TC 12's Profile

之前成日排晒隊，今次見佢無咩人就試下先。今次試左佢嘅瑞士汁雞翼水餃腩肉拉麵，原先係想食薯粉但賣晒，所以就叫左佢嘅上海拉麵。聽聞佢地出色嘅係佢地嘅甜品，我就選左個芒果布甸。甜品就送完即止。由於係叫外賣，所以佢個湯係分開上，個湯係豬骨湯就底，都好甜，撈埋落個麵到就更甜，因為揀左瑞士汁底嘅關係。所以甜上加甜。可能下次就要加埋佢個辣汁先會平衡番。汁料最多選擇兩款，多過兩款就要加錢。第一次都算有點驚喜，都可以再食。不過都會選擇叫外賣，皆因佢個鋪唔大，比較密集，有點迫嘅感覺。而且飲品都係得罐裝飲品揀，要加錢的。手調嘅檸茶檸水類別就免問了。大家要叫外賣暫時都要親身到鋪呀！佢地個電話原來未得，所以未可以打佢落order.…Read More

見到kkday買一送一咁抵，就想試下係未真係抵食得來又好味。 今次就試左個海鮮三式特盛晚餐。海鮮三式特盛晚餐包括：海鮮三式Shake Shake海鮮拼盤 (活鮑魚 3隻、小龍蝦 6隻、翡翠螺 4隻)前菜 1份：和風洋蔥柚子沙律/ 避風塘雞翼/ 避風塘雞軟骨/ 椒鹽粟米或秘製雞泡魚乾薄餅1份：海鮮派對/ 夏威夷風情味道：我地前菜就揀左雞翼，而pizza就各一份。食物味道比想像中好。服務：由於服務員不多（加埋整野飲嘅好似total兩個）,所以服務需要耐心等待。但當有人來嘅時候，服務態度都唔錯嘅。而且海鮮盤話無晒螺，佢地就好主動整左個蒜蓉包俾我地，同用蝦來代替。所以服務方面都好主動。但食物來嘅時間就相對耐左少少。不過因為有mv睇，都可接。環境：酒吧式西餐…Read More

訂購了片皮鴨及加購鴨炒飯。炒飯味道不錯，飯夠爽口。至於片皮鴨方面，有一盒全皮，一盒肉加皮，再加上一包薄皮及一盒青瓜加蔥。 由於要一早取貨，所以要待到晚餐才可以食用。鴨皮就變得欠缺了即時吃的口感。但整體都算不錯。唯獨是訂購時，服務員指定話食物只會在選取的時間出。如要其它時間，食物只會放於前台待收取。 但當去取外賣時，不但指定時間沒有貨，還要多待半小時。令到門外待著很多人呢！這個情況真的要改善！…Read More

喺呢度唔單只食嘢咁簡單😏😏，仲要係不斷咁行來行去🚶‍♂️🚶‍♀️，郁來郁去嘅地方🕺💃。因為你會好忙咁喺唔同嘅打卡位影相📸📸，簡直打卡仲多過食嘢🤭🤭。由於餐廳有限時2小時用餐，所以好多野都要好快好急💫💫 搞到好似張椅都未坐暖就要走咁，所以唔係聚舊嘅地方。時間⏳⏳有限，好有壓迫感🥴🥴，一係怕唔夠時間食😔😔，一係就怕唔夠時間影相📸📸 不過佢嘅色彩佈置就真係幾殺食嘅！所以如果主打想打卡嘅話，呢度係唔錯。食物賣相同味道方面都唔錯。試左佢地嘅頭盤同甜品都幾好，但可惜，真係掛住影相得來，就好難用時間去欣賞佢d食物。所以建議第一次可focus影相只叫少量食物，下次再去先focus食物。…Read More

見佢人少少，就入去買左個豆漿芋泥紅豆涼粉來食。唔知係未外賣關係，定佢本身嘅份量真係咁少。涼粉算適中，但紅豆同芋泥就真係極少，而且只係裝得大半碗到，全部以豆漿為主。咁睇法呢款甜品以＄36來計，就真係唔化算。見到其他人叫嘅款式又好似好多，咁真係一個好大對比。不過佢嘅豆漿唔甜，整體味道唔似似“糖”水，所以呢到係好嘅。…Read More

