winnielam's Profile

Bad food bad service!! 今日下午3時多惠顧中環ifc mall 分店, 客人一半滿左右, 男經理故意要我地排隊, 但門口只有我們, 唔明點解要排隊, 其實我地已經近門口一邊唔阻住佢門口, 個經理用指令口吻, 感覺似命令緊犯人排隊咁! 咁我地企一陣真係無咩所謂, 反正我地都唔趕時間, 但佢地都攪左一陣, 先等到佢俾我地入座, 餐廳當時只有一半滿的客人, 但就竟然安排一張有冷氣機滴水的位給我們, 眼見sofa位, 及附近都有很多座位, 但男經理就指sofa果邊都close了, 其實當刻仍有位外國人坐緊係sofa位進食中, 但我們費事同佢計較啦, 點不知坐下10分鐘唔夠, 友人個位有冷氣機出口位滴水, 而同時就有個"名人"黃敏德及兩個友人, 進入餐廳就直接坐左去果邊sofa位, 而我們呢, 就繼續坐滴水位!! 想要求換位又話其他位已經reserved! 最慘點左野食!!食物點了$228的Scallop, 6粒都唔新鮮, 好細粒, 友人都食到有雪味, 我就食到腥味其實以這個昂貴價錢去惠顧這個質素的海鮮, 真的令人失望!飲品方面, 我們都點了杯Lemongrass tea, 飲落係冇honey, 感覺無咩甜味, 要求女侍應攞糖, 佢就同我地拗, 佢話個茶本身有honey, 但其實廚房冇落honey, 我地只飲到茶的lemon同埋苦味 後來我地再要求另一個侍應取honey給我們!!不得不提, $98 Shaghai noodle :(:( 廚房炒時用了好多油, 食落成口都是油, 豬肉炒得太乾身, 感覺好難食! 而且份量很細碟, 跟其他餐廳相比, 只有一半的份量, 但我唔記得影佢相. 如果有興趣想試的朋友, 最緊要是鐘意油, 但給節食減肥的人溫馨提示, 可能這碟的卡路里是正常份量的幾倍啊! 總結這次的體驗是, 服務質素同食物新鮮程度, 及好味指數都是差極!! 有個好新的後生男侍應生, 來錯食物放在我們餐桌! 不久另一個女侍應取走來錯的食物時, 我們問她是否放錯了, 她沒有理彩我們的提問就將來錯的食物拿走開了! 佢地係完全冇唔好意思的態度 如果, 我指的是假如, 個餐廳經理係想白鴿眼普通的食客, 就是最令人討厭!! 問題是為什麼我們入座時就不給予要求的sofa位, 什至要我們坐滴水的位, 而所謂的外國"名人"後來入座就有不同待遇!! 而他所講reserved 的位旁邊, 仍有很多可以安排的座位, 因為成間野根本就只是坐滿了一半都唔夠! 安排座位是很簡單的服務, 但竟然令人完全廢解! 如果佢close左果邊係要俾佢職員方便清潔服務或休息用的話, 我們食客當然可以諒解, 但事實係佢安排俾佢眼中的"vip" 咁點解唔一早講明全部sofa位都reserved左呢? 佢本來係話close架喎, 咁點解又會有果個"名人"入座呢! 衛生方面, 食食下有蒼蠅在我們座位不停來回!! 不知道廚房的衛生又如何呢?! 最不安是餐廳冷氣滴水問題, 冷氣水直滴到友人的頭上, 後來坐近玻璃窗口才逃過滴水的問題, 總結係令人覺得衛生很差! 總之本來好好心情去食野, 變左好差心情, 可以用貼錢買難受來形容! 難頂程度係永不回頭!…Read More

之前已經幫襯左兩次, 今次一次過寫返哂d食評只因佢d食物算有水準, 值得一試再試今次食常餐（Daily Set) , 一碟义燒意粉, 火腿, 炒蛋, 多士, 呢度d义燒好食過哂其他大x活, 大快x, 美x, 果d快餐店, 意粉亦都夠彈牙, 唔會一pat野咁!炒蛋亦炒得好滑身, 一d都唔腥, 加埋片香噴噴牛油多士, 唔知點解連片多士都好味過人, 真係無得彈囉! 老公食磨姑雞扒飯, 佢d雞扒真係幾好味, 煎得好香, 肉質又嫩, 份量亦ok 對上果次食左咖哩蝦飯, 唔算太辣, d蝦都幾爽口, 仲有試過佢d漢堡包同薯條, 一樣係好有水準, 特別鐘意佢d薯條夠哂大條, 少少辣味好鬼開胃!…Read More

