boris1221 のプロフィール

今日在大陸搭直通巴返香港，下車見到間打邊爐地舖，即刻食指大動，入去試一試。花膠雞濃湯、手切肥牛、即炸響鈴、手打墨魚丸同雲吞，每道菜都展現出獨特的風味。首先登場嘅係花膠雞濃湯，濃香撲鼻的湯品，湯底金黃透亮，入口濃郁而不膩。花膠軟糯Q彈，經過長時間熬煮，釋放出滿滿的膠質，與雞湯的鮮甜完美融合，每一口都暖胃又滋補。雞肉嫩滑，仲要係雞髀位。接著是手切肥牛，肉質新鮮，油花分佈均勻，色澤誘人。輕涮火鍋後，肥牛入口軟嫩多汁，牛肉的鮮香在舌尖綻放，油脂香氣四溢卻不帶半點腥味。每一片都切得厚薄適中，保留了肉汁的精華，配搭簡單的蔥花醬油，都能突顯其原汁原味的美味。即炸響鈴則是一道驚喜之作，外皮炸得金黃酥脆，咬下去「卡嚓」一聲，脆響動人，放落湯底有另一番風味，口感層次分明。沾上少許甜酸醬，味道更上一層樓 手打墨魚丸同樣令人驚艷，每一粒墨魚丸都彈牙十足，咬下去能感受到真材實料的墨魚粒，鮮味濃郁。最後壓軸嘅係雲吞，鮮蝦的彈牙同豬肉的鮮嫩完美結合，湯汁在口中爆開，令人滿足感爆棚。…さらに見る

話就有日要去啟德體育園睇演唱會，早左少少去零售管行街再㔹醫肚，見到呢間精緻既西餐廳，同埋個餐廳影好靚，望住個運動場。 除左環境一流，食物仲又正！熱情果梳打：呢款飲品以清新的熱情果汁為基底，搭配微微的氣泡，口感輕盈爽口。杯中漂浮既果肉同青檸片增添了視覺與味覺既享受，特別適合在炎熱既午後享用，帶有一絲異國風情。黑松露薯條：薯條外脆內軟，撒上豐富既黑松露醬和芝士，香氣撲鼻。黑松露的濃郁與芝士既鹹香完美融合，每一啖都充滿奢華感，絕對是薯條中既極品。海膽忌廉帶子意粉：呢道意粉以滑嫩的帶子搭配濃郁既海膽忌廉醬，味道鮮美而高雅。意粉煮得恰到好處，吸附了醬汁既精華，再點綴以微妙既魚子醬，口感豐富，令人難忘。牛扒荷蘭汁意大利飯：牛扒煎得外焦內嫩，搭配濃郁的荷蘭汁同軟糯既意大利飯，味道均衡。飯中加入蘑菇增添了天然既鮮味，蛋黃的流心更為整道菜增添了絲滑口感，係一道令人滿足既主菜。總體而言，這四道菜式無論是視覺還是味覺都帶來了極佳享受，適合喜歡精緻美食的食客一試！…さらに見る

旺角雅蘭真係一個好地方，一出地鐵站就係，仲有一間可以俾三五知己一齊食日本卷物嘅居酒屋。呢個牛油果蟹籽青瓜刺身沙律色彩繽紛，牛油果滑溜，青瓜爽脆，配上大量蟹籽，每啖都爆汁鹹香，加埋沙律醬超開胃，清新又滿足！火山卷一上枱已經香氣撲鼻，表面燒到微焦，醬汁濃郁又帶少少甜辣，配埋鮮嫩刺身同軟熟壽司飯，帶子青瓜牛油果蟹柳切碎撈埋一齊，層次超豐富。呢串燒白鱔色澤金黃，魚皮燒到脆卜卜，魚肉嫩滑多汁，入口鮮香，鹹香味道超級惹味，食完一串真係想再encore！呢串鹽燒雞翼皮脆肉嫩，鹽味恰到好處，帶出雞肉鮮甜，食落多汁又唔油膩，真係一試難忘！呢碟唐揚炸雞色澤金黃，外層炸得超級香脆，雞肉嫩滑多汁。呢個鰻魚卷賣相超靚，適逢有朋友生日，原來可以搞呢啲花臣，盤上有手繪花紋同生日祝福，感覺好有心思！鰻魚肉厚醬香，配埋沙律醬同醬汁，鹹甜平衡，真係又靚又好味！…さらに見る

