henrietta319's Profile

用openrice app落order，第一次叫桂花烏龍揀左［0%糖］，以為佢只係唔額外加糖啫，點知一飲苦到不得了，睇嚟佢成個“桂花”走左。唔緊要，但你最好remarks番杯飲品嘅“糖”嚟自桂花蜜，又或者取消［0%糖］呢個選擇，真係好誤導，桂花烏龍走桂花係甚麼玩法。第二次再叫，今次醒啦叫［25%微糖］，心諗好少少，點知一樣無桂花響入面喎，同埋都係無甜味，究竟佢係咪真係“桂花烏龍”，定"淨"烏龍茶。就算係茶葉入面加桂花，都應該飲得出桂花香，呢杯乜都無囉，得個苦字。之前試過佢杯靜岡抹茶，因為糖係溝入線茶粉，所以無得揀甜度，但仍然好好飲，估唔到兩次飲桂花烏龍都出問題，睇嚟想飲純茶唔好揀呢間。…Read More

一路都覺得呢間餐廳人流唔多，坐得舒服，所以都幫襯左幾次，試過佢嘅冬陰功意粉同豬腩肉toast都好好味。今次專登試40°C三文魚……點知……呢碟咩嚟架老實說又唔係好繁忙，就算繁忙都唔係咁嘅presentation囉，件魚究竟有無煎過都成問題，仲要亂撻落隻碟？個薯蓉似食淨再用咁，秋葵無切都算（但睇其他人啲相係切粒嘅）。成碟野究竟係人地食淨嘅，定其實係其他人唔要退返入廚房，再拎俾我架？真心茶餐廳擺盤都靚過佢好多，唔係要求啲乜，但咁嘅款睇到都唔開胃啦。目測其他檯食意粉食toast食沙律係無事嘅，係我呢碟似垃圾咁，sorry唔再幫襯。…Read More

之前bookmark 左想試，見今日經過開西營盤，一於去買個早餐返工食。用openrice落order話15分鐘有得攞，結果去到原來都未整野食，唯有響店外等...結果一等就又過左15分鐘。鮪魚寶島蛋餅+熱奶茶 ($48)一盒有4件：外表睇落正正常常、無乜驚喜。鮪魚餡都算可以接受，唔會好少，味道就一般罐頭的吞拿魚咁囉，不過不失。不過蛋就真心好少，作為一個「蛋餅」無乜蛋娼入面真係令人失望，件事變左平時D普通捲餅，完全唔似去台灣食嘅蛋餅。熱奶茶係同「賞茶」合作的，一般般奶味偏重，店主話本身會落糖，故此想少甜/走甜記得預先講聲 (所以都好彩佢未整我張單，我仲趕得切改做走甜)。…Read More

由於出去做野，無時間食飯而又唔太肚餓，於是路上用openrice order左一個「未來豬柳漢堡」，諗住試下未來豬肉係點樣。結果…個包細到呢…拳頭咁細😑😑老實講仲細過麥記啲包…但呢個新豬肉包價錢要廿幾蚊一個。包…係豬柳蛋漢堡果款包，所以比較韌，而且唔夠熱。新豬肉…係似食肉嘅但好乾(其實成個包都乾)，而且偏鹹。驚喜係有少少菜(羽衣甘藍??)響入面，都係烘得較乾，但好食嘅。真心廿幾蚊唔需要食佢囉，試過就算數。…Read More

第一次試openrice 外賣自取，$41 酸菜魚片米線 (雖然話係套餐，但其實得一碗粉，其他食物要加錢)。講返碗粉~好足料，魚片數量都幾多，連碗粉都好大碗，絕對抵食 (早知唔加$10要油菜，食唔曬添)。味道就一般啦，微辣可以接受，但如果酸菜多D會更好，因為我見到好多薑(而我唔食嘅)。唯一要改善的係門口排左好多人，但你唔知究竟邊個係等位、邊個係等外賣、邊個係等買外賣，有D亂。同埋食物ready就咁一袋袋放曬響門口，職員對都唔駛對order number任攞，真心你其實可以攞走人地D order都無人知。…Read More

見openrice有特價餐($49)，試一試啦，點知中晒伏。首先落order要求12:45取餐，結果12:22已經收到通知話做好，咁我set取餐時間的意義係乜???然後，成袋食物交俾我原來要自己執餐具又唔出聲，好彩我自己office有環保餐具啫。最過份係個餐錯左一半! 和風抄手變左紅油抄手，我就係唔食辣先揀和風，結果焗住食辣(仲要好多辣椒油，好辣)。跟餐要珍珠奶茶，一飲發覺加左料係「珍珠」「椰果」奶茶，乜咁客氣呀😑 然後叫左「走冰走甜」，結果無走過冰無走過甜，你俾少冰少甜我都可以算數囉，而家成杯野飲甜到唔落倒左。麵線、田園鍋貼雖然無俾錯，但由於太早已經做起，加上杯凍飲放埋一齊，拎餐已經凍左一半，麻麻地好食。堂食八方無事嘅，但外賣唔好用app囉，真心失望，唔會再食。…Read More

openrice 有$20 discount，所以一試😍第一次試揀左最出名的文青風玫瑰味👍👍👍 蜜糖味好香甜，但又唔會太漏，雞翼表面灑左d玫瑰花乾🌹，好靚。一個人食6隻其實都幾飽，不過真係好滿足呀😋😋😋題外話…用openrice app落單好方便，佢預15分鐘製作時間，但其實15分鐘內已經可以拎，預啱時間一去就可以拎，唔駛排隊，幾好。…Read More

