feihung520's Profile

之前間茶米執咗，今日同同事過嚟食晏，就試吓呢間新店，睇過有食評話佢menu複雜，都企喺出面研究咗陣先入去。點咗：M3烤豬排骨+熱檸檬錫蘭茶 M4和牛豬肉配扁意粉+凍薄荷 葉錫蘭茶豬排骨一上枱好似正常，隔咗陣就聞到燶味，即刻反轉就見到另一邊黑晒，唯有片走啲燶位先食，所以已經冇咩肉食到😑杯檸茶就一般同事嘅扁意粉竟然食到苦味🙄本來飲嗰杯凍薄荷錫蘭茶嘅苦味都被蓋過😅另外都想提嘅係呢度係自助點餐，要杯水都係自取嘅，但係需要收加一服務費，咁其實佢提供咗幾多服務呢？🤔同埋喺午餐時段我哋都差不多等成半個鐘先上到餐，普通上班族未必等得起囉！整體嚟講，佢嘅改善空間都相當大！…Read More

都好耐冇寫食評喇😬之前路過幾次見佢餐牌真係好充實多元化，所以今晚就嚟試一試。先上枱嘅係香煎蘿蔔糕，絕對係色香味滿分之作，阿姐煎得好有心機😋👍🏻跟住係即蒸雞蛋生菜腸粉，口感味道亦都唔錯。然後係煎釀四寶，都好香口兼大件，但略嫌油膩咗啲。韮菜蒸餃正常，餃身都幾飽滿。炒麵就較為一般，麵身腍咗啲。腰果糊味道香濃，甜度適中，出面唔係咁多地方有得食。整體都唔錯，可能新店所以人流唔係咁多，要多啲支持下，下次再試埋佢其他美食。✌🏻…Read More

都幫襯過幾次，雖然呢度選擇唔係好多，但水準味道都保持到，真係好難得，令人回味 今次帖嘅食物樣樣都滿意，醉鴨舌夠入味，醉雞湯配米粉足料味濃，豬油撈飯回味無窮，檸檬薏米味道剛剛好唔會好甜，至愛熱姜檸樂，次次嚟都必點嘅飲品。之前都有試過梅菜肉餅飯，一樣好正，其實最重要都係碗豬油豉油，係成煲飯嘅靈魂所在。…Read More

年三十晚同老婆行完街，由深水埗行到去太子想搵食，但好多食店都收爐，到左太子都兜左個圈先見到呢間仲燈光火著嘅食店仲有人食緊嘢，去門口睇吓啱唔啱食，見又有燉湯又有粉，仲有招牌芝士撈。我哋叫左豬雜海鮮湯河，滷水鳳爪，燉水鴨湯。湯河非常足料，上枱時係見唔到河粉嘅，比啲料冚晒，鳳爪好冧好入味，燉湯足料好味，整體嚟講好唔錯，一定有下次。…Read More

之前喺見FB群組見有好評，就來試一試呢間新店，來到時冇咩客，就叫左推介嘅2人套餐啦，$199 包括鮑魚花膠米線x2碗, 雞有半隻，小食一份(點左黑木耳)，飲品我哋一人加多$18轉飲水果茶&鮮果C果肉，都抵! 鮑魚係分開碟上架，個賣相都好得，而佢個湯底好，應該冇味精但好濃郁，雞都唔錯有雞味，小食嘅份量亦都好足，只係制作需時要等吓咁啫，不過好食就冇所謂啦。但係都驚多客起上嚟真係會等好耐!總括嚟講：一定有下次! …Read More