chianti19's Profile

是日放工後覓食，天水圍區都半個美食沙漠，係頌富未開返之前，九份。十分係我嘅必選實在太肚餓嘅關係，我地三個都叫咗好多野食share首先叫咗蚵仔肉碎泡飯、鹽酥雞、鮮雜果明蝦凱薩沙拉同涼拌鴨腎為咗保留戰鬥力，我地淨係叫咗兩個野飲三個share：維多利亞的祕密同埋青青草原先苦後甜黎講，我會介紹咗涼拌鴨腎先佢絕對唔難食，只係相比其他較普通，係一個涼拌鹵水鴨腎，冇咩太驚艷之處跟住梗係到沙律！呢個沙律真係超大盤，夠兩至三個人食，d菜都非常爽脆，美中不足係底部汁太多，食到底就有d漏個鹽酥雞都幾精彩！佢炸到舊雞有肉汁，又有六種唔同嘅粉配搭，我個人推介原味粉，超有台味，我個friend中意香辣加芝士，大家都可以try try最後梗係佢個足料泡飯，d蚵仔又飽滿又新鮮，配d脆米真係好夾，而且夠二至三個人食雖然佢地咁鮮色，但飲落絕對係正常味，綠茶個杯仲帶點茶嘅甘香味，絕對值10分…Read More

嚟到極上大喜屋食放題，之前一直聽人哋講佢好受歡迎，係第一間做高級放題嘅始祖，而且之前晚晚都排長龍，令我一直都冇辦法去試吓嗰度嘅嘢食，今日終於機會黎啦！首先梗係試吓呢度嘅刺身啦，有其他放題都少見嘅蟹腳，我最鍾意食嘅三文魚魚腩同甜蝦，仲有原粒帶子！呢度嘅帶子唔似其他放題咁切到零零碎碎，只係切半但係原粒上，非常鮮甜！仲有其他常見嘅貝類刺身，好鮮味！所以隨即我哋又叫咗第二round！第二round 嘅水準同第一round一樣，都十分之鮮美，果然係放題嘅主菜！另外呢度嘅火炙壽司都好好食，特別推薦芝士火炙蟹腳壽司，十分鮮甜，配合芝士嘅鹹香味，真係好好食呀！當然唔少得鰻魚，呢度蒲燒鰻魚相當肥美，令我哋叫完一串又一串，出面賣一串都起碼十幾廿蚊啦，當晚我哋食咗大概10串，真係好值回票價！仲有我每次食放題都會食嘅黑椒牛柳粒，呢個雖然係每個放題都見到嘅菜式，但係呢度真係炒得好香好好味！不過就有小小肥膏，如果再瘦少少，就相當完美啦！呢度都好出名嘅創意壽司，我就食咗花之戀壽司，都相當之好味！不過其他壽司我冇食，就不作評價啦！梗係唔少得要食香芋紫薯丸、芝士年糕同埋芝麻雞翼啦！最後用一杯雪糕結束就係最完美啦！呢度唔只有普通嘅口味，仲有焦糖餅乾味，所以我哋都即刻叫咗兩杯黎試吓，結束呢餐放題～…Read More

平時你食八鍋臭臭鍋都一定係食臭臭鍋，但係而家見到餐牌多咗咁多選擇，一於今次走臭，改食其他啦！今次同朋友叫咗芝士牛奶鍋同埋酸辣羊肉鍋，本身想試吓佢個咖喱奶蓋鍋，但係因為我哋叫咗奶蓋飲品，就試吓其他鍋先啦！首先講下佢個奶蓋烏龍茶，奶蓋濃厚，飲到最後都未溶，可能係我飲得快掛，咁都證明佢好好飲！佢個奶蓋好味嘅程度，令我都想試吓佢個咖喱奶蓋鍋究竟有幾好食！之後就到我個酸辣羊肉鍋，酸辣湯非常之夠味，羊肉都好嫩滑不過去到最後有少少唔夠湯，加完清湯後就淡味咗少少而我朋友個芝士牛奶鍋就相當之濃味，大家如果鍾意飲牛奶湯嘅，一定要黎試吓佢個鍋！食到最後有少少想encore某啲配料，所以我哋叫咗蟹粉丸、蛋餃等等重點推介蛋餃，就咁浸少少湯食都好好食呀！…Read More