一個人食午餐的好處，就係想食乜就食乜，睇評論「張三」好似唔錯，就date下佢先。Lunch Set選擇都幾多，但就主要係意粉，花多眼亂之下，揀左「菠菜烤雞忌廉意粉🍝」，貪佢有啲菜健康啲。是日餐湯係西蘭花忌廉湯/羅宋湯，咁當然揀前者啦，特別啲嘛😂😂😂。果然無令我失望，個湯好滑☺，食到西蘭花碎，味道就偏清淡但我接受到。飲左一半，意粉來了😎初初諗過「忌廉」會好似Carbonara 咁漏，上碟一睇醬汁竟然唔杰身😲，因此食完都唔覺飽飽濟濟，而且味道都不俗。菠菜的份量唔會hea俾交貨，仲配有少量雜菌😍。意粉用蒜蓉炒過，夠晒惹味，軟硬度亦適中。抵讚的係雞扒煎得好香，同時保留到肉質嫩滑👍👍👍；唯一不足就無乜雞味 (唔係用鮮雞無辦法啦)。留意返…餐廳地方唔大，如果lunch time唔早少少嚟，就要排一陣啦。另外店員唔多 (一位負責廚房、一位負責水吧+收銀、一位樓面)，所以想額外叫小食，需要等較耐時間，因為會處理晒lunch set order先。題外話…唔好信google map講的位置😒，應該要再行過一個街口先啱 (即郵局附近)。…Read More

Hokobuy團購睇D相好似幾不俗，價錢亦唔算好貴(始終金鐘區)，買一次帶媽咪去食。地點響分域碼頭，有少少偏僻，但識路的就知經中信大廈過去唔難搵。團購寫住要打電話訂檯，但打極都無人聽，唯有響openrice訂左先，再remarks返係兌換團購。我地訂左6:30PM，可能地點+星期三+太早，入到來得一檯情侶坐住，大概7:30PM左右陸續多返2檯客 (1檯係情侶、1檯係朋友聚會)。餐包先上，個牛油幾好味，但法包質地原本就太硬，而且個包係凍的，有D失望。餐湯是蘑菇湯，很香濃，食得出有菇蓉!!! 而且加左黑椒，微微辣好醒胃。面頭放左幾片炒過的香菇，提升左湯的層次，好好飲呀!頭盤看上去是幾吸引...但食落就發覺芝士、火腿、腸太鹹 建議提供幾塊餅乾，或者連一開始俾的餐包一齊食會好D。而家就咁食真係好鹹囉...我自己揀左西冷牛扒 (另外$20) 做主菜，叫左7成熟，很好地廚師亦無overcooked，而且牛扒有牛味 (所以都唔駛點旁邊果兜碗黑椒汁)。唯一有少少唔滿意係牛扒表面燶左D，配菜款多但份量就略為太少。母親大人揀左三文魚。個人認為三文魚明顯比牛扒出色，煎得好香但keep到肉質夠嫩，  beurre blanc sauce同個魚味好夾。menu寫伴碟的係tabbouleh，但眼見呢pat"飯"似係中東小米，可能平時慣左食沙律先食佢，而家熱食有D唔慣，但母親大人係讚好味的。另外，幾驚喜墊底的菠菜好好味!!!甜品係焗baked alaska，賣相一流，但meringue太甜，令到愈食愈覺得漏:(圍購包一人一杯餐飲，可以選擇：紅酒、白酒、rose wine、prosecco、汽水、咖啡/茶。食西餐就係要慢慢食，食環境，該餐廳可以選擇outdoor seating，但其實外面太多植物包圍住，坐出面唔見得景觀較好，但如果入秋可能涼涼地吹下風會幾好。…Read More

見openrice咁多正評，lunchtime決定一戰!!!服務係無乜...入去問收銀的哥哥，一位可以坐邊，佢就求其指一指D空位搭檯 (Lunchtime嚟講理解的)。又見大家響openrice講到呢個蕃茄湯檬幾好食咁，加上天氣熱食蕃茄酸酸地都唔錯，就試呢款啦，點知...係幾爆嘅成碗放到密麻麻咁，望落好似好多材料，但實際只係：一個蕃茄、一件蟹膏餅、2粒豆卜、2件豬紅、2片扎肉、少許生菜碎、幾條芽菜、一大堆香菜。個湯係幾有蕃茄味，但D蟹膏呢? 唔緊要可能我理解錯啫，咁件蟹膏餅應該有蟹膏味掛?! 但...又唔多食得出喎，無其他食評講到咁驚為天人喎。然後就...檬粉??? 其實係咪米粉嚟架??? 總之唔係平時響越南餐廳食到果種檬粉囉，sorry但食落我都係覺得似米粉。50蚊一碗麵其實不過不失嘅，響附近返工的朋友lunchtime可以食，但專登試就不必啦，天后一向多食店揀的。…Read More

