jessilwyan's Profile

親戚朋友喺英國返黎放暑假一家大細有老有嫩同我地一家食飯諗住近近地喺屋企附近搵間酒樓食晚飯陶源雖然網上都見好多人彈佢服務唔掂但都膽粗粗試下 點知的確係伏 但伏嘅竟然唔係服務當日係星期五晚上酒樓唔多人 坐得10圍枱左右好疏落我地叫左五道菜大部分味道同份量都中規中矩我地order其中一道菜叫”彩虹珊瑚蝦球”結果上菜時我地當中一位明眼嘅親戚發現碟上冇珊瑚蚌搵樓面問佢係咪上錯菜佢明顯對菜式唔熟悉 支吾以對咁講起呢道”彩虹珊瑚蝦球”冇珊瑚蚌時佢仲一臉疑惑可能樓面唔係本地人佢一度聽唔明珊瑚蚌係D咩亦曾認為菜名中嘅珊瑚唔係指堅珊瑚蚌我地堅持 佢最後先將成碟餸攞返廚房求證大約5-10分鐘後從廚房拎返我地碟加入返珊瑚蚌嘅餸出黎（但碟上其他食物冇翻熱）除左呢樣，片皮鴨亦有啲失望我地以往有食過幾次外賣自取幾好食但今次做緊promo堂食$118塊餅皮唔熱又偏厚 鴨亦切得薄炒飯亦似乎係漏左單所有order嘅餸就食哂都未見影催單一次等左15-20分鐘先有明明餐廳得嗰十圍八圍枱都唔忙樓面姨姨話廚房唔係好夠人😅（但問佢廚房有幾人佢又唔知喎⋯）最後雖然樓面姨姨主動話送紅豆沙比我哋食但幾個親戚都食到有浸酸味😐樓面姨姨就好堅持話紅豆沙日日煲唔會變壞，仲話自己岩岩先飲過⋯我啲親戚話有機會係啲紅豆唔靚所以帶酸味利申我自己聽到話酸就冇飲到雖然我覺得酒樓服務冇網上啲人講到咁惡劣但今次用餐體驗都係一般又唔係特別抵食所以我諗冇乜都未必會再幫襯…Read More

今次真係中伏😂睇網上啲人介紹以為好正，今次黎開葵廣，就算店員話要等半個鐘我都決定買，點知大大大失望🥴🥴首先最不滿係等候時間太長重點係本身落單話要半個鐘都算，結果係等左足足51分鐘先有得拎😐整唔切就唔好亂咁講個時間比客人！黎到再喺咁逼咁多人嘅地方等15分鐘，仲要叫號大過我嘅人都拎得，真係好燥底！食物係另一個勁不滿嘅地方我叫左一個天使辣鯛魚濃湯粉絲（$50）配料雖然都算足，比我預期中多魚片，粉絲都好掛湯，但本身最期待嘅濃湯竟然只係味精濃湯🫠酸酸甜甜的確係好開胃，但食完好口渴就知咩料。。食完嬲到即刻決定要送個負皮比佢根本唔值咁多人幫襯！🙄🙄覺得好食啲人平時係咪食開垃圾？…Read More

幾個月前無意中搵到呢間餃子店覺得幾好食成日都心心念念想再黎今日二訪覺得差了好多🥲叫左雙拼，大白菜鮮肉餃拼椰菜木耳鮮肉餃($56, 雙拼再+$2)加$10要左個通心米粉以為通心會比較掛湯🙄原來唔係，不值一試今次食比上次個皮更厚餡料同出面其他餃子店差唔多比較下鐘意椰菜木耳多少少，多左木耳爽脆嘅口感湯底揀左蕃茄薯仔魚湯全湯冇湯渣，幾好飲我都飲哂豆漿加$12 係支裝嗰種得個甜字冇咩豆香望真d仲要係中國製樽口個封口痴得好實勁難開完全搣唔開最後用筷子篤開佢先飲到店員都係除左基本落單出餐收錢就係0服務差過快餐店唔知係咪因為天氣熱一路食仲有隻烏蠅飛來飛去埋單$80 中午食個餃子麵加飲品黎講算小貴最主要係餃子係重點但唔算好食附近亦有唔少出色嘅餐廳決定冇下次👋👋…Read More

