大飯店老闆's Profile

呢間點心小店方便就腳，係正商場門口，想平平地食下點心係唔錯選擇。叫左全日一人餐，有籠仔蒸飯、陳村粉㨂，食過幾次味道唔錯。再飲埋個燉湯，食兩粒蝦餃，好滿足。其他點心都係自家制，唔錯👍整體係合格有誠意嘅小店，水準方面當然比唔上酒樓或者米芝蓮點心名店，但睇得出師傅努力做好每款點心👍 間中有創意點心，有時幾好食，有時又伏伏地😂 環境係小店格局，出餐都要多啲時間，要有啲耐性。位置唔多，繁忙時間可能要拎張飛再去行下街先。…Read More

見到新聞，特意過來幫襯支持一下，裝修新淨舒適，坐得好濶落。叫左紅燒牛肉麵，擺盤有心機，賣相加左分👍紅燒牛肉食落都夠淋，牛筋就比較有咬口，味道適中，食落去係好舒服嘅。另外再叫左個鹽酥豬扒，外皮咸香鬆脆，豬扒都淋身唔係紙皮，食得出係即炸👍係荃灣黎講，佢價錢唔算最平，味道都未必係最好，但睇得出各樣野都好俾心機做，環境乾淨舒適，hea 下食碗麵飲杯野係唔錯嘅選擇👍如果飲品可以跟麵、飯，做番減$8-10，應該可以增加競爭力…Read More

下午兩點幾經過，之前一直都想試吓呢間小點，就入去試吓。由於閒日下午關係，店內無客，店面不大，我坐低就叫左牛肉芝士漢堡。等左三個字左右，一來到見到賣相都非常好，漢堡砌得好有心機👍麵包有烘過，表面嘅芝麻都好香口，塊漢堡非常厚，有洋蔥增加口感，肉汁都豐富，係新鮮即叫即整👍 調味我覺得係淡口嘅，食得出牛肉嘅味道，加埋重味嘅煙肉就啱晒😋配埋芝士、煙肉、蕃茄同生菜，整體非常之match! 由於厚度問題，要一啖咬晒成個包係有難度，要無乜儀態咁😂再試下薯條，比M記既粗身，口感外脆內軟，係我鍾意嘅口感👍個餐仲有小沙律，平衡番個包嘅油膩感。另外仲叫左杯咖啡$16，係普通即溶，下次都係配番汽水夾啲。如果平時lunch 餐牌選擇，有呢個漢堡就正啦👍…Read More

下晝4點入到去，原來只有最後一塊漢堡扒，遲少少入嚟既客人都沒有了。即刻叫左個鄰居漢堡跟餐，漢堡砌得幾靚仔，麵包都有煎香，要一啖咬晒都有啲難度，味道唔錯。不過塊菠蘿味道有啲霸道，蓋過其他食材味道，下次叫芝士漢堡試試👍…Read More

好耐無寫食評~但呢間店係朋友的 fd 開的, 咁就重出江湖評下先~lunch 去買珍珠奶茶大杯半糖 $14, 有 3 個 counter 唔駛等 very good!制作時間10個號碼等 3 分鐘ok! 但應該可以再快d~ 大熱天時, 香港人乜都要快~ 半糖味道清淡~ expected~珍珠咬落煙靭~ 有趙頭~ 甜甜地熟透~ good!但茶味偏淡... 有的說, 淡茶味的珍珠奶茶係台灣正宗風味~ 係荃灣試過係茶味香濃的~ so 新店呢方面真係有待改善~~ 員工有笑容, 比起貢茶d黑晒口面的好得多~~ 不過貢茶人多的 gimmick 也多, 輕鬆飲難飲但夠平, happy lemon 雖然貴但穩定...mk come buy 睇黎要加把勁~ 原本比 ok 面的, 笑臉當然係俾面啦~~ XD…Read More

之前去過尖咀店, 知道始創開了後就兩了這間兩次! 試過不少sushi 味道都幾好, 魚生又幾fresh, 蒸蛋都幾滑! 經常會有d 新款口味無咁悶, 試過雞軟骨餃子幾好味又有口感! 4 人卡位幾好坐! 普通bar 就例牌比較迫, 總體黎講幾好咁, 不過值唔值排隊等咁耐就見仁見智了, 因我對她迫客人罰企等位法有點不滿的! …Read More