喺希雲街嘅新餐廳，好容易就搵到。間餐廳有壽喜燒同打邊爐選擇。打邊爐有唔同嘅湯底，我今日就揀咗海膽湯底。佢仲有另外加配唔同種類嘅肉，有A5和牛，豬肉，仲有蔬菜盤，每一個套餐都come with 一個飯或者烏冬。個牛肉好好味呀，我哋忍唔住另外加多一份都係$50 ，赤身牛肉質素好高，比出邊嗰啲性價比高。呢度可以簡簡單單食一個壽喜燒。只需要百幾蚊，就食到和牛級數嘅牛肉。唔需要去嗰啲貴價餐廳，就可以caucally食一個性價比高嘅壽喜燒午餐。 朋友食海膽湯底，入邊真係有真嘅海膽！好濃郁，侍應好有耐性同我哋講解每一道餸嘅煮法。赤身牛肉擺落去海膽湯入邊，入口即溶。同個味道好夾。我另外追加豬腩肉，原來豬都好好食。下次一定會再嚟試埋佢其他唔同嘅湯底！…さらに見る

今日難得收早，就同朋友去啟德airside嗰邊試吓新嘢，知道有間越南餐廳食評幾好就去試吓，地理位置十分方便地鐵站一出行5分鐘就到，我哋嗌咗豬頸肉，生牛肉河，炸軟殼蟹沙律，蒜蓉包同埋nam nam 炒飯，飲品方便我哋嗌咗芒果沙冰同埋青檸梳打，生牛肉河的肉質鮮嫩，搭配滑順的河粉，帶來絕妙口感。炸軟殼蟹沙律則外脆內嫩，鮮香四溢，清新的沙律醬更添風味。蒜蓉包香氣撲鼻，外脆內軟，與蒜蓉的濃郁完美結合，令人一口接一口，回味無窮。簡直一流，炒飯方面有幾種配料一齊炒，加上蝦片脆脆，豬頸肉粒同埋太陽蛋同炒飯撈埋一齊食，簡直係錦上添花，飲品方面沙冰唔會太甜非常解渴，下次可以同朋友再嚟食。…さらに見る

又到咗每一個月嘅月尾可以食好東西慰勞自己，今次同朋友去旺角食咖喱，佢係一間小店，座位非常寬敞而且服務質素亦都好好，我哋一行二人點咗秘製腩汁豬頸肉配白飯，菜心同埋咖喱三寶，我朋友點咗咖喱車仔麵，豬頸肉非常爽口，加上秘製醬汁配白飯用嚟撈飯簡直冇得彈，咖喱三寶會有雞翼豬皮魚蛋同埋牛柏葉，咖喱嘅醬汁非常香口，而且唔會太辣，啱晒我呢啲唔食辣嘅人，車仔麵我哋揀咗幾個餸，味道還好，而且每食一啖都包住咖喱汁嘅味道，如果咖喱汁唔夠可以叫職員額外比一碗你，下次可以同屋企人再嚟試吓。…さらに見る

