vicky_tsang's Profile

我地係新界人，今晚突然黎左港島區揾食。睇完食評，又見價錢相宜所以入去試下。現場只有3個食客，後尾多返幾個。其實唸緊佢地其實cover 到唔到呢？！入正題，我叫左個洋蔥湯，黑毛豬配黑醋汁，先生叫左羅宋湯，羊扒。洋蔥湯，咸左少少，羅宋湯就好足料。仲有2塊蒜茸包。主菜，黑毛豬好鬆軟同juicy，加埋黑醋汁，好醒胃。先生既羊扒有3塊，唔會太so同埋好淋。我地都係叫焗薯，面頭有煙肉粒同沙律醬。最後有餐飲同什果啫喱。餐廳唔收加一，而且服務都好好。…Read More

已經係第3次黎勁嘆，2-3年前分別試過佢既傳統 BBQ同重慶燒，都特別懷念呢到既厚方包。今次朋友話想燒傳統，是晚星期6，$138/人 (一支水一罐裝)，整晚都唔算多人，但提供D野食都好足夠，唔會慳住慳住。今次無咩點影食物相，希望文字搭夠啦鮮冬菇：大隻，平均每隻都有5-6CM，而且好厚肉，搽左蒜茸牛油先燒，一流，好 JUICY，我地拎左幾轉翠肉瓜：甜，但又D難叉，一叉就爆開厚方包：每塊真係有1"厚架，一邊搽蜜糖，一邊搽牛油，正！不過食一塊都好飽墨魚丸：粒粒有墨魚丸粒係入面，好有咬口，正羊架：其實去過幾間BBQ場，真係第一次見到有羊架，用左孜然粉醃，燒完都好嫩原隻大雞脾：真係好大隻，隻隻都有5-6"，佢落左好多香草醃，不過真係要比D耐性，如果唔係食個時會有血水雞翼：佢有3隻味，但唔知點解3款都辣辣地，同埋有款太多蒜係面，所以好快燒爐哂D蒜，唔靚仔:(吉列豬扒：朋友話好淋，唔知會唔會落左D咩醃其餘肉類仲有牛扒，金沙骨，另有秋都魚，多春魚碳可以自己拎，但用完一包拎一包。見到有個女士一次拎2包碳返埋位，比個職員叫返轉頭蜜糖一盒，佢話用完要再買 ($10)，但我地見到太杰，所以用左少少就開左D水，最終都用唔哂，哈哈中途有椰汁西米露派，但唔好飲，好似飲緊漿糊:(我地燒左4幾鐘就走，因為越坐越凍 ~~…Read More

食完飯唸住行花市，bf 話食個糖水先 ~ 其實想試隔黎間新鋪，不過唸下唸下，就叫到我地張飛，所以就入左去！食左好多次松記，今次最難食！ 而我一向要求都唔高，但今次真係比唔到個笑佢囉，點解？一如以往，我叫幻彩明珠，bf 叫 summer ~ 但 .... .... 材料唔足，長沙灣個間滿到瀉，呢到得8成滿，生果好少，涼粉切到超大粒 =.=重點係啲芒果超酸連芒果汁都好酸囉！食一啖已經唔想食 !!反而BF個 summer 有雪糕，所以就唔覺得酸！ 好失望 :(，而且開始覺得佢地粗製濫造！希望可以改善下!!…Read More

叫左楊支金露，鮮雜果涼粉，熱咋咋，熱芝麻糊。Total: $78楊支金露超足料，直頭料多過水，正，不過唔係好夠凍~其他個d我無試，不過老豆話芝麻糊係用粉開喎。…Read More

和男友11個月，我負責唸食咩，係 openrice 見到呢間幾高評分，我朋友又話ok 喎，咁就即管一試啦！！去到個餐牌既多款比我地揀，真係睇左成10分鐘先唸到邊款好，結果我地叫左兩個小食、一個Pizza、一個意粉、一杯飲品、一個甜品。- 送的前菜：個汁好醒胃- 炸芝士三文魚 $33：係騷炸黎架，仲有芝士流出黎，件魚都好厚身，正！- 牛油扇貝 $28：細細碟，但都有成8粒咁多架，中間仲有d雜菌。可惜比較油！- 和樂至專 Pizza $45：佢做緊特選Pizza，所以平，而且size 係大批個d，d料都好多，蝦又大隻，好味！- 牡蠣煙肉意粉 $63：原來係蠔咁解，哈哈，都 OK，不過枱頭太多野食，搞到凍左，d汁杰左。- 芒果汁 $12：抵飲，出面散叫杯凍OT都差唔多價錢啦！- 抹茶紅豆芭菲 $28：好味！！下面有粟米片，撈埋好好味。仲有好多其他甜品選擇，不過鍾情抹茶！！埋單後仲有四張$10 coupon同四張擦擦卡送，可以下次試用！因為仲有好多野未試，而且又有coupon，男友都話會再黎食過！…Read More

