mwwong0113's Profile

於雜誌看到一篇介紹應該是新開的食店，見到價錢不貴，於是致電訂枱一試。去到的時候比預期早，見室內環境相當唔錯，枱與枱之間空間感夠。:)這間食店以私房菜形式經營，亦以海鮮為主題，聽事頭婆向客人介紹說其店另有生意經營海鮮批發，所以用料新鮮及即製關係，保証客人滿意。坐下來，已有一些餐前小食 ﹣ 蜜汁合桃和芝麻木耳，本耳有些微辣，對於我不嚐辣來說亦易入口！接著有八道主菜：凍震鮑魚配酸瓜 ﹣ 鮑魚味鮮及稔，酸瓜很開胃安格斯牛柳 ﹣ 如果客人想要熟透，可向店員要求，牛柳大約六至七成熟，無雪味幾好石鍋斑頭腩 ﹣ 很新鮮的一道菜，但要小心斑腩有很多骨即製蜜絲骨 ﹣ 極力推介，好好食，因即製關係，入口異常香脆翡翠炒斑球 ﹣ 用芹菜來炒，配合得好好花膠扒時蔬 ﹣ 又係極力推介，用料新鮮煮出黎既食物入口係相當美味油鹽水浸花蛤 ﹣ 一句 ﹣ 正！魚湯泡飯 ﹣ 呢個泡飯用上蝦米、東菇絲、肉碎和飯焦來煮，入口有咬口最後還有甜品 ﹣ 喳咋，因自製關係，不太甜，好味！私房菜兩位起，最好訂位，每位$198加一。…Read More

時常行經此地方，但都沒有在此處用過午餐，今日終於有機會。如果有用IPHONE裝番個朗豪坊IPHONE APPS，此處正價食品或飲品有九折。因在商場頂層，閒時並沒有太多人，YEAH!!!午餐有湯或沙律，今天我揀了湯 - 粟米薯蓉忌廉湯連餐包。湯有好多粟米粒，正!主菜我點了薄燒牛柳配意大利飯。牛柳有點兒過熟，意大利飯嘛..我永遠都覺得食少少已很'漏'，而當中有很多磨菇我很喜歡的。下次都係要點其他款啦!最後飲品我要了熱咖啡。這裡的飲品是免費添飲的，我見很多顧客都要凍檸茶/汽水等，如果口喝的話係幾好架!…Read More

我老公很喜歡這間食店之燒味，但天氣太熱於是乎打電話叫店鋪送外賣。之前已試過無數次。但最近這兩個月之送外賣服務奇差:1) 於午飯時約12:00叫外賣，但外賣於13:15才送到，如果真的肚餓簡直出事。我們質問外賣姐姐為何這麼遲，佢回答話佢12:30才返工，於是乎我老公說為何佢12:00致電叫送外賣職員為何不向我們說明....2) 今天晚上約18:50致電送外賣，接聽職員姐姐態度奇差，說現在繁忙時間不送外賣，跟著很沒禮貌CUT線倒不如乾脆沒有外賣服務，為何傳單不改?就算堂食服務也很不理想，講真，旺角並不只是這間食店，我老公嬲都即時將此店鋪外賣紙撕掉。…Read More

老公生日，同佢去澳門行下輕鬆下啦!咁夜晚果餐我就BOOK左呢間我自己食過好多次既飯店，因為BOOK枱關係，加上平日，所以可以坐到卡位唔駛等。如果係週末就最好訂枱啦。果晚伙記話燒肉啱啱出，好正，咁我地就叫碟例牌試下，果然皮脆肉嫩，口感一流。跟住叫左碟蝦子扒柚皮，呢個老爺餸係香港已經好少見，味道都好OK喎。再黎半隻鹽焗雞，好有雞味，唔錯。最後黎個蒜蓉炒豆苗，炒得夠獲氣，正。埋單一的都唔貴，價錢係香港既七/八成左右咋，抵食夾大件。…Read More