終於到星期五可以同朋友食好西，今次去到太子新世紀是一間西餐，地理位置十分方便地鐵站一出行10分鐘就到，餐廳主要輕食為主，好啱同朋友過嚟打卡，我哋嗌咗幾款食物首先酸忌廉牛油果炸薯條，薯條炸得非常香口加上牛油果酸忌廉醬汁簡直係冇得彈，之後嗌咗salmon tacos , 佢用脆片上邊夾住唔同配料咬落去啖啖肉，加上秘製醬汁作為開胃菜，感覺幾好，意粉方面，墨魚汁墨魚意粉，墨魚食落去好新鮮加上忌廉同埋蒜蓉炒香個意粉兩者非常絕配，之後我哋嗌咗千層肉醬意粉，每一層都有厚厚的肉醬包住，食到嗰種層次感，係我食過最出色嘅一道餸，飲品方面我哋嗌咗熱情果梳打，正常，唔會特別甜，小食方便我哋點咗炸蝦，唔會太過油膩，每一啖都啖啖肉，而且份量非常多。呢種餐廳可以同朋友一齊打吓卡傾吓偈分享心事，下次可以同屋企人試吓其他菜式。…さらに見る

終於到咗月頭，可以同朋友食餐好嘅，知道灣仔駿景酒店有間餐館好出名，特登去試吓，交通尚算方便地鐵站一出行7分鐘就到，餐廳位於酒店裝修同埋格局都好有氣派，我哋被安排坐喺二人枱，之後我哋開始點餐，首先嗌咗黑松露手撕雞，開胃菜師傅把炸子雞撕開一條條，加上黑松露嘅香氣，簡直係冇得彈，之後有我最鍾意食嘅拔絲咕嚕肉，用咗麥芽糖去調甜味將咕嚕肉度包住，簡直係恰到好處，而且師傅將豬肉炸得好香脆，咬落去唔會太油膩，仲有炸蟹鉗，份量非常足夠，而且咬落去啖啖肉，亦都係今晚水準之一，最後點左安格斯牛肉炒飯，炒飯粒粒分明，加上安格斯牛肉配上師傅嘅醬汁簡直係冇得彈係我食過最好食嘅炒飯，加上用沙煱上菜令到炒飯更加香口，總括而言呢間餐廳水準服務都好高，下次可以再試吓其他菜式。…さらに見る

咁我難得收早就同朋友去試吓新嘢，知道尖沙咀iSquare有間食潮州菜好出名，就去試吓地鐵站行5分鐘就到，裝修簡單，而且街景十分美麗，我哋兩人叫咗幾樣小菜同埋頭盤，首先話梅涼瓜，作為開胃菜，簡直冇得彈，酸酸甜甜食落去有口感，之後嗌咗普寧炸豆腐，炸得好香口，而且唔會過熟，菠菜蟹肉羹，蟹肉加埋菠菜啖啖肉，而且唔會好結，加上有個蠟燭keep住溫度，成件事好窩心，之後嗌咗避風塘炒蟹，味道炒得好香口，加上蒜蓉同埋辣椒，簡直係錦上添花，蟹肉嘅比例非常多加上蟹膏，同埋每一個部位蟹肉都好滿寫，再者我哋點咗凍馬友，馬友凍凍地食好有口感，加上魚子醬，食落去更上一層樓，之後點左普寧炒蔬菜，普寧嘅醬汁用嚟炒菜簡直係冇得彈，係我食過咁好最好食嘅一次菜，甜品方便點左桂花糕，食落去好彈牙，而且桂花嘅味道好突出，呢餐飯整體嚟講食得好滿足，除此之外呢度嘅服務質素亦都很好，會為你講解每一道菜嘅名稱，而且會推介店內有啲咩好食，下次可以同屋企人再嚟試吓。…さらに見る

