foodiegogoooo's Profile

鮮濃蒜肝醬鮑魚🥓極鮮刺身他他🦪飽滿北海道真蠔！-田中去日本甚少plan行程，近幾次都係啲鄉郊地方，食嘢都係去啲家庭式小店，而且多數都係木系暖色果種，今次呢間鮮為人知嘅私房小店，就有呢種家庭味道。老闆日本生活同留學多年，親自招待客人，每位亦會送上刻名樟木(尾圖)，度身製成生日/紀念版都得，加上位置唔多(~10位)，包場易又唔貴，打成一片人情味十足。-🇯🇵綿 ($780)一共12品，但老闆話有時多啲靚貨嘅話，會做多啲比客人試，超有人情味，田中當日就食咗約15品，另外亦有啲抵食Set/單點揀。🔸先付三品當日係海膽鮮淮山、小乾鮑、鴨胸卷、秋葵，仲有超爽甜嘅日本白粟米，海膽淮山出奇地夾同鮮甜，乾鮑就最特別，Size細細但用鮮味填滿口腔。🔹甘海老刺身他他甜蝦、帶子、三文魚角切他他，前兩者都係極鮮甜材料，再拌埋三文魚籽、牛油果，口感濕潤鮮味十足，配埋脆香鱈魚乾超正。-🔸生カキ酢 北海道真蠔 (超飽滿鮮甜)🔹旬のお造り二品 貝殼一品 季節刺身當日有日本海膽、原隻鮮赤貝、深海池魚、鯛魚、中拖羅，魚料光澤十足，都係空運飛機貨，而且都係貴價魚料，新鮮足料。🔸鯛スープ 立魚湯立魚湯足料熬成，非常清甜，最驚喜係有件心形豆腐，嫩滑又豆味香濃。-🔹あわびの肝ソース 自家製醬汁煮鮑魚自家製鮑魚肝醬加入蒜，味道非一般鮮濃，而鮑魚煮得非常入味，腍身又保留口感，最緊要係食盡個肝醬，拌埋飯團真係一流。🔸オーストラリア和牛 澳洲和牛和牛煎到外焦內嫩，睇相都見熟度層次超靚，肉味油脂香濃，自家炒醬蒜香惹味，同濃香牛脂極夾。(呢道亦都可以轉做海膽醬時令魚)🔹甜品 - 自家製和菓子/芝士蛋糕🍹自家梅洒 - 和歌山紫南高梅、VSOP…Read More

椰汁燉芋頭🍠北海道牛乳燉桃膠🥘鮑魚花膠燉雞湯！-懶人湯包一向密封，仲要打開發現連湯渣都冇，而呢款應該係田中見過，最有型最實用最足料，而且係最誠實嘅燉湯。佢地自創技術抽真空，再原樽原料燉，Keep得耐之餘，座熱黎飲超方便，而且透明玻璃睇到哂幾真材實料，但價錢都係同平時差唔多。-🍠椰汁西米燉芋頭羹 (小$35 大$42)先講燉甜品，同樣原樽燉，價錢更加抵試，呢款燉芋頭類似台式芋泥，但口感更加實在，椰香芋香混合得超正。🥛北海道牛乳燉原味桃膠 (小$50 大$66)🍨北海道牛乳燉三白花膠 (小$65 大$82)招牌牛乳燉品，前者桃膠足料，後者用上三白(3.6牛乳、白蓮子、白百合)同極靚嘅花膠，其實唔算甜品，但牛乳花膠成件事真係養顏。🥭冰糖燉木瓜桃膠 (小$45 大$60)🍐桂花蜜燉原個雪梨 ($48)兩款都極滋潤嘅燉甜品，原個雪梨燉到軟腍，依然非常Juicy，而桂花蜜同冰糖都非常滋潤，當然仲有索哂汁嘅桃膠。-🦪鮑魚.花膠.竹笙燉竹絲雞湯 ($98)🥘素湯.川貝虎魚菌.雪梨乾 ($78)🥓杏汁燉豬肺湯 ($88)1️⃣鮑魚花膠非常鮮甜，陣陣雞湯回甘，杏汁豬肺係佢地皇牌，濃厚到牛奶咁，豬肺亦極嫩，而最甜竟然係素湯，真心好飲又潤。2️⃣平時靚料啲嘅湯包，都已經係呢個價錢，呢到仲要係燉湯，而且睇都睇到特別足料，不過因為原樽由零燉起，所以冇落鹽，可以自己加少少鹽。🚚重點係滿$200有得免費冷凍送貨，基本上叫3樽已經可以送到屋企門口，而佢地都有門市外賣~…Read More

