essenistgut_'s Profile

最近Jep by involtini rebrand完重開叫half！概念係每人可以分享 同埋裝修左真係好靚 由天花板教堂風 座位擺設 到餐具餐碟 全部都好復古有義大利感覺 我地試左2款最signature pasta！🍝Parpadelle alla carbonara💰158-full首先carbonra賣相好靚 肉煸得好正 似食臘肉 手工麵嘅口感幾硬 蛋黃雖然唔係好流但撈得係添加口感的 唔知係咪我影相太耐所以意粉唔算好熱 個汁就有D白白地 點完意粉會鹹多D幾有味但食到最後真係好鍾意麵嘅口感 硬身好啱我口味～夾鹹嘅豬面肉增加咬口幾好🍝Signature red prawn tagliolini💰380-full紅蝦意粉之前jep已經超出名 兩隻蝦油味都好出 蝦肉本身會小小軟爛感覺 意粉係幼麵 但第一啖有小小略苦（可能來自檸檬皮？之後食就夠味 我真係有壓出蝦頭好正）感覺汁可以多返小小 咁樣意粉會濃味D 但撈麵感覺唔錯的！4款antipasti好有tapas嘅感覺🍉watermelon carpaccio💰45超特別 聽到chef出來介紹先知上面係西瓜皮本身冇留意menu以為係洋蔥+新鮮西瓜口感真係好似醃製洋蔥嘅酸甜味 呢個combo真係用盡西瓜每分每豪 西瓜自己好甜 fetacheese偏鹹用來中和成碟口味啱啱好🥩beef tartare tart💰45牛肉粒感好正 有肉絲口感但唔會腥 千層絲好有心機整 有榛子同魚子醬做點綴🥔potato pave 💰38千層薯仔焦香口感+質地100分 風乾火腿存在感略低 可能融合好D味道再突出會更好🧆classic meat ball💰55意大利肉丸真係有筋有肉 有手打牛肉丸嘅感覺 增加口感加上芝士同番茄汁撈完唔錯 鍾意呢種口感多過一入口即融！仲有送左個蕃茄芝士多士好驚喜 蕃茄清甜多汁 唔鍾意食嘅我都食左幾舊 芝士係mascarpone+parmigiano好順滑同番茄好夾 多士唔係硬脆 口感外脆內軟 同cheese夾得好好！整體來講環境已經好加分 意粉手工仲要樣樣都可以做signature dish 每一種都想試 約會/同朋友慶祝 聚餐好選擇！…Read More

最近有D crave for carbs 有意欲試好多間pizza😆呢間vesu都榜上有名 style係意大利napoli 即係有燶邊仲有個賣點就係可以高空睇海景 值得同frd聚會或者紀念日打卡～呢度menu都係以pizza為主 appetizers選擇唔算多 但係pizza就有好多款揀 除左classic就係vesu world 有自家風味 都有同唔同餐廳crossover！特別嘅有dimsum library嘅醉蟹同胡同嘅北京烤鴨整體來講餅底都幾香 焦嘅部分唔多 但聞落好重燶味 尤其係我地個位近爐 但唔知點解同以前都坐近爐唔同🍕the ducky💰168材料寫著大白菜 蔥 鴨肉 烤鴨醬 都幾真材實料 烤鴨皮油香好足但鴨肉唔多 白菜浸完甜麵醬爽口得來味道一流成個pizza面就係甜麵醬嘅甜同香味 好特別 值得一試🍕il granchio💰188材料有蟹肉 花雕酒 蔥 但呢款crossover會比較唔大眾個搭配來講花雕酒嘅重味會遮蓋左蟹肉香氣 上面點綴左D花瓣同黃色醬（食唔出係咩）🍕amalfi💰178呢款有翠玉瓜 章魚 大蝦 青檸蛋黃醬 海鮮來講呢兩款都正 青檸蛋黃醬somehow同海鮮好match 清新得來蛋黃醬又可以提供多D油脂香味 係幾好嘅一款🍕tirapizza意大利餐廳果然係離唔開tiramisu 呢款將tiramisu同pizza crossover 都幾搞笑mascarpone同可可粉香氣真係好出色 cream嘅順滑度 甜度都一流 但下年pizza dough本身自帶鹹味 所以兩樣mix得完全唔完整 上面嘅甜同下面嘅鹹好大對抗整體來講食pizza嘅話呢間性價比唔算好高 算係拿波里pizza餅底都香 口味選擇都多 但係份量偏細 環境靚得來但燶味太重 唔知坐遠D會唔會好D…Read More

