tiramisu*'s Profile

一路行搵緊食咩，行行吓見到呢間燒味舖，啲嘢食個樣好似ok,有燒鵝，雙併48蚊唔算好貴，入面唔迫又光猛，所以入咗去食。坐低無幾耐就送咗碗熱辣辣的例湯。好耐無食燒腩仔，所以最後揀咗燒腩油雞飯，落單時，個侍應有問今日有乳豬，要唔要試，但因為第一次，想先試簡單的。好快就上咗碗飯，暖的，個樣望落幾靚，仲另上咗包黃芥辣，包芥辣見到無香港製造。不過略嫌燒腩肥咗少少。一路食，都聽到唔少人斬料外賣，侍應啲服務都唔錯，下次會再食！…Read More

同朋友諗緊去邊食嘢，因為朋友有車，隨口講邊度易有咪表，然後朋友突然提議去哥登堡！我一直以為哥登堡執咗，但原來已經重開⋯！餐廳後兩條街有咪錶，啲咪表都唔難有位，好易就泊到車。去到門口，只係門口望緊時，已即刻有人開門迎接。入面裝潢睇得出無咩變，而卡位唔迫，都幾闊落的。啲staff 服務不錯，同好有效率，一坐低已立刻問你想要咩湯，都係例牌紅白湯可選擇。因為係平日1點幾去，所以有幾款午餐揀，如果唔叫鐵板，平均都係六十幾蚊，包飲品，免加一，而家茶餐廳都要呢啲價啦！最後叫咗個咖喱雞球同吞拿魚意粉。咖哩先上，初頭仲覺得好少飯，但個咖喱都有好多雞球，食食吓都好飽！之後上意粉，面頭有啲溶咗的芝士，意粉唔會太淋，好食！餐飲可加5蚊轉紅豆冰，但太飽，無轉。最後叫咗一杯凍飲加3蚊，埋單$123，抵食！…Read More

收工食飯， 見呢間咁多人好評所以打算去試吓。7點左右去到，都唔算少人，約五成滿，一入到舖頭就好香咖喱味。自己搵位坐低，枱頭寫住自助QR code落單。想食烏冬，見到餐牌有咖喱，沙茶，蕃茄湯底揀，本身諗住食蕃茄湯，但最後決定試吓咖喱。因為我唔食牛，其他大多數選擇係海鮮，另外有雞叉燒。但我驚雞叉燒唔好食/太漏，又唔太想食海鮮，所以最後揀咗大啡菇。QR code落單可即時俾埋錢，堂食有折62蚊，但要加服務費，共70數。等咗陣先送上嚟，個份量比我所想細，碗細，麵少。料只有一個大啡菇，半隻蛋，少少京蔥和粟米。味道較濃，比平常日式咖喱香辣，但呢個價錢唔抵食。…Read More

3 course set lunch, $124+10%,有得揀意粉，飯/唔同main course (雞，魚，牛...）叫咗一個pasta of the day,同一個雞胸，以為main course份量會比較細，但上菜的份量比所想大。味道都唔錯，灣仔區嚟講相當抵食。第三個course可以揀甜品/咖啡茶，整體嚟講都唔錯，唯一問題係嘢食等得比較耐。…Read More

因為住附近，一直想試呢間，事先預約咗今日嚟試。分時段，午餐12：30-14：30，12：20去到，個staff 話未夠鐘，叫我哋去附近行住先，但我奇怪點解前面4個人又可以入呢？喺出面坐住等，以為有位會通知我，但又唔覺，越嚟越多人所以12：30準時行過去，原來已有位，但唔知點解又唔叫我哋。入門無探熱，坐低無通知menu就係張枱紙，drink list 都係我睇到隔離吉枱有所以拎嚟睇。食物同飲品要分開叫，無套餐，咖啡大多數30-40蚊起，只有牛奶，無豆奶。叫咗個早午餐同素burger.個早午餐普通到不能，好多嘢都唔使煮咁，個麵包亦係超迷你的。而個素個burger相對唔錯，但薯條普通。飲品試咗熱mocha,我覺普通，無咩特別。我坐近門，每次開/閂門都有地震的感覺，以為係啲客做成，然後發現原來係個staff.走時仲俾我發現open kitchen內有個疑似老細，較好禮貌的人，無戴口罩。整體服務同食物都普通，價錢不便宜，可以不試。:(…Read More

同朋友想搵啲cafe 食嘢，search 到呢間，一去到門口，見入面坐滿人，位置俾所想少，後尾先知原來有樓上。叫咗慢煮雞脾意粉同西班牙豬仔骨一齊食。飲品要咗salted caramel latte,個拉花好靚。等咗一陣啲嘢食先嚟，個豬仔骨好少，得一舊仔。味道唔錯。食完等咗陣，就到個意粉，佢話係慢煮，但個雞比所想韌，無味，同好細塊。。計埋飲品，埋單每人不不多2百蚊，而食完好像唔飽咁…不過staff幾nice的。同埋當日打卡送匙羹，隻羹都幾靚。…Read More