今次放題真係超乎意料，同一般放題唔同，唔止有新鮮嘅刺身、壽司、日式燒物、串燒、鍋物等等……仲有唔少泰式料理同埋好似打邊爐咁嘅花膠鍋，下面嘅圖都係我好推介可以試吓嘅食物，去片！第一位：鹹蛋黃魚皮估唔到係呢樣呢？前排吹起鹹蛋黃風氣，我都試咗一下呢度嘅鹹蛋黃魚皮，真係好夠味！每一塊魚皮都沾上鹹蛋黃，我即刻encore左兩碟添啊！第二位：新鮮刺身食放題當然唔少得新鮮刺身啦！我一坐低，冇幾耐佢哋已經送上新鮮嘅刺身盤，每樣刺身都有，唔夠仲可以再叫一啲心水嘅刺身，服務周到！第三位：三文魚頭每次都食三文魚刺身，今次食埋佢個頭！燒得啱啱好，d油份逼晒出嚟，啲肉又滑又嫩，可以試吓！其他美食：飛天通菜～頭先講今次唔只有日式美食，仲有放題少見嘅泰式美食，仲要係蔬菜添啊，個通菜炒得相當惹味，補充放題好少食嘅纖維，食完就保證暢通無阻啦養顏花膠鍋～呢個鍋好似打邊爐咁，食家仲可以買一啲火鍋配料，例如肥牛、丸類等等不過我哋太飽了，就冇叫配料，大家有胃可以叫黎試下！最後擺返我的最愛：親子手卷～三文魚加三文魚子嘅配搭係我見過所有手卷之中最愛嘅配搭，呢度三文魚子新鮮冇腥味，配合三文魚，一軟一脆，相當之好味，我連叫咗五個手卷嚟食添啊！仲有唔同飲品好揀，今次食得超滿足！…Read More

係香港地搵一間可以同朋友傾一晚嘅餐廳都好難,但係旺角我哋就搵到一間啊！本身我哋想食呢個二人餐嘅,不過入到去見到份量實在太多,都係決定散叫！首先我哋叫咗一個黑松露野菌忌廉湯同鮮南瓜濃湯賣相唔錯，黑松露菌湯夾雜唔同菇菌類，所以除咗聞到淡淡黑松露味，都有蘑菇鮮菇等粒粒口感。鮮南瓜濃湯就有濃濃嘅南瓜味，面頭加咗少少鮮忌廉，成個湯更加滑另外我哋都叫咗個龍蝦白汁意粉同埋蕃茄海鮮意粉，龍蝦鮮甜彈牙，上面仲加咗蟹籽，不過白汁意粉略為過鹹，但對於重口味朋友來講，應該係好惹味嘅！另外，番茄海鮮意粉不過不失，海鮮份量略為少，不過意粉十分入味，都可以一試呢間餐廳的侍應唔會催客走,比我同我朋友一個好舒服嘅環境可以好好暢談,真係好推薦比大家！…Read More

以前都食過灣仔新泰，覺得唔錯，見尖沙咀都開咗一間，即刻同朋友嚟試吓！一入座，侍應哥哥安排左個梳化卡位俾我哋，非常闊落，張枱帶到我哋叫咗成圍餸都擺唔曬啊！一坐低，梗係叫咗嘢飲先啦！我叫咗椰汁冰，我朋友叫咗芒果冰，都好足了，好夠味呀！尤其是個椰汁沙冰，要用成個椰青做，真係影相又好睇，又好味呀！仲叫咗個冬蔭功湯（小），味道不錯，夠辣又足料，不過賣相真係差d，下次可以整理好先上枱啦牛油果軟殼蟹米紙卷係全晚最大推軟殼蟹脆得黎，其他配料又新鮮，好fresh，啱曬配合其他重口味菜式馬拉盞炒小椰菜泰菜必點之一！炒得惹味而唔乾，值得一叫！咖喱雞配薄餅:(呢個較普通，無咩驚喜，反而見到隔離枱食咖哩炒蟹，都幾吸引，下次試下先最後以pad thai作結，完美完成咗今餐…Read More

This restaurant was hidden in a narrow streets with foot massage shops. It was quite hard for us to find but heard that their food was quite good so here we gooooo~South East Asian food are main characters in menu and some cushion dishes also play a role in it. Many choices I would say and we tried a risotto and a lamb curry(I guess?!) with bread! the drinks were quite good and recommended seasons breeze! the signature of this restaurant and love its favorable outlook!…Read More