Lunch無意中搵到呢間小店雖然餐廳門面普普通通唔太起眼但以成條街d店咁local又冇乜異國餐廳黎講就幾特別喺門口企左一陣睇menu就有店員出黎招呼坐低叫左個butter chicken配paratha薄餅跟餐有雜菜湯同汽水或熱飲計返質素同份量，$78都算係合理嘅價錢先講下個湯好足料好好飲，飲落酸酸地但唔會太嗆口，作為餐前湯係幾開胃😊到主菜butter chicken with paratha一上枱已經覺得賣相幾好，食落都冇失望，咖喱好香濃，小辣，係完全滿足到味蕾享受嗰種咖喱味☺️雞肉好嫩滑，份量好夠，唔會食幾舊就得返d汁🙂paratha大大塊上夠酥香，一定要襯熱食!!飲品叫左熱嘅masala tea好香香料味同奶味，走甜，鐘意飲甜嘅要自己再落糖餐廳唔大但乾淨企理，店員都好nice，食完好滿足😋有機會想下次再黎試下d warp，值得推薦嘅小店！…Read More

今天因工作關係要到奧海城晚上約了朋友吃飯選擇了這間日式小店其實本來是我另一位吃貨朋友wish list的餐廳😂餐廳有下場時間，晚上6點才開門本來我早到了但因為要人齊才入得所以等埋朋友6點半左右才進餐廳餐廳裡面不是很大就小店的感覺Menu畫功很可愛🥰當天牛小排和肉眼都沒有供應所以點了一份慢煮牛板腱丼和一份沖繩豬肉塔可飯丼飯有3個不同的份量可選我們選了中間的並盛兩份餐都跟前菜和紫菜湯前菜的菇挺開胃，酸酸甜甜的可能對餐廳期望有點過大兩份主菜我們都覺得很一般🤔牛板腱肉質不算很嫩滑，飯也不是特別香，不過勝在肉和飯的比例不錯，但整體完全是可預期的味道至於沖繩豬肉塔可飯，我們點的時候不知道塔可是taco的意思，朋友還誤以為是豬肉塔，所以有點少失望🤣配料的味道的確和taco餡料非常相似，但我還是覺得配taco餅皮更搭一點，和飯搭配起來好像有點九唔搭八🤔…Read More

本身覺得呢間嘢定價偏貴但係見係小店就支持叫左一桶水果茶1000ml本身收銀個女仔話冇得700ml，轉頭佢問下另一個店員又話有跟住收左錢，叫我等等比單我，等左陣都未比單，再問佢先話有再等左5-10分鐘都未有嗌號見到入面原來做緊其他外賣單隔左陣店員同我講冇1000ml因為冇哂蓋可唔可以轉700ml退返差價勁嬲😑等左咁耐先同我講冇店入面至少有3個店員個個都掛住玩咁一點點歉意都冇 亦好唔識做生意同埋點會有杯冇蓋咁奇怪最後我決定退錢唔飲唔想比呢種無心做生意嘅人賺…Read More

第一次到訪airside事前冇做功課食咩😂諗住即興睇下有咩食見到呢間主打泰式沾麵 未食過就諗住試下咩料啦分別叫左兩個沾麵 ($108)首先講下個沾麵，好似好多配料咁，但其實味道好普通，純粹係擺盤好睇少少同多d唔同口感😅個麵似凍食嘅米線質感，偏淋，配紅咖喱嘅沾麵會多半隻蛋，但好乾其中一個沾麵配左紅咖喱蝦，一細碗咖喱加兩隻蝦咁大把😂咖喱唔太辣，偏蕃茄味，食落去有少少花生顆粒另一個沾麵配左青咖喱雞，咖哩份量同樣少，味道ok，但比紅咖喱稀，多少少料，雞肉有3-4舊，兩粒魚丸，一舊豬紅🤔不過食完都係有種唔夠飽嘅感覺😂😂我聽隔離枱都有唔滿意個沾麵😂咁又係，咁嘅性價比做招牌真係等同拆左自己招牌咁本身menu寫係午餐，但原來得個主餐冇飲品🤔飲品要正價買，而且唔值賣單要加一同收cash / fps，我揀左比fps竟然都要round up零頭…同埋fps轉數收款人係個人而唔係公司户口，感覺有點呃人feel。有啲後悔揀左食呢間，商場咁多餐廳應該有更好的選擇！…Read More