有派頭嘅廣東菜講到有派頭，除咗福臨門之外，第二最愛就係呢一間餐廳，裝修有氣派不特止，服務水準屬係頂分，餐廳食物除咗質素高之外，擺盤亦都十分講究。滷水牛𦟌 ，滷水汁融入晒舊牛𦟌到，額外再加上酸酸甜甜秘製嘅酸甜汁，份外醒胃。加上肉既腍到剛剛好，作為一個前菜恰到好處。焗饟鮮蟹蓋，簡直就係貴氣逼人，一絲絲蟹肉塞滿晒蟹蓋，味道鮮甜，呢個仲有少量嘅洋蔥碎調一調味，更加提升左蟹肉嘅鮮味。蜜汁叉燒，相當唔簡單，唔係一個平凡嘅叉燒，師傅將每一嚿肉處理得非常之腍口，肥肉同瘦肉夾雜着係一齊，一口咬落去食到瘦肉之餘，仲有少少嘅肥肉襯托，半肥瘦原來係咁樣黎。七福脆皮雞，雞皮風乾至香脆，每一次都係用滾油林上雞皮，令到佢將入邊雞油迫晒出嚟，肉質好嫩，配上檸檬汁同唯鹽，天作之合。鳳凰千層糕，用一個甜品作結，用少量蛋黃陪襯住奶黃，一口咬落去，料同麵團相間，乃係心思之作。…さらに見る

好開心，今日今日跟朋友嚟到呢間享負成名嘅中餐館食飯。聽聞灣仔嗰間成日都book唔到，今日嚟到尖沙咀呢間新舖頭試一試！地方好闊落，好光猛，對住個景食中餐，非常滿足！試一試佢個套餐，只係$1000 ，但係有起碼10種嘢食。第一種係雞子，我開頭都好驚，但係試咗之後，呢味餸真係好特別，炸到嫩嫩的，好似炸豆腐咁樣，完全冇奇怪嘅味。隨後就有蜜汁燒膳同埋皮蛋蘿蔔，醃製蘿蔔好入味，唔太鹹，兩樣都好好食。焗蟹蓋真係一流，好新鮮，滿滿嘅蟹肉，炸到外邊脆入邊暖食過包尋味。我最鍾意就係食佢個瑤柱荷葉飯同埋水煮牛肉，估唔到呢兩味餸好似好簡單，但係都別有一番風味。水煮牛肉嘅質素好高，牛肉嫩口，同水煮個味好夾。荷葉飯好足料，入邊有滿滿嘅蟹肉，冬菇，瑤柱，口感好豐富，份量啱啱好！甜品仲有幾種，有合桃露芝麻卷同埋紅棗糕！紅棗糕一塵一塵咁樣食，唔係太甜。煙煙韌韌，好想要多舊。$1000可以食到咁多好嘢食！真係好飽啊 ！…さらに見る

今日難得收早，就同朋友去食日本嘢，知道附近開咗一間食評幾好嘅餐廳就去試吓，地鐵站一出行5分鐘就到，地方真係唔錯，好似去咗日本咁。入邊有豐富嘅日本居酒屋味道，又唔係太嘈，一班人gathering啱晒！首先前菜已經有四款，有沙律，芥辣八爪魚，菠菜tofu ，crab蒸蛋。全部都好好食，自己最鍾意係食芥辣八爪魚，好新鮮。朋友叫咗壽司10貫；有金木雕，中拖羅，甜蝦，黑木，甜蝦，深海池魚，碟魚。全部賣相都好靚，好有特色。食得好舒服。朋友嗌咗個北海道海鮮丼，滿滿嘅一碗，有唔同刺身，有海膽，孩子，帶子，牡丹蝦，北寄貝，三文魚等等。食到好飽。而且呢度嘅裝修好有日本居酒屋嘅感覺，同朋友三五知己嚟聚會一定好有感覺。下次食埋dinner再試試…さらに見る

