Mimi Fong's Profile

大公館位於荔枝角全新創意地標，荔枝角活化工廈D2 Place ONE最頂層，由屢獲殊榮的烹飪團隊，以現代的烹調方法做出精緻的粵菜。清香柚子凍鮑魚作為頭盤的第一道菜，以乾冰營造出煙霧離漫的感覺，鮑魚彈牙而不韌，柚子的清香帶出鮑魚的鮮味。麻香萵荀麻而不辣，爽脆清甜，交叉編織的萵筍盡顯刀工。川味口水竹絲雞做法有點似上海肴肉，但竹絲雞省卻了豬肉的油膩感，更充滿雞肉的甜味，十分驚喜。三色藜麥金沙蝦球當晚的MVP，原隻大蝦份量十足，外層炸漿薄脆不油膩，油溫控制極佳，鹹蛋黃的調味亦恰到好處，配上三色藜麥層次感豐富複雜。木瓜慢煮美國安格斯牛小排創意滿分的一道菜，軟綿的木瓜裏藏着慢煮了的牛小排，很適合炎炎夏日的配搭。脆米蒜香雞雞皮配上脆米，脆上加脆，蒜香味由外王內滲透整隻雞。西班牙火腿琥珀米皇浸時蔬津白的甜和西班牙火腿的咸鮮相映成趣，加上桃膠倍添口感。金蒜瑤柱蒸冰島鰈魚鰭籠仔飯鰈魚魚味充分，以清香的荷葉墊底，米飯粒粒分明，整道菜十分和諧。清心柚子糕與第一道菜以柚子開始，這道甜品是一個完滿的句號，首尾呼應。金箔懷薈芝麻卷淡淡的甜味沒有掩蓋其芝麻香，水準之作。…Read More

念念不忘從前北角的雪園飯店，今晚趁老媽生日，－家人終於有機會嚟到紅磡重現嘅雪園會館，再嚐舊日淮揚菜的滋味。紅磡雖然係舊區，但呢度位於新建築物內，環境十分典雅寬敞企理，最緊要係泊車方便，車停在附近家維邨行過嚟唔使5分鐘。冷盤六小碟最特別係重未試過的酒釀牛脷，主菜各具特色，份量十足，最愛香酥鴨，入口嫰滑又鬆軟。連甜點都有酒釀丸子加高力豆沙，大滿足。…Read More

好耐冇食上海菜，今晚一家人嚟開北角搵食，路過呢間小店就入去試吓。呢度環境一般，地方唔大，只有幾張枱，睇個餐牌都唔少傳統上海小菜。冷盤烤麩做得很不錯，很有老媽的味道；不過再嚟個獅子頭就有點強差人意，啲肉質好削。值得推介的係松子黃魚，酸甜味配得啱啱好，外脆內軟，整體價錢亦非常合理。…Read More

朋友推介呢間北角嘅日本料理，今日一齊去食晏。餐廳位於港運城嘅地庫，雖然位置幾隱蔽，但午市都唔少人幫襯；午市套餐大約$200+。我哋點左個什錦壽司定食同魚生飯，食材都好新鮮；後來再追加左客三文魚魚生，厚切好有口感。呢度環境幽靜，仲可以見到廚司現場製作👍🏻…Read More

大坑不嬲都多餐廳，不過價錢都唔平。今日路過銅鑼灣道呢間，見門口個牌午餐連餐湯及飲品都係$78相當吸引，所以幾個朋友一齊入去試吓。餐廳喺個轉角位，地方唔大，佈置都幾特別。每人叫左個午餐質素都相當唔錯，絕對抵食。最驚喜係個黑松露什菌酥皮 pizza,值得一試👍🏻…Read More

厚福街出名多野食，今日路過發現呢間甜品小店，門口翻下menu發現佢啲糖水唔平，有標榜加入日本金芝麻，8小時慢磨出嘅升級版限量芝麻糊 ，即管入去試吓，可惜太失所望。糖水唔夠稠而且芝麻味亦未見特別濃，唔值$38。…Read More

