waisheep's Profile

之前食左一年半載, 都算係熟客仔, 老闆娘同D伙計都熟口熟面, 加上有時見下貓貓. 可惜最近幾個月轉左手, 午餐得返幾款,有時唔太揀到, 以前樣樣都好吸引唔知揀咩好.伙計變左兩個無表情女士...有次落單果位長髮女士, 企到好遠問我食咩, 都唔行多兩步, 但果陣得幾枱客, 唔係無位行. 結果我真係要喺位度叫出去.整體感覺, 差左好多. …Read More

每隔一排想食拉麵, 或者去開銅鑼灣, 都會想唻食。So far試過唔同湯底(味噌/鹽味/醬油等), 小食(餃子/炸雞等), 都無失望過, 而且仲好抵食。加$15可以配個小食同汽水，一般日本餐廳都無咁抵啦...雖然坐得唔特別舒服, 侍應幾位阿姐不停吹水, 但為左碗麵都係值得唻。D湯可能有人會嫌太咸, 但我就覺得好濃, 次次差唔多飲晒, 之後都唔會口渴。各人口味唔同, 但呢間真係喺香港我覺得最好味的拉麵~知道最近佢另外開左一間分店,希望可以保持水準啦........…Read More

由返工地方行去樂富廣場都要三個字, 但見今日天氣好就去食晏,見到呢間定食幾多款,環境都算幾好就試試。我叫左個豚肉生薑燒定食, 坐低侍應比左杯茶, 個茶杯好骨緻, 感覺即刻relax d.定食好大份, 有湯, 沙律. 主菜, 白飯....個人麻麻地個沙律, 其他都清晒. 餐飲叫熱咖啡, 都好飲。準備埋單果陣, 個待應問我要咩雪糕...我以為要加錢配, 原來係包埋...仲要係哈根大師. 個男侍應見我話飽, 好貼心咁話如果唔堂食可以帶走, 因為都包埋. 埋單$76 算係好抵食, 侍應望落得兩位男仕, 但服務好好同快手. 下次會再唻~…Read More

都知道元氣比起以前差左唔少，但地方就腳，有時都想食下壽司，近近地試下九龍行呢間。星期五晚，兩個人七點攞飛，都等左差唔多半個鐘先有位。都係食返平時食開果D: 三文魚壽司/手卷/茶碗蒸/元氣卷/吞拿魚/炸雞軟骨./炸牛肉薯餅....咁上下有以下亮點:-食左數件三文魚壽司，其中兩件係有骨既....成餐即刻唔想再食三文魚，仲有咁多細路食，啃親唔知點算-炸雞軟骨....十分咸, 唔係一般的咸-吞拿魚...只有雪味，係無魚味讚的係炸薯餅同茶碗蒸係保持水準地好食既，泡芙迷你四小粒亦好食唔知係咪同地段有關....之前食開荃灣/美孚/尖沙咀係唔錯，至少唔會有骨。希望留意一下。…Read More

因為住喺附近，黎食過兩次，一次晚餐一次午餐。環境乾淨舒服，服務亦好，唯獨食物令人失望。第一次食北菇蒸雞，雞有一半都係無肉的頸/背，靠d汁先餸到碗飯。第二次食咖哩雞，由於係斬件雞唔係雞扒，部位同樣係果d無肉位，而最大問題係d雞骨/碎骨撈埋落d汁，食到好唔放心，未食過出面d咖哩雞係斬雞，雞殼d 碎骨同內臟仲清晰可見，而且d雞係完全完全無雞味。食完呢兩次之後，真心失望，我地唔會再去啦，都係行多個街口去舊式茶餐廳穩陣d. …Read More

午飯時間想坐得舒服D, 食下壽司, 就諗起食和民啦, 始創呢間係第一次食, 結果係失望, 但明明之前知其他分別都好D架...set lunch餐牌, ,有兩款係無, 而是日限定(星期三)又係無. 朋友鐘意食滑蛋扒飯, 偏偏無, 問佢散叫得唔得, 佢話總之滑蛋的野都無..灰左餐廳好大, 但好似淨係得一個阿姐同後生仔, 叫左好耐都無人落單, 見到隔離枱都係, 想換杯熱檸水, 等到埋單都未唻最後喺咁少選擇下, 真係揀唔到兩個餐, 我地揀左一個拉麵定食+三文魚壽司，散叫一客吞拿魚壽司。碗拉麵好少, 迷你size好似d定食係飯+麵的size. 女仔都食唔飽, set lunch喎.三文魚壽司正常, 吞拿魚壽司無味, 見到中間有個洞, d 魚都填唔密.最搞笑到埋單, 個阿姐收完錢後講"bye bye", 好似想我地快d走, 不過我諗佢唔係既, 但聽落就搞笑, 點解唔係講"多謝"呢?諗返和民都曾經好風光, 今日見到環境又殘, 職員好唔夠, 野食又唔合格...好似隨時執的樣. 可惜. …Read More

