CherryCheung7556's Profile

二月·February 位於觀塘商場裡面，人流不算多，地鐵站行過去都要十分鐘左右餐廳座位不算多，要提早訂位比較好:)未決定主菜前，先叫一客薯角醫肚，有啲失望嘅，72蚊份量一般，芝士不算多，辣粉又唔夠，大家可以不用點食完薯角決定叫個二人餐，因為想食豬手，叫二人餐就比較化算，582蚊有餐湯，沙律，豬手，意粉，甜品，餐飲，另外有預先訂位的朋友，凡惠顧二人餐都會送兩杯紅酒今日飲洋蔥湯，“結“身，足料洋蔥，味道都合格紅酒兩杯免費贈送沙律醬係青芥末醬，對於我不中意芥末的人來講，醬汁係可以接受，菜同水果都新鮮食完薯角，沙律，飲完湯，其實都飽左6成終於上豬手，上碟後會淋上酒，點火，影相呃like一流一路燒，豬手的香味即刻撲鼻而來之後侍應會收起切件再上枱，豬皮非常脆，肉又夠冧，好食，牛仔腸就不太特別，重點豬手意粉欖油蒜片加蟹肉，依個混搭好難不好食，非常香口甜品三款，芝士餅，奶凍，雪米磁，貌相簡單，味道一般，無太大驚喜整個餐，量好多，4個女仔應該就可以食得完（不包薯角），事後都好後悔多點薯角，我兩個人食，食淨好多需要打包😂😂…Read More

平時行街好少特登去food court 食，多數會訂餐廳，除非諗唔到食乜，又要趕食飯啦，早排去希慎，行到一半就夠鐘醫肚，就幫襯8番拉麵，貪佢大份兼抵食😂門面已經有齊menu，即叫即整，我就叫左兩個麵：吉列豬扒拉麵同豬軟骨野菜拉麵吉列豬扒比想像細塊多，但勝在即叫即炸，夠熱，餃子就凍嘅，無特別番熱，拉麵夠哂份量，湯底都算合格雞翼都即叫即整，豬軟骨夠冧，湯底都合格73蚊食得飽，仲要是晚餐，要求不可以太高，所以評為合格:)不是出類拔萃，但閒時食下都無壞…Read More

位於銅鑼灣咖啡弄，大家都不會感到陌生，由香港食到台灣，由台灣食到香港，款式都打輕食為主，放工不想大魚大肉，去咖啡弄飲杯茶，食份三文治都係一個不錯的選擇:)水果茶仍然一大壺，水果多，可當飯後甜品我就偏向飲熱飲，保健龍蝦堡好食就一定，啖啖龍蝦肉再配上炸薯，薯仔炸得乾身，剛剛好龍蝦夠甜，有咬口，麵包軟熟，好食！咖哩有少辣，配法包一絕，香濃咖哩汁，炆得剛好的牛坑腩，再配上沙律，不會感覺好膩，非常好食，但有時好快賣完，真係睇你好唔好彩溫馨提示：咖啡弄不收信用卡，只收現金…Read More

因為sogo感謝節，我同朋友一大早就去左衝鋒陷陣下午一點左右已經疲倦不堪，好想搵個地方休息，但撞正午飯時間，周圍都滿座，我地去左逸園中心，見到新開日本店就膽粗粗試下午飯選擇多，有湯有茶仲有9折推廣！！！真係超抵，我就係俾價錢吸引入黎座位寛敞舒適，地方夠大點餐後會先上前菜同味噌湯，都不過不失我點了青魚飯，青魚燒得夠乾身，皮夠脆，條魚都算厚身親子丼份量十足，一大碗，飯量應該有2-3碗，雞肉夠嫩，蛋滑凍檸茶standard size一個鬧市，銅鑼灣地方，午飯9折，足料又好食，真係邊度搵…Read More

紅磡食肆愈開愈多，本身都多，現在連甜品店都進場依間名為正月十五雖然舖細，位都係20個左右，但勝在甜品款多，樣靚又好食餐牌選擇多，睇到眼花揀到頭暈我最後就點了“龍眼雪露“及“鮮雜果豆腐花“龍眼雪露話明龍眼，所以甜品上面都會有龍眼肉，下面龍眼冰，食落去有啲似雪芭質地，味道清香，甜而不膩而鮮雜果豆腐花有五款水果：藍莓，士多啤梨，香蕉，芒果，蜜瓜豆腐花濃濃豆香，又滑，可以話不過不失另外，店舖做緊推廣優惠，以下月份，甜品會有7折優惠啊…Read More

