commonfoodiehk's Profile

香港其實真係有唔少貓cafe 貓啡係其中一間我去過覺得好好嘅✨ 佢地嘅貓貓數量多 但睇得出每一隻都俾人照顧得好好（幫佢地清潔 冇眼屎呢啲真係基本！有啲貓cafe嘅狀況真係冇眼睇） 餐廳收養唔少流浪貓 當日都見到有小朋友好熱情同貓貓玩 佢地嘅性格都好溫馴親人～🐱 食物方面 佢地完全將我對貓cafe食物質素嘅期望值打爆💥 一定要試佢地嘅意粉！一啲都唔hea 做到al dente質感 足料 大份！佢地嘅set around $138 就可以有飲品小食主食 我當日2個人叫咗1個set 單點1份意粉同小食🧾 小食單點同好多cafe一樣單價會比較高 建議直接叫套餐就最抵食✌🏻！另外飲品嘅選擇好多 有生椰拿鐵、黑芝麻奶霜呢啲都幾特別～ 我地試咗朱古力沙冰 唔會好甜 有朱古力粒 唔錯唔錯👅 P.S. 記得如果食朱古力就唔好俾貓貓掂到啦！同埋舖頭位置夠闊落 有得坐高枱亦有得直接坐地下 當日仲見到有一大班朋友係度聚會都唔會覺得迫～ 加分！！！• 招牌蒜香蟹肉明太子闊條麵 $128 🦀• 溫泉蛋卡邦尼扁意粉 $108 🐣• 蜂蜜烤雞翼 $58 🐓• 朱古力沙冰 $48 🍫…Read More

旺角分店餐廳環境闊落企理 有自助飲品同蔬菜吧🥬今次叫咗$418嘅澳洲M5和牛餐🐮 我地覺得最好嘅係呢個餐先有嘅牛舌芯同安格斯牛小排🐂 另外仲有帆立貝、生蠔、虎蝦呢啲任食燒海鮮都係要叫呢個餐會有😜！肉類以外我地最中意嘅就係燒麻糬🤤 輕輕燒到脹卜卜 稍稍變啡就可以拎起掂煉奶食 正！！芝士鵪鶉蛋都可以一戰 食落好似韓式燒烤嘅爐邊蛋咁 記得燒嘅時候要不斷搞佢 如果唔係底下嘅蛋會好快乾曬🐣餐廳用QR code落單 除咗基本要燒嘅食物之外都有啲台式小食 例如鹽酥雞、黃金泡菜 可以食住等燒肉ready🥓 last order個時可以揀埋想要嘅甜品 有haagen-dazs或芋圓揀🍧…Read More

餐廳開係將軍澳海旁 環境開揚好舒服 冇時間限制 無論係朋友聚會定自己一個做野都好適合👥 將軍澳分店仲有Gelato賣 可以飲住咖啡食雪糕 諗到都正～🍨• 松葉蟹肉軟殼蟹飯 $148 🦀 4.3/5十個post有八個都係叫呢個飯！炸軟殼蟹好有驚喜 炸皮好酥脆✨ 鮮甜得黎仲有膏😚～ 我地仲另外加咗牛油果同煙三文魚 撈埋一齊食大滿足🤤！• 新鮮青口配蒜香白酒牛油汁 $118 🧈 4.1/5青口細細隻但份量好多 最緊要係夠新鮮 可以encore😜～• 法式焦糖班戟 $108 🥞 4/5面頭脆脆嘅焦糖加埋creme brulee醬冇得輸 佢地嘅班戟係厚實個種 食落飽足感10000 唔似平時疏乎厘班戟食空氣 建議2-3人share呢個pancake如果唔係真係會飽到打橫走LOL• Dirty $45 ☕️ 4.2/5• 75%凍朱古力 $54 🍫 4.2/5…Read More