上環cafe 食完lunch,唔夠飽，所以出咗銅鑼灣搵甜品食，search 咗好耐，最後搵咗呢間試。因為5點左右到，所以入面無咩人，唔使等。一坐低，staff俾咗menu,有幾款主食，同埋下午茶時間（2-7pm),叫甜品送一杯飲品，咁都算抵喎！因為我哋太肚餓，所以叫咗啲較飽肚的嘢食 紫薯窩夫同綠茶心太軟，同兩杯熱柑桔檸檬蜜。份量感覺有點少，但整體味道不錯。綠茶心太軟比所想好，不會太甜，staff 的服務也不錯。可再試！…Read More

知道聯和墟開左d新的cafe店,今日突然想去睇下,上網一check,搵到what the food同埋呢間bittersweet,但見what the food價錢好似貴d,所以就試呢間.去到門口,係鏡面門,望唔到入面的.一推開門,入面都8成滿,好彩都唔使等,有位.menu有all day breakfast,意粉餐有兩款意粉揀,有bagel.甜品同一d小食.睇相好似都唔錯咁.本來想揀bagel,最後都係揀左all day breakfast.個餐可以揀latte,同熱朱古力,其他就要加錢,佢飲品menu都多選擇,但最後都係揀左熱朱古力total兩個staff,野飲好快就到.等左一陣個all day breakfast都到啦,賣相好豐富咁.全部野都熱辣辣的.可惜炒蛋略嫌唔夠滑,如果沙律菜加d油醋汁/芝麻醬會更好.同埋如果佢係整個蕃茄,唔係用細蕃茄,成件事好似都好d咁整體來說野食average,野飲唔錯.可一試.…Read More

心血來潮行左去呢間都試.因為當日無特別市集,所以jccac都唔多人.入去時,都有d人飲緊野.無set,所以只叫左兩款意粉,同一杯飲品.見openrice d相,有好多特式懷舊擺設,可能在另一邊,無行過去,見唔到.唔記得咩latte...average先上我的雜菌配黑松露忌廉汁意大利麵,意粉汁唔會過多,個汁的濃杰度係剛好.你見到每條意粉都平均地有汁包住,感覺不錯.到我fd的南瓜汁意粉,初頭仲以為會好怪.不過比我所想好,個汁唔錯,不過我感覺就會有少少膩.而佢的巴馬火腿係較咸的,所以有少少中和作用,不過略嫌火腿少左d.意粉幾好食,不過如果可以有set,配埋飲品會更好!…Read More

睇openrice,見comment ok,所以去食.6點幾到,比所想多人,要等位.0係門口企左一陣,之後先有位.menu選擇不多,所以好快而決家叫一個越式麵包同檬粉,本想叫埋米紙蝦卷,不過賣哂...0個度的指示唔算好明確,坐低以為d staff會幫你落單,但原來係要自己走去前埋落order,但當我等緊落order的時候,又發現有d人會0係位直接叫出黎...um...有點混亂的感覺.野食好快上到,個檬份量有點少,味道都ok.個法包幾好食,個包好脆,不過如果係熱的,會更好.食完時,令我諗起佐敦的添記...感覺不算太突出,再來的話會揀法包外賣.…Read More

有日行街經過,拎左個外賣menu返家睇,食三文治,焗薯同意粉,望落好似都ok.而且我本身都鍾意食三文治,所以今日lunch就去左試下.12點左右去到,入面唔多人,但比我所想大間.揀左午餐的半份磨菇烤雞三文治+凱撒沙律,套餐包湯/野食.特飲加兩蚊,今日的特飲係羅漢果,果汁又要加8蚊...所以就揀左湯.是日餐湯係蕃茄雜菜,飲落即係羅宋湯.因為個三文治係panini,要烘,所以都等左一陣.之前睇過佢的a la carte menu,如果要全份三文治的套餐,大約貴兩蚊.如果揀麥包,平好多呀!半份的三文治比我所想大份,佢個包係少少似foccacia的,有d蕃茄味.個三文治有少少雞肉,磨菇,蕃茄同一塊青瓜.都ok.凱撒沙律味道比所想好,d菜都唔會話好霉.一路食,都聽到好多人叫外賣.感覺呢間都ok,野食不錯.可一試!…Read More