成班老友踩單車遊林村嚟到許願樹歇下，遇上珍姐呢間客家飯店。朋友食過佢嘅梅菜扣肉、客家咸雞、南乳炆豬手都話唔錯。我就試吓佢嘅咸豆花，估唔到啲豆腐花出奇的滑溜，配上炸菜醬油別有一番風味。…Read More

－直聽朋友講石崗有間十分地道的咖喱，今日專誠開車入嚟搵呢間隱世小店，估唔到星期五晚未到七點已經差不多爆滿。幾個店員都係南亞人士，態度親切，仲畧懂廣東話。我哋3個人試咗咖喱牛肉、菠菜芝士咖喱、素菜炒飯同鉄板炸雞；除咗個芝士咖喱稍咸外，其他菜式都好野味。特別推介佢哋嘅 nann bread,鬆軟美味，加埋3杯飲品埋單都係$400，絕對超值👍🏻…Read More

原本以為湯加只係賣湯，估唔到佢嘅下午茶亦唔錯。今日叫咗個薑絲豬膶公仔麵餐夠新鮮，連飲品都係$33，仲可以加$9追加小食，試咗2粒紅豆餡芝麻煎堆仔，味道拍得住高檔酒樓。朋友就叫左個豬扒米粉，件豬扒亦十分酥軟香口，另加$9轉咗柯涼粉奶茶，啖啖涼粉超爽口，紅豆西多亦值得推介。…Read More

疫情完結，終於可以約埋幾家人一齊飲茶。星期日中午喺度訂到張18人大枱，齊齊整整好熱鬧。點心维持一貫水準，價錢合理，燒鵝皮脆肉厚。必食嘅係懷舊蛋散，做得非常鬆脆，甜度啱啱好。…Read More

朋友係嚴𧫴素食者，每次一齊出外用膳都好搲頭。估唔到天空之城竟然有素人之選。呢度無論早餐或午餐都有素食，質素、份量、擺碟亦往往叫人有驚喜。咖啡嘅選擇都唔少；值得一試係一系列唔同味道嘅捲蛋蛋糕。…Read More

去錦繡花園探朋友，約埋一齊喺商場食下午茶。呢個商場環境清幽，圍繞住一大個湖景，偶然仲可以見到黑白天鵝，非常 relax.食肆選擇唔係太多，今日試咗牛奶冰室，值得推介嘅係黑糖牛乳涼粉，黑糖唔會太甜，奶味亦啱啱好。杯凍檸茶雖然唔見檸檬片，但係用檸汁調配，非常醒神👍🏻…Read More

每次去林村許願樹都會嚟幫襯林師奶，佢嘅混醬腸粉好嘢味，豆腐花又香滑。最正係即叫即蒸嘅傳統客家茶果，咸甜任揀，十分軟熟。回程仲可以買埋林師奶嘅自家製菜甫，唔使浸水，炒蛋一流👍🏻…Read More

今晚買咗飛去新城市廣場睇7點戲，早d去鼎泰豐食 early dinner；難得人唔多唔使排隊。點咗個油豆腐粉絲湯，味道認真麻麻，價錢當然唔平；紅油抄手同蒸素餃亦非常一般。好彩最後個排骨雞蛋炒飯有驚喜，足火喉塊豬扒亦十分酥軟香口，埋單$400+性價比都算低。…Read More

素聞漁小館好難訂枱，今次專誠約埋成班 friend嚟呢度試吓。週末六點多已經好多人，環境都幾迫，好彩上菜尚算快。今日值得推介嘅係古法枝竹羊腩煲，羊肉份量夠，完全唔羶；個風梨拔絲咕嚕肉亦好鬆軟。埋單價錢雖然唔算平，但勝在足料美味👍🏻…Read More