煙韌牛奶麻糬🥞台灣芋頭芋泥🥘九層塔青醬意粉！呢頭其實真係超多隱蔽小店，特別係咁多工廈樓上鋪，就算返咗成年工嘅朋友，都未必熟呢頭邊到有好嘢。呢間新開嘅隱蔽Cafe小店，風格走台式style，主打芋泥甜品同吐司，而芋頭都係台灣嘅大甲同高樹芋頭，真係特別濃香。-🥞芋泥牛奶麻糬吐司 ($88)超誘人嘅牛奶麻糬，口感軟糯煙韌，奶香中帶甜，重點係配上超爆嘅芋泥，芋香奶香混和超夾，軟餡夾上外脆多士更加正。🍨芋圓芋頭牛奶冰 ($62)超級澎湃足料嘅外型，芋圓芋頭芋泥堆到滿一滿，用上台灣嘅大甲/高樹芋頭，啖啖芋香十足，芋圓大大粒又夠煙韌，冰底綿啲就更加正。-🥘九層塔青醬雞肉意粉 ($118)🍝黑松露蚵仔意粉 ($108)呢到仲有唔少意粉，九層塔青醬驚喜地香濃，炒得香口惹味，而作為台式Style嘅Cafe，真係連意粉都有用上蚵仔。🥛大甲芋泥鮮奶 ($40)🍵台灣直送茶葉 紅玉紅茶 ($30)話明主打芋泥，芋泥鮮奶一定必飲，一大球足料芋泥，好似雪糕咁塞入去，啖啖都係真芋頭香。…Read More

啲人成日話西貢係香港後花園，其實話係香港狗公園仲貼切，上次落車行一小段路，已經見到十隻八隻狗仔Say hi，仲有唔少Pet-friendly小店。呢間真隱世Cafe小店，位於西貢海傍，本身以為係啲打卡店，但嘢食真心估唔到咁高質，主打手工意粉同甜品，價錢完全唔貴，但好食過市區唔少。-🥞流心雲朵配竹炭多士、日本蛋黃、牛油果 ($68)一切流心蛋漿滿瀉，超Cute嘅雲朵由蛋白做成，微甜又空氣感十足，竹炭多士脆身，配埋牛油果同沙律醬汁，鹹中帶甜超正。🍝蜆肉配特製喇沙醬汁手工意粉 ($128)少有地用上喇沙做Fusion，無論味道定質感都濃厚，椰香十足，掛滿每條煙韌手工麵條，最正係非常惹味，食唔停口。🦐蝦蝦蝦蝦手工意粉 ($168)四種蝦分別係阿根廷紅蝦、櫻花蝦、蝦籽、龍蝦汁，可想而知鮮味幾濃，層次極為豐富，而且超級足料。-🍨斑斕味雞蛋仔 配 沖繩海鹽雪糕 ($78)🍵日本抹茶戚風蛋糕 ($55)兩款甜品都超有水準，前者斑蘭味出奇地濃香，外脆內滿，微微煙韌，後者戚風驚喜地鬆軟，睇相都見回彈力十足，茶香濃郁。🥂Cold Brew御茗寧茶 ($48)☕️Chai Latte ($45)Cold Brew精緻在用香檳杯上，御茗寧茶由紅綠茶葉混和泡成，清香層次豐富，而且冷泡超清爽。…Read More

