍🏻配上豆皮雖然茶碗蒸內裡配料都比市面上一般的豐富，但面層有奇怪啫哩狀既物體，影響了蒸蛋既味道三文魚籽同海膽味道鮮甜，令人吃完一啖就不會想停下來彈牙烏冬配上日式清湯還自選2串🍢串燒分別為雞肉串及豬肉串雞肉串可沾蛋黃吃，相對之下豬肉串燒味道更出色，因為調味剛好，燒的時間控制得好好，保留適量肉汁以及肉質鮮嫩分別有9款不同刺身其中我最喜歡吃的為帶子，蝦及海膽帶子食落非常鮮甜🥰另外一提刺身均為厚切，平時元氣薄切3片等於穴藏1片如果以這價錢在香港吃到如此質素的刺身真的性價比高此餐跟一碗白飯🍚，如果吃清這碗飯一定飽到捧住肚皮走最後甜品是日式菓子，吃此午餐讓週末假期充滿著愉快的回憶P.S. 落單時舉了幾次手店員都沒看到，不知是否因位置問題面看不見🤔而且幫忙點餐店員態度冷淡😔部分店員都會主動加茶，這方面值得加分👏🏻…Read More