同朋友一齊出去食飯，因為見到呢間餐廳外邊都幾靚，可以影唔少靚相，所以就一齊入咗去食啦！一到去睇吓餐牌，佢有唔同嘅晚市套餐同埋單點食物，可惜嘅係，本身我哋仲想試吓佢嘅全日早餐，但係賣晒啦我哋叫咗一個套餐，佢會包埋白湯同埋沙律，沙律果汁用橙汁做底，上面仲有少少果肉同沙律菜個湯就因為實在太好味啦！佢係蘑菇忌廉湯，飲嘅時候會食到粒粒蘑菇，不過太快飲完，就冇影到相另外仲叫咗個卡邦尼意粉同埋黃金軟殻蟹意粉，卡邦尼意粉就保持水準，同坊間食到嘅冇乜大分別但係個黃金軟殻蟹意粉極力推介啦，因為個汁非常香濃，而且個蟹都相當香脆一定要試吓！最後仲試咗佢哋最出名嘅果醬多士，不過我地多人分，所以冇食太多，淨係試咗一個木瓜果醬多士，入口好似食緊木瓜雪耳糖水咁好清新，而且唔係好甜，都幾好味呀！…Read More

今日同開個friend食飯，順便慶祝佢生日，喺樓下見到呢間放題價錢OK，而且都幾多人想去，就跟住一齊去囉可能我哋去嗰日係平日，夜晚果場雖然都幾full，但係都有位俾我哋兩個入去！影下餐牌先其實都幾唔錯，呢個價錢有咁多嘢揀，第一轉梗係要叫咗刺身、壽司、燒物等等先啦！啲三文魚同甜蝦都相當之新鮮，而且三文魚仲要係厚切添，另外赤蝦都非常大隻同好食，仲有我必食嘅鮑片添！美中不足嘅係貝柱真係有啲迷你，但係唔緊要！點解呢？跟住落嚟就話你知啦！就係因為呢盆壽司啦！有冇見到個帶子係相當之大粒，而且新鮮，必定要叫多三轉先夠啊！其他壽司都好出色架，例如燒三文魚、鹽燒左口魚、三文魚腩等等都十分之好味，強烈推介呢間嘅壽司呀！由於我哋見過餐牌咁吸引，叫多咗好多唔同嘅嘢食，張枱都唔夠我哋擺第二轉我哋就叫咗d鍋物，同埋叫返一啲第一轉好好味嘅嘢食：帶子壽司、刺身、燒菠蘿等等今次呢餐放題真係幾有質素，下次都可以再試吓…Read More

Happy friday 去食個令lunch 觀塘唔少好野食 今日食左依間韓國野佢係地鐵站附近 都幾方便一去到都幾多人 好彩都唔駛點等就有檯勁多電視 播住Kpop music都幾多卡位 坐得幾舒服佢有lunch menu既 不過我覺得單點menu吸引d 想食得小清新d 揀左個水冷面 三款都幾吸引 我就揀左個金鎗魚水冷面黎食 出到黎 都幾大碗 一個人食實飽 個金鎗魚帶小小辣 好好味既 配埋個冷面就好開胃 隻流心蛋亦好好味 唯一係個面難夾d 要摷鬆黎食 整體感覺幾好味既咁我同朋友兩個黎食 所以叫多左樣野食 韓國野冇理由唔試炸雞 見到menu有個拼盤 瘋狂炸雞combo 炸雞薯條紫菜粉絲卷粉絲卷三合一 好吸引 一次過滿足到想食炸野既人士賣相好吸引 炸到恰到好處 唔會好厚粉 炸雞鮮嫩多汁 薯條亦夠味 最正係個紫菜粉絲卷 真係好正 外脆內軟 口感好豐富 必食！店員都比埋個醬 蜜糖芥末同辣醬 視乎口味中意辣d定wasabi d 我個人覺得蜜糖芥末配薯條 辣醬配炸雞同紫菜粉絲卷夾d 食炸野梗係要飲野 再叫左兩杯野飲 一杯青蘋果奇異果梳打 同埋巨峰乳酸梳打 友人覺得青蘋果果杯略為偏甜 我覺得巨峰就不錯既 好解渴 又夠大杯 咁既份量足夠兩個人食到勁飽 大滿足 唔好睇少個拼盤 個紫菜粉絲卷一上檯忍唔住同友人食左兩件先影相 友人都幾大食 都覺得超飽 …Read More