濃香幼滑熊仔🥞濃厚明太子意粉🥘邪惡鹹蛋黃雞翼！-講起甜品，近年真係越多越多入貨甜品，一黎小店難以兼顧鹹甜，二黎又要花錢請甜品師傅，難得呢到全自家製，除咗隻熊仔，就連窩夫漿同入邊麻糬都係。呢間Cafe小店最招牌一定係啲熊仔，而且田中食過咁多間Cafe，呢到啲甜品真係超有heart超得意，樣靚之餘味道仲要超正。-🍝明太子忌廉大蜆意大利粉 (連咖啡/茶 $120)雖然呢到主打甜品，但鹹食驚喜地出色，明太子忌廉超濃厚，包住每條意粉，大蜆又夠鮮甜，而且仲肉嫩Juicy。🥘海膽醬北海道帆立貝意大利粉 (連咖啡/茶 $128)而呢款就用上濃郁海膽醬，加入咗味醂，味道更加濃，仲超級creamy，而帆立貝就大大隻煎香。-🍰泡泡熊 ($102)超級Cute嘅出浴熊仔！而且層次超豐富，底下係北海道3.6奶凍，而隻熊仔冰係用上士多啤梨牛奶做成，配埋雪糕同寒天超豐富。🥞朱古力麻糬窩夫 配睡眠熊伯爵茶慕斯蛋糕 ($140)招牌一定係款熊仔蛋糕，伯爵Mousse自家製，非常濃香幼滑，窩夫中間又加入麻糬，煙煙韌韌，而蛋糕加窩夫直頭2人份量，超大份足料。-🍗金沙單骨雞翼 ($58)🦐哈密瓜燒赤蝦沙律 配和風沙律汁 ($68)前者金沙雞翼超邪惡，被鹹蛋黃包滿，而後者更加驚喜，赤蝦意想不到地靚料，蝦頭蝦身都非常鮮甜，沙律汁又夠惹味。🍓初戀 - 士多啤梨、牛奶、熊仔冰 ($68)🍹富士山熊仔特飲 ($88)一杯已經好似食咗個甜品咁，前者超夠濃厚，後者用上藍桔、荔枝、梳打、士多啤梨熊仔冰，富士山外形精緻到極點。…Read More

瘋狂任食和牛🦐極大隻爽彈海老🦪煙韌芋圓蚵仔煎！-蚵仔煎、九份芋圓、惡魔雞排、醉雞卷、夜市鹽酥雞、甘梅地瓜條，呢到嘅小食分分鐘多過火鍋料，特別份蚵仔煎係必食，真係被火鍋耽誤嘅小食店。呢間台式火鍋本身超受歡迎，除咗出名麻辣鍋同足料台式湯底，而且環境一向特別舒服，新店仲超多闊落梳化，卡位仲有大窗，真心爽皮。-🥓LV1. 精品 • 吃到飽 (120分鐘任食 $228)🥩LV4. 特選和牛海鮮 • 吃到飽 (120分鐘任食 $368)由LV1到LV5五個套餐，最平都係$228，而圖中就係LV4，主打靚澳洲和牛、唔同靚牛部位同超正海鮮。🔸台式湯底🌶️山見青花椒麻辣湯🥘藥膳花雕醉雞湯招牌麻辣湯真心超濃，一上枱已經撲鼻而黎，超級夠辣，而藥膳花雕就越滾越出味，而且帶微微醉香。🔸牛肉🥢澳洲和牛肩胛肉眼 🥢無骨牛小排🥢嫩肩里肌肉 🥢牛扑肉 🥢月見封門柳🥢卡樂BEEF (牛五花) 🥢牛爽腩除必食和牛肩胛肉眼，其實仲有好幾款靚牛部位，而且都係薄切多，記得淥一淥就食得，更加容易索湯入味，瘋狂掃食超爽。-🔸海鮮 (部份重點)🥢原隻駅前海老 🥢新鮮白鱔片🥢福隆沙白 🥢花膠🥢脆肉鯇魚片 🥢松露墨魚滑海老真心超大隻，熟咗都成隻碗咁大，肉質爽彈鮮甜，而新鮮白鱔片一向唔平，仲有沙白大大隻都係必食。🔸其他肉類 (部份重點)🥢阿公花雕醉雞 🥢精選梅花肉 🥢嚴選豚五花🥢鴨血 🥢美國穀飼黑毛豬 🥢羊肉卷🥢清境鮮雞子值得一提嘅係，LV4先有清境鮮雞子，又真係超大粒飽滿，脹卜卜滾到入味超正。-🔸台式料理/小食(部份重點)🥢蚵仔煎 🥢桃園醉雞卷 🥢酥炸椒鹽花枝丸🥢惡魔雞排 🥢夜市鹽酥雞 🥢甘梅地瓜薯條🥢九份仙草椰果芋圓 🥢自家製牛奶磚其中蚵仔煎真係必食，微脆又煙煙韌韌，蚵仔又夠足料，而以上只係一小部份料理，選擇分分鐘多過啲火鍋料，超誇張。…Read More