旺角貓cafe連酒吧🐱 整體環境好舒服 餐廳空間夠闊落 而且每隻貓貓都好乾淨 睇得出有用心照顧貓貓❤️ 淨係呢一點都已經值得回訪！食物質素方面OK 比起其他去過嘅貓Cafe好 特別推介蛋黃汁卡邦尼意粉～ 主角貓貓們好親人 好彩嘅話仲會有貓貓寵幸你 坐係你隔離陪食添！愛貓人士必去呀🐈🐈‍⬛！• 日式雞軟骨 $58 🐓• 蛋黃汁卡邦尼意大利粉 $98 🍝• 軟心巴斯克焦香芝士蛋糕 $68 🍰• 摩卡咖啡 $42 ☕️• 熱情果梳打 $55 🥤…Read More

牛大人終於開到將軍澳😆！！今次2個人叫咗澳洲極上和牛餐 分時段收費最平$288已經可以食到佢地最高級嘅和牛套餐😙 實不相瞞我都係第一次食牛大人 估唔到任食嘅牛肉質素都咁好！仲高質過好多大型火鍋店單點牛肉片！！選擇困難症嘅我叫咗店員推介湯底 今次就叫咗期間限定嘅剝皮辣椒雞湯🫑 推薦大家一定要試呢隻湯底 烚菜嘅時候可以食到微微辣 正！肉類方面可以主攻牛肉🐂！中意油感重啲嘅可以叫澳洲和牛M5牛肩卷 送嘅每人兩粒澳洲M9和牛牛丸好juicy 食落爆牛油💥 另外安格斯牛小排 同手切封門柳都好掂 但講到最中意都係期間限定嘅牛胸爽！如果見到一定要嗌！！我地encore咗3 4次 超正👅除咗手機落單嘅items 都仲有得自己拎唔同嘅菜、丸、麵、飲品 特別中意佢地有唔同無糖茶選擇 打邊爐飲茶清清地 罪惡感都冇咁大 😈！仲要記得試佢地嘅台灣水蓮 好少見香港打邊爐有 口感好脆 好特別架😜…Read More

連續五年東京米芝蓮一星拉麵店🌟 主打貝汁湯頭鮮味滿滿💥食過兩次佢地嘅拉麵 人流意外地唔算多 貪佢係正IFC入面唔洗淋雨出去地舖食👅 午市套餐包沙律、小食、飲品/甜品 未加一 $188起 單點拉麵$128起～• 貝汁鹽味拉麵 $128 🧂 3.7/5$188 嘅午市拉麵套餐除咗有拉麵仲有三揀一小食 分別係自家製豚肉煎餃、京蔥味噌豆腐、墨魚極盛沙律 貝汁鹽味拉麵湯頭夠鮮甜 偏咸 三層肉同薄切叉燒夠軟嫩 拉麵雖然係幼麵但依然做到略煙韌嘅口感 配上白松露油 牛肝菌醬 又有第二種風味～ • 鰻魚串燒華味鳥定食 $188 🎣 3.3/5定食包沙律、漬物、蜆肉味噌湯 使用日本青森米 日本米粒粒分明無得輸 鰻魚分咗兩部分 中段意外地好食 冇骨 夠油香 串燒有雞肉同大蔥 味道正常 定價偏高• 白豚骨拉麵 $115 🐖• 煙燻黑椒豚骨拉麵 $115 💨整體性價比唔高 拉麵份量偏少 推介貝汁湯底拉麵 但相信同區同價位會有更好選擇🎭…Read More

再戰屋子甜品🍧～ 之前試過佢地lunch set同白玉焙茶戚風 覺得呢到嘅甜品幾好食 又坐得舒服 咁岩約咗朋友就試多兩款甜品✌🏻• 黑糖珍珠奶蓋小鬆餅 $76 🧋 4.5/5呢個好食！Pancake仔本身有好重嘅楓糖味 甜甜地 單食都好正 加上濃厚唧奶蓋 配埋黑糖珍珠同雪糕 好邪惡好滿足😜💞 推薦！• 焙茶麻薯舒芙蕾 $72 🍂 3.5/5疏乎厘焙茶味唔算突出 唔知係咪因為疏乎厘太熱令到麻糬口感一般 偏腍 至於旁邊嘅雪糕 我同朋友都食唔出係咩味LOL😳• 草莓抹茶冰牛奶 $48 🥛 4.2/5睇到呢個配搭嘅時候我有啲驚訝居然係士多啤梨同抹茶🍓🍵！？但杯野出乎意料地好飲 士多啤梨果jam配埋濃濃嘅抹茶牛奶 搞均變成一杯酸酸甜甜嘅抹茶 一開始覺得有啲怪 但飲下飲下又幾好味👅整體定價偏高 一份甜品配一杯飲品都要$120左右 之前有試過佢地嘅戚風 個人比較推薦食戚風蛋糕同pancake仔🥞✨…Read More