之前想黎好耐, 但一值都唔知係邊, 經朋友帶來試後, 便一口氣來了三次! 先說等位, 例牌要人齊先俾入之類之類, 小店人多無辦法啦! 九州湯麵的湯底好正, 好香濃, 和在日本試到的差不多! 拉麵夠彈牙, 配料就不過不失啦! 由於正宗的九州拉麵湯底一般都好油同比較濃, 所以食完會口渴好正常, 唔受得就要試清湯! 另外仲試過咖哩牛肉拉麵, 醬油湯底, d 咖哩好香, 湯底濃得黎又唔係死喊, 正! 但牛肉就好un, 麻麻地了! 講拉麵佢的確正過味千好多! 又試過牛肉飯, d 牛肉的牛味比吉野家更出, 更好味! 如果鍾意吉野家的要去試下! 小食就普普通通啦! 暫時試過的不多! 夜晚的姐姐仔侍應好好笑容, 唔該前唔該後咁幾有禮貌! 不過環境擠迫, 仲成日有小昆蟲飛飛下, 呢d 點都要扣分呀, 話晒係食肆麻!…Read More

很久沒有寫食評, 因為近來都沒有特別好或差的餐廳想寫! 這次就一口氣寫三個吧! 上星期六和友人來此, 聽聞都不錯所以就試下了! 試了以下食品：跟餐沙律- 很難食, 沒有怎樣吃到, 侍應見狀主動問係咪唔o岩口味, 換了餐湯給我, 麵包都暖暖的, 牛油都幾好味! 前菜- 焗田螺, 田螺份量不多, 味道普通, 但拌底的薯蓉很香cream 及牛油味, 正!主菜要了- 是日special 安格斯牛柳6 成熟及自選餡料天使麵配芝士汁。牛柳份量頗大, 都有牛味, 拌碟薯條很脆口! 天使麵的餡料要了帶子, 蝦及蜆, 都幾fresh, 而個芝士白汁就香濃惹味又不太咸! 要了兩杯沙冰- 芒果及mixed berry, 味道清新不太甜, 幾o岩飲! 最後要了tiramisu 當生日cake, 侍應都細心的寫上happy birthday 及點上candle, 味道都唔錯! 環境方面都好清靜, 人客不多, 樓底夠高, 坐得幾舒服! 剛巧8 點前埋單$365, 咁既質素都幾抵! 會再去! 唯一缺點係沒有洗手間, 較為唔方便! …Read More

環境幾靚, 而且幾舒服, 望正維港景, 感覺好close, 但如果坐open area, 感覺應該總有點怪, 間中有d 海風吹下入黎! 服務也很細心週到, 侍應多面帶笑容! 但講番食物, pizza 味道都ok, 但未算好味。問題出在個Mixed Grilled 雜扒上, 又鞋又, 一d 肉汁都無... 超難食... 我情願食大家樂... so awful... 最後都叫左個tiramisu, 味道幾好, 叫做有個good ending!…Read More

昨晚原訂了魚一丁, 但上個星期才剛吃完, 所以走來和花亭碰運氣, 之前想來, 但等位實在人太多了。看上餐牌, 其實價錢和元氣差不多, 但食物質素明顯新鮮d! 試過三文魚, 特大帶子, 松葉蟹等, 質素都幾好, 如果唔駛等位絕對食得過!…Read More

已經來過增輝3 次, 試過不少小菜, 全部都有水準。羊腩煲, 豉油王鮮魷, 黃金炒飯, 蒜蓉蒸扇貝, 豆豉鯪魚油墨菜, 全部也有水準。但最高水準的, 首推炸物, 任何炸出來的食, 全部也極香脆, 但碟上一滴油也沒有! 神乎其技! 次次也點油炸鬼, 沒有一次失準；椒鮮魷價錢合理, 環境當然不會太乾淨, 但就可以接受；唯獨是佢地太忙太多客, 叫極都無乜人理, 但個個都不會黑面而且有笑容, 也是可以接受的。始終大排係講風味和食味, 服務及乾淨呢d 不能太苛求！…Read More