做完野經過天后(近維園位置), 見呢間生煎包店係米芝蓮推介, 決定買返去公司做下午茶.原味$34/4粒size都幾大粒喎，唔好貪心一口食晒 :) 佢都標榜會爆汁，所以提示大家小咬一口飲左D湯先慢慢食。食第一粒...果然真係好多湯響入面呀!!!!!!!正呀喂!!!!!!! 食第2粒無為意無飲晒D湯，結果第2啖一咬就噴到成檯都係。(所以大家都係小心D, 飲清D湯先慢慢食)另外值得一讚係""皮薄""，而且個底金黃色好香脆 (vs. 北角排長龍的小老x果D係細粒+好厚皮+煎燶個底, 但價錢平嘅)。店員2位姐姐都好好態度，唔會因為淨係幫襯4粒生煎包就唔禮貌。…Read More

好食係好食，亦都抵 (12蚊4件)，但今次好失望，無意欲幫襯。老闆話要等啲鍋貼煎好，所以俾左錢先，但等到煎完就淨係掛住做新客的生意，睇住佢做左3、4單都未肯俾我果份煎餃我，要我出聲提佢。都算啦，俾啲爛的我點食呀🙄😑 4隻…有2隻啲皮未拮來食已經爆開晒，跌晒啲饀出來，淨係可以拮啲餃子皮來食，啲饀唔知點食之下唯有丟左 (紙袋油到連倒落口都唔方便)。其實店入面有3個人，唔算人手短缺，可唔可以做好啲。…Read More

之前行街買過一次烤鴨煎餅, 覺得好好味, 最近見有團購, 包一支飲品, 決定encore.今次買左孜然羊肉煎餅+烏龍茶, 煎餅依舊足料, 好多蔬菜之餘肉類份量亦絕不馬虎, 孜然味好香, 配埋芫茜同埋麻辣醬 (放心唔係好辣咋), 提升左食物的惹味度.**見佢有套餐優惠, 如果大食的可以選擇, 會跟一份小食.…Read More

見團購有$68焗龍蝦+主食+飲品，好似幾抵，買左2張同朋友lunchtime一試。**因為龍蝦供應數量有限，所有食之前2日，記得打電話/whatsapp預訂。鋪頭比較細間所以位唔多，遲少少到可能要等位，而且位同位之間都比較逼，食食下職員出出入入拎食材好驚會撞到。蒜蓉牛油芝士焗龍蝦+龍蝦汁焗飯+芒果特飲>>(半隻)龍蝦無雪味，夠肉地，而且肉質結實，唔錯! 焗飯味道偏淡，龍蝦汁味唔重，所以睇顏色都好淺色，入面有少少洋蔥粒同煙肉，不過不失。芒果特飲就一般般，有D芒果味，ok啦~法式芝士牛油焗龍蝦+蒜香牛油扁意粉+奇異果特飲>>龍蝦同上面一樣幾好，呢款可能芝士多D所以香D。意粉D餸同上面個飯一樣，只係唔係龍蝦汁，而係蒜蓉炒，因此較焗飯味濃，但份量就無飯咁多啦，大食的可能未必夠飽。奇異果特飲無試，但朋友話ok，我亦同有奇異果核響入面嘅xD鋪頭人手似乎唔夠...送餐永遠得一位大姐，收銀就係一位哥哥，格局係快餐店style，先俾錢之後等食。睇餐牌其他飯餐都係$40左右，以灣仔區計算係咁啦，但隔離檯一行6~7人似乎唔太滿意D食物 (因為龍蝦sold out，佢地食普通飯餐)，不停聽到嫌三嫌四。另外，呢度用膠匙膠叉食飯，唔環保都算啦，唔夠力食唔到龍蝦囉，建議俾返鐵的刀叉好D。…Read More

鰂魚涌真係幾難搵食，好多餐廳淨係開星期一至五 (遷就office辦公)，朋友推薦呢間，去完德宏專登去試試😏店舖細細，好彩今日weekends唔算多人，所以唔需要等位。睇完menu，去收銀落單俾埋錢，坐定定等食😍日式all day breakfast 係鰻魚，洋式係煙三文魚，另外仲有vegetarian。煙三文魚同外面嘅差不多，沙律個汁唔錯~幾fresh。炒蛋好滑，份量都好多，不過說好的黑松露就…唔見嘅🤦‍♀️ 墊住炒蛋塊麵包有驚喜，吸左少少蛋汁好正，本身都好有咬口幾特別 (原來佢叫酸種包🤔)另外叫左mocha latte，抹茶味十足，淡淡地唔會好甜😍去開鰂魚涌嘅朋友不妨來試試😁😁…Read More