萳茜's Profile

見派傳單發現荔枝角億利1樓開左間新泰國餐廳。一向我都好喜愛泰式食品，就試下啦。今次已經係第二次光顧。因為上次黃咖哩蟹餅飯有驚喜。今次就特登再試下黃咖喱雞扒＋油飯。黃咖喱香氣四溢，食落濃郁帶點甜味。雞扒大大塊，煮得個皮好香脆，而肉口嫩滑。由由咖哩已經好夠味，油飯反而多左，配白飯都已經好夠。So far, 蟹餅同雞扒都做得唔錯。希望下次試埋冬陰公先。價錢公道，而且好食。值得番啅我2次都係外賣，出得都幾快。…Read More

難得一天搭車唔使錢，就求其上架車，隨意咁周圍去。就係咁我蕩左去太子睇花。諗住買盤花，點知俾一陣陣嘅焙烘嘅香味吸引住。最重要係陣住口罩都聞到係好香好香。途住香味嘅方向行，發現呢間鋪出出入入嘅人好多。雖然外表好舊式，但咁多人入去...一定有古怪一開始係一袋袋剛出嘅蛋糕仔吸引到我，但後來發現每個人入黎都一包包咁買曲奇餅。咁我當然係唔知佢出名啦～發夢咁望住個玻璃櫃十多款嘅曲奇餅，十五十六咁，究竟邊款先係出名嘅呢？一磅賣110蚊，半磅就58蚊，係以試試嘅心態最後揀左半磅夏威夷果仁＋牛油曲奇，同蛋糕仔。返再屋企逼不及待要開黎試下，蛋糕仔蛋味重，一啖一個，但如果大少少會好啲。再試試曲奇，真係好香，好鬆化。半磅真係唔夠喉。真心想推介俾朋友…Read More

呢間開左都有半年，次次經過都多人排隊，莫講話假日，閒日都係一樣。我已經揀啲最少人嘅時間搏一個機會，好不容易，終於見到飛雲...餐廳枱就唔多，張枱細細張，2個人去啱啱好。我就叫左個梳乎厘pancake同一杯Tiramisu Coffee,自己慢慢嘆。餐廳好啱我呢啲慢活之人，啲嘢慢慢黎，唔好急。如果諗住等睇戲前搵個位坐食少少嘢，攝果少少時間，真係勸你唔好啦～又要催人，又食得急，真係品嚐唔到食物真正嘅味道。pancake整嘅時間預15至20分鐘。所以可以慢慢嘆住coffee等，寫意寫意。到上碟啦～present出黎好靚，pancake整到啱啱好，如果compare日本果啲係爭少少嘅，但整體上係好食，造到空氣感，唔會有雞蛋嘅腥味，又無太粉嘅感覺。…Read More

減價戰下2間點心鋪鬥到你死我活，呢間係貴1蚊，門面上係舊啲，但真係做左好耐，唔好食嘅都唔會做左咁耐啦。22蚊有2籠邊度搵呀～最重要啲山竹牛肉同燒賣都大大粒。糯米雞大大個都只係19蚊。CP值真係高，Yummy…Read More

張保仔係我一直好想上嘅船，以前主要做旅客多，既然疫情無得出國，咁就係香港chill下。我係aqualuna個website做booking，張保仔其實有好幾個航遊plan，Dinner都有，不過就貴左啲，但如果同鍾意嘅人一齊去夜晚應該都幾浪漫嘅～我就book左平日Afternoon tea， $798 for 2位。我就3點半尖沙咀1號位上船，要預早少少係度等船，呢個trip真係好啱同閨密一齊去，影相一流。船程預個半鐘時間，唔好以為好夠時間，其實好忙，又要影相，又要食嘢，又想睇景，唔經唔覺就好快落船，真係開心嘅時間過得特別快。我覺得afternoon tea水準都唔錯，至少好過一啲酒店嘅tea set. 但唯一受影響就係風太大，tea set黎到無耐，轉個頭就吹凍左，而且張枱好細，都唔知點放碟好。waiter都好好，佢地都會幫客人影相，而且影得都唔錯。整體上好滿意…Read More

唔做嘢最好就係約返啲損友食返餐好嘅。佢地揀左呢間，位置算方便，餐廳光猛，坐得好舒服。餐廳gimmick係高速輸送帶上牛，都幾得意。我地揀左4百幾個set, 我都唔記得入面有咩牛，只知有啲係有牛味，有啲係無。自助bar嘅嘢飲同甜品係好吸引，企理得黎，睇落樣樣都想試下。我朋友叫左個韓式伴飯，都幾足份量，以我眼見應該足2人食🤣，我都叫左個紫菜飯，可惜紫菜唔夠多，爭少少。總括：唔可以話唔好食，係少少貴only…Read More