我都寫了數十個食評, 有彈有讚, 但不知道如何可以寫鱔稿, 如果知道請告知, 讓我賺點外快。星期一晚又和友人光顧了, 她就是第一次和我光顧此店的, 當時她劣評如潮, 今天再來她的評價也說不錯。此小店算是比較有盛意的, 但水準不隱確是事實, 刺身到今天還是惡劣, 剛試了焗生蠔, 又是難吃的! 不過避重就輕, 來此店不叫刺生生蠔, 因這些講求食物新鮮, 但此小店暫時仍是做不到；但叫些大路的火龍巻, 海鮮粥及蒜片炒有肋骨, 這些我都幾滿意, 而且看得出小店的盛意。…Read More

約左友人係深水步8:30pm, 想去稻香, 但要等好耐下... 去有骨氣又悶悶地... 最後決定去好多人都介紹正既骨烋皇試試... 由於本身幾熟大角咀的路, 加上有楂車, 所以都幾易搵到, 而個度泊車都幾容易搵位, 但由於見到鐵馬叔叔好努力咁係度抄牌, 最後都係泊左停車場, $10 一個鐘, 好過心掛掛食得唔安樂!去到當然叫左豬骨煲, 但就唔記得巴士大佬教個招"細煲大煲上"。由於佢的細煲其實已好大煲, 但佢d 豬骨仲多, 根本無乜位可以烚野食... 咁唯有堆起d 豬骨係一邊, 先自有d 位烚下... 一口氣叫了：豬骨煲(細) $60 - 掂, 湯底夠味, 胡椒有少少辣, 豬骨入味, 粟米超甜, 當然湯底是有味精啦!頂級肥牛(大) $128 - 普通, 唔夠雪花, 比較, 但食得出有牛味生蠔(例) - $40 新鮮, 充滿蠔味但又一D 都唔醒...蟶子(例) - $40 幾好, 但比較細隻無乜肉食...大蜆(例) - $50 正, 新鮮又甜, 但唯一美中不足是始終有少少沙係入面...花枝片- $15 超簿, 爽口但就無乜魷魚味LU...墨魚滑- $30 彈牙有咬口, 好味~蟹粉丸- $15 應該是交來貨式, 不評!炸魚皮- $15 炸得幾好, 夠脆口!豆苗- $15 當造自然甜蓎蒿- $15 個人喜好2 人埋單雖然$430, 看似好貴, 但實際吃了很多新鮮正海鮮, 所以其實絕對接受到! 如果不叫頂級肥牛, 食普通貨, 應該$3XX 已落到樓! 環境方面, 以大排檔算係企理, 但就唔少人猜枚同玩"式宗", 所以都幾燥同大煙, 洗手間也比較污糟, 待應姐仔哥仔都唔係幾理人... 但又無話黑面... …Read More

個次去去元朗食日本野, 等位有排, 就去食個甜品先, 經我大力反對後, d friend 都堅持黎食... 無計...入到去坐低, 完全無野好揀, 見其他人台台都唔係食甜品, 淨係食腸粉魚蛋, 都心知不妙... 最終只好叫個細B仔, O念住食下生果都好丫... 點知佢比觀頭生果+ 涼粉, 咁就收我$30... 大佬, 觀頭生果我邊度駛黎呢度食, 去超市買觀雜果同涼粉咪得囉... 真比佢吹漲... D FRIEND 的糖水都很難食, 食淨晒... 食完佢地彈左句出黎:"都係松記好D!"我話："你地唔係搵松記同呢間比呀?? 呢間連許留山都比唔上喎!!"佢地再話："D 人楂車由九龍入黎食GA, 呢間都有D 過人之處的!"我答："佢地傻啦, 滿記, 許留山, 大良八記四圍都有, 點都好食過呢度啦... 入黎不如去深井發記..."未講完, 俾D FRIEND 夾住埋單, 佢地驚講落去我出唔到門口。…Read More

我幾年前去過上海食過小籠包, 正到不得了! 跟住過到去台灣頂泰豐, 發覺都不外如是, 知道香港開左分店, 想話約埋O個時去上海的FRIEND 去試, 但估不到劣評如潮。譚如頭, 小肥羊呢D 內地名店, 難道真的要回祖國才吃得好嗎? …Read More