男友放大假，同埋佢同事，三人行去遊車河。尾站係下白泥，所以夜晚就係流浮山食。其實都幾多酒樓，不過眼見大部份都係要買海鮮比佢加工，但我地又唔想咁樣喎，所以見到森城有菜牌就入左去，其實都係搏一鋪架咋，不過又比我地搏到，哈哈。三個人，每人揀一個餸，我：美極焗大蝦 $240一斤，要左半斤，有7隻男友：豉汁炒聖子同事：蒜蓉蒸帶子 $25一隻，每人兩隻另外叫左生蠔雨食，不過佢話賣哂:(，咁惟有叫一個椒鹽鮮魷啦。叫多個椒絲腐乳通菜tim !!美極焗大蝦：d蝦係中蝦黎，所以都好好用肉，我地連榖都食埋。蒜蓉蒸帶子：好多粉絲，個粒帶子仲好大粒 tim 呀，超好味。豉汁炒聖子：聖子好大隻好鮮味，個獻汁唔係好杰，好適中！！椒鹽鮮魷：粉醬唔多，正！因為有時食到個d好原粉，所以好驚喜佢整成咁。椒絲腐乳通菜：上到黎變左椒絲腐乳生菜，哈哈，都幾 match，第一次食！最後仲有果盤同椰汁馬豆糕送，Good !!呢間野，越坐越多人，d伙計都幾有禮貌，所以可以再去 !!…Read More

因為有張 $100 既 coupon，而男友又生日，咁就唸住用左佢。Book 左枱，又早到左，所以有得坐窗口位，影相出黎係幾靚架。坐低，叫左兩杯 Ice Lemon Tea，個時仲係 Happy Hour 買一送一，唸住飲哂杯茶就叫cocktail，點知佢不停 refill，算啦，慳返！張coupon 要滿 $300先減 $100，另外要叫佢地既新菜。咁我地就叫左一個蝦頭盤，有六隻蝦，好味呀，仲有d配菜，好開胃。而每枱都有麵包配蒜茸牛油！之後叫左個 Ceacer salad，男友唔食生既菜乜滯，但對 Ceacer沙律又 OK wor ，所以專登叫比佢，等佢食多d菜。主菜有 半份Ribs 加燒雞配2支粟米，叫個時，問個男仔侍應燒雞係半隻定全隻，咁佢話係雞脾，咁我地ok，因為驚食唔哂麻。點知出到黎係半隻喎 ，哈哈。個Ribs 淋到唔駛切都撕到d肉出黎，唔知佢點整到咁淋呢？梳打粉？真係唔知喇，不過 OK 既。:)半隻燒雞，雞胸位置d肉整到好嫩，平時食個d唔係咁加麻，正！最後用埋 coupon 埋單 $300。…Read More

第2次上黎 L Cafe, 補祝朋友生日.無叫個到既set dinner, 但5個人叫了5道菜 ::::三文魚忌廉汁寬條麵:) :: 普通辣汁蝦意粉 :: 幾夠辣, 食唔到辣就唔好叫肉醬千層麵 :: 好正, 好多肉醬雞肉長通粉:) :: 普通左d海鮮寬條麵 :: d料都算多其實之前黎過, 叫過唔 pizza, 小食拼盤都 ok 架 !!個日咁岩有波睇 , 可惜 bf 支持既曼聯輸左 :(除左電視, 仲有好多野玩, eg. 而家最多人玩既 Deal , 同埋猜猜畫畫 ~~呢到最好就係唔收切餅費, 個晚我整左個 cake, 黎之前打黎問收唔收, 佢就話平均每人食夠$ 70 就唔收 ... 真係好!!! 之前去過一間, 每人要收 $10 ..... 賺死佢所以我d朋友都話無介紹錯, 可以 encore =]…Read More

是夜和五個小學同學去 New York Cafe 晚飯。知道好評而且難訂位，所以早兩日已經打電話去 book 位。哈哈，我地幾個住左元朗區十幾年都係第一次食咋！！六個人叫左六個 set dinner，另外加左個煙三文魚 pizza，同一支紅酒（店員介紹的）餐湯：洋蔥湯，出奇的好味，想再添，哈哈。T-骨：叫左六成，但出到來有點難切，因為好 un，切到尾段都放棄，太累了。:( 但伴碟的薯容就唔錯，幾好味！牛柳：相比起 T-骨就細很多，所以男仔會覺得叫T-骨好d。不過就好淋，唔錯。煙三文魚 pizza：大大個薄批，不過要襯熱，凍左少少都麻麻地。餐酒：無介紹錯，唔酸，易入口。凍朱古力同摩卡：好濃，不過我唔中意 cream，所以覺得cream 可以唔落的，哈哈哈。係元朗，New York Cafe 水準算唔錯了:)…Read More

一早 Book 左枱。七個人叫了：炒年糕：唔算話好辣，好煙 un海鮮煎餅：無想象中咁好味，多粉左d炒粉絲：味啖，但都OK。石頭鍋牛肋骨：呢個好好味，d羅白好入味，牛肉好淋。石頭飯：有飯蕉，趣卜卜咁。炸醬麵：好多醬呀，好好味。蛋包蝦：唔算好多油，有蛋味，蝦好大隻，個個都話好食。人參雞湯：好飲，好夠味。整體滿意，出菜快，味道同價錢合理。不過個韓國姐姐態度一般。…Read More