銅鑼灣裏的小韓國，餐廳位於銅鑼灣樓上鋪，一上到去，竟然好似置身喺首爾嘅韓國食堂一樣，侍應係韓國年青人，連裝修都有一番韓國嘅風味。有俾適合一班朋友坐嘅開放空間，亦都有一個個好似圖書館自修室嘅二人座位，放上店主滿滿喺旅行收藏既戰利品，等你喺等嘢食嘅途中眼睛都可以目不暇給。嚟到韓國餐廳點可以唔叫炸雞同年糕，呢個甜辣醬無骨炸雞炸粉唔多，甜辣醬配上香脆嘅雞皮，相映成趣，咬落去雞肉嘅汁一口必出嚟，另外年糕同蜜糖腸又炸得好香脆，真係好適合年青人。跟住再嚟嘅係忌廉芝士炒年糕，呢個簡直係魔鬼之選，但非常好味，忌廉芝士滿滿包住每一條麵，拼埋魚糕同雞蛋，跑返10個圈都抵。海鮮煎餅係每一次去韓國餐廳必要，海鮮料非常足料，魷魚蝦滿滿俾韭菜包住，唔會話食落去成口粉咁，師傅亦都將呢個食物煎得非常香脆。另外牛肉炒粉絲亦都炒得非常之香，粉絲唔會太林之餘，亦都配上牛肉，加上芝麻嘅香，實屬惹味。最後我哋覺得一人需要食返啖飯先滿足，嗌咗個辣豬肉炒飯，都係一樣呢種韓式嘅辣醬撈埋啲飯已經好味，配上半肥瘦嘅五花腩簡直係錦上添花，同埋呢度嘅環境好友感覺，恍如置身韓國一樣，同朋友三五知己來聚會一定好開心。…さらに見る

又到左每一個月尾食好東西嘅時候，今次轉下地區去九龍城嗰邊試吓新嘢，知道樂富商場嗰邊有間食中菜都幾出名就去試吓，佢嘅位置係一間商場入邊都幾容易揾，入邊嘅裝修充滿舊式時代城寨嘅風味，我哋一行二人嗌咗孜然豬下青，呢個餸特別嘅地方佢係先炸後加孜然粉，味道食得出好鮮味而且佢切條裝形食落個口感幾特別，作為小菜或者主菜都送飯一流，之後點左半隻金牌鹽燒雞，呢隻雞師傅用滾油將個皮炸得好脆口而且肉嘅比例啱啱好，加上秘製醬汁點落去特別開胃，之後嗌咗砂鍋鮑魚汁瑤柱炒飯，一打開蓋香鬢撲鼻，鮑魚汁包住每一粒米，加上瑤柱食落去好有鑊氣，而且雞粒同埋配料嘅份量都好足夠，我見其他小菜都炒得好出色下次去同屋企人你試吓。…さらに見る

又來到星期五happy hour嘅時候，上次去咗一間可以聽歌嘅餐廳之後，今次帶返班fd再嚟多一次，佢除咗個晚餐好抵食之外，仲可以聽食客or駐場歌手唱歌，又可以同班friend傾吓偈，一樂也。今次餐牌唔同咗，原來佢定期會換餐牌，真係幾好，可以定時有唔同嘅新鮮感比客人，唔使食嚟食去都係嗰啲。環境方面，舞台氣氛一流，有一啲食客可以自己上去唱歌，大家又可以比like俾心心，唱得好仲有煙花效果，真係一啲都唔馬虎。食物方面，鐵板燒蝦配蒜片，呢個上菜儀式可以話簡單而隆重，同事會有一個火會燒著個面，跟住就會碟下浮現出來，好有心思。另一個係蟹餅，蟹肉十足，煎得非常香脆。另外南瓜湯就不過不失啦，不過醒醒為都唔錯。主食方面我哋揀咗燒春雞同牛扒，牛扒嚟講，師傅掌握得恰到好處唔會煎得太熟，亦都好鎖住個肉汁。燒春雞份量啱啱好，唔會太多，皮香肉滑，配埋菠蘿嘅酸味，零舍醒神。總括嚟講，除咗食物質素高質之外環境，及舞台設計都有好高嘅分數，真係好適合同三五知己嚟happy hour。…さらに見る