黑忟忟可人兒's Profile

舊同學聚會約左尖沙咀食飯，去左美麗華商場既百樂小館，地點超方便，我收工坐巴士直到😁😁，食飽飽仲可以行下新開既激安店。滷水拼盤既鵝肉夠嫩夠入味、墨魚片同正宗打冷店一樣咁爽口好味。時令燉靚湯夠火喉，味道香濃，我就最鍾意食湯渣，蟲草花、雞腳、豬肉連湯一齊飲好正。蟹籽海皇炒飯唔止賣相好，味道也很好，炒飯夠乾身，有蝦有菜有蛋有肉又不太咸，蟹籽混合一齊食好彈牙。糖醋伊麵外邊有點脆，中間位又有點軟，口感唔錯，喜歡加糖甜d，又可以加醋酸d，美味可口，岩晒不同口味。…Read More

裝修後的韓舍轉為雞煲火鍋，座位更闊落，空間感更大。同樣以半自助形式，一邊以點餐紙落單，亦有其他熟食、火鍋配料、飲品、甜品供自行取用。還有幾特別的有自己整炒雪糕、章魚燒、炒腸粉。我們點了小辣花膠雞煲，個汁甜甜辣辣，味道不錯。雞件大小適中容易入味，配料既蒜頭同洋蔥好甜好好味！火鍋料也點了好多款，炸響鈴、牛頸脊、肥牛、生蠔、黑豚肉、象拔蚌片都很好食。其他還有各式各樣既蔬菜同丸類，款式多到一晚食不完。食飽飽都要留返另一個胃去食雪糕同甜品，呢一餐真係好滿足呢！…Read More

去朋友家玩完一日，晚上她帶我到附近既磅太太晚餐，餐廳門口幾特別，晚餐傾下偈，環境很舒服。就算一個人來坐Bar枱位置都不錯。鰻魚串非常好味，上面舖有很脆口的咸蛋黃魚皮，以及海鮮醬味道很夾，鰻魚很入味，賣相亦相當吸引，必食推介！麻辣雞翼是我全晚至愛，外皮炸得香脆，咬開熱辣辣，雞肉又滑有夠juicy，麻辣度剛剛好，超好味！韓國天使蝦都幾大隻，蝦肉彈牙，味道很鮮甜，蝦頭既汁好香濃，好味！叫左杯In the mood，味道甜甜的英式茶底，用香檳杯盛裝，很易入口，好清新！…Read More

收工閒逛尖沙咀，shopping完去搵野食，朋友提議去棉登徑睇下，見到牛魔呢間餐廳很光猛，望下餐牌食物都幾吸引，就決定在這裡晚餐。🍽員工非常親切有禮，每位都好好笑容，亦經常會幫忙燒烤及提點，確保食物質素，讚👍🏻醬油牛肋骨~厚厚既牛肋骨卷住上枱，見到都流晒口水，急不及待立即燒，半熟剪開再燒，肉汁完全被鎖住响入面，超好食呢！😍😋A4和牛沙朗刺身伴海膽~極好味既生牛肉包住鮮味海膽，入口即溶，海膽香味徘徊於口中，一食就知係極品，又一個要讚爆既美食👍🏻👍🏻👍🏻豚肉五花腩~店員幫忙燒，時間控制得好好，燒到乾身脆邊原來更好食，再用生菜加特制甜辣醬味道一樣好！食燒肉梗係要叫杯啤酒飲下啦，Suntory Draught夠冰凍，大口喝幾啖，爽爆！今個晚餐真係無得彈，絕對要約朋友再來。…Read More

上星期朋友約左去滿樂中菜食飯，唔行都唔知興建左一座戲曲中心，去到餐廳覺得地方都好大，好闊落，平日不算多人，食飯傾計一流！燒味雙拼- $198叉燒好多汁好淋，不肥不瘦。燒腩仔個皮好脆，不多油，點黃芥末好食。水雲蟹肉豆腐羹 - $128香味濃郁，蟹肉同豆腐又幾配喎，加一點胡椒粉更加好味！陳皮話梅豬手煲 - $128因為有話梅既關係，個汁甜甜地好特別，越食越開胃喔，豬手夠入味超好食呢！招牌金瓜炒米粉 - $148原來係用南瓜炒的，蝦米、蝦仁、菇、肉絲、菜....等等一齊炒，好足料夠乾身，好好味！…Read More

去台灣就食過度小月，响香港反而未試過，今晚相約幾個朋友來晚餐，叫了好幾款菜式，店員推介說這裡的大腸特別好食，果然冇錯。我亦覺得其他食物都很出色。特滷大腸同三杯大腸夠入味，軟韌度適中，非常有咬口。香蔥炸大腸好有街頭小食既味道，脆皮包住大蔥好好味又不膩。蚵仔酥香脆可口，咬開有香濃蠔仔味，送酒小食一定選呢個！啤酒蝦聽個名就知特別啦，蝦食落幾清新，味道不太濃，呢個配搭幾新鮮喎！啤酒排骨味道大好了，排骨煮得好淋好軟，味道小小甜小小澀配排骨很合適！全晚我最喜歡吃這個！擔仔麵和擔仔米粉用小碗盛裝，味道不錯，價錢合理，餐廳門口玻璃窗可直接望到員工製作，見到都流口水！…Read More

