funiris's Profile

1. 酸麻金湯中辣豬頸肉米線（9/10）🥣湯：第一次食咁特別嘅酸麻湯，個味似酸菜魚湯，好重酸菜味，又帶啲辣，可能太酸所以個麻唔算突出，但我揀左中辣就真係好辣啦🙈最後要加多啲湯🤣但呢個酸麻辣真係好好飲 個味好突出，第二度真係食唔到呢個味😍 🍜米線：呢度嘅米線係幼身，我好中意食幼米線，而且佢煮到岩岩好，唔會太淋或太爽🤤而且份量都好多！🥓豬頸肉：切到好幼條咁，份量都好多，好入味，偏甜少少，肉質唔會乾👍🏻好好味！2. 麻小辣豬扒紅薯粉🥣湯：又係好特別嘅麻辣，好重味好鬼正，似孜然味加花椒🤔，又係其他鋪頭冇嘅麻辣味！🥩豬扒：都有好幾件，份量都多，醃到好入味，夠鬆軟！🍜紅薯粉：份量超多，但有啲難咬，如果要我揀我都係會揀返米線😆🍽️小食：炸豬大腸🐷實在太好食啦！ 外脆內軟，而且韌，容易咬得開，有豬油香，點左啲泰式辣醬唔肥膩。…Read More

1. 番茄牛肉麵：9/10 （$88）個番茄湯超濃，岩晒我啲重口味之人，真係有好多碎番茄肉；啲牛腩好有牛味同淋，唔會有渣，仲有3大舊；紅蘿蔔白蘿蔔超淋超入味，吸晒啲湯味；滷蛋好入滷水味；麵偏鹹，但有咬口。2. 麻辣鬼椒雞扒芝士流心蛋吐司：10/10 （$58）呢個真係冇得頂，食過最好食嘅吐司😅雞扒嫩，我平時食得辣都覺得呢個辣，但辣得好味，真係有麻辣味；芝士係拉絲嘅，佢係有芝士鹹味嘅拉絲芝士，加fun, 因為平時食pizza嗰啲白色拉絲芝士冇來味我係唔中意，呢個掂；仲有隻流心蛋令到成個吐司唔乾👍🏻3. 芝士肉鬆火腿蛋餅：10/10（$42）一上檯嘅時候我哇左一聲，咁！大！份！你地去食過就知有幾大份，佢係平時出面食嘅兩倍，而且勁足料，好多肉鬆😍，芝士係溶嘅，而且個蛋餅好夠熱，我中意啲野夠熱😆🙌🏻啲野夠熱，好快上檯，仲要好足料。好野要推介，極力推介大家去試下✌️唯一有🤏🏻🤏🏻唔好嘅就係食完會口渴🙇‍♀️…Read More

終於唔洗等就食到豐信餃子，5點幾來到，唔洗等就入到去，6點幾食完走時出面已經勁多人排隊😱勁誇張！煎餃：梅菜粟米鮮肉（6/10）紫菜鮮肉（7/10）煎出來個皮嘅口感係韌的，唔係脆口，所以個口感麻麻地，兩個味道入面中意紫菜味多啲，個味出啲，不過紫菜味嘅野都唔會差得去邊。主要係個皮煎出來唔知點咁☹️湯餃：椰菜雲耳鮮肉（7/10）冬菇鮮肉（6/10）椰菜雲耳個口感好好，啲餡有得咬下，唔會成pat野。 冬菇鮮肉個味唔夠出。湯餃咁同煎餃一樣，個皮煮出來同啲餡係分開晒，有啲奇怪，啲皮都唔夠滑。 …Read More

芋泥波波滿心期待會同深圳嘅質素一樣，點知令我好失望！芋泥冇深圳咁多，呢到嘅只係好少，得個杯嘅邊邊有，睇落去好似好多，其實好稀，啲奶味又怪怪地咁，但又賣成$39，其實真係唔值呢個價囉！ 好彩都唔係排左好耐，都冇咁嬲！…Read More

今次飲芋頭西米鮮奶佢真係唔會好似出面咁加芋頭香精，而係真係純鮮奶加真芋泥同西米， 啲芋頭仲要唔係好甜，甜度適中，西米仲要勁多，好足料。每一啖個口感都好豐富，啲芋泥仲要唔係完全泥，會有啲芋頭粒，有啲咬口，而且價錢合理$26。非常滿意，又可以唔加冰，會再飲！…Read More

今次飲芋頭芋圓奶仲記得我第一次飲呢個嘅時候係超級正，因為戈時啲芋泥係超多，芋圓都比較淋，係我飲過最好飲最出色嘅芋頭奶。但依家水準已經下降曬，有啲可惜！佢依家啲芋泥變到好少，融合埋啲奶， 啜唔到啲芋泥了！希望可以去返以前嘅水準啦！…Read More

揀左黑白燒賣，$15 有6粒，黑白各3粒，每粒都好大隻。兩種個口感都非常好，好煙韌，唔會好似平時出面食戈啲咁粉。另外，普通燒賣佢都唔會好似其他燒賣有啲肥豬肉，一啲肥膏都冇。而墨汁燒賣都好出色，係會食到好香墨魚汁個味。最重要係食完唔口渴！同埋可以唔使落豉油都好夠味，佢啲豉油都幾鹹。…Read More

看見網上食評寫到個豬軟骨好好味，於是特地來試試。 我選了咖喱豬軟骨飯，咖喱是日本咖喱。可能本人本身是重口味，所以覺得個豬軟骨唔夠味。雖然好淋，但始終會有啲渣，只係近軟骨部分既肉會好淋。可能比左較高期望，而且$65都算貴，所以覺得唔係咁值得再回頭吃。但食完之後真係唔口渴既。…Read More