環境佈滿細節🍝誘人流心蛋意粉🥓爆滿Oreo忌廉！-如果講到近期見過最打卡able嘅小店，田中敢講一定係呢一間，直頭成間街頭風嘅博物館咁，仲要係西環海傍附近，真係超Chill。呢間新開小店，剩係經過已經令人驚嘆，無論外邊定內裡，佈置擺設都充滿細節，田中果日坐咗咁耐，真係每位入黎都係咁打卡。-🥓Tomato Bacon Pasta with Poached Egg ($138)水波流心蛋一切爆漿，拌埋煙肉鮮茄醬超夾，包住每條意粉，灑上芝士碎更帶脂香，仲有必配火箭菜，種種細節都互相配合。🍝Scallop Anchovy Pasta ($148)睇相都見帶子大大粒，但重點在於鯷魚，鯷魚打碎混入炒起，每啖都滲出鹹香同鮮味，真係令人回味，而意粉就偏向乾身香口。-🥞Oreo Croffle ($78)Oreo身為Cookies & Cream，超誇張地蓋上一層厚Cream，啖啖都超邪惡，重點係牛角窩夫真係夠酥，而且酥得有層次，熱辣辣一流。🍫Popcorn NUTTELLA Bueno Croffle with Ice Cream ($128)爆谷、榛子醬、繽紛樂、雪糕、牛角窩夫，真係無懈可擊嘅組合，而多咗雪糕同爆谷，所以會比Oreo嘅大份，基本上每枱都必叫。🍗Yuzu Fire Chicken Ball ($78)前所未見驚喜嘅炸雞，蓋上一大球雪糕同柚子汁，冷熱交融超夾，鹹甜層次豐富，而且炸雞又夠香脆，就似雪糕厚多士咁，真係必叫。🍹Blue Earl Grey Tea Soda…Read More

日本一向流行家庭式洋食餐廳，閒時同朋友聚腳，或者同屋企人食個飯，基本上係日本人生活一部份。以單一非連鎖店黎講，香港真係少有呢類餐廳，就算係都未必有果種感覺。而呢間洋食料理就有呢種感覺，可能係因為真日本人主理，食物走意日路線，而環境現代得黎又帶一點懷舊感，真係日劇入邊果種Feel。-🍽️Deluxe Set for 2 (兩位用 $728)前菜兩份、餐湯餐包(追加)兩份、主菜兩份、甜品兩份、飲品兩杯，全Set極為豐富，同時亦有$568嘅Set選擇。🔸Starter🥩烤厚燒牛舌🥘香煎北海道帶子呢份牛舌超值得一讚，睇圖都見極為厚切，外層焦香內裡嫩滑，油脂豐富又肉汁Juicy，又配上自家燒汁、Wasabi、芥末，中和牛肉膩感。🍲是日餐湯 - 當日係濃厚南瓜湯 (+$30)🔸Main🍕煙三文魚酸忌廉手拉薄餅作為意日餐廳一定唔少得Pizza，餅底係真手拉薄餅，焦香煙韌有咬口，而上層鋪滿酸忌廉同煙三文魚，重點係仲有半溶芝士，夠哂邪惡。🍓草莓冷天使麵 莓ソース絕對啱哂夏天嘅冷麵，鋪滿足料士多啤梨，配上矜貴風乾火腿，鹹香中帶脂香，鹹甜層次豐富，鍾意清新酸甜嘅朋友一定鍾意。🔸Dessert🍰蘋果巴斯克芝士蛋糕配雪糕 (季節限定)🍨草莓奶凍兩款甜品都有驚喜，前者巴斯克芝士濃香，煮過嘅蘋果中和膩感，夾埋雪糕超正，後者奶凍質感結實但滑溜，奶香濃郁得驚喜。🍹 Drinks - 咖啡/茶 (亦可以追加特飲)-🍝芒果冷天使麵 (單嗌 $138)上邊草莓冷天使麵嘅另一款，用上新鮮愛文芒果，呢種芒果一向鮮甜Juicy，再配上酸忌廉，味道酸甜，冷食超開胃清新。…Read More