灣仔D cafe真係好出名 其中sandwich做得優勝有好多 雖然morty‘s唔算係cafe 但D牛肉三文治都真係好聞名🥪morty’s reuben💰145望落同我之前食個D三文治好似冇咩分別 都係酸種包+cheese+sauerkraut+牛肉 但內裡調味超級唔同首先 佢絕對唔係係一個減肥/可以用來頂正餐嘅sandwich 因為調味極濃味又多油 入面芝士雖然唔多 但同沙律醬嘅組合令陣味都幾突出 酸菜嘅佔比雖然多 但唔算好搶口重點牛肉部分 以前聽講可以揀lean/fat但佢今次冇問到我地 雖然見到牛肉好薄 但每一片煎到油脂味出曬來 仲突出過牛肉本身肉香味 而且每塊牛肉都有一部分好肥 如果唔鍾意食肥肉要切走 包嘅部分都油浸到比較濕潤 但我個人鍾意乾身D嘅 所以食唔出呢款包本身嘅口感🥪grilled cheese💰95簡單來講就係冇牛肉版嘅reuben 多左D焦糖洋蔥係入面但我個人鍾意呢款多D 雖然份量冇上面咁多但味道融洽更多 都唔會太油sidedish來講可以選擇mixed greens coleslaw 薯條 番薯條等等 mixedgreen就係淋過橄欖油同黑醋嘅沙律菜 用來解膩唔錯 coleslaw嘅調味都算清新lunchhour來講呢間可以當快餐 好多上班人士都來好快解決一餐 不過裝修都偏美式復古 值得一試的…Read More

試cafe list入面bookmark左！佢有好多sandwich選擇 包或者甜品酥皮類都超多 如果係麵包控 可以同frd嗌一個大sandwich 再嗌D甜點share😆🥪pastrami sauerkraut 💰72最大portion最值得一試嘅sandwich 賣相真係超豐富 有齊德國酸菜 （泡菜？）芝士同pastrami 牛肉 包體用嘅係德國黑麥包 硬身D同埋無油健康D酸菜佔比好大 咬落去每啖都會由酸菜主導芝士存在感還好（雖然觀感好靚）牛肉醃味唔重整體有點顛覆我想像 係個幾小清新嘅sando🥪cubano💰69古巴三文治就係手撕豬肉 火腿 芝士 醃酸瓜同生菜 口感會比較清新D 但整體嘅肉味都唔算好突出後尾仲要被炸蒜取締左成個味 所以唔係好符合個人口味（我會比較鍾意燒烤味多D嘅pulled pork）🥪turkey brie💰69包體仍然係黑麥麵包 食多左會覺得好乾身不過入面有層rasberry+番茄醬？多D風味火雞肉好清新 加埋brie芝士簡直一流 幾freshy！🥐果仁三兄弟開心果軟心酥💰38睇名都會想嘗試嘅組合 表面有齊開心果 腰果 杏仁碎 烘烤顏色好靚 切開會有custard流出來 所以叫軟心酥入面酥皮會比較淋D 但都唔錯 幾香甜！🥐cinnamon wheel💰29肉桂控舉手 呢個係酥皮版嘅肉桂捲 上面有D開心果碎同糖嘅點綴 烘烤得比較深色 所以食落會有小小苦內裡油份浸淋小小就會比較軟身 有D食緊椰蓉/椰絲嘅口感 冇咩麵包體口感（可能已經偏向蛋糕）整體肉桂味唔算好突出（我一定要試埋baked by shangrila😭）🥧apple crumble tart💰33唔鍾意肉桂嘅都有福了 呢隻就會係蘋果金寶（冇肉桂版）酥皮開得好靚 淺金黃色 但油分完全唔重 食落就係非常脆嘅感覺蘋果切成條狀 唔係蘋果蓉嘅感覺 但都幾軟custard真係好正😭係必試item！整體來講呢間真係超多甜品同sandwich選擇 如果係鍾意食包當一餐嘅人真係可以一試 或者買返去做早餐都正😆…Read More

