lckym's Profile

紐西蘭魚柳·牛乳炒滑蛋 配牛油厚多士 飲凍檸茶快餐店早餐黎講，大家樂既炸魚柳🐟係最好食，炸得好香脆，配點個沙律醬十分夾。比較晏買已經冇晒蘿蔔糕，唯有食🍞多士，佢既多士比較普通，有得揀一定轉蘿蔔糕。另外加左碗牛奶麥皮，濃杰度適中，唔會冇味又唔會太甜，味道岩岩好，想食得飽d加配一碗就非常滿足啦。…Read More

繽紛火龍果奶蓋茶​全港首創用堅果🌰整既奶蓋，特別地附上一個鏟仔🥄比你筆奶蓋食，幾過癮既設計。堅果味十分勁，中意食nuts既人一定中意。火龍果汁都係平時比較少飲到，原來都好飲喎，我自己就中意果汁溝埋奶蓋既口感。​…Read More

抹茶朱古力雞蛋仔估唔到唔係即刻食都咁脆，抹茶味🍵都好濃，出乎意料地好食。煎餅 +芝士+煙肉 蛋黃醬本身以為佢係手抓餅咁，點知又完全唔同，係似🫔蛋餅，揀左呢個配搭又係估唔到咁好食，所有野加埋一齊都好夾。日式芝麻醬撈烏冬 +手撕雞🐓芝麻醬非常之多，烏冬唔係日本手打烏冬，不過配上手撕雞撈埋d醬食都好食既。門面好細冇咩人講既小店，應該主要都係學生返學同順欣住客先會經過，但又估唔到係咁好食，會再想試其他味道既雞蛋仔同再encore煎餅。😋…Read More

馬來咖哩焗豬扒飯（$50）​炒飯底加上芝士同咖哩汁，味道濃郁。豬扒有層蛋漿係外層，軟硬度岩岩好。薯仔都好好食，可惜得兩粒。​​紅酒提子燒汁雞扒意粉（$48）​個汁酸酸鹹鹹，有點怪怪，寧願食普通既燒汁。雞扒嫩滑，個汁既份量岩岩好撈均意粉食。​​跟餐凍檸茶（+$3）​茶底清徹，但味道比較甜，怕甜最好叫少甜。​…Read More

見到好多網民推介呢間小店，一早去到西貢，就係到食小小野做早餐。鋪頭側面有幾張枱係到可以堂食，平日去冇咩人完全唔洗等位。​​葡撻（$15）​買個時出爐左唔係好耐，仍然熱辣辣，外層酥皮🥧香脆，蛋漿🥚甜度恰恰好，拍得住澳門食既葡撻。​​凍奶茶（$23）​奶味🥛比較重，都香滑既，不過食完葡撻再飲就會覺得佢唔夠甜，要飲水清一清口入面既甜味先飲。😂​…Read More

想食迴轉壽司🍣但又等唔到壽司郎，又黎左好多年冇幫襯過既爭鮮食，估唔到都幾好食喎，總共食左20碟，埋單$176，性價比超高。​​粉紅色碟（$8一碟）​蟹柳青瓜沙律：如果預先撈均左應該會好食d，佢冇撈埋兩樣野，變左分開食緊，冇左沙律🥗既口感。​三文魚刺身：一碟有3片，比較細片，價錢同質素成正比，因為都幾抵食，所以食左三四碟。​三文魚壽司：正常發揮，食左兩碟。​蟹子軍艦壽司：紫菜唔脆，普普通通。​忌廉泡芙：第一碟應該係迴轉帶轉左一段時間，忌廉入口即融，非常好食。但再攞第二碟既時候，雪得比較硬，要攤一陣先再食。​​藍白色碟（$8一碟一件）​油廿魚壽司（好似係）：好食，encore左多一碟。​油廿魚腩壽司：厚身既油廿魚，同黑碟刺身一樣好食，好食到掛住食冇影到呢一碟。😂​吞拿魚壽司：果然同其他壽司店一樣都係好腥，係咁多碟之中最唔好食。​火炙三文魚壽司：完全食唔到🔥火炙味，有點失望。​花之戀壽司：佢既沙律醬味🧂好怪，唔太好食。​黑色雙碟（$16）​甜蝦刺身：有成11條🦐甜蝦，都算鮮甜。​油廿魚刺身：一碟3片，油脂味道豐富，忍唔住會想食多碟。​…Read More