我地係住喺新蒲崗, 餐廳實在好多, 有一日LUNCH唻樂廚試左一次, 發覺係家庭式小店, 鋪入面環境比想像中大, 都好光猛舒服。我同老公分別叫左ALL DAY BREAKFAST同一個牛肉漢堡芝士汁飯, 因為一週年仲有沙律或者湯送。兩份主菜的分量都唔細, 同埋有心機。好似份早餐的炒蛋, 係好滑唔求其。個飯的芝士汁亦同漢堡好夾, 幾特別, 自己落左D黑椒感覺更正~果日食完先見到有心太軟, 但太飽食唔落。於是早幾日再去試, 主菜叫左一飯一海鮮意粉, 個海鮮意粉有幾隻蟶子肉~~好驚喜!!同埋蝦都唔係雪, 有鮮味。心太軟連埋雪糕，好濃好好食, 老公都讚不絕口。而服務係親切但唔會令你煩果隻。加油呀, 有心的小店!…Read More

約左好耐無見的朋友食飯, 專登去OP揾有咩特別D的餐廳。咁啱呢幾日凍左, 諗住食個肉骨茶, 見到評語唔錯, 就一於試下。個肉骨茶, 係同之前好多評語一樣, 係甜的, 少少藥材未都無. 可能咁先係某地區的正宗? 我唔識, 但我諗大部份人食肉骨茶唔會諗到係呢隻甜. 怪怪地. 同埋D排骨唔係一字骨, 係好似煲湯骨, 一大舊骨有少少肉夾喺中間果隻, 如果係見客食都幾尷尬。叫左燒豬頸肉, 正常不過不失, 係乾少少但可以接受。叫左個炒貴刁, 食落係惹味, 好快就知點解....食完之後好口渴, 要去便利店即刻買支大水飲。服務方面, 位女士比你的感覺係親切的, 但實質服務有待改善。我地幾個D水飲到清晒, 都無加水。仲有音樂時大時細, 大聲果陣係會我地聽唔到對方講野, 朋友覺得佢想趕客走, 我希望唔係啦。綜觀以上各項，一定唔會再唻啦。其實喺果個位置, D客真係專登走唻食架, 希望佢地用心可以改善下。 …Read More

作為美孚居民, 呢間小店新開的時候都幫襯過,D米線都幾對辦,價錢都同服務業都正常. 有時OT夜返都會食碗米線先返屋企。之後見佢門口愈貼愈多係串燒/小食,都覺得佢地開始主打唔係做米線。到琴日心血來潮再幫襯,只有兩個字: 失望!!!我地坐低,寫好米線紙, 舉手同叫人 "唔該", 肥D果個男人聽到都當聽唔到.之後瘦D果個比野飲我地,大力放低"彭"一聲,瀉到張枱都係然後見到對面枱,佢放低碗米線時都係倒瀉左, 果個客仲慘, 張枱同佢個袋,張櫈都濕左.講返野食, 米線算係合格. 但杯凍飲係暖, 就係D凍溶晒都仲係暖.當然我都知唔係去高級餐廳,唔可以要求咁多. 但我真係有貼錢買難受的感覺, 總之無下次, 下次去食三哥無咁嬲.…Read More

好友生日適逢中港大戰, 為左揾餐廳睇左好多日Openrice, 因為要同時滿足幾個願望, 但睇左好耐都覺得唔啱。最後揾到呢間, 打去訂位確定有波睇, 仲可以預訂甜品寫埋好友個名! 服務態度好好 :)夜晚未夠八點已差唔多滿座, 店內有幾部大電視, 唔同位置都可以睇到直播. 由於我地兩個女仔唔食得多, 叫左以下三樣野:Tapa小食-杏仁片炸雞. 杏仁同雞肉幾夾, 炸得剛剛好又唔會好油, 個汁好味:)豬手-皮脆肉嫰, 最好係切好一件件, 伴菜薯仔都好食, 如果份量可以多返D就好啦. Carbonara-汁夠濃, 唔錯雖然間餐廳唔算好大但感覺cozy, bar得唻又唔會好嘈好黑, 特別係當晚睇波又會全場一齊叫, 好好氣氛。到最後老細好醒目上甜品, 點好蠟燭寫左名 (我地真係試過有餐廳淨插蠟燭無點著 ==), 其他食客仲一齊唱生日歌! 件cheesecake 好友很鐘意, 不過個汁佢唔啱, 建議或者下次個汁放喺側邊!?最重要的飲品未講, 本人鐘意飲啤酒, 當晚試左兩隻店員推介的比利時啤酒, 一隻淡一隻濃, 都好特別, 令我諗返以前喺歐洲飲平啤酒的日子. 好友試左兩杯mocktail, 好fresh 啱晒食完豬手飲:) 雖然蘇豪好多餐廳,但要食物好食、坐得舒服的唔係好多. 呢間我會再唻:)…Read More