之前知道有間位於將軍澳幾出名嘅pizza但嫌太遠冇去 好彩開左分店 就去到近D嘅大角咀🥺附近一帶都係好出名嘅餐廳勁想慢慢打卡曬！呢間環境好大 門口白色簡約入面就小清新木系風 空間感好大 坐得都好舒服！mark定左D必食 好彩都差唔多試到曬😗而且 坐係廚房門口正對個邊真係好香 係勁想下一碟送來我地度🥺🍝香煎手工薯團配青醬💰158呢個就係bookmark左勁耐的薯團！gnocchi係好多義大利餐廳都少見 但之前係澳洲食過幾次已經愛上了首先賣相好靚 薯團煎到金黃色 上面有刨成薄快嘅芝士同椰菜花 經過香煎全部都散發著香氣薯團煎得比較硬身 入面芝士味唔算好突出 加青醬味道強烈D 但個人鍾意比較淋芝士比例較高嘅薯團🍕燈籠腸布拉塔芝士薄餅💰198食唔到金文畢芝士覺得呢個都算吸引賣相有D似fiata嘅大氣孔pizza 不過唔係燶邊 餅底會乾身D 但我鍾意咁有咬口上面嘅mortadella薄切好好味！兜住burrata其實又冇話好漏 加埋開心果可能會有小小😂整體都幾好 但會想試下晉文畢芝士或者茄汁底多D🧁三重芝士梳乎厘💰138呢個真係是日最佳 睇個名係咪好似甜品呢 其實係antipasti中間係梳乎厘（鹹版）加埋芝士隔離圍住嘅就係菠菜同埋椰菜花 呢兩樣絕對係溝芝士最好味嘅蔬菜！整體就係非常融洽 好好味😭整體來講坐得好舒服同埋野食真係高質好食好香 色香味俱全 但我地冇book所以要1個鐘內食曬 都夠時間的如果真係想同frd 聚會耐D可以book定先！…Read More

呢間美國西餐人流真係冇少過 Weekend 去到夜晚要等1個鐘左右 係出面排隊有個提示機等大家知道call緊！入面環境真係好warming 又大又多人整體就係好熱鬧好有食慾嘅場景 今次帶大家睇下有咩必食！🍞坐底就會有人頭份量嘅包 黑色係燕麥黑糖包 黃色係酸種/法包（有小小酸） 兩隻拉扯感都好夠 可以點牛油或者pasta醬都勁夾！🍝Louisiana chicken pasta💰228蝴蝶粉係cheesecake fac算係吸引之一！！相比起其他意粉 撈得勁creamy 辣味比較突出 份量都真係幾多 大大舊3-4塊雞扒炸得非常乾身（係黑脆嘅樣）立身於意粉之上vs.🍝 Farfalle with chicken and roasted garlic蒜香蘑菇雞肉蝴蝶粉都係另一隻經典 呢款就會係蘑菇 雞胸肉搭配奶油醬 會冇咁熱氣但同時都幾漏 但蝴蝶粉真係好有嚼勁！🌮factory nachos💰173冇諗過呢間竟然係我食過最滿足嘅nachos😭（可能因為份量多）大大pat 牛油果蓉 番茄粒粒同cream直接dak係nachos上面 外圍部分嘅粟米片好乾脆 入面個D被cheese浸淋我都超級鍾意 份量來講真係無得頂🍛shrimp and chicken combo💰228見到有人話呢個係signature must try 中間嘅飯（唔可以話係燴飯 似墨西哥個隻乾身D嘅米）被一圈嘅creamy醬汁圍住可以直接將飯撳低浸入D醬度 撈勻都辣辣地 幾有滋味🥗shierla‘s chicken and avocado salad💰228想要清新沙律？sorry we dont serve that講笑但係沙律來講呢度都係default撈勻曬D牛油果醬 所以清新得來其實都好滋味！🍕the everything pizza💰162我個人覺得美式餐廳可以skip佢地嘅pizza 雖然芝士拉絲感十足 而crust都好有咬口同脆身 不過形狀比較特別 而且可以留返去D正宗嘅食DESSERTS甜品部分原來食完waitress係會拎住menu來問要唔要cheesecake 不過來到就梗係要試啦😻🍰oreo dream extreme cheesecake💰93我地有研究過究竟邊隻會係最膩嘅候選人 而呢款榮獲頭五 雖然predict左幾漏 但可能已經受甜品洗禮完 同想像中都有D差別冇話特別漏講返呢個cheesecake有5層 最top係oreo碎插係朱古力ganache入面（偏後有pat實淨D我覺得似食緊生朱古力）下面係oreo cream 最中間係混左oreo嘅cheesecake本體 下面就係朱古力mousse同朱古力蛋糕體（背面有小小朱古力碎）口感來講五重真係好豐富 可能朱古力層多所以會漏 但整體唔會真係美式甜度 鍾意oreo嘅值得一試！btw我覺得佢地嘅whipped cream簡直就係用來解膩🍰肉桂捲芝士蛋糕💰93雖然好鍾意cinnamon但呢隻冇想像中出色雖然疊得好高但係好容易融化之後就塌左 相比起食cheesecake似食whipped cream多D 肉桂味唔算特別突出🍫Linda‘s fudge cake（特濃朱古力蛋糕）💰93呢個唔係godiva個隻signature cheesecake 其實係choco brownie 每一層中間都會再夾住choco mousse所以都真係朱古力上頭咁 易膩決定左每次去都要試新野 睇下有冇個list可以跟 儘量試多D menu嘅野😋…Read More