今日啱啱放工，諗住去商場食返個early dinner 🥘 見到呢間餐廳都幾多人，而且最近又想食台灣菜，一於試吓佢啦！睇個餐牌都覺得好吸引！有台式飲品、台式小食、沙拉到台灣著名嘅牛肉麵、鹽酥雞等等都有，即使係少見嘅台灣Cafe嘅輕食同埋鬆餅都有提供，真係咩時間黎都有好嘢食啊！而我就唔想食咁heavy ,所以就叫咗個香辣瘋狂炸雞沙拉同埋「暗黑系甜心」oreo沙冰呢張圖完美展示出咩叫「真人靚過上鏡」！呢盆沙拉總共有七至八件炸雞，面頭有一啲辣辣地嘅醬，下面係凱撒沙律，撈勻之後嗰醬就會變得小小辣，配埋沙律就好惹味！個雞係台式鹽酥雞，個皮好薄！因為Poon沙拉實在太大盤，最後都有少少食唔晒，但係我都有盡力食晒所有雞㗎 ！至於呢杯Oreo沙冰真係好巨型，高度超出左個杯嘅一半，而且面頭仲有大大粒Oreo，真係超好飲呀！最後埋單大約＄110左右，都係一個合理萬分嘅價錢，如果住喺附近嘅朋友都記住黎食啦！…Read More

成日聽人講南華會附近有間好好食嘅台式豬排店，今日去開打波，就去試下先！認住呢個三岔口！一路向住丹麥餅家衝過去就係！雖然我6點半到，門前已經有人排緊，平日夜晚都咁誇張好彩我係一個人，就輕鬆唔使等入咗lu~話到明必食豬排飯嘛，雖然我面前有個叉燒滑蛋飯好吸引，我最終都係揀咗豬排飯（肉躁汁），再加多隻滑蛋坐咗係吧枱前可以欣賞到一塊又一塊嘅豬排炸起，切落去咔喳咔喳聲，真係聽見都想即刻有碗豬排飯擺係我面前食我見店內不少人揀新出嘅柚子醬豬排飯下次有機會都試下先終於到啦！！！！！塊豬排係差唔多同個碗咁大仲要係特厚！配埋個滑蛋真係不得了個肉躁汁俾d豬排遮住咗添係充滿五花肉粒同豬油香嘅汁，撈飯一流！一啖滑蛋，一啖肉躁飯，正！咁豐富嘅晚餐先71蚊，銅鑼灣真係實屬少見！臨走都要影返…Read More

I thought I have tried this restaurant for several times and every time it gives me surprise. I wanna know why they can keep the quality so good that every time I ate her fried chicken, I feel like staying in paradise which cant be found in other Korean shops. This time I tried the carbonara rice cakes! Its sauce is really fantastic! The rice cake is great and played a very important role to bring the sauce to my mouth haha! Nice try and I will keep coming for sure. Look forward to my next coming!…Read More

一個人放工經過呢間鋪，就會不自覺入去食晚飯本身想食個豬軟骨咖喱雜糧飯，但係嗰時冇咁肚餓，所以叫咗個豬軟骨烏冬同樣有兩大舊豬軟骨！軟骨炆到變啫喱狀，而且超入味，d肉都好稔！個烏冬都好煙韌，好好味呀！而且每個餐點都會有好多雜菜，可能係提倡健康飲食，有菜有肉就夠曬均衡！我見其他食客仲可能會叫豬軟骨沙律或者16款蔬菜咖哩飯等等，都係好多蔬菜嘅選擇，等我下次都試下先！埋單78蚊，加埋杯濃濃嘅焙茶，晚餐如此，真係超值…Read More

真係好少咁harsh但係真係好難食...個日同個friend食生日飯，見佢仲要排隊，又諗住泰菜點都冇死，就叫咗以下嘅餸馬拉盞炒椰菜全晚最合理嘅菜，雖然都硬d，但係唔會過咸，所以最快清咗炒貴刁嘩呢個一上菜我以為叫錯咗廈門炒米，d色係橙色，真係第一次見...食落係廈門炒貴刁嘅味，酸酸甜甜，完全唔辣，真係好奇怪咖哩軟殻蟹終極大佬！！！個汁味道正常，但係凍凍地，個蟹就熱嘅，但係層粉厚到同隻蟹差不多，搞到我都唔知自己食緊粉定蟹...…Read More