肥美軟嫩崩沙腩🥩自家掛汁粗管粉🥘軟糯麻糬鍋餅！-平時出Post除咗靠自己感覺，偷聽隔離枱都係個方法，可以了解多啲其他人對餐廳嘅睇法，而今次呢間私房菜，隔離枱都係keep住讚不絕口。作為私房菜，門口隱蔽之餘連Menu都冇，不過放心完全唔貴，菜式主打中西Fusion，中式代表係滬菜(上海菜)，而西式就係法國菜，非常少見。-🍽️6-course Dinner ($650)因為係私房菜關係，六道菜嘅內容都可以因客人要求調整，但價錢完全唔貴，除返開其實一道都係大約$100，份量仲超多。🥓Deep fried Shanghainese bread stick with cuttlefish paste. Pairing with truffle mayo dip鮮甜墨魚滑釀入油炸鬼，再炸得非常香脆，沾埋松露蛋黃醬，松露濃香之餘，配炸物一流。🌮Shredded salt-baked chicken taco with sand ginger dressing, along with endive and pearl onionTaco粟米餅皮用紫薯做成，夾上鹹香鹽焗雞，仲有鮮嫩多汁嘅菊苣，再配埋沙薑汁，外脆而內Juicy。-🍖Sautéed diced Iberico pork with chili and pepper in Sichuan style, along with leek and lettuce 黑豚肉粒爆炒得香口，內裡油脂豐富，以極惹味嘅四川麻辣調味，中和油脂肥美膩感。🥘Hakka braised duck, served with homemade paccheri鴨肉鹵得入味後，再手撕成幼條，肉香又口感豐富，而粗管粉自家製，微微煙韌又極為索汁，索哂鴨肉鹵汁超濃郁。🥩Pan seared U.S. angus beef outside skirt with cheese and salty egg risotto 少有用上崩沙腩，入口極為肥美軟嫩，肉味香濃，底下意大利飯用芝士同鹹蛋煮起，邪惡又啖啖甘香。-🍨Shanghainese pancake with Japanese mocha and sweet red bean filling豆沙鍋餅嘅做法，外皮香脆又口感微韌，夾住軟糯麻糬同香甜紅豆餡，仲有最愛嘅抹茶醬同十勝紅豆，超驚喜又滿足。…Read More

泰北撈麵金麵撈🥩虎浪海烤牛肉排🍖惹味火山排骨！-專注泰北菜嘅鋪頭香港少有，即使係大間啲嘅泰菜，都真係少見泰北金麵，難得有小店做得咁刁鑽。呢間小店新開無耐，座位唔多，只做精品，主打幾款泰北麵，有湯有撈，重點係價錢平民，連埋小食可以叫滿全枱，都唔會肉赤。-🍗泰北雞腿金麵撈 ($55)🥓泰北豬肉金麵湯 ($58)雞腿經過慢煮，麵條索汁又微微彈牙，而湯汁用金咖喱醬煮成，濃郁得黎唔會太辣，而撈麵湯麵都係同一湯頭，撈麵較濃掛汁，湯麵就更有椰香。🍜泰北豬肉湯米粉 ($58)而呢款就比較唔同，湯底清澈但其實非常鮮甜，飲得出足料熬製，而米粉非常索湯，配上清甜湯底一流。🥩泰北虎浪海烤牛肉 ($68)大大份烤牛肉，根本要用牛扒黎形容，但價錢唔貴，烤得外焦香內半熟，脂肪較少肉感十足，酸辣汁混入蔥花芫茜，惹味得黎夠清爽。-🍖泰北火山排骨 ($48)🌶️泰式酸辣鳳爪 ($48)小食選擇唔少，連火山排骨都有，份量比平時嘅迷你同抵食，小食黎講超正，湯汁清甜惹味，滲哂入排骨中，啜得超過癮。🍘泰式煎魚餅 ($45)🦐泰式炸蝦餅 ($55)蝦餅自家手打，田中食食下麵，都聽到入邊剁緊，果然非常爽彈，而辣汁亦唔會同前幾款小食一樣，值得一叫。🍹泰式奶茶 (+$20) / 泰國菊花茶 (+10)飲品都係精緻樽裝，自家調製，重點係堅好飲，奶茶夠濃厚，遲啲經過嘅話都會想買返支走。…Read More

