今日同朋友兩個人嚟打邊爐。一早就喺OpenRice訂咗座位。嚟到見到窗邊有卡位，店員服務態度非常好，立刻安排我哋坐卡位。呢度仲可以望到海景。咁啱今日有無人機準備預演，一路食有得一路睇無人機表演。我同朋友兩個人，所以冇試到呢度最出名嘅雞煲。平平哋叫咗個鮮茄湯底，$128，都好足料，入邊有蕃茄薯仔芹菜。我哋都唔食海鮮，所以叫咗啲簡單嘅食材，例如蟹柳，豆腐，腐皮，唐生菜，萵筍。不得不提佢嘅新鮮炸響鈴，真係好新鮮，好脆，味道亦都好好！呢度冇限時，我同朋友一路食飯一路傾偈好開心。全晚亦都完全唔使叫，店員已經自動自覺會嚟幫我哋加湯。又會主動問吓我哋有冇嘢需要。今晚成個經驗都非常好，我絕對會再同朋友嚟，希望下次試吓個雞煲！
…Read More
…Read More
