fisherman3's Profile

6:30去到已經排長龍，果然好有人氣，但人流去得算快，等半個鐘就有位。燒雞翼冇得輸，外皮燒到焦香，內裏仍然好有肉汁，外焦內嫩，抵讚！皮蛋炸蝦餅好食，皮蛋靚，係流心嘅，蝦餅就彈牙，唔錯。但有朋友覺得皮蛋味唔夠出，所以扣一粒星。咖哩炒蝦，味道都唔錯，用嘅係泰國蝦，蝦頭多蝦膏，切開一半，食起上嚟比較方便。其實叫咖哩主要係為咗配蒜蓉包，呢度嘅蒜蓉包實在太好食啦，因為用炭火烤過，所以有陣炭火味。飲品就推介菠蘿沙冰同芒果沙冰，比較多人叫芒果，但我地都覺得菠蘿好飲啲，好清新嘅感覺。因為係大家上一輪食得好飽，所以試唔到太多嘢，呢間抵食又好食，絕對會再幫襯！💛…Read More

本身好鍾意食酸菜魚，以前一有機會就去深圳食太二，但兩年前開始唔再北上，之後就好難有機會食到好食嘅酸菜魚，試過好多間都麻麻地。之前睇到好多人推介呢間，話酸菜魚好食，即刻訂位入去試，可能期望太高，所以好失望。食開嘅酸菜魚一般有芽菜、粉條之類，但呢度要另外加錢，每樣＄30。因為好鍾意食酸菜魚，所以叫咗全條，有啲後悔，應該叫例牌試咗味先。依家講下酸菜魚嘅兩個靈魂－－魚、酸菜，兩樣都唔多合格，魚肉唔夠滑，仲有少少腥味；酸菜唔夠酸、爽，調唔起魚肉嘅鮮味。另外仲叫咗個好多人推介嘅乾鍋田雞，味道係啱嘅，但主角田雞一樣係唔合格，啲肉比較乾，感覺港式大排檔炒嘅好食好多。另外仲叫咗個少油少咸嘅炒菜，但都係好油，冇影到相。因為食辣，所以叫咗兩碗冰粉解辣，不過不失，但＄30一碗唔太值。期望越大，失望越大，所以冇下次。…Read More

黑糖鹿丸鮮奶 $28 本身好鍾意飲黑糖珍珠鮮奶，而且聽講呢間幾出名，所以都幾有期望，今日一試只可以講真係好一般。甜度可以接受，唔太甜；珍珠煙韌有咬口；鮮奶都正常，但主角嘅黑糖明顯唔夠濃，味道唔出，所以算係幾失望。個人比較推介銅鑼灣嘅幸福堂同老虎堂，不過上次嘅經驗，2間排隊都要排接近一粒鐘，幸福堂比老虎堂要耐啲，但味道相對好飲啲。要排咁耐，只係一試都ok嘅，再試就咪搞啦。今日鹿角巷只係15分鐘內就飲到，算係幾快。…Read More

以校園環境佈置，入面有黑板同學校台凳，但除此之外其實冇乜校院氣息。😆😆餐牌: 選擇幾多，而且有好多自創甜品，啱晒鍾意試新嘢嘅人!我地嗌咗4款，每款外型同味道都唔錯!瘋狂朱古力 $45有brownies, 布丁同雪糕，brownies一般般，有啲乾，但布丁同雪糕唔錯，朱古力味好濃郁!芒果王國$40布丁幾滑，芒果都算甜，雪糕好creamy好有芒果味，唔錯!左邊: 抹茶心太軟配紅豆雪糕 $45 (3粒星)本身好鍾意綠茶，但呢個抹茶心太軟一般般，味道係 咸+甜+甘 嘅混合，裏面嘅抹茶流心亦太水狀，唯一唔錯嘅係紅豆雪糕。右邊: 紫薯心太軟伴雲尼嗱雪糕 $45 (5粒星)紫薯心太軟有驚喜，又靚又好食，紫薯味濃，流心嘅濃稠度啱啱好，同雲尼嗱雪糕亦好夾，唔會搶味!試咗呢度咁多款雪糕都好好味，味道濃郁，而且好creamy!…Read More

因為出名，所以長期要等位，成晚出面都有人等位，我地有朋友攞位先，所以去到即刻有得食!😆雖然要等位，但勝在唔會催人走，我地食足2個幾鐘。👍👍👍餐牌: 好多選擇，即叫即煮，每碟菜都夠鑊氣，夠入味!👍薑蔥生蠔煲 $100生蠔大隻，汁醬入味，連啲薑蔥都好好味!炒䙺 $70味道唔錯，但啲蜆爭咗啲，有啲唔開口。臘味滑雞飯 $85食咗2個煲仔飯都非常好食，食材有質素，啲雞肉好滑好諗，食到最後啲醬油加埋飯焦又脆又好食!窩蛋牛肉飯 $83牛肉一樣夠滑夠諗!椒鹽鮮魷 $85外面炸到好香口，裏面啲鮮魷仲有汁!炒麵 (唔記得幾錢，我估$60左右)朋友話唔錯，本身冇乜期望，點知又幾好食喎。我地本身只係想食下小菜，但食得七七八八嘅時候，見周圍好多人叫豬骨煲，又好吸引咁，就想叫煲嚟食，點知賣晒，當時八點幾咋，所以想食嘅朋友記得一早落單。埋單每人$100左右，好味又抵食!…Read More

