winniechong777's Profile

第一次試呢間店入去之前係驚慌因為7點鐘晚飯時間都係得兩台客佢有天皇餐同天后餐兩款選擇天皇餐338一位未計+1 天后餐288一位未計+1 佢有買四送一優惠或者滿四位送切片東升斑一條我哋揀咗買四送一優惠同天后餐全間店得一個服務員食完兩個鐘之後都係得佢serve我哋眼見七至八台客但係佢服務真係非常殷勤，有求必應，完全冇脾氣但係亦都因為得一個服務員，所以上菜係需要催嘅！ 第一次落單之後過咗五至10分鐘就有嘢食但係落第二次單要等成半個鐘，仲要係催佢先有得上 。食物質素方面：牛肉、脆肉鯇片等食材質素中上 。豬牛羊肉都冇特別變黑嘅情況，非常鮮嫩亦唔係薄切切的 。海鮮嘅話，蝦都係好彈牙嘅，蠔同帶子都唔韌，口感唔錯 。其實啲嘢係好食嘅，質素係好好嘅，但係！佢啲嘢太遲嚟，中間食菜都食飽咗， 如果佢可以增加啲人手就好啦 。 個哥哥仔做到成隻狗咁，我呢個好評淨係俾個哥哥仔服務員嘅啫。但係其實種類都唔係好多😂…Read More

如標題。好彩今日放假，如果得一個鐘放飯時間就真係…呢間酒樓好了得，做到50%以上時間都落漏單。係咪要用咁嘅技倆來坐營造客似雲來的感覺？究竟係落單嗰個人隻眼有問題？定係寫得唔夠清晰？下次要帶highlighter來落單先得！中過幾次伏，由第二次開始我就會影低落單record. 11:34 落單12:22 吹單…Read More

今日喺app叫咗個（$64）香酥雞扒肉燥飯配熱檸檬薏米水（+$0）再加咗個生菜（$21）。運費加$15。嚟咗一碗令人嘩然嘅生菜。雖然味道唔錯，但份量真係… 嚇親我四位同事😂😂😂另外，呢個招牌香酥雞扒肉燥飯，唔知係咪因為外賣嘅關係變到唔酥脆同出晒油，可能都係堂食比較好。…Read More

上完堂12點，咁啱經過見到呢間台式餐廳。唔知係咪因為位置問題，見冇人食，之前個2間已經排晒隊，同埋見呢間d環境最乾淨同闊落，所以就入左嚟諗住試伏。叫左個鹽酥雞扒滷肉飯加熱無糖荔枝紅茶$58（Lunch set)。來左個碟頭飯，上面有5塊大大塊鹽酥雞，有菜有滷肉，其實賣相都唔錯。鹽酥雞真係好酥脆，雞肉都幾嫩滑。滷肉係瘦肉同咸味嘅有用八角調味，但我都係鍾意台南風味嘅甜味滷肉多啲。個荔枝紅茶好香荔枝味，飲落甜甜地但冇乜茶味，似荔枝玉露嘅味。去到1點個陣就已經全店滿座。…Read More

比30蚊食3啖蜂蜜一口西多 10蚊一舊仔冇餡極乾性價比非常非常低叫個陣仲問個waiter T1 呢個餐同T11個個自選茶餐：蜂蜜一口西多士加自選著條/沙律 （$36）有咩分別佢話：個一口西多士會多d但佢送到碟野上嚟，我就係到諗 唔通個36蚊餐得2啖西多士？？？😂😂😂係咁嘅話我寧願叫一份正常西多士 都仲大塊個呢碟野****都只係28蚊另外仲叫左個公仔麵，隻碗好大 d料好少同個米線一樣 都係普通正常野冇選擇之選 所有野都普普…Read More