Checkin-taipei由我中學已經mark實想食 個陣覺得好貴但依家物價已經同其他餐廳差吾多價格 但係呢間成日都翻新menu 甜品超級創新 一定要試下！🍳髒髒鹹蛋黃芋泥蛋餅💰88上次試過其他味蛋餅 呢個可以當係甜品！上面灑左鹹蛋黃碎但係內餡就冇包到 所以其實味道唔係好突出 個人覺得可以再多少少 但係芋泥一定要讚！唔係科技感嘅一pat野 係有芋頭蓉嘅一大塊 feel到加左糖 有糖水味好好食 但芋頭本味都足夠整體蛋餅存在感唔係好高 可以當甜品食 下次會想試下鹹蛋黃芋泥球！🥩沙茶牛小排粉絲煲💰188係牛肉麵同煲中間揀左後者 沙茶鍋好特別有個漏斗 店員會特別講解每邊3分鐘 煮到一半就要落牛肉 牛肉都幾肥美 不過味道較淡粉絲煲入面主要都係粉絲 菌子同金菇 個人覺得可以加多小小其他配料 同埋粗小小嘅粉絲會更好食～沙茶湯味都幾濃郁🍜鹽水雞涼皮💰128聯乘兩姐妹粉皮有限公司嘅雞絲粉皮有炸豌豆同辣椒油跟 可以自由選擇要唔要加埋一齊撈 夏天來返呢碗真係超級解暑！有好多蔬菜特別係綠色嘅水蓮好有咬口 清爽又多汁！麻醬味道濃郁 唔會太結都冇話特別稀 粉皮斷口型極高 同平時食有咬口嘅唔同 都幾好食🍮鐵觀音法式燉蛋💰88最後係鳳梨酥麻糬蛋塔同呢個中間揀左cream brûlée！鐵觀音嘅融入令呢個甜品冇咁漏 但焦糖面勁有誠意 份量足鋪滿成個表面 而厚度滿足得來唔會敲唔到 整體口感都好順滑！店內環境都好靚 不過來過兩次都冇book台所以座位唔算特別靚 下次來會記得！而且店員態度都好好～…Read More