重蒜避風塘🌶️驚喜一蚊雞煲🥘砂鍋粥滲進海鮮精華！-話說早兩日有單新聞，有內地客係尖沙咀食蟹，一隻連加一要1063蚊，而呢到都係新鮮大肉蟹，不過只需要3成價錢，就知幾抵。呢到除咗主打靚海鮮，仲有惹味川菜同串燒，而一蚊雞煲真係一蚊，兩位叫隻蟹加杯嘢飲加雞煲，每人唔洗200蚊就搞掂，真心誇張。-🦀麻辣雞煲 (每兩位半隻 $1)每兩位食夠300蚊就有半隻，四位一隻，如此類推，抵得誇張之餘，仲要真心惹味好食，靚雞足料，就算原價都值得叫。🍗避風塘炒大肉蟹 (限定$288 原價$498)正如上邊提到，呢個價錢真係痴咗線，用上新鮮活大肉蟹，新鮮一定肉質鮮嫩鮮甜，而且仲要大大隻，加上避風塘超重蒜超香口，配碗白飯真係冇得輸。🥘砂鍋粥 (粥底$38 視乎配料價錢) - 海蝦半斤、蟶子兩隻、大蜆一份、田雞一隻田中呢煲咁足料，都係大約$400，一鍋粥夠2至4位食，熱辣辣即叫即煲，海鮮精華滲哂落粥底，可想而知幾鮮甜。❇️值得一提仲要開到凌晨兩點半，11點後仲要有全單85折，一班人宵夜叫煲粥+一蚊雞都幾過癮。…Read More

遠離鬧市🧀非一般拉芝薯條🥞火焰焦糖芝士蛋糕！九龍城除咗泰菜，一向多Cafe小店，而且本身住宅樓層少，人口密度特別低，成個小區總係寧靜悠閒，不過遲啲重建就唔知點了。而呢間Cafe位置更隱蔽，同平時食街隔多兩條街，飲咖啡都特別悠閒，Lunch又抵食唔貴，絕對係Hidden Gem。-🥯明太子蛋黃醬炒蛋大蝦Bagel ($88)睇相都見超澎湃，傾瀉嘅明太子醬同炒蛋，配上海量大蝦粒，鹹鮮濃郁，夾埋Bagel嘅香脆微韌，真係絕配。🥪泰式豬頸肉配泰式酸辣汁 - 酸種麵包 ($98)除咗配Bagel，其實仲可以揀酸種麵包，同樣口感香脆微韌，超多片豬頸肉，而酸種麵包嘅淡淡酸味，夾埋肉類同泰式酸辣啱哂。🧀車打芝士薯條 ($88)田中食過咁多芝士薯條，呢到嘅芝士真係特別多，每條都一定被芝士包住，最底甚至浸住，而且全用上車打芝士，特別邪惡濃郁。🦐蒜香橄欖油扁意粉配大蝦 ($118)蒜炒意粉一向惹味，呢到蒜片亦夠足料，基本上食第一啖，就會停唔到清哂成碟。-🥞火焰焦糖乳酪芝士蛋糕 配雲呢拿雪糕 ($58)面層焦脆火焰焦糖，就似焦糖燉蛋咁，下層蛋糕質感軟身，又似雪糕咁特別綿滑，層次豐富又誘人。☕️Shakerato ($45)🍓Strawberry Smoothie ($42)踏入夏天，呢兩杯都超消暑，特別推薦Shakerato，呢款意大利冰搖咖啡，冰塊Shake得夠碎夠細，啡香又啖啖冰涼。…Read More