一直想要來這家餐廳，預早一個月訂位，今日終於可以來試試了。餐廳以復古風格，裝潢設計都很華麗，每晚都有表演者為客人唱歌，令整個場的氣氛都很浪漫，亦會與客人互動，所有客人都很歡樂！在場十幾枱踫巧也是慶祝生日或週年紀念，真的是特別溫馨！在這個環境下，當然開枝紅酒品嘗下，食物味道亦很好。我的主菜是黑安格斯牛柳，叫了五成熟，肉質相當嫩，牛肉汁很入味，絕對沒有讓人失望。伴菜白甘筍及迷你椰菜都很好味，食白甘筍粒感覺很清新！脆薯棒都幾特別，黑松露蛋黃醬勁香，入口超好味。白汁法國藍青口很鮮味，每粒都算肥美，薯條更加不得了，炸得很脆很香，食到停唔倒！甜品選了Tiramisu，面層還加上金箔賣相很高貴喔！預早要求餐廳安排寫上Happy Birthday慶祝朋友生日，朋友不知幾開心！…Read More

經常行銅鑼灣Fashion Walk都唔覺有呢間餐廳响度既，咁岩朋友話食過幾好食就帶我去食下。我覺得呢度既賣點係fusion，所以食物都好特別，很多新鮮既配搭！飲品叫左土炮多多，聽個名估唔到係乜，原來係益力多加綠茶，冰凍又清爽，幾好飲呀。水果茶主要係熱情果同菠蘿，酸酸地，飲左都幾開胃。陳醋蠔豉香菇沙角春卷特別好味，從來無諗過可以用蠔豉做春卷涵料，好出味好有驚喜，超讚！慢煮豬腩肉飯～賣相好吸引，豬肉超軟超淋，肥肉比例好岩，食多都唔會太膩。甜品時間啦，雪葩菠蘿包個底部好似曾相識，原來係用沙翁整的，入面有凍凍的吉士打，好夾好正。呢個豬腳薑雪糕一定要試，睇落平平無其，食一口之後就停不下來，豬腳薑香味無可抵擋呀，真係好好味！…Read More

買左飛睇戲未夠鐘，想搵個地方坐下飲杯茶，咁岩就見到4樓既茶墨，一於買杯飲品同食件cake先。响櫃枱買完等部機響就取餐，方便清晰。👍🏻👍🏻麻糬芝麻烏龍鮮奶茶(凍)~平時飲珍珠奶茶個d總覺得太甜，這杯黑芝麻味不算太濃，亦不太甜，比較岩我們口味。🥤😋麻糬玄米抹茶鮮奶(熱)~這杯一定要用香滑來形容，熱飲非常好味，麻糬份量適中，入口煙韌，掛住飲，唔記得開蓋影相添🍵😅岩燒蜂蜜抹茶蛋糕~本來抹茶蛋糕無乜特別，不過面頭岩燒既味道小小咸，竟然同個蛋糕又幾夾喎，又幾好味喎！伯爵茶朱古力雪糕~呢個雪糕一定要推介一下，估唔到咁好食😍原先諗住朱古力味會蓋過伯爵茶味，點知伯爵茶味反而濃烈過朱古力，雪糕又軟又滑，超好味！…Read More

約左表妹灣仔食Lunch，她帶我來了一間台灣小店，好耐未試過放下急速既節奏，慢慢享受美味午餐，兩個女孩子靜靜傾偈相當舒服，真係要分享俾大家。清爽養生台式清燉牛肉麵$65加左杞子既牛肉麵賣相真的好養生喔，湯味較清，牛肉牛筋也很入味，咬落去好軟，麵條似手打麵，彈牙有咬口。香酥炸雞腿配台式滷肉飯$68炸雞腿外皮乾脆，內裡肉汁豐富，滷肉飯肉嫩，令我胃口大開。黑糖奶茶加$15雖然黑糖但不算太甜，香滑濃郁。水果茶一壺加$28香橙加雪梨茶帶小小酸及甜，熱飲比較滋潤喉嚨，玻璃瓶保溫程度也不錯，飲了一半還是暖的，秋冬佳品。…Read More