Lunch喺灣仔搵食🤩見到轉角位呢間紫色嘅日式便當餐廳應該係新開冇幾耐睇相d便當又好似幾吸引咁，就決定試下餐廳入面得幾張枱🙂所以我叫左外賣第一次幫襯叫左壽喜燒牛肉便當 ($55)個外賣盒都高質好靚☺️配合返店名紫藤屋，外賣盒係紫藤花設計，連紮住個便當嘅橡筋都係紫色🥰欣賞店家注意到呢d小細節牛肉入味唔靭，配菜每樣份量唔多，但勝在多種類～飯量偏少，食量大嘅人未必夠飽🤔加8蚊可以跟麵豉湯同沙律第二次幫襯叫左雞肉沙律 ($58)沙律菜幾新鮮，雞肉調味都幾好👍🏻係健康輕食之選！食物質素中規中矩，附近返工人士不妨一試，外賣仲可以whatsapp落單再去店自取，非常方便！店員都好年輕但幾有禮貌，係值得支持嘅小店😃…Read More

今日收工經過見到呢間日式餐廳新開張幾日睇menu主要係食天婦羅烏冬🍤價錢中規中矩🤔諗住try try佢點知食完嬲到即刻要出post舖位同峰壽司share，應該係同一集團用餐當日係星期三7pm晚飯時間餐廳唔大，有卡位同單邊座位，人流唔多，但冷氣都幾凍用app落單，會有部機械人周圍走送餐，由店員再端上枱比客人我地2個人分別叫左一個烏冬set同單點烏冬♦️天婦羅烏冬 & 壽司set ($128)先講個天婦羅，係凍嘅😑食落去似超市買放左好耐嗰d熟食嘅質素，雖然有兩隻蝦，但係蝦肉好少，食又乾又硬嘅炸粉🥺仲要聽到隔離嗰枱話個天婦羅未熟要退⋯講下個壽司，一舊有魚生嘅壽司都冇都算，仲要個飯硬嘅，同天婦羅一樣係超市質素🤢^_^到個烏冬，諗住係間餐廳主打會好少少，點知都係極一般，牛肉好明顯係下價牛，又乾又冇牛味，大葱又切得大舊，好難入口🙄個湯底都冇咩特別，但飲左少少返去有口渴嘅感覺♦️大盛烏冬鍋 ($98)其實真係唔知大盛咗咩😂同上面個烏冬set個烏冬份量同配菜都近乎一樣，係多左舊炸豆腐，但舊豆腐都係似炸完擺左好耐咁⋯仲要酸酸地🤢天婦羅可以揀唔浸湯另上，我覺得呢間餐廳黎講另唔另上都冇咩分別😂咁難食浸湯可能仲易入口呢間餐廳唔洗收加一，晚餐食左人均110左右但都係唔值呢個價錢🫠雖然賣相還好，唔計有可能食到未熟嘅天婦羅，係五六十蚊food court質素，建議廚房嗰班人可以轉行或者唔好再整日式野食⋯真係難食到成餐飯一路食一路鬧😑…Read More

今日母親節正日同男友媽媽食飯因為之前已經提早慶祝咗所以今日就隨便揀咗間近近地嘅食就算YOLO我地喺初初開店嘅時候已經食過一次嗰陣係食西餐 而家變咗泰式fusion咪諗住再試一試😂點知就中伏，忍唔住要喺度發洩下入到去企咗一陣都冇人理坐低左見到張枱有好多食物殘渣就諗住叫個侍應黎清潔下然後個西口西面肥肥地嘅女侍應拎左條毛巾將啲食物殘渣掃哂落地😳唔講以為呢度係茶餐廳然後到落單我男友先點餐 跟住到我本身一路拎住部機㩒下㩒下嘅女侍應就好冷淡咁同我講咗句等陣咁好啦 我等佢ready先再點餐 然後到我男友媽咪點知後尾發現佢未落我男友個餐😂但明明佢係第一個講⋯之後西面侍應黎擺低咗三杯水俾我哋但係勁奇怪 三杯水都唔係擺喺我哋前面而係擺咗喺冇人坐嗰個位嘅角落🤔男友叫左海南雞飯話唔夠飽同個酸辣醬唔夠味男友媽媽叫青咖喱牛肋條飯話味道ok，但接近80蚊黎講份量比較少我叫咗椰香焗海鮮飯$118最貴但最伏🙄個飯根本冇焗過咁，d汁好漏，更加唔知點解個飯上邊有大量椰絲⋯9唔搭8😓😓海鮮配料方面，有一隻大蝦兩隻青口一大嚿八爪魚，係真係一大嚿，女仔要分幾啖食哂嗰種😵‍💫飯底係炒過，不過都係冇乜味，結果淨返好多飯都冇食到由於服務太差野食又不如預期所以都冇乜點影相只影咗個所謂海鮮焗飯我地三個都一致認為應該冇下次😐餐廳本身叫YOLO - You only live once⋯建議佢哋可以改名做You only go once仲適合啲！…Read More