係社交平台見到呢間pici pizzaproject集團嘅總店竟然有semi-buffet lunch 仲要啱曬鍾意食“白人飯”嘅人 尤其係夏日炎炎 食D清涼D嘅食材先可以解熱！🧀appetizer buffet呢度嘅appetizer全部都可以自己任拎 不過餐廳坐擁29同30樓 30樓位置唔算多 坐係29樓嘅客人需要行樓梯上去攞 建議一次過攞自己要食嘅份量 攞住野行樓梯唔使太危險呢度有各式火腿 burrata配parma ham salami coppa ham 常見嘅都有 個人覺得每款都可以試下 不過私心最鍾意都係parma 有埋burrata口感更豐富Cheese就有 切成細塊cube狀嘅比較鹹 都可以自己攞刀切好大舊嘅 呢款就比較淡🥓除左火腿 肉類都有vitello tonnato 呢隻係牛肉配上鮪魚醬會比較特別 tuna tartare任畢啱曬鍾意食嘅人沙律都有 beat root等 可以自己淋上檸檬汁或者其他🥖餐前都包有兩塊sourdough 入面好有韌勁 表皮比較硬 因為唔係焗到好熱嘅關係所以比較難咬 但係都好食 唔夠都可以refill 餐湯係南瓜湯 有小小過甜main🍝風乾火腿檸檬寬扁麵💰178呢款扁麵口感還好 唔算特別有咬口 檸檬汁幾creamy但比較淡 配上火腿可能啱啱好🐟香煎海鱸魚💰178海鱸魚煎得好香 下面墊有大麥risotto 配pesto嘅關係所以係綠色 味道有小小特別 個人都係偏好比較creamy 嘅risottodessert 🍨affogato 咖啡配雪糕甜品店員會confirm你係咪食完antipasti buffet 我地揀嘅affogato唔會太膩 雲呢拿味嘅雪糕係冰杯度 之後慢慢倒expresso入去feel到雪糕開始融化 而espresso都有latte嘅感覺 好食！🍮chocolate mousse 朱古力慕斯呢款就唔係常見嘅mousse口感 反而厚到似輕芝士蛋糕 70%dark choco係不同凡響D 入口嘅甘苦要配搭杏仁碎（雖然我覺得更似木糠/餅乾碎） 咁樣會多左食朱古力cheesecake 嘅感覺haha整體來講如果特別追求pasta或main 個人建議食返pici反而仲好食D 但係想係咁試唔同ham或者其他嘅可以來試下！…Read More

相信有好多麵包控都好似我咁去cafe做野或者chill之前都要睇下menu有冇麵包 呢間最近好hit嘅lungo就主打全menu都係各種搭配嘅bagel 由素食大啡菇到三文魚都有 呢度唔收加一 坐落都好舒服 如果鍾意飲啡都有好多選擇！Overall來講每款bagel包體都係whole wheat食落好香口 會熱壓令包體更扁 但有時會太硬有D磨牙齦 but個人唔太鍾意呢隻口味嘅素貝 感覺有小小怪 但搭配肉整體都好食！菜量都唔少好健康！🥯🍗chicken+honey mustard💰60呢款係人氣最高 但價錢反而最低 雞肉好滑嫩 honey mustard可以request少醬冇咁漏！搭配好清新🥯🥩pastrami+tongyum💰62唔知有冇人係starbucks bagel fans 呢款係starbucks beef bagel嘅advanced version（但冇左cream cheese） 不過冬陰功嘅搭配都幾新奇 有左東南亞風味同埋幾清新！🥯🍣smoked salmon+mentaiko creamcheese💰74上次食嘅呢款明顯冇咁硬（即係要睇有冇熱壓過度haha）都request左少cheese 雖然就咁pak creamcheese真係好正 但為左少D罪惡感都係食少D creamcheese可以中和明太子嘅鹹味 好夾！☕️blue monday💰55每次都要飲blue monday拯救我嘅blue weekday！鍾意black coffee嘅一定要來lungo 呢度唔係espresso同long black only 有好多其他口味嘅black！可以唔使咁厚重飲奶覺得每次來都要試下唔同口味嘅bagel 不過呢度仲有甜味bagel 大家又有冇推薦呢！…Read More

自從中環開左勁多間gelato 同埋我心愛嘅gelatogo執左之後 我決定上山尋找下有冇邊間特別好食！第一站就去到snack baby因為佢口味最特別亦都好多選擇 呢幾間開嘅位置其實都差唔多 係中上環之間山坡之上 所以行過去都可以消耗下先 🍨small-3 flavours💰58呢度嘅size淨係得small同big 不過兩款都可以至多選擇3個口味 整體來講每個口味入面都有D果皮 可能係我選擇口味嘅關係 但係個人鍾意更加順滑嘅gelato多Dred-BB cinnamon(tangy blackberries)作為鍾意肉桂味嘅人 我個人偏好其實更傾向於純肉桂或者係秋天肉桂南瓜嘅blend口感 呢隻黑莓酸嘅口感會更加突出 係果味主導之下會有點回甘嘅肉桂味（但係肉桂都已經太水果feel了）white-pina coladacocktail來講呢隻算係清新易入口 不過整成gelato之後椰香味重左D 變成椰奶主導左 菠蘿味唔算好突出yellow-lemon tea(HK style iced)夏天解渴來講會想試下凍檸茶 味道真係比較清爽 錫蘭茶底突出過檸檬味 但係 唔知係間舖想營造冰塊嘅口感定係呢款真係打得冇咁順滑 每一啖都食到冰粒（仲係比較大塊嘅）同埋呢款最多果皮整體來講比我嘅印象係入面裝修真係好靚 美式復古感座位都比較舒服 而且寫著gelato口味嘅板都好外國feel 但係每隻都較爲fruity 口感來講唔係太合我個人口味 堂食會舒服D可以用鐵碗 但係都比較多人嘈雜…Read More