食物買相同味道都唔差，不過杯熱朱古力就完全唔熱。但完全無諗過佢地嘅服務會咁差。第一次來食野就幾樣服務都唔太理想，但最嚴重係呢樣野。事緣有食物到就會跟一份餐具，咁都明白嘅，但當其它野食未來嘅時候，但又要share嘅時候，大家都會好自然咁問侍應攞多份餐具啦！但竟然佢嘅回覆就係：餐具每次都會跟食物一齊來，等下次食物來就有。咁我地即時反應係，我地呢家想食噃，可以呢家攞套餐具俾我地嗎？佢先話可以。但之後呢位人士就做完系列嘅工作之後，仲去左做入口招待都無俾到餐具我地。最後就係等左好一段時間連同其他食續一送上。咁嘅服務，再加埋佢地食物價格唔算平，仲要成日排晒隊，又有限時，真係大打折扣。…Read More

見到圖嘅padthai 就期待想食佢。點知一來到個樣都知已經出事，點會咁紅色，仲要有pat紅醬係面。都唔緊要，可能好好食呢！一食落口，坦白講佢未致於難食到放唔落口，但一食就知佢唔係padthai啦！佢係茶記嘅超茄味又咸嘅粉。之後叫左個咸魚炒芥蘭，一粒咸魚都無，真係中伏。見佢地個樣無咁靚，所以一開始無影相。本來都唔想俾評語，諗住無咩特別，但點知食物質素係咁，所以都係要分享下。價錢又唔平，咁嘅質素真係唔太ok。大家去之前，諗一諗哦！…Read More

之前食評未有加相，今次補番幅加洲反卷相俾大家睇下。可以睇到咁多白飯嘅加洲反卷就真係第一次。size比一般細粒，但魚子又唔足，價格亦較高。如果你對加洲反卷有期望嘅話，就真係叫之前認真諗諗。有機會係唔同師傅有關，形成質素參差情況。…Read More

行過見到佢個梳乎厘pancake🥞🥞,就被吸引左入去食。點知係要230⏰⏰後先有，但好在唔係要等好耐，食完個主餐，再擋佢甜品🎂🎂咁食就啱啱好。 入到去，見到個menu都係以招牌炒蛋🍳🍳做賣點，所以點可以唔叫佢呢！除左炒蛋之外，仲見到佢有個麻辣肉丁出前一丁🍜🍜餐，出面未見過，所以就叫左佢來試試。 先講左環境先。一般茶餐廳形式，無咩特別，但夠光猛☀️☀️。而服務方面佢其中一位女侍應🤵‍♀️🤵‍♀️，落單夠爽快，將不可能變為可能，好幫得手，唔錯。不過其他就好得意，見你一停手，就算仲有野喺碟到，佢地都會問你係未食完，好想快點幫你執枱咁，真係幾特別。 食物方面，就真係要講下，俾我預期一般茶餐廳好食😋😋。 麻辣肉丁出前一丁：肉丁真係有麻辣味不過就pat醬太多，少番點就會好好，而佢個麻辣味無cover個丁麵味，味道仲好有層次，所以唔錯😚😚。 原味蜂蜜梳乎厘pancake🥞🥞：當然未及日本個隻咁好啦！但以茶餐廳做到呢個水準，都已經好好🤭🤭。 啖啖肉套餐：雞脾🍗🍗炸得剛好，外面脆得來d肉都唔乾。 流心奶黃西多士🧇🧇：一切開d奶黃就流出來，食落仲熱。而多士亦炸得剛好，無炸過龍，亦無油“益”未。 以一間茶餐廳來講，整體食物嘅味道，份量同質素真係唔錯。…Read More

環境夠寬敞，唔會話隔離就係其他客人，所以都算係chitchat聚會嘅好地方。 呢個Afternoon tea set以鹹食為主，一個細pizza🍕🍕再加酥炸魷魚同炸雞翼。甜點就有檸檬tart,朱古力🍫🍫mousse蛋糕同紅莓芝士蛋糕🍰🍰。佢其實仲有個海鹽焦糖雪糕🍨🍨無寫出來。所以建議先食左佢，否則就好快溶晒😔😔。 整體來講，以呢個價錢💰💰有呢個環境，同食到飽飽嘅份量，又真係幾抵。值得去食😋😋。…Read More