位置超唔起眼 就係石板街附近巷仔🚶見佢價錢唔貴 賣相吸引就決定一試😜！• 招牌蝦米辣油蝦球拌麵 $92 🦐 4.7/5蝦米辣油唔算辣 但勁香！ 大概係X仔五小辣度 我唔算食得辣都handle到💪🏻 粗麵麵底有驚喜！！ 中意佢嘅口感偏煙韌有彈性👅 整體拌麵黎講算清淡 冇坊間一般拌麵咁重口味 拌勻蝦米辣油後唔會變到成口油 喜歡✨ 3粒大大粒蝦球 有鮮味 沾啲蝦米辣油更加好食😆💖• 酸菜魚麵 $78 🐟同事叫的 唔辣嘅酸菜魚 夠酸 魚嘅份量夠多！ 佢好中意• 慢煮溫泉雞湯麵 $85 🐓 4/5一樣係同事叫嘅 雖然賣相係日式拉麵feel 但湯底係中式濃雞湯 好有屋企嘅感覺 正（之後再自己食過一次 啲雞肉好好食 雞肉片有一定厚度唔會薄切切 慢煮後肉質嫩得黎夠爽 雞湯清甜💞 但溫泉蛋配湯麵有點尷尬 蛋腥味有啲重 個人認為如果做溏心蛋會更夾）• 龍抄手 $15 🌶️ 4.5/5追加小食有2隻 好夠辣！雲吞皮薄餡靚 好足料 絕對唔係得塊雲吞皮個種 雲吞記得要沾好沾滿個辣醬食 大推薦！！！• 自家製檸檬薏米水300ml $10 🍼 1.5/5唔推薦大家試薏米水 我同同事都叫咗薏米水 諗住食住辣野飲凍嘅薏米水應該會幾解辣又爽 可惜2枝薏米水飲落都係苦嘅 薏米blend開咗 會飲到薏米皮嘅味同檸檬皮苦澀 …Read More

之前已經試過好多次佢地嘅西瓜蛋糕 新奇之餘仲要係gluten-free✨ 最近都係屋企附近覓食 Popcorn呢間lifetastic都開咗一段時間 終於有機會去食～ 蛋糕好味之餘 主食質素都好掂💖• 明太子軟殼蟹意大利粉 $158 🦀 4.3/5明太子意粉份量好多！軟殼蟹岩岩炸起 熱辣辣食落仲爆汁💦 本來以為只係得明太子 點知食落發現有都幾多蟹肉 再加啲菇同飛魚籽 2人share都好夠食～• 炭燒澳洲榖飼黑安格斯封門柳 $198 🐂 4/5柳叫咗五成熟 係相睇落好似偏熟 但食落岩岩好 肉質完全唔會韌 配菜都做得好唔錯• 荔枝烏龍茶蛋糕（含麩質）$68 🍰 4.5/5叫咗主食就可以半價叫甜品 平時食開西瓜蛋糕 今次就試下佢地封門嘅其他款式 海綿蛋糕配上荔枝軟糖 荔枝忌廉同烏龍茶朱古力好夾 fresh得黎有朱古力嘅甜😆 層層分明 超正！推薦！！💞…Read More