泰國民族風🦞咖哩滲盡肉蟹精華🥘新派泰式沾麵！-雖然店名叫泰沾麵，但仲有唔少精緻泰菜，呢到嘅煙韌鑊氣炒河，更加係田中食過最好食，之前都忍唔住Post咗上story。小店位於尖沙咀，但位置超隱蔽，店面由老闆親身主理，一口流利泰文，幾乎每枱都會親自招呼介紹，真係地道人情味小店。-🦐老媽手打蝦餅 ($88)係佢地IG見到真係由媽媽手打，限量未必每日有，加入足料真蝦肉打成，直接生炸，食到粒粒爽彈鮮蝦肉，特別鮮甜。🥘雞肉鑊氣炒河 ($98)絕對係田中食過最好食嘅炒河，河粉特地由泰國訂過黎，晶瑩剔透，口感煙韌，而且堅有鑊氣，連蛋絲都炒得香口微脆。🍜招牌泰式沾麵 ($108)估唔到泰菜都有沾麵，湯底定期會轉，今次係特製紅/青咖哩，紅咖哩加入魚蓉煮起，濃厚惹味，沾完再撈酸菜芽菜更正。-🦀Asura's 咖哩炒蟹 (~$488)1️⃣招牌必叫，每日限量新鮮大肉蟹，肉質特別鮮嫩Juicy，份量亦夠2-4人Share。2️⃣重點係個咖哩，鴨蛋蛋香極濃厚，滲入鮮甜肉蟹精華，甘香得似蟹膏，完全係白飯神偷。🦞Asura's 燒大頭蝦 (價錢按Size唔同)好似龍蝦咁霸氣嘅大頭蝦，Size少有地大隻，蝦頭大件爆膏，新鮮燒香特別Juicy。-🥭青芒果炸蝦沙律 ($118)🦪泰式香煎帶子 ($128)擺盤精緻如法國菜，但就用上幾款泰國香料，大大粒鮮甜帶子，惹味又層次豐富。🧉Canele 可麗露 - 斑蘭/椰子 ($48)少有泰式口味，外層超級香脆，內層軟熟，之前田中都Post過上Story，有網友試完都話超正。🍹招牌Asura梳打 ($48)🍨香蕉椰子Oreo奶昔 ($55)同樣注入泰式新派元素，前者微辣帶香料香，爽快解渴，後者三款材料打起，椰香超濃厚。-Asura 泰沾麵 @asura_thai 🗺️尖沙咀麼地道67號半島中心地下G37-38號舖📞56444463…Read More

春季時令魚🦀鮮嫩北海道毛蟹🥓稀有大拖羅魚鮫！-田中聽過有位日本老師傅講，日本料理都係萬變不離其宗，即使魚料點變，都係取決於刀法同調味等等細節。而呢間小店係田中最愛之一，正正用細膩樸實嘅功夫，發揮當季食材嘅鮮美，尤其刀法手藝，上次黎赤貝切成鳳凰，今次就針魚都綁出鬢辮。-🍱おまかせ - 22品 ($1480起/第二位$740起)每晚限量5份第二位半價，未必一定訂到，記得預早Book枱。雖然限量半價，但魚料都係春季當造，而師傅實力當然亦同樣高水準。 (田中果日師傅都係大將Mark師傅)🔸前菜三點🔸刺身🥢鰻魚苗因為限捕保護鰻魚成長，每年只有春季一兩個月限定，非常稀有，肉質爽滑黏口，帶點魚脂鮮香。🥢小長井真蠔 出名口感爽身嘅小長井，飽滿肥美之餘，海水唔重更顯鮮甜。🥢鱈魚 (三星漬)🥢鰆魚馬鮫魚嘅一種，平時家常菜熟食得多，但其實刺身非一般鮮美，輕輕炙過，香口又鮮甜。🥢鮟鱇魚肝非一般大件嘅鮟鱇魚肝，肉質軟滑Creamy，非常甘香濃郁，紫菜簡單包住已經超幸福。🥢大拖羅魚鮫用上最頂級嘅部位魚鮫，稀有又極為肥美，佈滿誘人油花，魚油脂滲滿口腔中。🔸和食🥢黑松露忌廉煮帶子🔸蟹🥢北海道毛蟹 原隻毛蟹拆肉，啖啖鮮嫩蟹腳蟹肉，仲要用蟹膏拌飯，更加鮮甜。-🔸壽司🥢白蝦一件已經有20-30隻，肉質綿滑，炭鹽青檸簡單調味，已經非常濃郁鮮甜。🥢春子鯛鯛魚一向夏季盛產，而春子鯛就係春天嘅幼魚，細嫩又帶有鯛魚嘅鮮味。🥢針魚正值當造嘅針魚，師傅細膩嘅刀功同手法，將幼長魚身綁成鬢辮，飽滿嫩滑口感非常幸福。🥢左口魚 (鋪上灸燒左口魚邊)🥢赤鯥 (灸燒)🥢北海道馬糞海膽🥢牡丹蝦師傅拿手招牌，牡丹蝦一向濃甜綿滑，面上嘅蝦膏精華，經過反覆灸燒炒香，拌上蝦油調味剛好，濃郁得令人難忘。-🔸卷物🥢拖羅蓉手卷🔸和食🥢子持魷魚亦即係包住魷魚卵嘅魷魚，唔係經常會有，魷魚厚肉爽滑，魷魚卵腍滑漿口，又帶濃郁甘香。🥢鯛魚湯🥢原顆日本士多啤梨果凍❇️總括黎講，除咗師傅高水準功架，同埋春季新鮮當造魚料，呢個價錢22品仲有毛蟹食，真係性價比極高，記得限量要預早Book。…Read More