荃灣大鴻輝中心出名多火鍋，雞煲，點心，火鍋乜都有，要企得穩，當然要好食之餘，仲要有創意，剛新開的鮮一夜火鍋推出“一夜皇御套餐“就勁具創意，除左任食火鍋，仲有刺身，鮑參翅肚，雞煲，一個價錢食哂咁多樣，你都咪話唔勁一入到去已經坐爆哂，等位大概15分鐘左右，坐位寛敞舒適門口已經放左雪櫃，可隨意飲用豉油配料都好齊全坐好後侍應就會先上刺身刺身拼盤有五款：赤蝦，三文魚，北寄貝，帶子，希靈魚，非常鮮甜，夠哂新鮮食完刺身就會上翅，好難得打邊爐都有碗翅食碗翅都足料㗎，熱辣辣上菜，味道就略咸，但勝在夠“杰“身食完翅就上原隻澳洲鮑魚同南非海參，鮑魚同海參都爽口，兩者都炆得夠哂冧，無得輸雞煲有得選擇特辣，大辣，微辣，2人量有半隻雞份量，味道非常好雞夠入味！注意：雞煲無得refill食完雞煲都未完，仲會轉湯打邊爐，火鍋湯有四款：藥膳養參，重慶麻辣，養生椰子雞，杏汁豬肺我就揀左杏汁豬肺，個湯煲滚可以飲兩碗，湯味夠濃！跟住侍應開始送上海鮮拼盤同安格斯肥牛拼盤有5款：大蜆，細蜆，日本蠔，海蝦，鯇魚片可根據個人口味再點火鍋料，30款任你點我就點左魚皮鮫，響鈴，美國肥牛，墨魚滑，食左一轉已經無力再叫第二轉，太豐富溫馨提示：雖然新開張，但假日都滿座㗎，建議大家先訂座第二：雞煲無得refill第三：刺身，安格斯牛等想再添食就要加錢…Read More

早排經過新蒲崗，發現一間涼茶舖食白涼粉，平時食開都係黑涼粉，甘味比較重，今次見到就即刻試下白涼粉配蜜糖，滋潤清熱，消暑佳品無黑涼粉的甘草味，煙煙韌韌，老闆娘仲話白涼粉有膠質，養顏恩物同埋含豐富纖維，幫助排便都係15蚊一碗，真係抵食食完後都忍不住外賣一碗同老公分享外賣時蜜糖係另上的，愛甜的朋友可以拎多兩個蜜糖，其實不落蜜糖都好好食另外涼茶，清潤飲品可外賣枝裝帶走:)分店除左新蒲崗，仲有灣仔同深水步俾大家選擇:)去開附近的朋友，不妨一試…Read More

一班人有時食厭左炸雞，打邊爐，日本野，就想食番中菜，京菜朋友帶路，話聯合間京華酒樓抵，又有片皮鴨食，咁就去試下 上到2樓就見到好大個2奶架，人氣推介，睇落價錢都好化算跟住坐低見到menu，有好多孖寶餐，其實晚市酒樓好似好多都係咁？！咁我地6人就點左海蝦配半隻片皮鴨蝦都新鮮，彈牙，但片皮鴨就差左，貌相一黎唔討好，二黎凍，微溫都無，好大機會切好，放涼左一段時間跟住我地再叫左兩個菜$148兩個菜都算抵，份量十足，鮑片汁略咸，但都惹味菜煲雜菜一堆加粉絲，有蝦有魚肚，湯有甜味，清清地去油膩！四個菜邊夠六個大食鬼食，再叫左特價龍蝦，非常抵，78蚊一隻，每人半邊，味道有蒜泥，清湯選擇，芝士另加30，伊麵底加40😀貌相都靚仔㗎，熱辣辣，侍應仲會幫你分碟上，蒜味夠，不過蒜泥量我覺得偏少，但都好味雞絲粉皮係必食呀！！！估哂到咁多碟餸，最好最好食係佢，粉皮唔厚又夠凍，麻醬量剛好，唔會太多，食落口唔會有油膩感覺海蜇不得不提，完全失敗，零味道，海蜇無麻香味，連少少咸味都無味，可以話係全晚最失敗的前菜最後食柚子京燒骨，熱辣辣上碟，酸甜汁夠哂開胃，配埋小量柚子肉，值得堆介回頭率：⭐⭐⭐味道：⭐⭐⭐溫馨提示：8點後見人龍，去前記得打電話訂位😊…Read More