首先寫一下坐在餐廳的感覺, 它的佈置, 氣氛都給人很有家的感覺, 適合一家大小聚餐, 同時亦很適合二人浪漫慶祝:)進入食物正題, 雖然沒有我喜歡吃的生蠔, 但其他冷盤都已經很多選擇, 吃了龍蝦, 凍蝦和蟹腳, 感覺是生鮮和美味的。蕃茄湯很濃郁, 令胃口大開, 接著是沙律和芝士, 全部都很新鮮, 用來拌芝士的芝麻薄脆, 亦非常香口。空調的溫度有點低, 所以飲了一碗中湯, 很香的響螺味, 湯內有補眼的杞子, 感覺很進補啊! :)接著亦吃了清湯牛腩, 湯頭不是太特別, 牛腩亦不是煮得很好吃, 沒關係, 就再來吃個西冷牛肉粒, 味道很好, 很香的蒜香剛炒好加上肉質亦很嫩, 讚! 另外有紐西蘭羊仔骨, 味道亦很好!!再來是刺身和壽司, 只吃了一小口壽司, 三文魚刺身和吞拿魚刺身都很肥美 :) 亦有吃赤貝刺身, 感覺不太新鮮, 可能是解凍時的冰水仍留在刺身上的關係.接著吃日本風味的東西就最適合, 就來一個天婦羅蝦, 天婦羅尚算好吃, 蕃薯很甜.吃到半飽了, 就試一下咖哩和它的薄餅, 很後悔吃了這個東西, 早知道把肚子的空間留給西式的薄餅, 它的咖哩只有辣味, 薄餅亦很硬, 是否師傅的問題?最後還是開始吃甜品吧, 它的服務很貼心, 特意準備一件推介的熱情果甜餅, 和寫上了生日快樂的朱古力字.不可以錯過的是它的芒果奶凍和慕思, 栗子慕思, 真的會上癮啊, 看見鄰座位的兩位日本女士, 每人吃了3個芒果慕思呢, 沒有誇張的啊~雖然已經吃到很飽了, 但仍想吃多一點甜品, 軟雪糕雖然只得雲尼拿和芒果味, 加上一片薄脆, 真是好吃, 很滿足呢! …Read More

上尼睇完呢度d食評, 抱住一試的態度, 買了3樣野外賣回家嘆下!原來通漲真係好堅, 原本賣28蚊的, 而家要33蚊, 足足加左18%, 嘩!!!不過都無阻我想試食的慾望, 睇下貴得尼, 有無道理都好丫.個賣相都幾ok, 食落真係滿口都cream, 好香而且好滑, 感覺係用好靚既cream, 而d芒果亦好甜好多芒果肉.要試埋個青梅味, 20蚊好似幾抵食喎, 食落d梅肉好爽脆, 係一細粒一細粒梅肉, 甜甜地幾好食, 唔知d青梅係唔係真係由日本入口架呢?最後一樣亦係我最鐘意食既甜品之一, 楊枝甘露 24蚊都ok, 幾好食, 奶味同芒果味都比較濃, 柚子肉多dd, 如果芒果肉再多返dd, 就perfect啦! 下次會再試其他, 希望唔好咁快再加價啦! …Read More

第一次到Grissini, 感覺好似去左意大利, 不過落地玻璃窗要望住一個好光的地盤, 同埋d吊擘, 胃口大受影響之餘, 心情都差左d.由於食飽就要趕住去會展睇show, 所以個dinner serve得好快, 我地都好快手就食完, 不過食唔飽, 唯有食多兩條好出名的麵包啦原因係得3樣野食, 第一個係意大利cheese, 第二個食牛仔肉, last就係tiramisu, 兩個字--簡單!好唔好食呢? 個cheese就麻麻地, 特別係個白色的皮, 完全無味:(牛仔肉就煮得好好, 因為係用slow cooked, 配滑滑薯蓉而最有期望的士多啤梨tiramisu, 就真係好普通, 覺得唔夠濃味驚喜就係最後3粒心型的朱古力, 甜到入心:)最後係餐飲兩杯...如果唔係因為慶祝情人節, 真係好豪架喎!…Read More

由於時間關係, 班船3:15pm就開走, 我地用最後10分鐘, 半跑半行, 由碼頭趕去呢間士多, 目的就係呢杯鴛鴦冰, 我點左外賣上船飲, 一樣係好大杯, 好多料, 而且我叫果杯紅豆菠蘿冰, 入面d紅豆, 好林身, 覺得佢係有落果皮, 食落好香, 又唔會太甜, d奶同糖水都適中, 諗落都留哂口水hehe.如果有時間再去行東坪洲的話, 我一定會預多少少時間, 係呢度食返個麵先走~…Read More

荃灣廣場越來越多餐廳, 選擇都多了下午茶想平平地, 食個簡單的, 都會考慮到呢間今次食雙拼河粉, 感覺大碗好飽肚, 湯底亦不錯.老公就食三文治, 三文魚尚算新鮮, 麵包都烘得剛剛好, 幾好食:)…Read More

蜜汁义燒生煎包--普通,好細件碧綠原隻帶子腸--皮算簿算滑,不過唔係熱,係暖既蝦餃皇--細細粒, 都算幾好食, 皮薄, 蝦幾新鮮黑魚子花菰蒸燒賣--幾特別, 有d花菰香味:)野菌素粉果--感覺健康, 清新d滷水鵝件拼滷蛋--又係細碟左d總體上,點心味道唔太特別, 亦好細件, 不過裝修幾與別不同,我唔識裝修,但覺得呢度的裝修有特別的地方…Read More