180度維港海景🌃澳洲M7和牛🥩極鮮海膽魚子多士！-無論情人節定約會紀念，大家DM田中問推介，呢間都經常會係其中之一，180度維港海景，昏暗嘅燭光晚餐，超浪漫有情調，真係要Bookmark低。而如果大家向右碌，會見到有Live Music歌手，亦正正係田中鍾意呢到嘅原因，不過留意Live Music多數週末先有，訂位前可以問定。-🍽Prefix Tasting Menu 5-7道菜 ($688起)佢地每季都會轉Menu，上季係泰法Fusion，而今季就係日法Fusion，利用法國菜嘅精緻手法，融合日本食材嘅鮮美。🔹EntreeFresh Snow Crab Leg with Chill Angel Hair Mix with White Truffle Oil & Caviar凍天使麵拌白松露油.鱈場蟹腳.黑魚子🔹Appertizer🦐Seared Botan Shrimp 炙燒牡丹蝦一向矜貴嘅牡丹蝦，都係高級日本料理常客，輕輕灸過，打上柚子泡沫，肉質綿滑鮮甜，配埋白酒真係鮮味濃郁。-🔹Amuse Bouche🥪Sea Urchin Toast 日本馬糞海膽多士一口Size嘅多士，鋪滿鮮甜日本海膽，再配上黑魚子醬，鮮味係口腔爆發嘅感覺，極度令人回味。🫔Japan Tora Mango Salsa 拖羅芒果莎莎拖羅蓉唔係配上蔥花，而係酸甜嘅芒果莎莎，底下配上脆米餅，魚油脂香、果酸同脆香融為一體。-🔹StarterHamachi Sashmi Wrap 油甘魚花苞🔹SoupCally Flower Fresh Oyster Chowder / Chef Special Daily Soup椰菜花鮮蠔周打湯 / 廚師推介-🔹Main (八選一)🍘Slow Cook Mable Seaweed Barramundi (預訂)海苔盲曹雲石魚卷無論外形定味道都超驚喜，作為鱸魚嘅盲曹，肉質絕對鮮嫩，滑身又帶魚香，而海苔更加提鮮，仲有三文魚子，整體鮮味極豐富。🥩Australian M7 Wagyu 澳洲M7和牛 (預訂+$128)澳洲和牛唔及日本軟嫩，但肉質緊緻更有肉感，煎香外層後賣相精緻，鎖緊肉汁，咀嚼間滲出牛油脂香。🍖Kagoshima Pork Belly (Duo)鹿兒島豬腩仔二重奏-🔹Dessert🍰Ice-cream cake 雪糕蛋糕又或者可以Order佢地招牌雪崩Tiramisu (2位用 +$188)，田中之前食過幾次，真係超推薦，但記得要預早3日訂。-🔹Wine Pairing (3杯$238 / 4杯$298)🥂Chateau De L'escarelle Le Pacha Rosé🥂Domaine Laroche Chablis Saint Martin如果飲酒真係必叫，除開價錢唔算貴，但配上美境佳餚真係一流，特別係搭配日式魚料鮮味，更加完美。❇️順帶一提，佢地仲有駐場畫師，門外壁畫都係佢地畫，可以係甜品碟上作畫，慶祝/紀念驚喜一流，記得Book位時問定。🥂而家仲有個週年慶四道菜($488)，同埋指定飲品買一送一，可以用個抵啲嘅價錢，去享受個環境，不過有限時段記得問問！…Read More