喺荃灣拜完年過嚟食，隔離嘅茶木唔只限時個半鐘，新正頭仲要加二，所以就嚟呢間食。新春套餐Pizza & 晚市套餐5個人叫咗3個餐同1個pizza, 份量都幾足，再加上女仔多，所以都好夠食。跟餐嘅沙律、蒜蓉多士同粟米忌廉湯: 餐湯好一般，其他正常。橫財就手餐(蜜糖芥末豬手)$188: 豬手仲有肉汁，唔會好乾，但呢度嘅煮法啲皮唔係脆嘅，個汁可有可無，冇提味效果，整體嚟講都ok。香煎美國蟹肉餅芒果沙沙(跟餐): 味道唔錯，蟹肉餅外面煎得香脆，裏面嘅蟹肉又唔會乾晒，芒果沙律酸酸地配香口嘢啱晒。炭燒澳洲肉眼牛扒配黑松露汁$208: 叫咗5成熟，唔會煎得過火，肉質仲嫩口。但好激氣係食完先發現佢上錯咗個燒汁，唔係黑松露汁，問待應話可能師傅上錯咗，話問佢都唔係好知，激氣!!海蝦松子仁香草醬意粉$128: 醬汁味道唔錯，蝦肉爽口，但睇相就知麵質煮得太捻，一叉起有啲已經斷開。巴馬火腿火箭菜薄餅$168: 全晚最滿意。整體嚟講都ok, 但冇乜驚喜或番兜菜。…Read More

雖然係米芝蓮食肆，但整體嚟講食物味道一般。蘋果茶 每人$3茶芥茶香順口，唔會有苦澀味。潮式韭菜蠔仔煎蛋$78有啲乾身，但又唔係香脆，味道就ok。蠔仔肉碎泡飯$68有蠔仔、冬菇、肉碎等材料，味道較淡，不過不失。菜遠蝦籽撈麵+雲吞$38+$15雲吞ok，蝦肉彈牙，麵身爽口彈牙，但太咸，個味精湯可以溝淡啲咸味，但飲完有啲渴。混醬腸粉$26混醬味道唔錯，但腸粉唔夠滑，較黏身。晚市每人消費幾十蚊，都幾抵食下嘅。…Read More

每個order即叫即榨，無加糖，所以幾新鮮，而且唔會好甜。幾次得過都有做promo, 有*嘅買1送1，$46兩杯。唔算好大杯，所以如果買1杯就好唔抵，但優惠只可以叫番同款。叫咗“楊桃乜乜乜”，除咗陽桃，仲有火龍果，如果接受唔到嘅可能會覺得有啲草青味。…Read More

同屋企人去完迪士尼嚟呢度食飯，每碟嘅份量唔算好多，味道不過不失。火車頭湯檬味道唔錯!香茅豬扒湯檬OK睇食評話好食，食落冇乜特別，又冇話特別香口或肉嫩。軟殼蟹米紙卷主要係包住啲菜，軟殼蟹粉厚，冇蟹味，外面層米紙好韌，所以食到散晒。帶子柚子沙律份量好少，帶子冇咬口又冇鮮味，以為有柚子會好清新，但加咗好多醬汁，所以都味濃。蝦餅全晚最滿意，彈牙有蝦味!串燒(雞+豬)肉質同味道唔錯，不過醬汁味濃，沾太多會蓋過肉味。…Read More

第一次試粥底打邊爐，一開始以為會傑撻撻咁，但原來係用粥水打，打完晒啲食材，最後先會將啲煲過嘅米粒放番落個粥底度。呢度主要食海鮮，有7款時令海鮮，之後再揀多5款肉、丸或蔬菜類食材，仲有一碟沙律。海鮮係主角，所以唔食海鮮嘅人就唔太啱啦。呢度嘅海鮮好鮮甜，啲蝦仲識郁，放落個煱度真係生蝦咁跳咗出嚟!一開始要放咗蟹先，因為蟹要水多先打到，打到最後水位下降就可以放番啲米粒落去。以為個粥會好普通同已經食得好飽唔會想食，點知粥底索咗啲海鮮汁，又鮮甜又入味，我地最後食剩咗都打包埋佢!…Read More