這間殿大喜屋放題我去過很多次，每次都會有一些新品轉換，保持新鮮感，是晚揀選了我覺得最美味的幾款美食與大家分享一下。😋必食刺身拼盤~一開始每款刺身種類點每人一片，好食先再點，赤貝、北寄貝同牡丹蝦是最突出最好味，加點芥末鮮味十足。😋海膽手卷~海膽份量一點也不吝嗇，仲要係好味個隻，質感也很實在，香港好小食到呢種好味的。😋蝦天婦羅~外層炸粉夠薄夠鬆脆，不油膩，蝦肉鮮嫩彈牙，口感好好！🍤😋炸蠔入面保存蠔汁香濃，芝士年糕亦炸得好好，脆卜卜，煙煙韌韌最棒👍🏻😋燕窩木瓜滋潤養顏，像我皮膚乾食這個最適合不過了！除了填食物紙點選外，還可以到出面美食櫃自行選取，清酒都有得飲真係唔係好多餐廳會有！…Read More

早排來過這裡覺得食物味道不錯，價錢親民，可以再encore。今晚同老公再來品嚐，品質味道依舊掂，又不用等位，正！三杯雞$48好有台式既味道，小小醬汁雞件入味，雞肉幾滑，好味道喔。紅燒牛肉麵$58濃濃既湯底帶一點甜，麵條煮得剛好，軟硬度佳，牛𦟌有成6至7片之多，又大片，夠嫩夠淋。食食下又想食辣，加左麻辣醬剌激之餘又是另一種的好味！滷水蛋牛腩滷肉飯定食$83滷肉飯好開胃，味道很好，份量多，包埋菜還有湯，雪梨無花果燉瘦肉湯~化痰潤肺，入秋涼了係需要滋潤一下。香芋奶茶$18杯中傳來陣陣芋頭香味，奶茶幼滑，好飲，膠杯裝亦方便帶走慢慢飲！…Read More

朋友話想試呢間餐廳，今日午餐時間見不用等位就一於試下啦。味道唔錯，選擇亦不少，店員姐姐都好有禮貌，執枱都好快，食很好開心，朋友也很滿意。原味餃子皮夠薄肉餡入味，點餃子汁好好味，下次可以試試芝士味，應該都不錯的。炸雞塊炸得剛好，外脆內軟，配合蜜糖芥末醬非常夾。冬蔭功拉麵湯味不算太濃也不太辣，竟然有3隻蝦咁多，配料既菜都好多，拉麵就小一點，但味道都幾好。套餐既熱豆漿唔太甜，岩晒我口味！朋友點了蕃茄烏冬定食，賣相都幾好，還有日本甜蕃薯，凍豆腐同和菓子，呢個定食都幾抵喎，下次我又食下先。…Read More

舊同事聚會相約到佐敦新肥泉大排檔晚餐，地點方便地鐵站行幾分鐘就到，圓枱又方便大家傾偈，坐耐d慢慢食又唔會被人趕走。天氣開始涼了，個個都嚷著要食羊腩煲，我其實有點怕羊煲那酥味，不過今晚這個羊腩煲確實可以俾高分，完全無酥味，生菜同枝竹吸滿精華，味道很好呢。黃金鮮魷～外層既咸蛋香脆可口，包住彈牙爽口鮮魷，這個美食配啤酒一流！酸酸甜甜既拔絲明蝦球一食令人胃口大開，蝦球大隻肉質鮮味！古法蒸芝麻斑～從未試過响大牌檔食咁大條魚，我比較喜歡食魚鰭位置，魚肉夠滑超好食，感覺到用心制作，時間控制得非常好，好食過好多大酒樓。椒鹽瀨尿蝦味道同樣出色，蝦身長過我手掌，剪開見到d蝦膏真係流晒口水，大家都讚不絕口。我地都係食辣之人，送酒又點小得辣酒煮東風螺呀，用竹纖一扭，螺肉就輕易取出，煙煙韌韌吸滿辣汁好好味！…Read More

朋友帶我去灣仔食麻辣火鍋，佢地話食過好幾次都好正，我地叫左個蕃茄魚頭同普通辣鴛鴦鍋，餐廳好細心地每位都有個小圍裙，唔使整污糟件衫，火鍋前還送了雪耳紅棗糖水俾我地滋潤一下先。蕃茄湯入面有個大魚頭，個湯好鮮甜好好味。麻辣湯越食越辣超級剌激。火鍋料叫左美國安格斯優質肥牛、手打四寶丸、香草牛肉滑、大刀牛肝、重慶酥炸肉、田園菜藍...個人特別喜歡鮮黃喉、稻田毛肚、極品鵝腸，3款都係灼既時間短，而且新鮮爽口，配辣湯或蕃茄湯都一樣咁好食！另一個係炸豆皮，浸落去辣湯幾秒夾來食，唔會過淋，辣味滲滿整塊豆皮，幾得意幾特別！仲有就係曉宇苕粉，放入鍋直至淥到透明狀，食入口煙煙韌韌，非常好食。食辣既吸盡精華啜入口，呢個剌激真係正到爆！…Read More