vission由舊年到今年人氣依然 唔只有其他地方遊客最鍾意嘅抹茶酥皮 tiramisu撻 自從新開左隔離嘅vission nine（蛋糕version）之後更多左其他口味嘅撻同蛋糕🗻matcha fuji mountain 抹茶富士山💰85呢個係撻之中唯一幾個我會鍾意嘅（因為唔食酥皮haha） 表面係撒過抹茶粉嘅mascarpone 由於撒粉位置嘅關係 可以見到由白色到綠色嘅漸變 似足富士山咁 入面揭開係抹茶海綿蛋糕 口感類似被浸濕過 所以已經冇乜蛋糕體嘅感覺 再下面一層係抹茶生朱古力（類似royce） 最下面就係撻皮 一開始會覺得好滿足 以內抹茶生朱古力同抹茶蛋糕加抹茶粉三重口感但係都強調左抹茶真係好正 但係越食越漏 同埋撻皮雖然係曲奇但係硬到用佢地比嘅紙叉係唔會篤得碎 而且冇咩香味🍫fudgy chocolate block💰65雖然好想揀brokkie 但呢款好似更特別 表面係朱古力+堅果脆皮 緊接著就係一層薄身嘅朱古力醬（或者可以形容係融化左嘅生朱古力）下面就係厚身嘅朱古力蛋糕 冇話去到brownie咁厚重嘅質地但係都幾密實 食到後面都會偏漏🥐milk tea danish💰55雖然個人唔係好偏好酥皮但係都試左小小 表面層奶茶cream真係有港式奶茶濃厚嘅風味 比較澀味 唔會特別甜 最上面層杏仁脆片就有D太漏 下面嘅danish偏鹹 可能我冇焗返熱 覺得三樣元素唔係好融合整體來講都好味 好值得一試 但係真心希望個size可以細返D而價錢都平D 咁樣唔使食得太辛苦🥺…Read More

又一城雖然好似迷宮 但有幾層同一個位都係餐廳 不過就有部分變左室外 呢間義大利餐廳店入面嘅部分好有情調 係比較昏暗嘅bar and resto feel 但出面就比較熱鬧小小 座位都寬敞 menu由antipasti到main嘅肉類再到pasta pizza應有盡有 不過我地都主要想試下D carbs 甜品雖然冇義大利餐廳特色嘅tiramisu 但焦糖燉蛋非常吸引！前菜雖然我地冇嗌 but非常值得表揚嘅係佢哋嘅麵包拼盤 連crossaint都有（雖然已經被光速食左ahha） 入面仲有白麵包 法包 brioche flatbread 等 食完都應該有4 5成飽 當然有義大利常有嘅橄欖油同黑醋 如果唔鍾意都可以問店員牛油 麵包口感鬆軟 法包就煙韌香口 想refill添法式焦糖燉蛋💰138最震撼嘅係呢個焦糖燉蛋 市面上都係一個細兜仔裝著 呢度竟然用好似其他餐廳焗意粉嘅碗來裝 真係超級大份 表面教堂碎可以bok下不過唔係好厚 入面燉蛋好清涼 雪凍過之後又唔會太甜 係香港人對甜品嘅最高讚賞蟹肉墨魚汁意粉配紅蝦他他💰268墨魚汁意粉食完嘅嘴應該都係黑色 呢個都好足料 畢完意粉仲可以畢完四周嘅蟹肉 香味十足香蒜橄欖油義大利肉腸意粉💰198一開始仲以為呢度有兩款肉醬意粉 原來呢個係肉腸 呢款就比較特別有風味 肉腸似肉碎 但係大塊可以當肉粒咁食 下面仲有炒過好香嘅蘑菇 呢款意粉偏扁身口感都唔錯Va bene 黑松露多重芝士薄餅💰198呢度嘅pizza唔同依家大hit嘅napoli個隻 係薄底好似餅乾嘅口感咁 雖然叫左芝士但都係面上嘅多重 拉開唔會有絲狀 建議趁熱食 攤凍左芝士就會變成一舊 pizza邊都有點油 比較入味黑松露薯條💰88薯條幼身配上額外可以點嘅黑松露沙律醬 好脆同有油香味 點完口感更加豐富！見到隔離台其實都嗌左好多mains 同埋大多數都係放工之後來 下次同朋友聚餐都可以試下呢間 坐得都好舒服 食完傾計亦唔會被人催～…Read More

