試左先講's Profile

見今日冇咩胃口，就想同朋友食啲有湯嘅粉面，見到一間係女人街裡面嘅車仔麵餐廳，裝修簡約但有整齊清潔，決定一試，我叫咗兩個餸，豬腸同牛腩，鋪頭仲可以俾你加腩汁，我叫咗大辣辣汁，豬腸食落口好夠味，同非常之淋，牛腩做得非常之香，最好味就係個湯底，同佢個辣汁，落咗辣汁之後嘅湯非常之好味道，食到我細個時鍾意食嘅車仔麵味道，價錢合理！…Read More

朋友約我食觀塘嘅一間太爺雞，我初初都覺得比較遠，但係都照去啦，啲朋友話好好食，我哋嗰日叫咗好多個餸，每一樣餸都係我想像中好嘅，雖然佢嘅裝修唔係啲乜嘢金碧輝煌，但係食物真係令我刮目相看，首先試一試佢最出名嘅太爺雞，味道非常之夠，肉質非常嫩滑，一個涷食嘅豬手，入口爽，叫咗個鯪魚球食，都好耐未試過食炸鯪魚球，足料，最好味就係個點鯪魚球嘅蜆介醬，做得非常好，跟住叫多個鍋貼小棠菜，又係一啲功夫菜式，入口鬆脆，裏面啲蝦膠做得非常細滑，一個黑椒汁炒茄子牛仔骨，入口夠味道又不會太鹹，仲有冇味精嘅例湯飲，價錢亦相當便宜，每位大約$200！…Read More

同朋友喺女人街搵嘢食，見到一間土耳其嘅餐館，之後同朋友睇睇餐牌都算OK，但係入到睇完餐牌之後，準備叫侍應落單，淨係等侍應落單都等左10分鐘，我同我朋友望一望原來間餐廳得壹個師傅同一個侍應，好辛苦先至可以落到單，之後亦都等左30分鐘之後先可以有嘢食，叫咗個土耳其炒雞肉飯，廚房師傅居然連鹽都冇落嘅，要問佢攞鹽自己調教返個味道先可以食到，之後叫左個薄餅，又係冇味道嘅！又再嗌多個手卷食，居然手卷裏面啲肉同啲菜係一啲醬汁都冇嘅，我從未試過土耳其菜係五落鹽去煮囉，唔會再去嘅一間餐廳👎…Read More

見到食評話啲氣氛唔錯，就嘗試吓喺OpenRice訂位，入到去果然餐廳嘅裝修唔錯，餐廳環境位於高層，所以可以睇到180度景色，餐廳環境亦比較平靜，我最鍾意，侍應服務態度非常好，侍應亦非常有耐性地介紹餐牌上面嘅食物，價錢方面，其實係呢種環境嘅餐廳算係唔錯嘅價錢👍，叫咗個龍蝦湯飲，龍蝦湯味道都算夠濃郁😋，依家比較少餐廳有好嘅龍蝦湯飲，牛扒方面可以做到我要求嘅成熟度，廚房師傅功夫唔錯，下次可以再食嘅一間餐廳！…Read More

見餐廳裝修幾特別，我同朋友2個人入去試下，入左去之後帶左我地上左2樓坐底，一上去已經覺得好嘈，嘈到好似好多人系密室講野嗰種，極大回音，已經有少少頭痛😖，之後叫左野食，等左好耐先有得食，食物質素非常差！--呢個所謂既生菜包，味道好咸，最過分只係比5片生菜，跟本唔會夠包D料食，之後再問餐廳攞多幾片生菜，佢話要收錢，收錢都無問題，要收得合理，，話要$28，只有5片生菜，連埋加一服務費咪要收我$30.8，5片生菜😡，個問題係本身間餐廳出嘅生菜唔夠比客人食，之後我唯有比錢，感覺完全係屈D客人買生菜👎鐡板蠔食落去仲有雪味👎番茄醬黑豚肉，味道怪怪，肉質太硬👎串燒牛柳粒仲差，有筋，冇牛肉味👎我同朋友真係唔會再來😡…Read More

睇到openrice介紹，就約埋幾個朋友試一試，裝修非常有品味，坐位舒適，服務人員態度非常好，食物以蒸海鮮為主，海鮮全部新鮮，象柭蚌仔刺身非常有驚喜， 爽口又鮮味，原來只賣98蚊一隻，底食，其他海鮮亦比其他地方大隻，蟲草花蒸原隻走地雞，有雞味又香滑，之後又試下招牌菜士多啤梨生炒骨，入口外脆內軟，酸甜汁味度剛剛好，到最後食埋粥底，用左珍珠米做粥底，粥底好綿又加上之前蒸左嘅海鮮精華全部落曬D粥底到，所以非常鮮甜，到最後食佢地自家製嘅芝士餅，入口非常軟滑，濃芝士味，我同幾個朋友今晚非常滿意，下次一定會再來！…Read More