最近發現寶林新都城開咗間烤魚 原來而家食烤魚都唔使出到好遠 屋企附近已經有得食 即刻約朋友放工去試🐟 門口睇落唔大 但入到去原來都幾多位 餐廳入面闊落企理又夠新 未食已經加有加分 我地懶得諗就直接叫咗二人餐 $499 包2杯特飲📝• 芥末涼拌秋葵好開胃嘅冷盤 秋葵夠新鮮配埋微辣嘅日式醬油 味道唔錯😜• 爆珠百香果茉莉綠茶• 爆珠藍天乳酸梳打兩杯都好飲！！爆珠其實係坊間台式茶飲店個種寒天珠珠 百香果茉莉綠茶除咗百香果之外仲可以飲到一啲西柚粒 正～ 如果可以再大杯啲仲好😆• 藤椒青椒烤海鱸魚我地叫咗小辣 海鱸魚上枱嘅時候已經係煎香過 煮咗大概10分鐘之後湯底嘅味已經完全滲入條魚 魚肉好入味 而且煎香過所以肉質唔會淋之之 有驚喜！湯底唔會過咸 有時叫太辣嘅湯底，變咗主要都係食辣味 今次嗌呢個藤椒青椒底可以試到更多魚味 下次再出去食烤魚都會叫返呢類冇咁辣嘅湯底 正好多！二人餐仲配埋蓮藕同娃娃菜 食到咁上下放入去滾一陣 超入味！！👅• 蒜蓉燒生蠔兩隻燒生蠔 生蠔肉都幾大 燒到岩岩好配埋蒜蓉辣辣地 真心想食多幾隻😂😂• 厚燒牛舌串• 燒荷蘭豬五花腩• 燒豆皮• 燒菠蘿• 冰粉總結：我地兩個都一致認同呢間烤魚抵食之餘 味道好唔錯 值得回訪！…Read More

宜家舖頭有大胃王比賽 有機會贏$3000現金獎同全年任食拉麵！聽落好吸引 自認大食嘅快啲約埋朋友去玩 食到2碗已經有獎架啦～• 雜錦串燒拼盤 $188 🍢 4/5分別有雞翼、雞腎、雞肉、軟骨雞肉串、豬頸肉、五花腩、台灣腸 分量十足夠抵食 輕輕調味已經唔錯• 蟹湯拉麵（小碗）$108 🦀 4.3/5蟹肉份量好多 每一啖拉麵都可以食到蟹肉嘅鮮甜 再配上滑嫩有口感嘅叉燒 正！ 另外都好中意佢地嘅筍 唔會有筍臭味• 極濃雞白湯拉麵（小碗）$108 🐓 4/5居然有小碗可以叫 配料嘅份量一樣 只係麵份量少咗 岩曬我地呢啲想試埋小食嘅人！ 店員提醒我地炸牛蒡要盡快食 慢煮雞肉同叉燒都做得好好 好滑嫩 一啲都唔會柴！雞肉仲有2片 正👅！湯底方面夠濃厚 偏向中式雞湯感多啲 • 唐揚炸雞 $38 🐣 4.5/5好juicy嘅炸雞 有驚喜！一份有三大件 份量十足 上枱熱辣辣 炸得岩岩好 推薦！！值得一提嘅係銅鑼灣分店店員服務態度好好！好細心 幫我地開咗房仔冷氣仲特登將風葉推上 唔驚吹到正會好凍P.S. 我地食閒日6半 食到7半嘅時候已經要等位啦 有興趣記得book位～…Read More

好少食墨西哥菜🇲🇽 早兩日難得收工約朋友 佢就提議去尖沙咀呢間餐廳酒吧食住nachos飲杯野傾計 可惜第二日要返工 今次就淨係食野冇叫酒 但見啲cocktail好似幾吸引 下次再試下🍹！• Buffalo Chicken Nachos $138 🐓 4.4/5叫咗個水牛城雞肉nachos 粟米片紅紅紫紫咁 幾特別 雞絲份量多 salsa同水牛城汁酸酸辣辣好開胃 我唔算好食得辣 佢落咗爆多芝士醬就正好可以俾我解下辣 個人最中意掂芝士醬加雞絲食😆 🧀！• Mexican Beef Taco Salad $138 🥗 4.4/5想食light啲所以我地叫埋沙律 除咗生菜底 仲有牛肉碎、芝士、紅石榴、蕃茄同牛油果 撈埋sour cream好fresh✨• Calamari Frito $128 🦑 4.6/5推薦大家食呢到嘅炸魷魚！份量超大 有辣蛋黃醬同salsa點 可以換下口味 個炸皮做得好 所以食到最後都仲係脆卜卜👅• Chocolate Fondant with Ice Cream $78 🍫 4/5總結：餐廳坐得舒服 有室外室內位置任你揀 食物份量夠大 有一定水準 好適合約朋友聚會食住野飲杯野～🕺🏻…Read More

