每次嚟長洲都想食，可惜每次喺長洲週圍食嘢搞到每次夜晚都冇容量嚟食，今次決定唔食其他嘢一定要試吓你有幾好食冰鎮咖哩魷魚，好似係招牌嘢，優點魷魚係好爽好彈牙，味道方面都幾好味，缺點係啲粉落得唔夠分散，集中嘅地方食到有啲苦，同埋雖然蘿蔔只係用嚟墊底嘅配菜，但都唔駛硬到好似生咁串燒望落都幾正咁，但嚟到第一件事就話大腸係用唔知乜嘢汁整，所以會深色啲，但我真係分到深色同燶嘅分別囉，不過眼見都未必係真，就好似叉燒燶邊可以整到好燶都冇燶味，但結果我都真係食到燶味，而且第二嗰嚿直頭好似食炭咁，仲有個流沙包，第一件好乾，感覺好似返炸咗幾次咁，第二件就正常會流心，味道都唔錯，至於其他嘢都ok不過埋單要二百幾，性價比就真係唔高…Read More
