lam ming wai's Profile

咁啱喺附近，所以喺K睇買左買一送一優惠，換嘅時候只係想要少甜，點知只換到一句用優惠乜都冇得改，少甜都唔可以，服務一絕。咁大枝嘢唔該唔好做優惠，我以後亦一定唔會比錢受氣…Read More

明知車軚人已成為廣告商，遊客多過本地人唔正常。但當做到夜晚8點幾，行過見等一陣就可以入去嘅時候，就嘗到唔諗清楚嘅代價門口姐姐好有目標，我喺門口諗緊等唔等嗰陣，佢會9秒9同你講鵝要留，留左後我已成透明人。門囗其他睇緊嘅人問例牌要後半部分得唔得，姐姐即答幫佢搞同比飛人地等位。咁我冇奶油唔問吓，點知問乜都係答一係例牌一係半隻，專業。其實當時就應該離開，可惜想食完早d返屋企嘅我冇再諗。結果係一碟$150 嘅例牌燒鵝同食車軚差不多，鞋到冇朋友，我倆個人食左約25分鐘就走，嬲爆。甘老先生嘅名聲完全被後人添上污㸃。希望大家入去前可再三思，酒店價嘅車軚燒鵝，一班變面高手嘅伙記，同朝早撘地鐵差唔多嘅坐位空間...... 行多幾步一定有其他更好嘅選擇。…Read More

銅鑼灣兩個人食個晚飯，環境唔錯，服務幾好，4xx唔算貴。可惜……味道根本未達基本要求。我兩個叫左沙律(正常)、mussels、帶子意粉+牛仔骨。店名叫得Pasta，果然意粉texture唔差，但……帶子完全冇味，另一碟mussels都係，最高係牛仔骨都可以煮到冇味，再加上絕對要考牙力嘅堅硬度，搵唔到再坐落去嘅理由！…Read More

基本上唔可以叫燒烤店，我同老婆坐喺近廚房位置，睇住大部份都係微波爐叮出黎！最多用枝火槍燒一吓。唉！冇heart！！最惨係叮都叮唔熱，我要份餃子雞亦竟然裡面仲係凍嘅，叮都叮得唔好。價錢又唔平，真係自己去便利店叮幾盒嘢好過。一定唔會再去！！…Read More