無諗過呢個位置會有間點心店。地方雖然細但勝在食物真係唔錯🤭🤭。 蝦餃燒賣：每樣點心來到都係好熱。蝦餃同燒賣來到嘅時候，真係大開眼界🤩🤩。未見過咁大粒嘅點心。仲要係好足料😚😚。一粒蝦餃都有成3隻🍤🍤蝦。真係好大。不過一籠係得2粒架咋！ 梅菜肉餅飯🍚🍚：肉餅唔太肥，亦無加油，所以比出面嘅肉餅無咁油膩，但味道仍然唔錯。 炸鹹水角：食落口真係仲會熱親個嘴，好耐無食到咁新鮮熱辣辣嘅感覺。料同汁量適中,個皮都唔錯但薄多少少就更好。 馬拉糕：好有懷舊感覺，佢仲要係成個上，唔係一件件上架！口感都ok鬆軟嘅！ 墨西哥叉燒包同叉燒包🥯🥯：墨西哥叉燒包個皮夠脆唔會“冧”晒而且夠份量，好食。而佢個叉燒包個包法同平時食開嗰重包法唔同。但兩者個料同汁量都好足👍👍，唔會話太多汁或太乾情況。亦唔會話太泛濫爆晒出來又或者包仲多過料情況。 整體來講，環境係細同窄，但勝在食物真係夠熱夠份量同夠好食😋😋。而且老闆一有時間就會出來同熟客吹下水。好有親切感，真係好似街坊食店一樣🤭🤭。…Read More

簡單文青裝修，閒聊唔錯，不過怕大風人士就要注意。因為佢地方唔大，所以冷氣機吹風位隨時喺你附近，所以怕吹風同怕凍人士就要注意啦！ 由於佢有時間⏰⏰限制，所以想長談嘅朋友就唔多建議啦！ 飲品方面：見👀👀到呢個Green組合，有羽衣甘藍、嫩菠菜、青蘋果🍏🍏、菠蘿🍍🍍同檸檬🍋🍋，好似好refresh咁，唔會只係菜青味，所以就試試佢！味道清新，無菜青味，有少少酸，係一杯易入口嘅飲品😊😊。 食物方面：叫左1個小食，2個意粉🍝🍝同1個bagel🥯🥯Stuffed Chicken wing🍗🍗 with cheese🧀🧀：stuffed cheese嘅雞翼就真係未食過，夠熱夠嫩夠芝士，但就無拉絲情況 Smoked Salmon Bagel🥯🥯：無咩特別，正常。不過因為可能意粉太rich,反而食個bagel會覺清新點無咁膩。 Linguine with crab meat avocado 🥑🥑creamLinguine with grilled scallop black truffle cream。：兩個都好creamy,黑松露嗰個嘅味道就濃d。蟹肉牛油果嗰個得好creamy口感，味道就淡點，亦無牛油果味。所以黑松露會比較好食點。由於佢地好rich,所以細細份嘅意粉都應該會好膩，所以停止繼續食都係因為佢太膩而唔係因為飽而停囉！以佢地個份量其實都唔算平。 總結，未需要排隊去食。唔駛排隊都可以一試。…Read More

可能地方比較隱世，人👫👫就唔係太多，但服務真係比想像中好👍👍，可以話好過好多5星級酒店嘅服務。由帶位，叫野食，連影相📸📸都服務周到，真係值得一讚👍👍。而景色方面就以山頂景為主，都唔錯架，至少可以望到遠遠嘅天空🏙🏙同樹景🌳🌳先。 至於Tea Set食物方面，甜點就略為多，如果鹹點可按比例多番D就會更好😏😏。而味道方面都ok正常嘅, 無話有邊樣特別突出好食😚😚！如果有埋scone就perfect，可惜就無！而整個tea set來講係夠飽嘅。 至於A La Carte 食物選擇方面都好多。佢嘅黑松露帶子意粉🍝🍝都幾好食！份量同價錢都合理。唔食Tea, 單點野食，享受下個環境同服務都唔錯。…Read More