上次試過佢哋嘅外賣都唔錯，係份量少左啲，今次試埋堂食🤔下午十二點半左右去到，唔係好多人，門口嗰位哥哥叫我地坐入去先，點知之後好多人，門口偏偏得一個人幫手㩒機落單😂😂仲要外賣同堂食都係同一部機、同一個人落。。就算你入左去坐先再出黎落單都係要再排過隊🤦🏻‍♀️Lunch選擇都算多，又有任添嘅白飯(有飯素提供)、湯、沙律，以呢個價錢黎講都OK嘅😶好啦，落左單之後好快啲野食就到，但係傳菜嗰個人問左我地個餐係邊個之後，就好粗魯咁推個餐去我度，大力到連擺喺個盆嗰兜汁都倒左一半出黎😨😨我同男朋友都呆左，同佢講，佢就求求其其應左話俾過兜汁我地。。其實我地都唔係話想叫佢俾過，係覺得佢咁做好冇禮貌遮😓餐具、圍兜同所有任添嘅嘢都係自助形式攞，正當我等男朋友拎緊嘅時候，我發現有隻小小強🪳喺張枱度快速走過🥴當時我啲食物已經上左，我實在唔知隻小小強喺邊度走出黎，我唯有同自己講應該唔會係喺我個餐盆度走出黎😂同埋9秒99撥走佢，唔好俾佢有機會爬入我啲食物道。。我同男朋友都叫左盛盒，我叫羊佢叫牛，兩個盛盒都有雞同豚肉，其實味道係正常嘅，幾款肉嘅質素對得住個價錢，只係配嘅汁冇外賣嗰款咁好味🤔沙律就正常發揮，除左沙律菜仲有粟米同車厘茄揀，湯都有麵豉湯同雜菜湯兩款揀，都幾估唔到🙈🙈雖然呢，今日係我人生中第一次飲甜嘅麵豉湯，同埋個雜菜湯都唔知點解會辣，但係兩種湯都唔係話飲唔落口嘅。。另外白飯有飯素跟埋都唔錯，啲飯都煲得岩岩好，唔會太硬太爛🙂總括而言，食物算係正常，性價比都唔錯，係服務同喺我枱上出現嘅隻小生物有啲嚇親我🙈🙈諗起上次拎外賣，成間餐廳樓面完全冇哂人，想拎都拎唔到都好神奇😂😂仲有就係廚房啲粗口大聲到出面自助bar都聽到。。睇真啲原來仲有收加一服務費，應該冇下次嚕，bye！…Read More

去咗迪士尼玩咗一日，跟住去東涌食晚飯，食完行行下經過見到呢間專賣肉桂卷嘅舖頭，上網睇好似幾多好評，聽晚又係美國好出名嘅連鎖店，不嬲都鐘意試新野嘅我，一場黎到梗係唔會放過🙃🙃🙃飽飽地本來諗住叫一件肉桂卷就算，但係見到前面嗰位客人又叫左曲奇，就諗住try try試吓係咪真係咁好味🙈叫咗一個迷你朱古力肉桂卷($32)同一件chocolate chip cookie($29)🍪肉桂卷店員會幫你稍微加熱，塊曲奇就冇🤷🏻‍♀️🤷🏻‍♀️店內都有少量座位同吧枱位可以堂食～唔知係咪期望太高，兩樣野都冇預期好食..🤢肉桂卷得個甜字，食唔到有肉桂味。。好似食緊團鋪滿朱古力醬嘅麵粉咁😥😥件曲奇反而食到肉桂味，但係無論味道同質感都唔出色，實在唔值呢個價！…Read More