之前見大家講呢間做training的cafe,今日經過見到個set lunch都ok,所以就試下.order後,好快就上左個湯同包.個湯係忌廉西蘭花湯,餐包熱辣辣,幾好食.等左一陣先上main course,不過好彩,有個投映的電視,睇住先.我叫左個墨西哥肉醬長通粉,以為會辣辣地,但係無..味道ok la,都好飽.另外要左個洋蔥豬扒飯,d豬扒薄左少少,但唔韌,ok wor!加左四蚊要熱mocha,同熱朱古力.個朱古力好甜,我鍾意,飲完好飽.個mocha感覺就普通.飲住杯野,睇住電視,慢慢坐下,都可以hea一陣,感覺不錯!可再食!:)…Read More

之前見呢間餐廳semi lunch buffet comment唔錯,所以就揀左呢度慶祝生日.book左12點,餐廳準時12點先開...早少少都無得入.坐低無幾耐,就上左麵包,唔算好熱,但個包好脆,幾好食,可惜無湯.落埋main course/dessert order,我地就出左去拎野食,其實個staff無同我地介紹過,但聽到佢有同隔離d人introduce lor...!:(buffet table,有三款生蠔(智利,美國同墨西哥),印象中美國的鐵"金秀"味較重.仲有龍蝦仔,凍蝦,青口,同埋有d刺身同cold cut咁.最吸引係有幾款cheese...仲有兩款熱的焗蠔,但都係生蠔好食d.掃左幾轉,一點左右,個staff就問我地main course叫唔叫起,因為都要時間.不過叫起後都好快黎,我個cheese都未食完...main course叫左一個牛同一個三文魚.牛要左七成熟,d配菜幾得意,但個牛有少少overcooked的感覺,雖然切開係pink的,但係好乾,一d都唔juicy.但係好彩唔"un" lor..:(三文魚就無咩特別.相比d頭盤,佢的main course就麻麻.因為個buffet只係去到2:30,所以好快食完個main course都上甜品了.white chocolate mousse cake甜左d,green tea creme brulee就好好食!平日中午,都有七八成滿.整體感覺ok,但呢個價錢,我覺得服務唔算好好,野食不至於吸引我再食... …Read More

上網突然見到呢間cafe,comment唔錯,所以今日起身後就諗住去食個all day breakfast.行左一陣先搵到,原來0係街頭,無明顯招牌,所以唔行到個門口都唔會見到.12點左右去到,入面都有7成full,比我所想多人.入面得返兩張高枱有位,揀左bar枱坐,望到廚房入面煮野.:).今日個menu無我想食的big breakfast,望住個menu諗左好耐,最後揀左black sea同black sun.感覺上可以飽d...裝修感覺有d似simplylife,幾特別,個人幾鍾意,長沙灣區好少呢款餐廳/cafe.坐左一陣,先上個雙蛋青瓜,感覺無咩特別...之後就係我的black sun,好豐富的感覺,整體都不錯,不過menu上寫的係牛肉,不是咸牛肉,感覺有點不符實...幾鍾意沙律個汁,甜甜地,幾好食.再黎的black sea,無諗過會係黑色的麵包,所以見到的時候都幾surprise.唔知係冷氣太凍,定野食真係唔夠熱?除左個湯,其他食野唔算好熱.等左一陣先有飲品,"大力"的益力多味濃左d,我覺得麻麻.香蕉朱古力就幾好飲,好濃香蕉味!一路食,望到佢地整個蕃茄沙冰冷麵,好似幾吸引.餐廳播住的音樂好舒服,可惜我地當日坐的位有點凍,所以我地好快食完就走左了.食物的賣相幾靚,不過其實價錢都唔算好平,食物無咩難度.所有野都不錯,但未至於好oustanding.但我應該都會再黎!…Read More

心血來潮食印度野,之前見comment唔差,今日決定去試.經過望到入面無咩人,門口有點簡陋,但最後都入左去試.入面的裝修較舊,燈光較暗.岩岩有兩個外國人食緊,0個一下好好奇:長沙灣/荔枝角竟然都有外國人黎食...??叫左個二人餐,之後個waitress就俾左籃poppadom,熱辣辣,好食.先上的係印度咖哩角,samosa,平時唔鍾食,因為係d雜菜豆為主,同埋有d皮厚,但呢個熱辣辣,入面唔會淨係得青豆,主要係薯容,皮薄,唔油.之後就上左個tandoori chicken,面頭係有少少乾,但d肉係唔"鞋"的,加少少檸檬汁,味道唔錯!:)mango lassi,唔會太奶/太多冰.ok!跟餐仲可以揀兩個咖哩,揀左咖哩素菜同羊肉,羊肉有d "un",兩款咖哩唔算好難.個人鍾意素菜多d,有薯仔同椰茶花.叫左個飯同naan,陪埋一齊食,好味! …Read More