原本諗住同個fd食個birthday lunch,點知餐廳原來已經轉左自助午餐。我book位果陣又無人提，我仲要預先講明係想慶祝birthday想order定個cake。我知道平日lunch時間都唔會full,所以walkin其實無問題。去到講明左book左位，職員又好似無sense，咁我都估到應該無幫我準備個cake架啦。咁講返佢個半自助午餐先，最貴都唔過200，所以價錢上可以接受，而且環境寧靜，下午時間同朋友傾計，坐足成個下午其實幾爽。自助bar啲嘢食好新鮮，而且個餐湯都好好飲，質素上係ok. 反而main course就爭少少，叫左個厚切西冷，好似細舊左少少本來諗住俾個surprise 個fd,最後surprise 果個係我...搞到我安排上好似失當咁…Read More

諗住同娘親慶祝生日咪揀食buffet囉。都已經考量左一排究竟揀邊間。但原來真係唔好亂試新酒店嘅buffet, 係會出事架。間餐廳gimmick係火車，個外表係咪可以嘅，但buffet真係爭啲，餐廳一黎唔大，二黎set buffet位真係細，可以話一眼關七。真心建議整半自助餐，好過全buffet.星期六buffet收費485，有8折，唔好以為好抵。實質有compare真係覺得唔值。唔好以為多海鮮揀，實質凍麵包蟹，蝦同青口同螺4款，所以唔好期望有生蠔。然後沙律位都已經佔左3分2張枱🙄真係行個圈都揀唔到食咩。湯就有周打蜆湯同青紅蘿蔔湯我諗最揀得落手都係熟食，我一開始啲牛都熟啲，但後期攞嘅，我媽覺得太生。每位都送大蝦同鮑魚一客，我諗係最多好食架啦。甜品又唔吸引，似去啲cheap cheap放題嘅甜品部咁。總結...not good, cp值低…Read More

晏晝2點幾黎食下嘢，都已經過左繁忙時間，侍應都提用餐時間個半鐘就要交枱我同朋友就叫左個lunch set，朋友叫左個雞卷，我就叫左個墨西哥薄餅（impossible 黎嘅）。然後同朋友再加30蚊叫左雞翼。雞翼CP值好低...30蚊得3隻，仲要細細隻，真係唔加無咁嬲。我就好欣賞個墨西哥薄餅，因為impossible 嘅肉比真肉好食，食落又唔乾。雞卷就大舊得黎乾，但我覺得岩做gym嘅人食嘅。最後侍應都無迫個半鐘交枱嘅...…Read More

好耐無黎呢條食街食飯，朋友揀左呢間，心諗連地圖都唔使搵啦～點知呢...餐廳嘅隱藏能力非常高，明明到左你又發現唔到佢，發現到佢又搵唔到門口果下搞笑。問人話門口係燈柱位啦，點知都有一班盲毛同我一樣，望到又入唔到，明明係正門口位開緊門，呀～佢地又開唔到。 懷疑間餐廳set左個潔界，有緣嘅自然入到。講完廢話啦～餐廳環境暗暗地幾浪漫呀，services 都幾好，我同朋友們都非常appreciate. 所以餐飯都食得幾開心。我地一班人叫左個雞絲salad, pizza, 龍蝦risotto, rib同青口。（我記性有限，唔記得啲名..hahaha）上菜都幾快，估唔到最先上係個龍蝦risotto, present出黎靚之餘，仲要幾好食。我最欣賞就係個rib, 我最怕食有骨嘅菜，但呢個整得好腍，啲肉用刀輕輕一切都已經食到。青口正常,creamy.但肉就細粒左少少。pizza同salad都ok， 因為我都食左唔少…Read More

一年總有2日想叫鴨...我指係片皮鴨呀～心邪嘅去面面璧先~我朋友就揀左呢間，聽聞walk in係食唔到架，所以就book左8點。上去早左成半個鐘，企係門口，見到啲鴨已經流哂水口啦不過餐廳都跟返時間先俾我地坐，我絕對理解嘅..餐廳唔大，眼睛所見到嘅大約十幾枱，其實真係幾full。真係聞名不如見面。有得坐當然開返壺茶先，問佢有咩茶揀，佢話有玫瑰荔枝，桂花烏龍，之後我記唔記得啦。因為一聽桂花烏龍就好想試，茶到..（喂呀～乜咁好飲嘅...我飲茶都飲飽啦）朋友係有選擇困難症，揀左勁耐都未落到單，啲侍應都好好，見我地仲未落都會推薦一下有咩套餐。唔係hard sell我地，係我地麻n煩姐。然後就叫左半隻鴨，小籠包，奶油津白同蟹粉撈麵。鴨到前，會有幾片一口鴨鴨俾你嗒下，侍應會建議你點沙糖食. 果然食落口度有“叮”一聲嘅感覺。yummy yummy.不過因為枱細，上得隻鴨加啲配料已經張枱無位。呢度啲鴨鴨真係好好食，皮嘅油份同肉片出黎岩岩好，加埋啲配料包住食，真係美味。拿...我真係至在食鴨，所以其他菜就輕輕帶過就算。小籠包，不過不失，夾起唔會漏汁。津白就....okok.我無意見。蟹粉撈麵就真係試下就好嘞，對我黎講係有啲咸，同少蟹粉嘅。呢啲留返俾食得唔好嘥嘅朋友就好啦～總括...叫鴨之地不叫鴨，去黎做咩呀～一定要叫返隻坐下枱…Read More