• 三重港茶皇 $36 🧋 4/5三重分別係芝霧奶蓋、黑糖波波、蜂巢脆脆 同平時珍珠奶茶唔同嘅係呢款係用上港式奶茶底 奶茶幾香濃 唔會澀 芝士奶蓋好正 一直覺得19年以前飲喜茶嘅奶蓋係最好味嘅 但絲茶呢個都有得比✨ 黑糖珍珠煙韌入味 蜂巢脆脆份量唔算多 雖然我地叫少甜 成件事撈埋依然係好甜 如果唔中意甜嘅朋友可能可以試下其他款💥另外服務方面真係有待改善 上網都見到有唔少人反映要等好耐 事實上我地個次去都係 店員好似好生手 又冇特別叫number 變相客人其實唔多但就迫埋一堆等拎飲品（可能都係營銷策略之一😂）…Read More

高質慶生意大利餐廳～🥂 基本上Pirata Group無論係食物定服務都有一定水準 去過幾次質素都keep到唔錯🫶🏻• Waygu Beef Tartare $140 🐂 4/5必點和牛他他 生牛肉配上果仁碎同芝士醬汁微辣令到成件事好開胃～ 撈埋食唔會有血腥味 岩曬初嘗生牛肉嘅朋友 仲可以配側邊嘅脆餅食 多重口感• Burrata and Parma Ham $130 🧀 4/5Parma ham唔會死咸 配上burrata cheese 味道正常～• The Butcher’s Cut $380 🥩 3.5/5見到大部份人去pirata都必點呢個牛肉 食過兩次都係嗌medium rare 但都係牛肉頭尾部份烤到接近七成熟 牛味香濃 好有咬口 整體一般 如果有下次應該會試吓第二啲主菜• Lobster Risotto $320 🦞 3.5/5第一次試呢到嘅risotto 份量偏少 只係薄薄地放滿一隻碟 上枱好香龍蝦味 砌砌埋埋應該只有1/4隻龍蝦肉 食落有啲重口味 偏咸 唔太推介• Truffle Tagelle $250 🍄 4/5總結：餐廳環境舒服 服務態度親切 唯獨係坐位同枱都偏窄 適合少少地 2-4人一齊食飯慶祝～ special occasion仲會有即影即有送！慶生一流♥️📍Pirata灣仔軒尼詩道239號29-30樓…Read More

• 雙拼鍋底：祖傳秘製麻辣鍋/ 蜂巢豆腐白湯鍋 $190 🌶🥛麻辣鍋我地叫咗中辣 入面已經有鴨血同蜂巢豆腐 麻辣鍋夠辣夠香 白湯入面仲有成條人參 好香濃 鴨血係台式qq個種 蜂巢豆腐分別索曬兩種湯 好入味 超正！ 叫呢兩款湯都可以無限任加鴨血同豆腐• 火鍋撚御用手切肥牛（大）$377 🐂• 即炸三秒響鈴卷（半份）$35 🧻• 原味炸魚皮 $57 🐟• 雙拼鮮蝦雲吞/ 韭菜餃 $72 🦐🥬• 炸牛餐肉 $65🐷• 黑松露墨魚滑 $64/ 手打蝦滑 $55（各半份）🦑🦐超級推介蝦滑！！！除咗啖啖蝦肉蓉之外 仲有好多半隻蝦身係入面 超滿足總結：味道唔錯 價錢合理 坐得舒服～ 中意佢有得叫半份同冇限時 慶生聚會都推介試吓呢間！🫶🏻 4.4/5…Read More