這間餐廳最好訂位，但訂位只會留枱十分鐘，而因本人想要近門口卡位關係，故早前已致電留枱。這裡環境很舒服，食物質素有保証，我同我老公倆人非常喜歡在這裡用膳。我老公要了一個肉眼扒配蒜蓉汁薯菜、忌廉湯等。真要講講這個忌廉湯，除了粟米之外還有西芹粒和三文魚肉粒，製作認真非常好味。老公既肉眼扒很大件，這個SIZE既肉眼扒於超市買的話肯定要近百蚊，這個餐只是HKD108，所以非常抵食。我就要了個煎鵝肝量(HKD118)和黑松露鮮雞石頭鍋飯(HKD88)。煎鵝肝有兩件，配上炸蒜片和綠色SOUR CREAM來食，口感味道一流。讚。黑松露鮮雞石頭鍋飯據說用農場雞，真是很有雞味，飯味亦一流，這個價錢加22蚊可有湯及餐飲。本來想飯後點甜品的，但經過以上食物之後，我倆亦已相當飽，留待下次吧!…Read More

呢間係我地深水埗既飯堂。為了能食到佢既招牌燒肉- 真架，每日限量供應，賣完即止，試過有次八點幾到就已經賣晒。我同老公六點半左右到，唔駛等位有張最後二人枱。梗係要點佢既招牌燒肉，我由數年前第一次食過開始，就發覺其他地方燒肉同佢無得比，呢度真係好好食，我老公都係咁話。跟住叫個金銀蛋波菜同埋老少平安。講下的餸先：招牌燒肉－　肉質美味可口，燒肉皮非常脆口，咬落卜卜聲，唔太咸所以易入口金銀蛋菠菜－　的菜好新鮮，果晚只係好想食菠菜，都ＯＫ既老少平安－　呢個菜唔係周圍都食到，皆因係平既家鄉餸黎。屋企人會將豆付、魚肉、蝦米撈埋一齊蒸。呢度既非常大碟，四個人份量黎，所以我地食唔晒，豆付好滑，係我老公嫌唔夠咸，但對於我黎講啱啱好。講真，呢個餸幾平架(HKD48)，一班人都好抵食。果晚七點零已經坐滿客，黎等位既要人齊先俾位，有得ＢＯＯＫ位既，好多人都預先訂位。。尤其一班人果的。當然，有時間一定會返黎呢度幫襯。…Read More

當日下午已和老公講好要去這間店鋪用晚膳。為了避免過長等位時間，於是乎六點左右到達。當然，雖然只是黃昏六時，但對一間人氣店鋪來說當然已有一堆人在等候。幸好，我們只是兩位，等了未夠20分鐘左右就有位了。因為太早用膳關係，所以先叫兩個頭盤 – 冰鎮涼瓜與原味水晶肉。冰鎮涼瓜- 出奇地好爽，沒有苦味，只有少許甘味，非常好味。原味水晶肉 – 咸甜適中，非常好味，老實說自己一定整唔到。再黎就主菜，蟹粉小籠包、糯米燒賣與油炸排骨湯面。蟹粉小籠包 – 係皮薄多汁就唔駛多講，真係第二間都未必試得到，好香既蟹粉味…令我二話不說，粒聲唔出咁連食三件。糯米燒賣 – 唔知點解，總覺得係台北既糯米燒賣係好食好多，所以…下次都會叫第二樣。油炸排骨湯面 – 排骨炸得好鬆脆，係咸左少少但配個湯面黎食又啱啱好。最後梗係要甜品啦，水果西米露同荔芋西米露。兩款西米露都勁多西米，荔芋西米露出奇地的荔芋好香，好滑，值得推介。…Read More

話說友人話大家想聚埋一齊打邊爐，我無所謂，只不過我話要搵個新地方，試下的新野嘛。咁友人就話黎呢間正斗啦，睇個網評就好壞參半，諗住好又一餐唔好又一餐，況且一班朋友聚埋一齊吹水，過番一個開心既晚上咁者。唔好食既咪無下次幫襯囉。我地一行六人，小女子帶左兩支紅酒去，原來佢地唔收開瓶費喎，正以我記憶，寫番低我地叫喎咩食先:- 手切肥牛 (必叫啦) x 2- 蝦滑 x 2- 羊肉- 手打四寶丸- 雞肉- 粟米 x 2- 豆付 x 2- 魚片- 九肚魚- 水餃- 釀油炸鬼 (必叫)- 新魚鮑魚 x 3 (28蚊隻) 上枱時仲識郁架,叫伙記切片,好鮮甜呀 (必食)- 菜 - 皇帝菜, 唐生菜等湯底係豬骨煲仲有汽水約6枝,啤酒約4枝我地由夜晚七點半坐到十點幾，出面仲有人等位，伙記都無話趕我地走，招呼算唔錯。呢間係收現金既，咁找錢時有一位友人將所有零錢拿起，一毫子貼士都無俾到....wakakakka...跟住個伙記就話...'你地呢班人都得啦...'....hehe…Read More