屯馬開通真的很興奮～～今日去黃埔就試試經屯馬線去何文田再轉地鐵...都算幾方便，由地鐵站行過黎都唔算太遠朋友揀左呢間red sugar chill一chill先。嘉里酒店位置都算係旺中帶靜，星期五happy hour都唔多人。上到去門口，waitress 會問去bar定食中菜，我仲以為bar嘅地方細，點知outdoor 同indoor都咁寬敞。大多數去嘅都係外籍人士，outdoor個境好靚，對住維港，如果唔係天氣太熱，我都會選擇outdoor.我同朋友第一杯都係叫cocktail 先，但杯cocktail 完全係無酒精咁，得個甜字，朋友果杯都係一樣，然後我地諗住叫支白酒，點知below 500嘅都已經無哂，唯有叫紅酒啦，點知都一樣。最後發現house wine果幾款都仲有bottle, 仲within our budget.meun 小食唔多，而且有啲小食都係中式。估唔到叫左款南乳炸雞都幾好食。由於係bar無其他嘢食，唯有8點閃返出去黃埔搵食。…Read More

屯門巿中心不停開食肆，唔知以為個個屯門之友屋企住左個無飯煮婦。今期掛住台灣，每次去台灣都要食個地道滷肉飯，所以就去左百芳買個便當返屋企，我叫返個滷肉飯＋黑糖冬瓜茶。埋單都有點貴，要成64蚊。賣相都唔錯，滷肉飯啲汁大多集中哂係中間，攪拌後就味道岩岩好，都似台灣食開嘅味道，個便當都ok均衡，有菜有肉有蛋，岩哂我。但黑糖冬瓜茶就真係過份地甜，冬瓜茶本身已經甜，再加埋黑糖真係甜上加甜係屋企就可以分成2杯再加多啲冰，等溶化後個味算正常返啲....…Read More

呢間餐廳開左咁耐，從來都唔係我個選擇list之內，點解？1.outback係隔離，2.每次經過都唔多人，一定有古怪。環境上其實都有啲格調，但價錢上佢都唔係平，所以心目中對食物質素會有一定嘅要求。我lunch同朋友黎，估唔到都要等位喎～呀～平時啲餐廳嘅all day breakfast，佢就改左做big boner breakfast (晨光第一炮），係幾有創意，但同格調有少少多唔夾囉。我叫左個三文魚菠菜寬條麵，然後朋友就叫左第一炮🙄但我相信最safe嘅就係佢果炮。落完order，就已有餐湯，如無意外我飲嘅係龍蝦湯？個湯都有點稀，而且啲蝦肉有點霉。只可以講...飲多啖都唔係好想。我湯都未飲哂，個寬條麵就極速到左，外表上係有啲，食落就覺得全部嘢係分開整，啲汁似淋上去咁，啲麵係掛唔起個汁，而且個麵係無乜溫感，我食下食下先醒起入面應該係有菠菜，但菠菜嘅份量係應該可以數得出，無違反商品說明條例咁囉:(其實都唔難煮，但都可以咁難食我諗朋友果一炮應該唔會伏呱，因為都係煎煎煎...都大碟嘅。我諗餐廳最適宜係飲coffee，無伏先...…Read More

平日又同朋友搵地方hea，疫情天天困係屋企，人都癲。天氣熱，都係室內舒服啲，所以今日揀左食呢間西班牙菜，佢都有分店係其他地方，外表就幾靚啦，但未試過。呢間係上環，一出地鐵站行2步就到，好方便。我係有book位加早到左嘅，不過呢..已經過哂食飯時間，所以都可以順利入坐，慢慢等朋友。我諗餐廳客路都係 lunch 同 dinner，一到左2點，餐廳就已經無乜人。朋友黎到，佢好照顧我呢個恐龍胃，所以除左叫主食，都叫左小食。我地叫左個軟殼蟹忌廉汁天使麵，一人份量西班牙海鮮飯，小食就叫左set西班牙蛋餅＋西班牙多士＋炸魷魚圈。其實餐廳食物上都算中規中矩，係個西班牙多士奇怪啲，多士就香蒜脆多士，但配上蕃茄仔，Parma ham同沙甸魚，食落好似各有各食咁，味道mix唔到埋一齊咁囉。真係好疑惑，西班牙人係咪真係有呢味。然後西班牙蛋餅，佢中間夾雜左啲洋蔥粒咁煎，都可以嘅。炸魷魚圈，正常用粉漿一齊炸，無咩特別。西班牙海鮮飯，其實都幾巧廚師手藝，唔係間間煮得好食，呢間都好足料，ok，但又未至於我會番兜。軟殼蟹天使麵，反而又唔錯，隻蟹炸得岩岩好。:)然而我同朋友都坐足3粒鐘嘅...平日都不失為一個好地方題外話：乜西班牙啲歌詞咁單調，一個Barcelona 就可以唱哂成首歌。有機會去聽下研究下…Read More