5蚊一碗豆腐花做賣點的贊和豆品，一早已經見人龍薑汁，冰糖，桂花，芝麻……所有口味都只需5蚊，又難怪見人龍嘅，排左5分鐘就買到一碗熱豆花，一碗凍豆花豆味以5蚊黎講算合格，不好奢求佢同十幾蚊一碗咁濃豆香熱豆腐花同凍豆腐花用嘅碗有少許出入，但份量一樣，只係凍熱分別糖水放係度，任你落，我就比較中意薑汁口味，薑汁味比較濃郁，不會得個甜，另外桂花冰糖都不錯，有清香桂花味，配凍豆腐花都好好食5蚊5蚊5蚊真係好抵！！！行過真係食番碗好過去甜品舖值得大推介…Read More

西灣河除左太安樓,有時我都唔知搵D咩食,仲要平靚正都有一定難度,點知星期五同朋友行下行下,俾我發現到蒸籠館,門口大大個牌寫全免收加一,我當然即刻入去搵位座低啦未到晚餐時間,6點半左右,人比較少,睇左睇點心紙,原來荷葉飯相當有名氣咁我就點左一個花膠蒸雞,順便養顏熱辣辣上碟,好足料的花膠,相對雞件比較少,飯粒有清香荷葉味,好食 只係食飯又點會夠飽,我仲點左釀茄子,燒賣同腸粉原隻鮮蝦腸粉都係即叫即拉,都係熱辣辣上碟,唯一美中不足腸粉皮略厚身,味道一般.燒賣豬肉料,夠熱真係即蒸即食,有種舊式茶樓的味道釀茄子上碟,貌相已經好吸引,配上鰻魚汁甜甜~特別好食加上熱到辣咀,哈哈!唔似某D店或酒樓咁整好放涼再俾客食陰溫馨提示: 因為不設加一,又抵食,過左8點就愈黎愈多人幫襯,早去早嘆茶2)食荷葉飯係會跟老花湯或熱飲,凍飲加錢…Read More

朋友生日,帶佢去做一晚的公主,我預先係openrice 網上訂座,所以唔需要等位,排隊就有位坐,食過幾次公主都係high tea,第一次晚餐, set dinner $498起,抵唔抵食就見人見智,但我地今次係散叫,Ala Carte先點左一個凱撒沙律做前菜,雖然碟細細,但份量都勉強夠3人食,落左大量的Parmesan Cheese,好難唔好食,加上仲有一大塊煙肉,不過就唔係太特別,咁就收左$108...都係果句"抵唔抵食就見人見智":)跟住再點左黑毛豬柳同闊條麵黑毛豬柳我好欣賞佢上面菠蘿同紅椒,菠蘿係新鮮菠蘿黎,紅椒焗完好juciy,唔會好乾同處理得唔錯,唔會有青草味,伴碟係幾滴蘋果蓉點綴不過食唔到玉桂味至於意粉(明顯一人量),但我地都照share3人食,都夠的,落左大量野菌,但汁就唔夠濃味,味道一般跟住main course上,點左3款甜品,預先同店家講要"Happy birthday",佢地就選擇其中一款甜品碟寫芒果芝士蛋糕不過不失,中間有少許芒果肉紫薯味道略為清淡伯爵茶朱古力比想像好,朱古力唔會好甜,中間有伯爵茶奶油,balance成個味道我地仲點左一壺茶,雖然佢上錯茶(原先想要Chamomile,但佢上左Osmanthus,不過將錯就錯就繼續飲) 溫馨提示: 預先上openrice訂位,唔洗排餐死2) 食下午茶比較抵食同化算3)裝修上配合公主題材,略浮誇,不適合女漢子的朋友4)用餐時間比較耐,請各位耐心等候最後...食環境,氣氛係好唔錯嫁…Read More