雖然夏天🏖🏖，但都好想食d好滾♨️♨️嘅野，所以就入左石鍋堂食晏🤭🤭。首先講下環境🏞🏞同服務🤵‍♀️🤵先。環境方面：環境比較暗🌃🌃同狹窄，真係一步一驚心😰😰。如果鐘意叫好多野食嘅朋友👫👫，就真係好唔方便。皆因佢地嘅枱好細，1／3已經放左佢嘅餐具籃🍴🍴，醬汁🧂🧂，消毒gel同牙簽筒。剩餘嘅就緊緊放到個主餐🍱🍱。所以舒適度就應該無架啦！如果為左醫下肚，咁都ok。絕對唔係傾計🗣🗣聚會嘅好地方。服務方面：Waitress🤵‍♀️🤵‍♀️都好有禮貌嘅，不過講到食物供應嗰方面，大家可以注意下。睇完餐牌，打算叫嘅時候，服務員就叫咩ban🚫🚫咩，原來有好多食物午市都唔提供。所以建議大家入去前問清楚有無你想食嘅野先好入去，如果唔係就會預到呢個勁ban情況😑😑。好在食物方面可以補償番環境服務嘅情況。d食物都唔錯，可以睇下以下嘅個人分享。小食：吉烈芝士豬扒🐷🐷：size好似平時食南瓜餅咁，細細塊唔係一大片嘅。通常呢個都係主食先見到，好少放小食區。都幾好食。就算我等到最尾先食都好脆同暖。唔錯吉烈蠔：炸得金黃夠脆胡麻冷菠菜🥬🥬：胡麻醬略多左，但夠凍石燒流煎餃子🥟🥟：同一般餃子味道差不多，但佢就細得來係脹點，唔同一般日式餃子係幼長身。主食：照燒雞扒撈烏冬🐔🐔：雞扒烏冬分開上，味道都唔錯。厚切豚肉石鍋烏冬🍲🍲：豚肉同烏冬都係分開上。上到枱都滾下滾下。到食完d烏冬都係好熱。個豚肉真係好厚，同埋唔太多肥肉，瘦肉亦唔“鞋”口，唔似咬柴。好食😋😋。而我選左骨湯，湯味可以再濃少少。適合Eat,Done,Go. 要chill就唔好諗啦！…Read More

上回分享左午市，今次就分享晚市先。香煎帶子意粉🍝🍝同阿根廷紅蝦🦐🦐、蔥油腸、意式蛋黃闊麵：呢兩個意粉都好食，不過就份量真係細左d。大份番就會更好🤭🤭。烤美國春雞🐔🐔、烤薯🥔🥔、烤秋葵：本身想叫番個慢煮雞胸，點知佢只係午市先提供，所以就叫左呢個雞代替番。雖然唔係慢煮，但佢個雞肉都好嫩滑噃！無令我失望，goodgood👍👍!香煎軍曹魚扒🐟🐟、南瓜蓉、白蘆筍、青檸椰青忌簾汁：魚扒肉身夠厚，無任何雪藏味。而佢個南瓜蓉雖然係配菜，但就幾好食噃，有少少喧賓奪主嘅感覺。不過整體都好夾!甜品試左3款：蘋果🍎🍎反烤撻配雪糕🍨🍨朱古力🍫🍫心太軟配雪糕🍦🍦鮮果🍇🍇窩夫配雪糕🍨🍨3種都有個共通點，就係份量較少。特別係窩夫嗰個。大番點就好啦!3款之中，我最喜歡就係個蘋果反烤撻，唔太酸亦唔太甜，蘋果份量剛好，唔會話太多醬.夾埋雪糕🍦🍦，一冷一熱就夾到不得了。至於心太軟就無咩特別，反而個窩夫🧇🧇係menu上只係寫窩夫，但係我就食到有椰子味，唔知係未真係加左椰子🥥🥥嘅配料呢！如果係就真係有驚喜啦！…Read More