今日朋友生日，玩左大半日諗住搵間cafe坐低食下野傾下計.. 見呢間餐廳裝修得唔錯、有個樣睇落好吸引嘅Tiramisu咖啡同疏乎厘（係我衰冇睇OP負評🥲🥲），就諗都唔諗入左去～睇環境黎講係唔錯😂仲有free wifi添..個menu睇落都幾靚嘅，好有Christmas vibe🎄🤔首先係我滿心期待嘅Tiramisu Coffee ($52)個樣係幾ig-able.. 但真係好甜好甜，個咖啡底又偏酸，最奇怪係個餅😂唔知點解用隻有糖粉又有怪味嘅餅，朋友試完都話超怪，諗極都唔明點解唔可以配最Basic嗰隻手指餅。。。😓😓今日嘅大佬仲有呢個宇治抹茶紅豆疏乎厘($112)🤦🏻‍♀️成碟野冇樣野合格…首先個疏乎厘Pancake又係有浸奇怪嘅味😓🙄🙄唔知係用嘅材料唔靚定點，總之同平時食開嘅好唔同，切起上黎都比平時嗰啲難切，食左幾啖已經有種唔想再擺入口嘅感覺😶成堆綠茶野完全冇個名講嘅「宇治抹茶」味，紅豆冇紅豆味，嗰三粒小丸子仲有啲九唔搭八嘅薄荷味。。。總之就難食都不得了😂唯一可取嘅係可以寫下Happy Birthday咁，不過啲字就唔係話特別美觀同埋個甜品難食到咁，生日主角都好難有幾Happy啦😂😂甜到漏又唔平🥲食完真係覺得浪費quota同金錢。。食完已經好堅決要寫呢篇食評😂😂真係出乎預期咁難食！所以話食野同睇人一樣，真係都唔可以貌相😅做下功課仲知道呢間餐廳係某知名（難食）嘅大集團開嘅。。奉勸大家諗清諗錯先行入去啦！…Read More

將軍澳開左個新商場【海天晉匯Ocean Popwalk】，個商場係Pet-friendly，又咁岩有周末個寵物市集喺嗰邊搞🐶🐱就去行下～兜左個圈，商場唔算好大，但係都有幾間餐廳想try try😜今次去係下午茶時間，見呢間餐廳食waffles，都幾特別，一於試下佢咩料！既然一場黎到，梗係試哂4款Mini Waffles啦😇兩咸兩甜，食完兩款咸先上兩款甜👍🏻Savoury 💁🏻‍♀️1. 蛋沙律香草窩夫2. 酸忌廉三文魚醬香草窩夫Sweet 💁🏻‍♂️1. 吉士迷你烈日窩夫2. 招牌肉桂蘋果迷你烈日窩夫 (配Cappuccino雪糕) 窩夫底比平時食嘅冇咁甜，細細件幾精緻，食完唔會太飽☺️四個味道我比較鐘意肉桂蘋果，男朋友就鐘意custard😇😇跟餐飲品叫左Lemonade同Cranberry Juice，細細杯，正常發揮！比起食物，我覺得餐廳氛圍同服務更令我印象深刻🙂地方好闊落好開揚，主要serve我地嘅係一位外籍侍應，非常有禮貌同細心💕💕試業期間免收加一，仲送左兩個有自家logo嘅口罩😆…Read More

放假入黎長洲行下,但天氣不似預期,大半日都天陰陰落雨咁🌦🌦唯有搵間cafe坐下hea下呢間cafe偏離長洲中心地區,由碼頭行過嚟大概都要超過20分鐘以上,喺張保仔洞嗰邊,附近都冇乜其他商店同餐廳,真係有種遠離繁囂、與世隔絕嘅感覺☺️成間舖頭嘅設計都好簡約好舒服~每人最低消費一杯嘢飲,除咗主Menu之外,仲有Today’a Special✨荔枝烏龍茶卷蛋味道好特別,蛋糕質感好鬆軟,有淡淡嘅茶味,中間有幾粒新鮮荔枝,令到成個蛋糕口感更有層次之餘仲有種夏日嘅清新🌼必試！✨凍青森蘋果伯爵茶呢杯感覺上係比較適合打卡,味道比較淡,個人覺得蘋果同茶味都唔係太突出🤔但視覺上係幾靚幾fresh✨熱焙茶鮮奶坊間比較少有呢一款熱飲,冇諗過焙茶同鮮奶又幾夾😜唔會太澀又唔會太甜,飲落好滑好舒服,值得推介🤗🤗…Read More