次次經過都係超多人係門口等位，今次預早決定黎食早割時段，4點幾就已經係佢個手機app📱到攞飛，去到5點半先岩岩有得入。​​掃qr code用手機落單，揀左lv2套餐，都有晒基本既野食。每款肉都有幾種唔同調味揀，叫左好多轉牛舌食，薄身而且爽口唔鞋。全部肉類🐂🐖🐓都好食，抵佢咁受歡迎日日排長龍。👍🏻👍🏻👍🏻​​自助區既選擇都唔少，飲品有自動汽水機🥤，最中意飲佢個橙味汽水，唔知點解唔出罐裝呢，次次都係餐廳呢d汽水機先飲到。甜品都有幾隻味既🍦雪糕揀，忌廉泡芙都好好食。​​…Read More

曲奇巧克力蜜糖磚塊​黎呢到食必定會想叫既甜品，做緊8週年優惠價$58，正價其實好貴💸唔抵食。每次食都會先拎起球雪糕🍨放係一邊，再將入邊已經切好左一粒粒既🍯蜜糖麵包點埋雪糕一齊食，個口感好正，令人食唔停口。​…Read More

次次假期經過唔同分店，門口都係排長龍，不禁好奇係咪真係咁好食。趁平日經過時間尚早冇人排隊又有lunch set，就攞位入去食，未夠1點都已經坐到半滿，被安排坐近門口既窗邊位。​​黃金蟹肉意大利粉（$68）​醬汁好多好creamy，蟹肉🦀既份量唔算太多，個汁好香亦比較漏。​​千島醬蟹棒蟹子帆立貝薄餅（$68）​Pizza🍕既配料唔多，只有4粒帆立貝同少量蟹子，味道普通。​​黑松露醬薯條（+$25)​薯條🍟新鮮炸起好香好脆，個黑松露醬都好食，有得加錢追加感覺好抵。​​熱特濃朱古力（$39減$8）​貌相非常之靚，一上枱有種藝術品既感覺。略嫌🍫朱古力味過濃，比較甜。​​熱泡沫鮮奶綠茶（$37減$8）​有回廿既日本抹味🍵，甜度適中。​​抹茶卷（+$25）​唔係死甜既假抹茶味，作為飯後甜品🍰非常滿足。​…Read More

網上落單叫左個2人普通批套餐（$205），3個人食份量岩岩好，仲追加左一樣小食，落完單唔洗一個鐘頭就送到。​​意式風情芝心普通批（+$19）​千島醬配雞肉好開胃，芝心批一如既往地好食。送到黎餅底🍕雖然淋左少少，但都同堂食分別相差不太大。​​意式雞皇焗飯​白汁份量好多，足夠撈晒成個飯。由於係焗飯，所以飯質都比較淋，味道不錯，覺得佢既雞皇飯好食過kfc個種。​​蘑菇忌廉雞湯​濃杰度適中，有少量蘑菇塊係湯中，份量剛好。同平時西餐廳飲到既味唔同，但係屬於中上水準。​​追加小食🍴揀左原味雞翼拼儀式迷你腸（+$33），味道正常。​…Read More

​鹽酥雞杯（$28）​炸粉比較厚身，調味偏鹹，每一舊都好大舊，味道一般。​​黃金單骨雞翼杯（$33 六枝）​個人唔中意加左鹹蛋黃既味，每枝骨都比較少肉，唔太抵食。​​雞軟骨杯（$31）​味道不錯，炸粉唔會太厚，粒粒金黃冇特別燶。​​蜜糖芥茉薯條（$33）​佢係粗既薯條，好香薯仔味，醬汁係另外入起唔會整淋d薯條，係咁多樣野之中最好食。​​椒鹽燒賣（$22 十三粒）​比較乾身，味道正常。​​凍黑糖珍珠鮮奶茶（$20）​茶味偏淡，珍珠尚算彈牙，以唔係專賣台式飲品既小食店黎講，都算好。​…Read More