友人為左要入去食涼粉，於是去了大榮華醫肚先。為左方便有位關係，就食六點既早輪晚飯。兩位友人早去攞位，我和另一位友人隨後到。四個人點了四個菜:燒鴨梅子排骨面鼓西生菜土釀鯪魚蒸飯三個另加一渣橙汁 - 四杯份量 酒樓會送糖水以老牌酒樓黎講，我不嬲都覺大榮華係咁多年黎都能保持質素。所以佢係人龍酒樓係無可置疑既…Read More

同朋友happy hour完,各散東西後又覺有少少肚餓，經過加連威老道呢間鋪，望下個裝修格局同餐牌價錢後，就諗住好又一餐，唔好又一餐既心理入去醫肚。呢間餐廳既感覺似間清吧多過似一間食日本野既餐廳。我點左一個天婦羅烏冬，湯底有好多選擇，但為左安全起見，我都係點左個豬骨湯既湯底。其實以42蚊黎講，仲要係尖沙咀確係相當抵，我諗我會再黎幫襯既…Read More

我實在太喜歡這個地方，由幾年年第一次踏足這裡開始，被這裡既格局深深引著。這裡另一大半地方係書局，充滿文藝氣色。另外，一小半地方擺放著vcd/dvd，此場地每個星期五晚都會有藝術表演，有時候星期六下午會有電影講座等。環境佈局令人覺得很舒服，又係另一個好hea既地方，啱晒我呢的好恨去hea既人老實講，呢度既野食都係ok咋，不過整體黎講不失為一個好地方，尤其係油麻地想搵個可以傾到計，靜靜地既地方....er...呢幾條街好少囉:)…Read More

這種咁有'亞飛正傳'feel既冰室係香港買少見少，今天見天氣好又覺有的肚餓，就入食少少野醫肚。呢度環境好啱好悠閒咁係度嘆，食下野，望下窗外景物，可以消磨時間。我叫左一杯奶茶同西多士。兩者都達到我既水準，唔錯。我就係咁用相機係咁影相啦，呢度既裝修....古董黎架…Read More

係呢間餐廳大大話話幫襯左幾年，包括呢間分店同新領域廣場既分店都分別幫襯唔少次。咁呢間黎講交通會方便的既。每次黎呢間分店，我都喜歡坐近門口既枱，一來望下街，天氣好時又可望下天，配合餐廳播放既冧冧英文歌同別緻既室內設計，會令我好享愛呢種悠然自得既感覺。侍應大部分都服招呼周到，唔食晏等到三點黎呢到食番個tea係一大享受。今日三點幾黎到，叫左個下午茶餐 - 雞肉磨菇意大利飯，加五蚊可轉飲iced coffee latte，再黎多個我食極都唔厭既木糠布甸。一路食一路影下相再一路睇下街景，過消磨左個多兩個小時，感覺好滿足好開心。講真，係荃灣區比較難搵的地方環境好既食店。…Read More

買左戲飛未夠鐘入場，見有成個幾鐘，於是乎去呢間某靚仔男明星有份做老闆既日本野開餐。之前係年頭黎過一次，因今次得一個人，就揀的夠食就算啦。侍應服務態度都ok，見你一食完就黎收碟，可能成間餐廳都係得果幾枱客啩食物同其他幾間大型連鎖日本壽司店黎講，唔係最好既，我又唔覺得有咩驚喜囉。老實講，我下次黎呢個商場我未必再黎呢度幫襯囉…Read More

係一個酷熱警告星期六既下午，我又要對自己好的，去左朗豪坊一個我曾經經過既地方食餐好hea既午餐。呢度既環境氣氛會令人忘記置身係旺角，同樓下四樓既food court相比，這裡既感覺真係悠閒好多。有人話呢度既價錢略貴，我就覺好合理，要便宜既話我就去幫襯茶餐廳/大家樂之類既快餐。顧客方面有人拿著netbook上網，看雜誌，聽歌，傾計。佢對住演唱平台，係夜晚八至十點左右時間簡直睇live show。與侍應溝通要講英文，我個午餐加十蚊有杯凍咖啡，由二點左右食到四點，當中梗係聽住歌同好enjoy個環境啦!…Read More