之前星期六黎過飲茶,唔知係唔係正價同下午茶價錢唔同的關係呢, 硬係覺得下午茶d點心水準有d下降...雖然真係幾抵食既...d腸粉都仲係幾滑,又夠皮薄餡靚, 不過, 有d點心麻麻, 好似個紫菜魚肉卷, 食落會有d腥味而個鮑汁鳳爪, 真係幾特別, 好香, 食落好有質感, 起碼, d鳳爪唔會溶到一patpat咁…Read More

青瓜拌海蜤--普通例湯:) 幾好飲, 足料又無味精蘇格蘭聖子:) 幾大隻, 好新鮮xo醬西芹炒帶子貴花蚌:) xo醬唔太辣, 炒出黎好香馬拉盞蒜子煮芥蘭:) 好鐘意食芥蘭, 特別係呢d嫩口的蟲草花蒸頭腩:) 幾特別, 第一次食覺得唔錯, 頭腩亦很肥美西蘭花炒球--普通粉絲什菜煲--好普通肉崧蒸滑蛋--送飯極品…Read More

點心都幾好食, 不過就細件左少少, 好似個蘿蔔絲酥,奶皇飽, 就好mini蝦餃皮好薄身, 裡面d蝦幾新鮮. 燒賣亦唔錯, 唔會好大舊肥豬肉果d.杜小月腸粉就一般啦, 皆因佢太多油了. 感覺好肥膩, 味道還可以的茶叫左香片,真係幾香,唔會有苦味兩個人食少少, 又想食多幾款, 呢度都有一籠2件的點心, 岩哂我地總括來講, service都唔太差, 點心好快就有, 唔洗話等到餓死先有得食.星期一至五下午茶有75折, 算幾抵食.…Read More

有d咁靚,咁正又咁抵食的下午茶, 真係開心到暈一行4人星期六下午茶, 叫足12樣野食先夠飽, 不過價錢相宜, 質素又好, 唔怪之得咁多人識得來食啦黎得呢度, 梗係要試下佢d鮑魚啦, 不過我地下午茶姐, 唔洗去到咁盡住, 於是點個鮑魚片燒賣試下先, 果然既香又好食喎!一個代表好味 兩個代表十分好味荀尖原隻鮮蝦餃 $14.8鮑魚乾蒸燒賣 $29.6芋絲脆春卷:) (本身怕食熱氣野) $9..8雲南野菌餃 呢個真係特別, 因為佢有野菌, 好香 $ 9.8南翔小籠包 $9.8鮑魚雞粒酥 第一次食, 幾得意, 甜甜地 $9.8香煎腊味蘿蔔糕 $9.8殿堂义燒腸 腸粉皮好滑 $9.8滬江脆素鵝 $22翡翠牛肉球 $9.8手拍青瓜海蜇 $22香茜牛肉腸 $9.8…Read More

第一次幫襯, 感覺裝修幾特別, 卡位是火車座位:)中午食個午餐, 都算抵食, 但味道就一般...鰻魚蛋飯--鰻魚好"聲" 唔太討好 特大三文魚壽司--三文魚算新鮮, 好厚身, 好抵食:)帶子壽司-- 明顯係平價貨, 無咩味軟殼蟹沙律-- 菜好少, 軟殼蟹炸得幾香荔枝綠茶--唔好飲, 好淡,無咩味:(…Read More

最近上海有盛事, 雖然沒時間到上海一敞, 就心癢癢吃小籠包剛好荃新天地2期新開張了這間上海餐館, 抱住試試看, 跟上海婆x比一比吧菜式不少, 價格亦不算貴, 比婆x差不多2人點了醬爆雞丁, 百頁結紅燒肉, 上海軒炒飯, 上海小籠包吃得好飽, 好滿足, 特別是小籠包, 皮夠薄夠軟, 肉汁也足! 如果不是吃飽了, 真想再多點一籠呢!…Read More

兩個人食左好多野...先叫左24蚊6件的三文魚壽司醫肚...d飯有少少暖..不過味道可以接受, 三文魚算新鮮海膽手卷,來到已經溶左,叫經理換過,佢都即刻換,服務算幾好.另一件手卷...鵝肝..有兩塊仔夾一片生菜, 其中一件鵝肝太熟,有d硬, 整體呢度d手卷質素普通, 包住的紙菜唔夠香唔夠脆,不過都算及格唔知道係唔係三文魚湯有味精,飲完有d口乾...聽講有d壽司店會加好多味精落d壽司飯或者豉油度,希望呢間餐廳唔係咁樣啦...其他的壽司都幾好食, 腐皮幾甜:)炸生蠔壽司都幾好食,炸得幾好:)火灸帆立貝,唔知道係唔係燒過的關係, 帆立貝無咩鮮味:(炸物都ok, 比預期中好dd...…Read More