其實星期日搵一間人少清靜的下午茶之地都幾困難，不過好彩鑽石山荷里活地下，有間略隱蔽的餐廳，價錢不貴，一個茶餐加一杯咖啡或茶38蚊起，都算便宜。一般炸物，甜品，三文治都有，款式都算多，咁我地就點了西多士，心太軟，棉花吐司西多士有6件，都幾多件，可以揀蜜糖或朱古力漿，但略嫌漿唔夠同唔夠熱心太軟上枱時都好失望，比想像中偏細過，感覺家庭式size，加上配cream又係一個失望點，配雲尼拿味雪糕會更好食落去味道都幾好，係配搭上不值50蚊之後棉花糖吐司，可以話最好的一個棉花糖係賣點另外值得一提，咖啡不合格，淡如水，點檸茶檸水會較好啊!…Read More

媽咪生日，今次帶佢去左食有機菜第一次去，出面賣菜，入面餐廳，菜全部都標榜係“有機“，價錢都好公道，不太貴另外仲有有機油，醋，俾大家選擇入到餐廳位置，幾張小枱，所以去的朋友記得訂位啊~坐低後會有碗例湯俾你，飲得出無味精，真係媽媽湯今次主力食羅非魚，揀左蕃茄味（仲可以揀麻辣或酸菜）大大條羅非魚，先炸後煲，蕃茄湯底好濃，魚骨偏大條，唔怕啃親，仲有少許配菜，食完條魚可以繼續加湯打邊爐我地先點左黑木耳，響鈴作配菜但四人食係唔多夠飽的情況下，同埋打邊爐要有牛肉的規則下，再點左安格斯牛肉貌相好靚，食落去肉味夠濃（美國牛味果然重，一流），就算例牌都好大碟，有20塊左右媽媽話羅非魚好新鮮，所以想試埋野生鯇魚，切得好靚，食落好新鮮，半條魚黎講好大碟，最後係要打包㗎!溫馨提示：此店免切餅費😎第二，訂位訂位訂位，因為枱真係小，整間店應該只能容納30個客人左右，要留意喔~…Read More

成日食韓燒,唔係大排長龍,就係有時間限制,鬼咁麻煩,抵就抵,但好似好急趕咁,食個幾鐘就俾人叫埋單,好辛苦~所以我今次就去左銅記食名家,又正宗,坐得又舒服,又唔使限時間…名家都有SET DINNER,ABCD任你選我就選B一個SET都好多野食,仲有湯飲,細食的一個餐都夠3個女仔食~不過我就額外叫左碟牛脷上餐之前先上幾碟前菜(免費的)跟住開始上菜,先黎肉,再到蝦,蝦好食鮮又大隻,牛本身醃左味的,就咁樣食味道已經好夠,唔需要再加鹽啦五花腩黎講都好靚，脂肪同肉成正比，唔會太肥，包菜食人蔘雞湯非常足料，原隻雞，再加上足本藥材，味道濃郁粉絲好食，係牛肉比較乾身，食左韓燒牛肋骨比較好最後牛脷,薄薄一塊好好食,就咁沾鹽食,已經足味啦,大愛!!!溫馨提示: 每個SET都有生菜供應,但不包白飯,要白飯就要另外叫,15蚊一碗,如果2個女仔食,一個SET係絕對夠!!!(btw我3個女仔食都覺得好飽)…Read More

數碼港午餐選擇不多，好食嘅更少，唯一合理價錢，又大件抵食，非奧壽司莫屬點菜後，侍應會俾你一碗面豉湯作為飯前湯跟住就上便當我最愛便當D，有我愛吃的軟殼蟹便當D除左芝士焗軟殼蟹，仲有金菇牛肉卷，什錦刺身，日式小食同生果，份量望落好少，但非常飽肚，都係98蚊同事叫便當B，有豬肉生姜燒，吉烈炸蝦，什錦壽司，小食同生果，我打劫左朋友隻炸蝦，非常好食又卜卜脆溫馨提示：訂位雖要一早預訂，即日訂好多時都full book，不過walk in都唔怕，多數都有位！最多都係搭枱…Read More