豉油街原來開左咁多間台灣野，見到呢間好多款台式飲品，又有奶蓋茶，吸引左每次出街都想飲台灣飲品既我。​​一坐底會比個qr code你用手機📱落單，既省時又方便。餐廳冷氣幾大，坐一陣再飲凍野會覺得凍。手機落完單野食好快就上齊，每樣野個貌相都幾好。​鹽酥雞扒滷肉飯（$68）​擺碟好靚，雞扒🐓新鮮炸起好香脆，炸粉唔會太厚，調味亦都岩岩好。滷肉既份量都夠送晒成碟飯，撈均左落個飯🍚到都好夠味。​​台式紅燒牛肉麵（$68）​湯底香濃，🐂牛肉既軟硬度適中，手作麵味道不錯。​​酥炸花枝丸（$34）​外皮爽脆，入口彈牙，點埋附上既泰式甜酸醬食更覺美味。​​香辣炸雞翼（$36）🐓​只係食到譚仔10小辣既我覺得佢太辣🌶🌶🌶，上碟係見到d辣油係雞翼下面，雖然佢都好香口惹味，但辣到我要浸一浸落個湯麵到先食得到。​​奶蓋莓莓（$38）🍓​奶蓋味道好，但佢落糖漿既成份比較多，冇好新鮮既莓味，有點失望，攪均咁飲都可接受。​​奶蓋茶茶八號（$34）​🫖茶味香，叫左少冰少甜味道剛好，比莓莓好飲。​​…Read More

夜晚係屋企附近唔知食咩就試下一年四季都有既晚市火鍋，晚市有💁🏻‍♀️送餐服務，點完餐比個號碼器你放係枱面，就有專人成個餐送到枱，唔洗自己拎。取餐處都有擺鼓油、湯底、碗筷攞。​​試左一個🍅蕃茄湯底同一個🥜沙嗲湯底，兩個湯底既味道都偏淡。套餐跟一碟肥牛🐂同一碗蔬菜🥙，包括生菜、金菇、粟米、南瓜、貢丸、腐竹、墨魚卷。餐飲揀左青檬梳打，味道唔錯。​​肥牛比較肥，生菜既份量比得幾多，食極都仲有既感覺，但菜葉面頭有d黑，自己搣咗黑色既部份先淥。佢所有蔬菜都冇預先幫你放入鍋，呢樣既幾好，可以慢慢淥，想食個時先落。烏冬唔係日本手打烏冬，唔彈牙。​…Read More

午餐限時75分鐘（$108）​午餐比較抵食，整體食物種類唔算多，反而炸物有好幾款。炒蘿蔔糕超級出色🤩，好重蘿蔔味而且炒得好香，第一輪食晒等左好耐先出第二輪，岩岩出菜仲熱個時超級好食，可惜佢太飽肚食唔到太多舊已經飽左，廚師👨🏻‍🍳拎出黎fill個時都自己讚好食叫我地一定要試。​​飲品方面果汁同自家飲品都味道一般，反而最好飲係佢個齋湯，粟米紅蘿蔔湯🌽🥕冇落肉煲原來可以咁清甜，忍唔住飲左好多碗。其他疏菜類🥦不過不失，每樣都係試少少咁。​食得多任食既肉類放題，食下素食都幾有新意，感覺比較健康。…Read More

招牌咖哩吉列豬排飯（$70）​由於唔係是日午餐餐牌入面，等左超過半個鐘先上菜，塊豬排🥩即叫即炸。咖哩汁濃杰度岩岩好，脆口既豬排再淋個咖哩汁恰到好處，個汁都好岩用黎撈飯🍛。入面既薯仔外脆內軟，非常好食，另外配凍檸茶（+$6）好大杯同好飲。​​​冰火脆皮菠蘿油配紅豆冰（$26）​新鮮出爐熱辣辣既菠蘿油，入面夾住冰凍既牛油，入口真係有冰火交融既感覺，好香好脆，令人每次黎都會想食返一個。​…Read More