唔想再食圓形麵包版bagel 呢間上環專做美式紐約bagel應該會好啱煙韌控口味！去到發現環境靜得來都好靚 有好多店主挑選嘅花 一面牆仲要係對住花花同街景 每張台上面都有一個花樽lunchtime去嘅話會有lunch set 選擇一個bagel sandwich $95包埋野飲同埋coleslaw（但個人覺得沙律還好 not my type）🥯turkey and cheese💰95本身以為係hot melted cheese但凍款更加有白人飯嘅感覺 橫切面好豐富 可以見到生菜番茄 火雞肉同芝士每樣都獨佔幾層生菜蕃茄都好refreshing 火雞肉雖然好多層但都好嫩（好味過雞胸）芝士雖然唔係融曬但芝士味好突出 講返包體 真係紐約式 每啖都好有咬口 而且麵粉香味好重 咬落要咀嚼幾耐 回彈性都高最尾加左個類似kombucha嘅sparkling drink 當係薑味汽水咁 都好正 而且一樽卡路里唔高 算係健康飲品…Read More

呢間好似開左好耐 之前一開幕好多人排隊 諗住少D人點知3點去到都需要排隊 去到店員會問想飲咖啡定食野 原來分左兩區 一邊就可以坐低同朋友食brunch 另一邊同中間D位有燈 一張長檯做野/飲啡🍳牛臉頰配班尼迪蛋💰150平時對egg benedicts冇咩特別喜好 不過呢款都真係幾出色 底下有塊酸種包 吸滿荷蘭醬 雖然油但好有滋味切開個蛋流心狀態好靚 牛臉頰都煮得好軟嫩 肉絲分明 食落似煮拎左嘅牛筋 撈埋荷蘭醬簡直超級惹味🍳common man shashuka-蕃茄半熟蛋孜然豬腩肉💰130同平時食開嘅shakshuka分別就係多左D豬腩肉 豬腩肉燒得焦焦地 質感有D似燒肉 食落都香口 肥瘦肉比例一半半篤穿蛋都係好流心 撈埋蕃茄底擺落酸包度食幾正 但包份量比得唔多（雖然都夠飽）整體來講呢間brunch都幾出色 味道令我回想起係澳洲食過幾間出名嘅brunch！如果唔多人推薦同朋友食呢間～有時樓上cafe反而勁中伏📌 Common Man Coffee Roasters (尖沙咀)尖沙咀河內道18號K11購物藝術館地下及1樓G26&G28,&119號舖…Read More

自從我間fav gelato 執左我就開始嘗試唔同gelato☹️呢間本地gelato每月都會定期轉新主題 6月係東南亞清新風 7月就係烘焙包主題 法甜會多D 對我呢個包控都好大吸引力但個人唔係好鍾意刮到好扁平嘅gelato 感覺唔係好wild 同埋呢間需要比完錢先可以試味small combo💰45呢個size可以選擇2球！講我地食咩先tiramisu就點都冇死 另外嗌左個栗子撻 兩個都係偏結身厚味嘅 但係都唔算好漏栗子口味好突出 係好實淨係栗子本味 有栗子蓉 食到下面都會有栗子撻（我最鍾意嘅曲奇皮😆）tiramisu都幾出色 咖啡味比較突出gelato本身質感都算幾順滑 拉拉地絲冇咩冰粒係入面再講試過嘅口味 因為都幾鍾意烘焙主題所以試左幾隻但pannetone就果乾果脯味太重 蘋果批都係果乾味多過蘋果/肉桂 皇后雪糕就太mint了反而可能試下D signature會好D 聽講豆腐紅糖唔錯！空間感來講真係好舒服 夏天好熱入去涼一涼食杯雪糕hea下好正😆…Read More