一直知有呢間餐廳, 頗有名氣又聽說食物不錯, 趁著生日與朋友一試。已經避開週末, 朋友訂完枱話只可食一個鐘...心諗真係食完飯想慢慢飲杯咖啡的時間都無, OK都試試啦餐廳位置有限, 明白係要妥善管理食客用餐時間同入座, 坐落都唔算話有好侷促的感覺.我地三日, 各點左一個Canbonara, 一個海鮮意大利飯, 一個野菌雞肉意粉.我地互相試過三樣, 除左意大利飯不錯外, Canbonara無特別, 雞肉意粉最差, 好乾又偏咸, 望落好似茶餐廳炒意粉. 整晚都有walkin問或者買外賣, 但我地食完又唔覺得真係咁特別好食. 我地訂左7-8pm, 準時8pm 已遞上賬單. 呢個係佢地一早講左, 食一個鐘, 都唔expect可以再坐耐d.只係始終鐘意食飯慢慢享受, 同朋友傾下計唔係睇住錶. 加上食物質素、價錢等唔係特別吸引, 應該唔會有下次了.…Read More

星期六在電影中心睇戲，只係買左乾糧入場，無正式食飯。同男友想食宵夜，記起經過幾次的狗仔試，終於可以一試。當時十點幾，但都坐滿人。我地叫左狗仔粉同燒賣。其實男友好想試個火鴨趐，可惜賣晒...個粉雖然唔係同以前食的一樣(以前細個食，D 粉仔碎同埋個湯 "漿" D)，但都食得返親切的味道。唔食得辣的我，落左大約半匙辣菜甫，諗住咁大碗，落少少應該OK...點知出事，因為真係好鬼辣! 但辣得唻係香的...只係一路辣到要休息下先再食...奉勸各位量力而為，唔好好似我咁:)燒賣大大粒而又好煙韌，十蚊都有好多粒，幾抵食。雖然坐巷仔，但可以同本地人食地道野，支持支持!…Read More

一向朋友聚會間中有唻呢度, 都有幾年. 因為地點方便, 坐得舒服, 可以坐得夜, 同埋價錢相宜.但最近呢幾次太差, 忍唔住要評一下!第一次, 野食尚算同以前差唔多, 但服務急轉直下!侍應見到都唔理你, 粗魯地劈低食物及飲品。我地坐到大約十一點幾, 全場突然熄哂冷氣, D侍應企埋一邊望住D客, 似想趕人走咁. 但D客繼續坐, 大約過左10-20分鐘, 冷氣再開返。第二次, 26/12. 知道呢D日子, 事前已問定有無位, 佢話OK. 我地上到去真係得幾枱,仲有好多吉枱. 佢帶我地去窗邊四人卡位. 到後來已經食緊野傾緊計, 有個侍應同我地講: "唔好意思, 原來你地張枱有人訂左, 麻煩你地移去第二度坐" 我地當然呆哂, 當初係你帶位, 周圍仲有好多位, 而我地已經食到一半, 你要我地調位!!??茶餐廳都唔會啦! 我地再問佢: "週圍咁多位, 佢地坐第二度唔得咩?" 點知侍應話: "因為人地落左好大筆訂金"  我地已經無話可說。唻到呢度, 我諗好多人都會同佢地大吵一輪或者據理力爭, 因為點講都係佢地唔啱. 唉,但過時過節, 嘈完盞自己谷住道氣! 唯有調左去後面坐, 但今次之後真係好失望, 我明點解近呢兩次去就算週末都坐唔滿, 人客唔係傻的。當晚一共食左一個三文魚PIZZA, 一個意大利飯(淡而無味)同一個千層闊條麵,味道正常, 飲品都係同以前差唔多水準. 真心希望整體可以做返好D, 如果唔係晚飯傾計又少一個好去處.…Read More

到電影中心睇戲之前揾地方食飯, 剛好男友話search xmas dinner揾到呢間,又在附近,一於試試. 平時經常行過但無為意, 在外見到個環境都幾靚咁, 入面都算坐得舒服, 令我都可以呃下自己返左外國.我地叫左:All day breakfast (traditional): 整體夠熱, bacon煎得香. 如果toast可以由waffle/pancake代替就更好. feta cheese 南瓜汁雞肉意大利飯: 份量夠, 味道不錯, 都有唔少cheese, 唔係做樣. 整體服務/氣氛/味道/價錢/地點都理想, 好開心可以發掘到新餐廳又滿意, 希望keep住水準!ps. 有朋友話之前試過加廿幾蚊的甜品, 但細到得一啖, 我今次無食甜品, 純粹反映意見:)…Read More

冬天都想食下芝士火鍋,應下節呢間似乎比其他兩間連鎖餐廳平, $188/2人,一於試試.芝士味都幾香濃,佢話係由四種芝士相融而成,味道幾好,唔會太咸太淡。SET好的配料有麵包、蝦、南瓜、薯仔、八爪魚仔、意粉、牛肉、牛丸, 每樣幾件八爪魚仔係生的,有少少擔心係咪可以完全煮熟,畢竟煲芝士都係熱,唔係滾。牛丸本身都幾濃味,同芝士味唔係太夾。其他都OK,個人最鐘意係麵包同南瓜, 如果麵包可以俾多少少就好,因為點芝士好好食!其實食完都係七成左右飽,不過都係旨在試下同玩下,都值得一試.不過呢間分店的坐位好密, 如果坐唔到卡位, 一排果D梳化位就感覺好壓迫, 格離傾計都聽到哂.…Read More