3.6牛乳南瓜湯竹笙雞比肉米線$46其實我係為左佢既湯而食，一飲落去戈啖真係好重奶味，而且啲南瓜係打到爛曬，所以個湯比較結，好正，而且食完真係唔口渴。如果可以唔揀雞比肉就好，因為好大陣雪藏味，唔好食！如果可以轉做菇就更加健康了，又唔會搶左個湯底味！…Read More

每次去食都係食B餐-火腿蛋肉鬆每次食都咁好食，水準keep 到。個皮脆得來又煙韌，好香口。啲陷有番茄、生菜、蛋仲要有少少蛋醬流出架，配埋肉鬆同火腿真係絕配！ 味道真係好好食丫！ 最讓我回頭既其中一個原因係老闆既禮貌同好客！不過每次食既時候都有啲困難 因為個紙包住來食有時唔小心食埋張紙，可以想想點改善呢！ …Read More

食$288/人既餐， 食到捧住個肚走！1. 首先來個凍蟹，好鮮甜，仲有少少咸咸地配埋個泰式生蝦醬。成疏疏肉，太正了！2. 咖喱蟹：個蟹比個凍蟹仲大隻啲，都係咁新鮮，啲肉好嫩滑！個咖喱醬汁唔係普通咖喱醬，好欣賞佢既係仲會有蛋絲係入面，仲帶點椰香。好好食，做得好出色！3. 邊爐有兩個湯底，分別係麻辣同清湯 麻辣湯底落足功夫，有花椒、八角、當歸、鴨血、好多香料。個湯好香好麻。4. 清湯有紅棗、玉竹等藥材，連個湯底都咁好心思。5. 邊爐配一碟安格斯牛頸脊，好重牛味，如果再薄啲會更好。不過好新鮮！6. 邊爐配菜： 粟米：十分甜 芋頭：夠粉、淋，唔會生水 南瓜： 甜、淋嚮鈴同魚皮：超大條同好脆鯇魚片：好新鮮、爽，唔似出面啲梅梅欄欄。蟹柳棒：好長、甜鮮冬菇：好有心機，每個都有介開 咁熟左後就好靚豆腐包：入面有蟹籽 好特別韓國年糕：煲耐左後食落就好似牛筋咁 太正了烏冬係讚岐，薯粉好QQ呢到樣樣食材都好新鮮，又好細心預備濕紙巾同手套。仲有有好好聽既歌，可以好享受地食。唯一需要改落就係冷氣唔夠！…Read More

點了香煎芒果糯米飯 （$38）平時吃那些是黑糯米或只是普通白糯米，仲有只係得面頭有椰漿。但首先今次個口感非常正，煎後 個飯係外脆內軟，真係似食緊飯焦咁。入面仲要有甜甜的椰漿味。 表面仲蘸了椰絲。個芒果就略為少左啲。不過都好食 少少酸 我鐘意。 好特別超值得食！…Read More

這次點了5樣。第一樣係鐵板豬手，個味唔錯，都濃，個皮都好淋，好多膠質，可惜既係啲肉好鞋、柴呢。第二樣係咖喱海鮮包，單單食佢個咖喱就覺得個味差啲，但竟然用面包點啲咖喱來食又夠味wo,舊包索曬啲汁個口感超淋超正。另外，個包入面有兩大青口，青口就麻麻，入面仲有好多炸班塊，班塊耐左就冇咁好食；鮮魷就幾脆口。 仲有啲3色椒。總體講，都好味既。第三樣係菠蘿海鮮飯。呢個真係好好味，係咖喱味既飯，面頭有腰果、入面有蝦仁、面頭有八爪魚，個汁仲係酸咪咪好開胃，仲配埋啲肉鬆， 口感豐富。呢個要必吃！仲有個炒通菜, 呢個幾清，啲通菜好嫩，而且好夠味。 最後就係甜品拼盤（細$38），只係個白色戈舊面頭係椰子味，下面有芋頭粒同西米；另一舊黃色既面頭係芒果醬，下面一樣。個拼盤係呢個好食，其他就⋯…Read More

第一次來，選了大啡菇芝士牛肉漢堡同芝士扭扭薯條。先講個burger, 入面有牛肉，番茄，生菜，芝士仲有大啡菇。塊牛肉好厚，當据扒都得， 好多肉質，而且啲肉仲有少少筋，唔係爛曬，同埋因為厚，唔似平時戈啲咁鞋，仲有個味都好香牛味。 個大啡菇都好係原汁原味，好香，同埋好淋。 成個包好大個好夾。個薯條都好好食，好脆，配埋芝士簡直係perfect!不過就好咸。同埋其實都真係幾貴…Read More

第一次來，點了一意粉一飯。第一個是海鮮意大利飯（$72），這是白汁，味道很夠，但就好重香草味，食落你會以為食緊番茄醬既味，同平時既白汁好唔同。味道係好味的，而且好有層次。海鮮都好多不同種類既，有青口、帶子（好大隻）、蜆仲有蝦，幾樣都新鮮。 就唔係戈啲墨魚圈或蟹柳，真係好足料！另外一個係番茄帶子意粉（$72）。好多醬汁正，唔會乾，而且真係有番茄肉，個醬比較酸，因為本人中意酸，所以覺得好好食。唯一唔好都係好重香草味。此外，啲帶子都好大粒，係燒過來，所以好香。 總括來講好好味，而且重料，同埋唔使加一。但係就貴，細碟同好重香草味。 唔知有冇得改善呢！相信佢其他野都會好好味。佢呢間既特色係中西fusion, 佢會落芫西。都幾特別！…Read More